روايه الصياد بقلم /شيماء رضوان

الفصل السادس عشر

ضغطت نوران على حروف كلمتها قائله
م ر ا ت ه يا حلوة مراته
صدمت سحر مما سمعت ولم تتفوه بحرف اما قدريه التى اشتعلت من الغضب قالت
ازاى يتجوزك انتى واحده عدمانه وكمان من غير ما يقول انا عمرى ما كنت اتخيل انه يطلع اهبل زى ابوه وياخد واحده من الشارع
حاولت منى الحديث وكانت تقف وراءهم لولا هند التى وضعت يدها على فمها حتى لا تتحدث قائله
الله يخليكى يا ماما بلاش نوران بتعرف ترد لسانها عشرة متر متقلقيش
نظرت لها نوران بضيق واعين اتسعت من الغضب وقالت
بقولك ايه يا يا خالتى ام سحر
قاطعتها سحر قائله بقرف
ايه ام سحر دى يا بيئه
نوران بحده…بت انتى اقعدى على جنب اخلص من امك الاول وافضالك شوفى يا خالتى ام سحر سولى حبيبي مش صغير علشان ياخد رايك لما ييجى يتجوز كفايه ان ماما منى موافقه وبخصوص الفىح عملناه بسرعه وعزمنا الناس كلها الا انتم بصراحه نسيناكم واما انا بقى مش جايه من الشارع انا ورثى من بابا اكتر عشر اضعاف فلوسك اللى فرحانه بيها وحمايا الله يرحمه لما جه يتجوز اختار ست عمره ما كان هيلاقى زيها لو لف العالم كله صمتت قليلا ثم قالت
اه يقطعنى كنا بنفطر تيجو تفطروا معانا ولا بلاش الرجيم يبوظ
ذهبت الى منى وجذبت ايديها ناحيه الطاولة قائله
يالا يا ماما نكمل اكل انا لسه جعانه
ابتسمت منى لها لانها اخذت لها حقها وقالت يالا يا حبيبتى يالا يا هند تعالوا نكمل اكلنا
ذهبوا ليكملوا تناول افطارهم وتركوا كلا من سحر وقدريه يشتعلون غيظا ومازالوا واقفين فى اماكنهم
بعد قليل انتهوا من تناول افطارهم ونهضت كلا من نوران وهند لياخذوا اطباق الافطار للمطبخ اما منى جلست امام التلفاز
بعد قليل جاءت كلا من نوران وهند وجلسوا بجانبها وكانوا يضحكون معتبرين ان قدريه وسحر هواء ليس اكثر من ذلك
قدريه بحده…هو فى ايه يا منى مش مديالنا اى اهتمام من ساعه ما جينا
منى ببرود….اوووه هو انتوا لسه هنا فكرتكم مشيتوا
سحر بسخريه…احنا هنقعد هنا شهر لغايه ما بابى يرجع من السفر
مصمصت نوران شفتيها قائله بهمس لهند
بابى الله يرحم جدك كان بيشرب العصير بخرطوم الغساله
ضحكت هند بصوت عالى فنظرت لها قدريه قائله
هو ايه اللى بيضحك يا بنت منال
هند بحده…بقولك ايه يا ام سحر خشي خديلك دش باين عليكى مجهده من السفر وعندك الاوضه اللى هناك دى اقعدى فيها انتى وبنتك
قدريه…ليه دى الشقه اربع اوض نقعد انا وهيا فى اوضه واحده ليه
منى بسخريه …الاوضه التانيه فيها حاجات المرحوم وقافلاها بالمفتاح وبعدين انتى هتنامى جنب بنتك هو انتى هتنامى جنب حد غريب
ذهبت قدريه بغيظ هى وسحر الى الغرفه التى اشارت عليها هند وصفعوا الباب بشده وراءهم
نوران بضيق…انا زهقت بقى
منى …فى ايه بس يا نوران
نوران …انا ما صدقت ان سليم راجع النهارده ونطلع نقضي يومين حلوين مع بعض تطلعلى العقربه دى وبنتها اللى وشها جاب الوان لما عرفت ان سليم اتجوز
منى بتوتر…اااصل هى
نوران بترقب لكى تكمل منى حديثها
اصل ايه يا ماما هو فى ايه
هند…البت دى كانت بترسم على سليم وعايزة تتجوزه
نوران بحده…نعععععععععم وجايه تقعدلى شهر هنا هيا ناقصه
منى ….ههههههه اهدى يا وحش متخافيش سليم لما يرجع ان شاء الله اطلعوا قضوا يومين وانا هقعد معاهم اكيد مش هسيب ليهم البيت يعنى
نوران…تفتكرى سليم هيوافق
منى …ملكيش دعوة انتى انا هتصرف
هند….احلى حاجه انى عايشه لوحدى مش ناقصه فقع مرارة دى هيا واحده افقعها واعيش من غير

فى غرفه سحر وقدريه
قذفت قدريه حقيبتها بغضب على الارض قائله
بقى البيه اتجوز وانا اخر من يعلم وانا اللى كنت عايزة اكسر مناخير منى
سحر بحزن….يعنى سولى خلاص ضاع منى
قدريه بجمود….متخافيش سبينى بس اخطط واظبط الامور وهوريهم
بعد فترة قالت منى
يالا يا بنات نحضر الغداء يالا
ذهبن الثلاثه لتحضير الغداء اما قدريه وابنتها ناموا قليلا ثم جلسوا يشاهدون التلفاز امام اعين نوران الغاضبه
نوران بضيق ….هما مش هيعملوا حاجه هياكلوا على الجاهز
منى بابتسامه ..احسن قدريه مبتعرفش تعمل حاجه خالص وانا مش ناقصه بطنى توجعنى
هند…احسن انهم قاعدين بره مش ناقصين وجع دماغ

بعد فترة تم الانتهاء من تحضير الغداء وذهبت نوران لتنادى عليهم
خالتى ام سحر يالا الغدا جاهز
تاففت قدريه من اسلوب نوران فى الحديث معها وقالت
طيب جايين حالا
جلسوا يتناولون الغداء فى صمت الا ان تحدثت سحر بكلامها اللازع
كانت نوران على وشك الفتك بتلك البلهاء سحر قد تم تحضير الغداء بمشاركه هند وحماتها اما المدعوة قدريه وابنتها يشاهدون التلفاز وعندما جلسوا على الطاوله ليتناولوا الطعام قالت سحر بسخريه
وانتى بقى يا نوران خريجه ايه
جاءت نوران لترد قاطعتها قدريه قائله
اكيد معاها دبلوم يا حبيبتى شكلها فاشله فى التعليم
اغتاظت هند منها وضغطت على قدمها بشده فتاوهت قدريه قائله
اااه مش تحاسبي يا بت انتى
هند …اوووه سورى يا طنط مش قصدى خالص وعلى فكرة نوران خريجه كليه تربيه
سحر بسخريه…ابله يعنى انا بقى وبلا فخر كليه تجارة
ضحكت نوران قائله
ومالك فخورة اوى كده يا يختى دى كليه الشعب
سحر بسخريه…لوكال اوى
نوران…بت انتى انا مستحملاكى علشان قريبه جوزى وضغطت نوران على كلمه زوجى مما اغضب سحر وقدريه بشده
قدريه…سليم اتاخر يعنى
منى بغيظ …نوران يا حبيبتى قومى هاتى شبشبي من جوة فى برص عايزة اديله بيه
ابتسمت نوران ودلفت الى الداخل لتحضر شبشب منى وايضا هند التى ابتسمت واخفضت وجهها الى الاسفل
كانت منى بالفعل اتخذت قرارها ان من ستتحدث مرة اخرى بكلامها اللازع ستضربها بشبشبها
دق جرس الباب
نهضت سحر لتفتح وكان سليم وفهد
سحر بحب…اوووووه سولى وحشتنى موت
ابتلع سليم ريقه وهمس فهد فى اذنه قائلا
جوازتين فقر اقسم بالله نعدلها من ناحيه تبوظ من ناحيه تانيه
سليم…اذيك يا سحر
امسكت سحر ذراعه قائله
الحمد لله اخبارك ايه
سليم…كويس يا سحر اذيك يا عمتى
قدريه…الله يسلمك يا حبيبي
جاءت نوران من الداخل ووجدت تلك السلعوة ممكسكه بذراع زوجها فضيقت عينيها بشر واقتربت منه واحتضنته بشده وقرصت ذراع سحر حتى تترك زوجها قائله
ايدك يا حبيبتى وحشتنى اوى يا سليم
بادلها سليم احضانها وقال
وانتى كمان يا حبيبتى
احتضن فهد هند هو الاخر وطلب منها الرجوع للشقته فهو متعب ويريد النوم
منى…اقعدوا يا ابنى معانا
فهد…تعبان والله هريح شويه واجى باليل
غادر فهد وهند وجاءت سحر لتتحدث قاطعتها نوران وهى تجذب سليم لينهض معها قائله بدلع تعجب منه سليم
يالا يا روحى انت اكيد تعبان انت كمان يالا تعالى استريح
نهض سليم معها الى غرفته قائلا فى نفسه
هى مالها النهارده
دخلت نوران الغرفه مع سليم وهى تمشي بدلع وعندما ادخلته نظرت الى سحر ورفعت حاجب لها وصفقت الباب بعنف فى وجهها
سليم …براحه على الباب
التفتت له كمن لدغتها افعى واقتربت منه فقال بحذر
انتى هتتحولى ولا ايه ما كنتى كويسه من شويه تعالى يا حبيبتى اهدى كده احنا لسه عرسان جداد مش ناقصين ضغط ولا سكر
نوران بهدوء ما قبل العاصفه
بص بقى لو فاكر انى عديت موضوع سفرك اول يوم جواز واللى عملته يوم الصباحيه تبقى غلطان انا مرضتش اخليك تسافر وانت زعلان منى بس اعو الحمد لله رجعت بالسلامه نتحاسب بقى
سليم بابتسامه …نوران انتى قلبك ابيض وطيبه وهبله استهدى بالله
نوران بحده…متقولش هبله تانى لاوريك الهبل اللى على اصله انا على اخرى
سليم بهدوء وامسك وجهها بين كفيه قائلا
نوران اللى حصل يوم الصباحيه انا كنت بهزر معاكى عادى انا مش زوح ديكتاتورى زى ما انتى فاهمه انا عكس كدا انا بحب الضحك والهزار واننا نقعد نتكلم سوا ونتناقش ونشارك بعض فى اى حاجه
اما انى بقى سافرت فده مش بايدى سفير مصر فى امريكا كان مخطوف فكان لازم نلحقه معلش بقى سماح المرة دى وقلتلك هعوضهالك
ابتسمت نوران قائله
سماح يا سولى
سليم …طيب بقى هطلع اقعد مع ماما اصلها وحشانى اوى
حاول الخروج الا انها جذبته بشده ودفعته على السرير قائله بحده
طلوع من الاوضه دى وانا ورايا حاجات بعملها مفيش يا سليم
جلس سليم على سريره قائلا وهو يرفع حاجب واحد لها
ازاى بقى بقولك امى وحشانى بعدين انا هطلع اقعد معاكى بره واسلم على عمتى وبنتها بالمرة
نوران بسخريه وقد كتفت ذراعيها
اااه بنت عمتك قلتلى اهو بسبب الملزقه دى مفيش خروج مهو انا مبقاش ورايا حاجات فى الشقه بعملها وانت تقعد مع الملزقه دى فى الصاله لوحدكم
سليم….ملزقه ايه بس وبعدين امها وامى قاعدين
نوران …ولو يا سليم طالما انا مش موجوده برده تعتبروا لوحدكم
سليم بمزاح…ليه يعنى دى سحر نسمه وامها نسمتين
نوران بحده….سليم متعصبنيش اخر الكلام نام دلوقتى واما اخلص اللى ورايا هجيلك تخرج تقعد معانا بره
سليم بهدوء…وان قلتلك مش جايلى نوم
نوران بحده….وانا قلت هتنام وده اخر ما عندى
سليم…نوران مينفعش
نوران ….نااااام بدل متنزل بكرة فى صفحه الحوادث بعنوان زوجه تقتل زوجها وابنه عمته وعمته
سليم وقد ابتبع ريقه من تلك المجنونه…اهون عليكى
نوران…اه تهون لو منفذتش كلامى
سليم …وعمتى مالها
نوران….كده مش طايقاها وبتلقح كلام على ماما منى
سليم…ياااه هيا لسه كده متخافيش امى مش بتسكتلها هما ناويين يقعدوا قد ايه
نوران بغيظ.. شهر بحاله
سليم بغيظ….شهر طيب اطلعى سديتى نفسي هنام دى جوازه ميعلم بيها الا ربنا بقى اجازتى هقضيها وشى فى وش عمتى وبنتها
ضحكت نوران عليه وخرجت واغلقت الباب بالمفتاح
نهض سليم من مكانه ليخرج يريد اخراج الانثى الغيرانه التى بداخلها ولكنه وجد الباب مغلق
سليم بغيظ..ماشي يا بنت القناوى حابسانى فى الاوضه
اخرج هاتفه وتحدث مع فهد
فهد…الو
سليم باستغراب…مالوا صوتك يالا انت بتاكل ولا ايه
فهد…اه هند عماله تاكلنى من ساعه ما جيت
سليم بغيظ ….يا بختك مراتك بتاكلك وانا مراتى حابسانى فى الاوضه
فهد بضحك ليه….علشان هيا مش فاضيه ومش عايزانى اقعد مع عمتى وسحر وهيا مش موجوده
فهد بضحك ….تستاهل بس نصيحه منى اسمع الكلام لانها غيرانه دلوقتى يعنى مش شايفه قدامها
سليم….ماشى يا اخويا كمل اكلك سلام
اغلق سليم الهاتف واندس فى سريره لينام لحين اشعار اخر من ابنه القناوى

فى منزل فهد وهند
هند…ايه سليم ماله
ضحك فهد ثم قال
نوران حابساه فى الاوضه علشان هيا مش فاضيه ومش عايزاه يقعد مع عمته وبنتها وهيا مش موجوده
هند….هههههههه وربنا دى مجنونه اوى بس عندها حق قدريه وبنتها مستفزة اوى خرجتنى عن شعورى
فهد….ربنا يهدى

فى منزل سليم
عندما خرجت نوران من غرفه سليم كانت تجلس ملا من قدريه وسحر ومنى التى تشاهد التلفاز فتحدثت بدلع قائله
اااه سليم حبيبي تعبان اوى من اخر مهمه يا حبيبي كنا بنتكلم ونام على نفسه من التعب ربنا يقويه الضباط دول حياتهم صعبه اوى
سحر بضيق…يعنى سولى مش هيقعد معانا شويه
نوران …لا سولى حبيبي نايم تعبان مش هيقدر يقعد معانا زهقانه تحبى اسليكى
سحر بضيق…لا شكرا
نوران…ماما انا داخله اكمل اللى ورايا جوة عايزة حاجه
قدريه ببرود…هاتيلى اشرب
نوران بابتسامه….ها يا ماما
منى…لا يا حبيبتى سلامتك
دخلت نوران الى المطبخ ولم تعير قدريه اى اهتمام
قدريه…ايه البنت دى قلتلها هاتيلى اشرب عملت نفسها مش سامعانى دى قليله الذوق وانا لازم اقول لسليم على البنت اللى متجوزها
نهضت قدريه الى غرفه سليم وحاولت فتح الباب الا انه مغلق بالمفتاح
كانت نوران تراقبها بابتسامه وقالت بدلع
سورى يا عمتو اصل سولى موصينى اقفل الباب بالمفتاح لانه مش عايز حد يزعجه وبعدين بنتك قاعده جنبك اهه خليها تجبلك وتركتها وذهبت لتكمل اعمالها

بعد فترة
انهت نوران اعمالها ودلفت الى غرفتها اخذت ثياب لها ودلفت الى الحمام
انهت حمامها وخرجت كان سليم مازال مستغرقا فى النوم اقتربت منه بابتسامه وحاولت ايقاظه قائله
سليم اصحى يا حبيبى كفايه نوم احنا بقينا باليل
استيقظ سليم على كلمتها واغمض عين واحده قائلا
مش انتى اللى حابسانى فى الاوضه
نوران بابتسامه…غصب عنى والله بس مقدرش اسيبك تقعد وانا مش موجوده
سليم …امشى يا نوران من وشي
نوران…هستناك بره يالا متتاخرش هند وفهد على وصول
خرجت نوران اما هو نهض من على السرير وهو يبتسم قائلا
متجوز واحده هبله بس بحبها
انهى سليم حمامه وارتدى ملابسه وخرج الى الصاله وجد هند وفهد قد حضرا
رحب بالجميع وجلس بجوار نوران ووضع يده على كتفيها
ابتسمت له سحر قائله
اذيك يا سولى وحشنى
كانت هند تجلس بجوار سحر فنظرت اليها نوران بضيق وغمزت لهند فداست هند على قدم سحر بشده فتاوهت سحر قائله
ايه يا هند فى ايه
هند باسف مصطنع…سورى يا سحر حظك كده جاى معايا النهارده
همس فهد لهند قائلا
بذمتك مش قصدك ولا نوران اللى غامزالك
هند بابتسامه…اسكت لتفضحنا
قدريه…انت ازاى يا سليم تتجوز من غير ما تقول وكمان البنت قليله الذوق دى
جاءت نوران لترد وضع سليم يده على فمها وقال
عمتى انا مسمحلكيش تتكلمى عن مراتى بالطريقه دى مراتى متربيه احسن تربيه وحضرتك مسافرة ومنعرفش عنك حاجه من فترة كنت هوصلك ازاى
جذب نوران من يدها قائلا بابتسامه
يالا قومى هنتعشي بره يا حبيبتى

توقعاتكم ؟؟؟
بقلم/شيماء رضوان