رواية زواج ثأر
#زواج_ثأر 5 (حقيقيه)
اي حد منفتحتلاش الحلقه معناها فاتح فيس لايت لازم فيس ازرق
طلعت روان تمشي تساوي في شنطها والعشي في يدها قامت عيونها وشافت شي وهني كانت الصدمممه ..
روان:وانا طالعه طاحت عيني علي المخزن كان الباب مفتوح شووويه مش هلبا انصدمت في ساميه يلي تعرفت عليها قبل شوي واضح ان جسمها متعري من فوق ومعاها راجل داخل واااضح من الاآهات الخفيفه يلي نقدر نسمعها طلعت نجري وانا نرررعش من المنضر يلي ريته وووه قريب متت معقوله في ناس هكي ؟!…ركبت السياره ووجهي ميتفسرش قعمزت وطوووول سرحت لين قاطع تفكيري صوت …
يوسف:هاذا كله ع خاطر طلعت مع وحده اليوم
روان:شافتله ع جنب بكل برود
يوسف:اعترفي اني عاجبك عادي
روان:ألها في سواقتك واسكت ترا مش ناقصاتك
يوسف:حس بيها انها مصدومه من حاجه….صار شي في حوش بوي؟!
روان:شن بيصير ؟!عادي مشت الاوضاع تمام
يوسف؛باه مليح
روان:اتكت ع كرسي السياره وتفكر ساميه مع منو كانت؟!وكيف تدير حجات زي هكي ؟!نسكت ع يلي شفته ولا نتكلم؟!الف حاجه في راسي مليهاش جواب
هاجر:تعشيت مع العيله كلها ونضت غسلت الماعين ودرت قهوا .جيت بنخش الصاله بنحط سفرة القهوا سمعت بوي يحكي مع امي
جمال:الولد عنده شقه فوق من حوش بوه
حنان:انا قاعده مسمعتش راي البنت بالك مش عاجبها؟!
جمال:كان رافضه راهو قالت
حنان:تنهدت…..الولد شنو خدمته شن اسمه منو عيلة ؟!
جمال:اسمه صخر عنده كم محل علي السنتر يأجر فيهم وعنده تعيين يعني حالته الماديه طيبه
حنان:والولد؟!
جمال:مبكري مؤيد سأل عليه وقالوله ولد كويس معنداش في الدوه الفارغه وراسه والخدمه وبس من غير العيله بوه من نعم الناس الحق وهوايلي خبط ع صدره وقال ولدي ياخذ من قبيلتكم باش اطيح الثأر
حنان:ان شاء الله خير
جمال:مدابينا يصير ها الزواج في اسرع وقت قبل ميطلع واحد من فروخنا وياخذ بثأر يلي قتلوه وتصير حرب بين القبايل بعدين
حنان:العفو ياربي كيف طالعين من عرس روان استنو علينا شوي
جمال:اكتر من شهر مفيهاش كيف تو نسحب باقي فلوس الارض من المصرف باش تشري للبنت وننسترو قدام الناس
حنان:تنهدت….ان شاء الله خير
هاجر:خذت نفس عمييييق وخشت …..تفضلو القهوا
جمال:صحيتي سلمها الدكتوره
هاجر:قعمزت …..سلمك?
جمال:احمم قولي هجوره
هاجر:بلعت ريقها وعرفت ان رح يسألها ع صخر….اها بوي
جمال:مقلتيش رايك في العريس
هاجر:وجها احممممر وساكته
حنان:تكلمي هاجر كان في حاجه مش راضيه عليها ادوي
هاجر:قامت راسها وتكلمت….بنسبه للولد واضح مشاء الله عليه حتى اسلوبه كويس وعنده شقته وخدمه وسنه مناسب مفيشي ماينعاب
جمال:بفرح….معناها علي بركة الله
هاجر:شافت لي امها وبتسمت
حنان:حضنتها….الف مبروك حبيبتي
هاجر:يبارك فيك?…..وافقت علي صخر واقتنعت صح لان مفيشي حاجه تنعاب فيه لو القرار بيدي انا مش من الناس يلي تفضل الزواج التقليدي بس منقدرش نطيح كلمة بوي بذات لانه كويس معاي طووول عمره ❤️ويحبنا انا وروان ومدللنا روان حتى بعد المشكله يلي دارتها تزوجت وسامحها ومشالش في قلبه قاعد يعامل فيها زي قبل
اب زي هاذا مستعده ندير كل شي ع خاطره❤️✨
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
روان:خشت لحوشها ورا يوسف نحت الوشاح وهيا قاعده تفكر في المنضر يلي شفاته
يوسف:ديريلي حاجه ناكلها
روان:نحت وشاحها…..الكلبه يلي كنت عندها معشاتكش؟!
يوسف:بي استفزاز….لا والله لهينا في ال?ومفضيناش وقت نتعشو الحق
روان:تنفست بعمممق وسكرت عيونها ثواني ورجعت شبحتله……اول مره نسخف علي نفسي اني جي نصيبي مع واحد حقير ومتع بنات زيك
يوسف:نحا جاكيته وبكل برود…..الطيبون لطيبات والخبيثون للخبيثات معناها انتي خبيثه زيك زيني
روان:الله اذا احب عبدٍ ابتلاه وانت اكبر ابتلاء ممكن يصيرلي
يوسف:قعمز ع طرف الطاوله متع الاكل وجبدها من خصرها….به مدام تعرفي في كلام ربي اكيد تعرفي حرام يقعد زواجنا ع ورق بس ولا انا غالط؟!?
روان:فكت يديه من خصرها وباعدت…..هاذا فاش فالح لما تلاقيت معرالبنت اليوم ناسي ان الزنا من الكبائر يعني
يوسف:وانتي يلي ناسيه المرا يلي ترفض راجلها تقعد الملائكه تلعن فيها لا الصبح
روان:???مش ان……
يوسف:ونبي ياسر وانتي فتحتيلي حصة دين
روان:عصبتتتتت خبطت برجلها ومشت دار النوم وقربعت الباب
يوسف:ضحك…..اخخخ تعجبني العنايديه كان مخليتكش ميته فيااا خوذي مني يلي تبيه
ناصر:ووووووووه علياااااا????ضااااااع تالفوني ضاااااع الانستا ضاااع ال4000متابع ضاااااااعت حياتي
صخر:??♂️??♂️??♂️??♂️
ناصر:مسح خشمه بي المنديل….توا كيف بندددير فهمني
صخر:ياودي خلاااااص صرعتني كلمت ايمن وقالي تو ندور عليه في السياره تو يلقاه
ناصر:حط يده علي راسه….رمز السناب نسيته ?والانستا نسيته حتى هوااات والشفره مسكره الله لاتربحك يا عمي فتاح حسبي الله ونعم الوكيل فيك
صخر:شن دخل عمك توا ??♂️
ناصر:مش عارف لاكن منحباش
صخر:مش عارف كيف مصاحب ناس هكي انا بس ?
ناصر :لما اطيح في مشكله تعالا اسمع نصايحي بعدين قول ناصر بلا فايده …زيد عادي وين مرطب الشفاه
صخر:ضحك ع جنب من تصرفات ناصر
ناصر:قولي كيف كانت البنت؟!
صخر:اي بنت؟!
ناصر:مش درت شبحه شرعيه
صخر:نضره شرعيه اسمها?
ناصر:يلي هيا المهم ريتها
صخر:ماشيه امورها
ناصر:اوصفهولي كيف شكلها؟!
صخر:يذكر في حركات هاجر وملامحها….بيضه عيونها كبار نقشها ع الاسود طولها وسط يمكن
ناصر:هذاااا كله ويمكن؟مشاء الله مفصل البنت تقول تخدم في تارزي اخخخخ مايطلع منك
صخر:ابتسم….مش هكي لاكن
ناصر:ملاكنش ياحنى طلعت متع بنات زي يوزر سيف ?
روان:سكرت باب الدولاب وكانت لابسه روب لونه زهري خفيف .قعمزت ع السرير تنحي في الزمالطو وتحكي داخلها
روان:افففف يومين زواج مرو عليا تقول سنتين الزفت كيف بنكمل معاااه؟!زعمى لو اتطلقت خوتي مش رح يحكو شي؟!!! عليك قصه وخلاص مصعبها تعيشي مع واحد متبيشي وزياده خامر ومتع بنات اخخخخخي ?
طق طق طق
روان:شن تبي
يوسف:افتحي بنقولك
روان:ناضت لبست طرف الروب الفوقي وفتحت الباب ….ها؟!
يوسف:اتصلت بيا اختي جميله عازماتك ع العشي غضوا
روان:به….جايه بتسكر الباب لاكن حط رجله
روان:شنوووو؟!
يوسف:بنضرات خبث….عازمه معاك صاحباتها ممكن ره
روان:به شن تبي؟!
يوسف:بي ابتسامه مستفزززه….اي يعني البسي حاجه باهيه قصير ولقطات ?
روان:??….وقربعت الباب
ثاني يوم???
هاجر:به شنو بتلبسي؟!
روان:طلعت قفطاني الاحمر
هاجر:الطويل؟!
روان:لالا الحاير متع الكمام المنفوخات
هاجر:اي اي زبطه حلو به شعرك؟!
روان:بنكلم مزينه تجيني لاكن مش عارفه كيف بنقول للحقير يدفع
هاجر:هههههه تحشمي ياحماره راجلك
روان:خليني ساكته بالله عليك
جمال:هاااااجر هااااااجر
هاجر:بوي ينادي هي تو نهدرزو
روان:تمام
هاجر:ايوا بوي
جمال:البسي واطلعي لي صخر
هاجر:شش شنو؟!???
جمال:جاي بياخذ قياساتك تطلعي الراجل مقعمز
هاجر:ااها به
جمال:طلع من الدار وناااضت هاجر تساوي في روحها مكياج ع لبس علي روائح خشت بعضها
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
روان:اتصلت بي المزينه ووصفتاها الحوش …سكرت الخط جففت شعرها من الميه وطلعت للمطبخ تسمع في يوسف يتكلم
يوسف:تي به النم1000مسدوكش؟!المشكله محصلت منك شي دفعت وخلاص
سلسبيل:مش خساره فيا سوفي ونبي محتاجتهم
يوسف:افففف تي يصير خير هي ….وتلفت شاف روان شاده الكوب وتشبحله
يوسف:سكر الخط وقعد يشوفلها
روان؛قربت منه…..اكتر من 4شهور مستحيل نقدر نقعد معاك
يوسف:شن قصدك؟!بتطلقي يعني
روان:عندك شك انت؟!
يوسف:في سنين داهيه ع اساس ميت عليك يعني
روان:شافتله من فوق لا لوطه وطلعت
هاجر:خشيت وانا نشوفله ❤️نفس العيون نفس النضره نفس الرموش نفس الملامح الحلوه يلي شفتها اول مره متغيرتش
صخر:كيف الحال
هاجر:بتوتررر….الحمد الله
صخر:قعمز وقدامه هاجر
صخر:نزل عيونه….اءءء جيت بناخد قياس الذبله والحديده ولا مش عارف قالت عليها امي منزبطش فيها الحجات هيا
هاجر:ابتسمت نحت الخاتم يلي كانت لابساته وحديدة الفضه متاعها ….تفضل هادم قياساتي
صخر:مد يده خذاهم منها ….تمام نقيس عليهم ونجيبهولك
هاجر:تمام
صخر:قام عيونه.اءءءم مم تمام متبي شي؟؟
هاجر:سلامتك
صخر:وقف …هي سلامات
هاجر:ناضت ويديها مشبكات في بعض من الارتباك …..ربي معاك
صخر:ناديلي بوك نسلم عليه قبل منروح
هاجر:تمام ….وطلعت
طق طق طق
يوسف:يتفرج ع التلفزيون واول مسمع الباب يطق ناض بيفتح
روان:سبقاته وفتحت الباب
يوسف:جتي بيكشخ عليها بس لما عرف يلي جي بنت وخر ورجع لي الصاله
روان:اهلين تفضلي
المزينه:زايد فضلك….وخشت بي بضاعتها
روان:دخلتها لي غرفة النوم ومشت لي يوسف
يوسف:منو هاذي؟!
روان:المزينه ويدك علي 250هات?
يوسف:وعلاش 250؟!
روان:حق المزين باش نمشي لحوش اختك
يوسف:مفروض 700انتي تبي هلبا شغل الحق باش يطلع منضرك مقبول ?
روان:تنفست بعمممق ……اخخخخ يالله طز فيك مش رح نرد عليك هات الفلوس
يوسف:تلقي في جيب الجاكيت متعي
روان:قلبت عيونها وطلعت
هاجر:طلعت من المربوعه وكللللها اعجاب بي صخر❤️رغم انها محكتش معاه هاذا بس كانت شخصيته جذابه بشكل رهييب?
حنان:شن صار؟!
هاجر:عطيته خاتم وحديده زي مطلب مني
حنان:به علي خير كلم بوك وقاله الدخول 17/10
هاجر:معش في وقت هلباا
حنان:غضوا بوك بيجيب الفلوس ونطلعو ناخذو الحجات
هاجر:ان شاء الله وبتجي روان الجمعه زاير حتى هيا
حنان:اي حق فكرتيني
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
روان:سكرت باب الحوش بعد ما خلصت المزينه وطلعت روحت ورجعت روان لدار النوم لبست قفطانها ❤️
لون قفطانها احمرر وماشي مع الجسم كمامه منفوخات ورقبته مفتوحه مكياجها وسط مش قوي هلبا ومش خفيف مع روج نفس لون القفطان وتسريحه بسيييطه شعر مرفوع شوي وخصلات فير نازله ❤️طالعه حلوووه
يوسف:حط كوب الميه ع البار بعد مشرب منه وخش دار النوم يطلع في حوايجه
روان:طلعت من حمام غرفة النوم وجت عينها في عين يوسف
يوسف:بدون اهتمام …شنو كملتي ؟!
روان:بلعت ريقها مع ملامح مش مهتمه…..اي تميت….ونزلت عبايتها بدت تلبس فيها
يوسف:خذي حوايجه ووقف ع باب الحمام….بارك الله فيها المزينه تعبت هلبا حسيتها والله محقها 250??
روان:قلبت عيونها وطلعت من الدار
يوسف:خش الحمام وفي داخله كان مبهووور بي منضر روان يلي متغير هلباااا وطالعه تجنن❤️
عفاف:به خلاص غضوا نمشو انا وخواتك ناخذولها
صخر:ولع دخانه…..نضمو اموركم
عفاف:شن رايك فيها البنت مدامك شفتها مره تانيه
صخر:بدون اهتمام….شن بيتغير فيها ع المره الاولى يعني؟!
عفاف:والله قنينه مشاء الله عليها
صخر:باهيه
عفاف:حطت يدها ع كتف صخر….قاعد منسيتهاش؟!خلاص ياولدي كل واحد ليه حياته
صخر:تبدلت ملامحه وناض من بحدها….معش تجيبيه السريب هوا يماااااا فوتيه
عفاف:ملاحضه عليك انا هاذا يلي خلاني نتكلم
صخر:طلع وسكر الباب وهوا متكنططططططططي
يوسف:ولع السياره وروان جنبه لابسه خمار
روان:خود حاجه من الطريق نخشو بيها لي اختك
يوسف:ع اساس تفهمي في الاوصول ولقطات
روان:تسحابني شلافطيه زيك
يوسف:به خلاص هي ضمي فمك وانتي كان الوحد سكتلك خلاص
روان:قامت الخمار….مش عاجبك طلقني حتا من اليوم ….ورجعت نزلت الخمار
يوسف:رجع للبرود متعه ضحك وطلع بي السياره
في حوش جميله اخت يوسف كان زحمه شوي جميله عازمه امها وخواتها الصبايا وصاحباتها وساميه بنت عمها المطلقه لانهم صحبه هلباااا الكل يستنى في روان ❤️
خشت روان لحوش جميله وشاده في يدها باكو البكلاوه وعصائر طبيعيه ✨
سلمت عليهم ورحبو بيها هلبا وطبعا العيون عليها نحت عبايتها وقعمزت وبدت الهدرزه والضيافه
وطوووول الوقت عيون روان ع ساميه وتفكر زعمى منو يلي كانت معاه امس ؟!وهل يلي شفته صح ولا ؟!
في الوقت هاذا كان صخر يدخن قدام الحوش وعقله حااير هل كلام بوه يلي ينفذ فيه توا صح ولا غلط ووين بيرفعه؟!!!
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
حاولت روان تخش في العيله ونجحت في الحاجه هادي ❤️كملو العشي وطلبت روان الحمام ناضت جميله رفعتها للحمام وولت مكانها
روان:غسلت يديها ودرت شوية عطر مسحت يديا بي الكنينكس وطلعت من الحمام متجها للمطبخ ندور في الكناسه (حشاكم)وين كانت السله تحت الروشن وقفت حطيت المنديل يلي مسحت بيه وقمت راسي ع الروشن وننصدم بي راجل جميله مع ساميه وكان في وضع اخيييي?? رعشت مع بعضي بذات لما جت عيني في عين ساميه وانا مصدومه رجعت لصالة الضيوف وانا نرعش بس نحااااول نبين ان عادي قلبي يدددددق من داخل ونرجف خايفه مش عارف من شنو ومش مصدقه يلي شفته علااااش ربي يكشف فيها قدااااامي انا بذااات كيف بنتصرف ؟
يلي يقهر من لما وصلت جميله تحكي ع ساميه انها زي اختها وتتعامل معاها كويس وبنيه صااافيه علاااش هكي ادير فيهااا ?معش تحملت وبعتت مسج لي يوسف
روان✉️:يوسف بنروح بسرررعه مادي عليااا
يوسف:كان مقعمز في المربوعه يستنى في راجل جميله بعد مقاله ماشي الحمام وجاي قري مسج روان ورد عليها…..
يوسف:ع مزاجي مش مزاجك المرواح
روان:بي يدين ترعش…..وراااااس امك يوسف بنموووت معش قادره نقعد
يوسف:حس ان كلام روان طالع من قلبها مش تلقيح سكر المسج ونادا ع اخته
مؤيد:هاذم 5000حصلت ولد سحبهولي كان نقصو عليكم فلوس خذوهم
هاجر:سلم وخي ونجيه ياربي?
مؤيد:قداش عندنا دكتوره حني ?
هاجر:ابتسمت وانا فرحانه بي عرسي والخطبه ….رغم اني متخايلتش روحي اني رح نفرح بزواج الثأر هاذا لاكن جديات حسيت اني فرحانه من قلبي ومتلهفه نتعرف علي صخر علي قرب❤️
يوسف:لا ولله معاد قادر اكتر من هكي خلاص ليل الدنيا
جميله:به ياغالي تو اناديلك عليها ❤️
يوسف:تمام….وطلع ولع السياره
روان:لبست عبايتها وبدت تسلم عليهم
جميله:انستيني حبيبتي ربي يهنيك مع يوسف ان شاء الله
روان:ابتسمت بسيف….سلمك حبيبتي وتشرفت بيك
جميله:بيك اكتر
روان:سلمت علي باقي صحبات جميله وعلي خوات يوسف وامه ولما جت طالعه تلاقت مع ساميه
ساميه:مدت يدها….
روان:سلمت عليها
ساميه:بسلامه نتلاقو ع الخير ان شاء الله
روان:سس سلمك
ساميه:شبحت لي روان شبحه تخوف ومش مفهومه في نفس الوقت
روان:طلعت بسرعه ركبت مع يوسف ويدي علي قلبي طوووول الطريق يسأل فيا وانا محكيتش حتى كلمه ساكته وبسس
روان:وصلت الحوش خشيت دار النوم طوووول قلبي يدق ونرعش مع بعضي ?مسحت مكياجي وبدلت شعري صليت ركعتين حسيت بروحي هديت شوي قعدت نفكر شنو يلي بنديره؟!!!!كيف بنحكي او بنسكت قاطع افكاري صوت الباب
يوسف:تي فهميني خيرك انتى؟
روان:بلعت ريقي نشبحله ونبي نحكيله ع يلي شفته فتحت فمي نبي نحكي بس لساني خاني ومقدرتش نقول ?
روان:حسيت بطني وجعتني خفت نمرض في حوش اختك اول مره نمشيلها
يوسف:بعدم اقتناع…اممم وتوا ؟!
روان:الحمد الله احسن …وناضت طبقت الصلايه
يوسف:وقف قدامها وقرب منها بي زياده….روان
روان:بلعت ريقها ودقات قلبها متسارعه…خخ خيرك
يوسف:زاد قرب وهيا توخر…بلا تسكير راس معاي شن رايك
روان:وخرت لين قعمزت ع السرير وفاقت ع روحها….تبي ترقد هني تفضل عادي نرقد في الصاله
يوسف:يمضغ في المستكه ونزل راسه ع جنب….نرقدو الزوز هنايا
روان:رجع الوجه البارد متاعها…..احلللللم…وخذت مخدتها وطلعت
يوسف:تلوح ع السرير وراسه يفكر ويفكر ويفكر
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
ثاني يوم???
هاجر:نضنا انا وامي بكررري ضميت الحوش فطرنا وطلعنا ع طول مع بابا عشان نشرو حجات العرس اول بأول
ناصر:واقف قدام الحوش…صخررررررر صخرررررررر صخرررررر ياخطيب هاااااااااااجر
صخر:لوح عليه فردة الشبشب من البلاكونا
ناصر:المهم نضت???
صخر:طلع من البلاكونا وواضح ان كان راقد….شن تبي من صباحات ربي
ناصر:غير انزل تو تعرف
صخر:???
ناصر:تنزل ولا نديرلك العااار
صخر:نازل ياخرا
روان:نضت ع صوت يوسف كان يعيط بطريقه هستيريه لين وصل لدار يلي راقده فيها انا ….نضت مخلوووعه وشفت وجها كيف معصصصب وناااار طالعه من عيونه وصدمني بكلماته …يتبع