رواية زواج ثأر
زواج_ثأر 2 (حقيقيه)
روان:لحضات وانا راقده ع السرير ونسمع في خوتي كيف يعيطو برا ويبو يقتلوني وانا مش مذكره شي كانت اصعب لحضات في حياتي حاولت نقيم راسي بس مقدرتش لين واخيرا قعدت نذكر شوي شوي اني ركبت مع يوسف واخر شي شفته سياره من بعيييد جايه بعدين معش شفت شي ?
عرفت اني في ورطه كبببببيره وعرفت ان خلاااص رح نموت بمجرد منطلع من المشفى مستحيل حد يصدقني ان مدرت شي مع يوسف او مفيش بينا اي علاقه اصلا ?
هاجر:دقايق بس وحست ان في حد سكرلها فمها ويسحب فيها قاومت هلبا لاكن مفيش اي فايده ومن كثر متحاول تعيط وتبي تخلص روحها ضربوها ع رقبتها فشل جسمها وطاحت ع الارض والرؤيه بدت تتلاشى قدامها تشوف في الدكتور يلبس في حوايجه وجايها من بعيد لين عيونها تسكرو ومعادش تشوف في شي
الدكتور:شنو وضعها؟!
الممرضه:تمام احسن حالها بس مزال التنضيف يا دكتور
الدكتور:تمام خليها بعدين شوي
روان:لو سمحت امي برا؟!!
الدكتور:كل عيلتك برا مش غير امك الله يهديكم وخلاص
روان:تبكي…الولد يلي معاي مات؟
الدكتور:في الغرفه يلي جنبك وبعد شوي رح بنضفو راسك من المرش الفاضل ونكتبولك خروج
روان:جايه بتتكلم بس قاطعها فتحت الباب وكان بوها يلي خش
روان:سكرت عيونها مش قادره تشوف لبوها في الموقف هاذا?
الدكتور:سكر الملف وطلع من الغرفه
جمال:خذي كرسي وقعمز جنب روان ويتكلم بهدوووء ….منو يلي ركبتي معاه؟
روان:تبكي بشهقه….والله مفي حاجه بينا ولا نعرفه صاحبتي تعرفه وجيت بناخذ منه حاجه????
جمال:تركبي معاه ياروان؟!هكي ربيتك اناااا؟!!! تكلمي
روان:قعدت تبكي وطلع بوها وسيبها وخوتها بيقلبو الدنيا براااا
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
الدكتور:وين رفعتوها ؟!
الممرض؛في غرفة التنضيف وسكرنا عليها هاذي الدكتوره الجديده اسمها هاجر جمال ال….
الدكتور:نبه عليهم كلهم ان هاجر كملت دوامها وروحت عادي جدا
الممرض:ب شن بدير فيها؟!
الدكتور:ينحي في البالطو…..عندها خيارين الاول تسكر فمها ومتحكي شي والثاني تموت
الممرض:بلع ريقه….كككيف تموت
الدكتور:ساهل ساهل برا كمل شغلك
الممرض:طلع وهوا خايف من يلي بيصير !!!!
هاجر:فتحت عيوني نشم في ريحه غريبه نضت من ع الارض مخلوووعه نبي نعرف انا وين بس الدنيا كانت ضلاااام خبطت ع الباب هلبااا بس مفيش فايده محدش كان سامعني ?كنت مرعووووبه شعور خوف اول مره نحس بيه نرعش لدرجه مش قادره نمسك اي شي مش قادره ناخذ نفس ونعيط ونخبط اخر شي قعدت نفتش في جيوبي وصدري الحمد الله لقيت تالفوني
الدكتور والممرض منتبهش ع التالفون في صدر هاجر لان البدله يلي كانت لابستها مفيهاش جيوب
هاجر:تفتح في التالفون ويديها يرعشووووو مش قادره تكتب ولا ادير شي لين بصعوووبه اتصلت بي صاحبتها تشتغل معاها.
الغرفه يلي لاصقه في غرفة روان كان يوسف مقعمز ع السرير مفيشي شي غير شوية خدوش في وجها وع يديه
عامر(اب يوسف):يتكلم ومتعصببب….توا فهمننننني هي كيف بنتصرف مع خوتها يلي واقفين برااااا فهمني ديما نقولك مدير شي معفن هنايا سافر ودير ماتبي
صالحه(ام يوسف):مداااااير روحك تربي فيه هكي شنو يعني هنايا في ربي وغادي لا؟!!!!
عامر:صالحه اسكتتتتتتي مش وقتك خليني في المصيبه يلي مدايرها ولدك
صالحه:قعمزت ع الكرسي وهيا تسحن وقريب تهبببل
عامر:بصوت واااطي…مداير حاجه مع البنت؟!
يوسف:تي والله مصارت الزفت كيف طلعتها من الجامعه خش فينا ولد الحرام
عامر:خوتها حالفين بطلاق ماتطلع من المشفى لين تقرا عليها فاتحه ولا يقتلووك
يوسف:تي والله وكان تموت ماني واخذهاااااا انت تعرف يابوي منبيش نتزوج توا
صالحه:وكان متبيش تتزوج علاش تصيع مع بنات النااااس هااااا؟!
يوسف:اففففف
عامر:قعمز ويديه علي راسه معش فاهم كيف يتصرف
اما جمال اب روان كان هادي وميبيش يدير شوشره ويلم الموضوع عكس ولاده
ربيع:تفضل تفضل
جمال:مني هاذا؟!
ربيع:هاذي دكتوره جبتها تكشف علي بنتك يابوي وربي العزه تطلع مش بنت دقيقه منخليها عايشه
جمال:بغضببب ….سكر فمممممك ياوسخ اختك هادي يلي تتكلم عليها
مؤيد:لاكن يا بوي …..
جمال:اسكت حتى انت….مش معنى كان اختك غلطت معناها ساقطه وتطلع مش بنت
ربيع:به تمام انا نبي نتأكد فيها غلط؟!
مؤيد:كلام ربيع صح يابوي
جمال:تنهد …خلوها تكشف عليها
الدكتوره؛خشت لي روان وجمال من داخل خااايف لو بنته تكسره وتطلع فعلا مش بنت ?وقتها بنته رح تموت وهوا ضهره بينكسر
((انا اروى حسب كلللل القصص يلي مرت عليا كان جمال الاب الوحيد يلي وقف مع بنته حتى وهيا غالطه وكان محافض علي هدوئه ))
سلوى:تمشي ورجليها يرررعشو وقفت قدام غرفة التنضيف ودخل المفتاح في الباب ويديها يرعشووو ومرضاش المفتاح يخش من كتر الرعاش مسحت سلوى وجها من عرق الخوف وحاولة تهدى وفتحت الباب
هاجر:حضنت سلوى وكانت حالتها تخوف من كثر البكي والخوف
سلوى:شن شفتي تكلمي ليش انتي هنايا!!!
هاجر:صوتها رااايح من البكى….تو نقولك …وطلعت هاجر تجررررري تجرررري وقفت ع الاسانصير لقاته مشغول نزلت من الدروش وكانت اطيح كل مره وتعاود تووقف لين وصلت لي الطابق الارضي وقعدت تجري عشان تطلع قبل ميشوفوها لين نخبطت في ولد وطاحت
صخر:كان يتكلم بي التالفون وبمجرد مخبطت فيه هاجر طاح التالفون وطاحت القهوه يلي كان شادها
هاجر:حاولت تنوض بس طاحت من جديد بسبب الرعاش والخوف
صخر:خيرك انتي متشبحيش قدامك ولا شن قصتك بزبط؟!
هاجر:قامت وجها …اس اس اسفه اسفه….وطلعت تجرررى
صخر:قعد حاااير في وحه هاجر ليش تبكي ومن شنو كانت خايفه ومرعوبه هكي؟!
خدي تالفونه وكمل مكالمته
صخر:ها وين انت في اما قسم؟!
يوسف:قسم الطوارئ تعالا
صخر:اهو وصلت انا …وسكر الخط
صخر مواليد 88اسمر عيونه عسليااات لحيته خفيفه بكل وشعره ع الاسود احلى شي فيه رموشه وجسمه??مشكلجش هلبا ولسانه سليط او بي الاحرى رديف نوعا ما
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
روان:بكيت هلبا لما تفحص فيا الدكتوره ?عمري متخيلت روحي في الموقف هاذا قريب متت بذات قدام بوي
الدكتوره:تمام حبيبتي البسي
روان:شن طلع معاك؟!
الدكتوره:امورك طيبه متخافيش
روان:هزيت براسه ورجعت رقدت ع السرير
هاجر:اخيرااا انا برا المصحه دقات قلبي قاعده متسارعه من اثر الخوف ونشوف يمين يسار خايفه حد يشوفني منهم معرفتش منو نكلم ؟!بوي وخوتي مستحيل نكلمهم لان وقتها رح يمنعوني من شي اسمه خدمه واحتمال حتى الدكتور يتبلى عليا ونصير في مشكله تانيه في نفس الوقت منقدرش نسكت ع يلي شفته مستحيييييل ?اتصلت بي ولد خالتي يخدم في الردع وحلفته ميجيبش سيره لحد وقعدت في محل ملابس لين وصل
الدكتوره:طلعت من الغرفه وعيون الككل عليها منتضرين شنو تقول لان لو كان الخبر مش زي ميبو يسمعوه رح يسير في دم وجريمة قتل في دقايق
ربيع:وهوا متحشم….شن صار؟!
الدكتوره:تفضل هاذي الورقه وتقرير يثبت اختك قاعده بنيه ومتعرضتش لي اي تحرش جنسي او ممارسه بي الارداه
جمال:قلبه جمرررره وطاح في اميه بعد سمع الخبر ?
ربيع:خذي الورقه وشكرها ❤️
صخر:السلام عليكم
عامر:وعليكم السلام خش ياولدي خش قعمز لي صاحبك قنعه يتزوجها ولا رقبته اطير
صخر:قعمز ع الكرسي وطلع اب يوسف وامه
صخر:ها شنو الكارثه يلي مدايرها جديده؟!
يوسف:تذكر سلسبيل هاذيك ال ??يلي تعرفت عليها في الجوازات
صخر:ادبست فيها؟!
يوسف:حشاني كلبة الفلوس هيا
صخر:شن صار به
يوسف:جت قريبتها بناخذ مني فلوس شافت صاحب خوها خافت ركبت معاي ع اساس بنطلعها من الجامعه درنا حادث
صخر:??♂️
يوسف:نضت لقيت روحي هنايا وخوتها فوقي يلعلعو تقول مولدات الزح
صخر:وانت وين عقلك تركبها معاك
يوسف:ع اساس اول وحده تركب يعني تي سيارتي البنات يلي راكبينها اكتر من مزين اختك
صخر:لوح عليه باكو كنينكس..
يوسف:اسف تحمست شويه?
صخر:?….وتوا شنو منو؟!
يوسف:بنهرب واضحه يعني نحجزلك تذكره معاي؟!
صخر:مفيش تذاكر يابابا الناس حالفين كان مقتلوكش انت بيولو علي بوك
يوسف:قصدك بيقتلوه؟!
صخر:امالا بيمكيجوه؟!
يوسف:عطيهم عمي العربي ع الاقل نفتك منه الزفت
صخر:يووووسف بلا خفت دم وركز في المصيبه يلي انت فيها
يوسف:مش عارف النم موضوع طلعلي مش في وقته بكل
عامر:حقكم عليا لاكن زي مولدي غلط راهو حتى اختكم غالطه ياحاج
جمال:ساكت ويفنص في ولاده ميبيهمش يتكلمو
عامر:فلهاذا خلينا نحلوها بتفاهم القصه مش منتشره قاعده
ربيع:تي كيف مش منتشره الراجل يلي شاف اختي قريبنا وخوذها في العيله كلها توا
عامر:تتلفق بي اي قصه المهم مطلعوش اختكم غالطه وتنفضحو يعني توا كان قتلتو اختكم ولا ولدي شنو يلي بتحصلوه
جمال:تنهد….وتو شن الحل حسب رايك
مؤيد:تبونا نروحو عادي مل حد في طريق ولا ميف اشبح ولدك شن ضاحك علي اختي وواخذ منهااا
عامر:حقك عليا من اليوم نجيب شيوخ القبيله ونجو نطلبو بنتك علي سنةلله ورسوله ودير لي بنتك عرس زيها زي اي بنت ولا من شاف ولا من دري
قعدو خوت روان يشوفو لبعض وبوها اقتنع مفيش حل غير هكي لان لو روان متزوجتش رح تنفضح في العيله كلها وسمعتهم بتبدا في الارض ?
جمال:علي بركة الله
عامر:ارتاح قلبه لان خااف يقتلو ولده الوحيد يلي حصله بعد3بنات
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
هاجر:مقعمزه جنب ولد خالتها وتشرب في اميه وحالها احسن من قبل
فهد:توا انزلي حوشكم وخليك هاديه ومتحكي شي لين نجمع الشباب نقوللهم وندرولهم مداهمه تمام؟!
هاجر:فهد اقسم بالله معارفه كيف نشكرك?
فهد:ابتسم ومسح دموع هاجر بحنيه
هاجر:نصدمت فيه كيف حط يديه علي خدودها وتحشممت
فهد:يالله انزلي قبل ميجي حد
هاجر:تمام …فتحت باب السياره ونزلت وهيا شبه مطمنه ❤️
هاجر:السلام عليكم
حنان:ااااه هوا انتي ؟!متعرفيش خوتك وين وروان وين
هاجر:روان قاعده مروحتش قصدك?
حنان:نهاااري الاحرف معرفتش شن صااااير قريب نهبللللل
هاجر:هدي روحك يا امي وين هما
حنان:جي تالفون لي خوك ربيع مش عارف شن قاله علي روان وطلعو 3 معاش روحو ولا يردو علي تالفوناتهم
هاجر:ان شاء الله خير هدي روحك
حنان:كان قلبها حاس ان فيه شي ويغغغغلي مش قادره تهدا بكل ?
الدكتور:كيييييف تطلع?????مش قلت سكرت عليهااااا
الممرض:اقسم بالله سكرت عليها بي المفتاح
الدكتور:بدي يصب منه العرق وخاف ينكشف قعد ماشي جاي ومش عارف شنو يدير ….برا جيبلي الملف متاعها بسرعه
الممرض:تمام…..وطلع يجري
هاجر:خوذي اشربي
حنان:منبي شي خليني بالله
ربيع:حذف روان لين طاحت
حنان:جيتوو خيركم شن فيه
مؤيد:بدون مقدمات بدي يضرب في روان هاجر مصدومه وحنان تحز علي بنتها لين ادخل جمال ووقف ولاده
جمال:خلاااااص قلنااااا هاجر دخلي اختك تحركي
هاجر:سندت روان ودخلتها غرفتها وروان تبببكي
حنان:شن صار فهمني خيرها البنت مضروبه هكي شن دارت
مؤيد:بنتك يلي مدللتيها هاذي راكبه مع واحد غريب وكان مدارتش حادث وكشفها ربي راهو مستمره في الصياعه
جمال:بصوت عاااالي….خلاااااااص عاد يااااااسر وانتم نفس السيره البنت بتتزوج ويينتهى الموضوع
حنان:قعمزت من الصدمه….شن دارت؟!مم منو بيتزوج؟!كيف؟!
جمال:تنهد وقعمز جنبها …
يوسف:مقعمز علي كرسي المصحه ..انا كيلو انا غرام انا لست علي مايرام?
صخر:قمت التفاها ?
يوسف:انت دمك رزين زي اسمك الزح
صخر:رجليه فوق الطاوله ولاهي في تالفونه….خلي دمك الخفيف ينفعك في المصيبه متعك
يوسف:تعرف شنو الشي المشترك بينك وبين البنت يلي تقول لديك اقل من دقيقة واحده ؟!
صخر:قام عيونه….شنو؟!
يوسف؛الزوز ادكرو فيا اني في مصيبه
صخر:نياهاهاها
عمار:فتح الباب…..هي نوض بنروحو
يوسف:شوف خوتها ياكبدي كان قاعدين خايف نطلع يفرموني ويديروني مالفي
صخر:المالفي مش بي المفروم?
عمار:وقت برادتكم توا اطلللع هيا حليناها
يوسف؛وقف يلبس في جاكيته…..كيف حليتوها؟!
صخر:بي ألآله الحاسبه?
يوسف:اععععععع نحبك لما تبدا تاااافه ???
عمار:زيد اضحك اليوم ماشيين بنطلبوها البنت
يوسف:شبح لي صخر….كيف بيطلبوها؟!
صخر:معناها عندنا عرس قريب ?
يوسف:طلع مع بوه وصاحبه صخر وهوا يخبببط ويتأف اف ميبيش يتزوج
روان:تبببكي …..جيبلي تالفونك وراااس هاجر
هاجر:هاك خوذي شن درتي ياروان
روان:الوو
سلسبيل:ايوا ….وينك مترديش شن صار خذيتي الفلوس من يوسف؟!
روان:طحت في مصيبه ياسلسبيل بنموووت?
سسلسبيل:خيرررك ?
روان:شفت صاحب ربيع خوي خفت يشوفني ركبت مع يوسف ع اساس بيطلعني برا الجامعه درنا حادث نضت لقيت بوي قدامي وخوتي ??
سلسبيل:جبتي اسمي في الموضوع؟?
روان:اسم شنو يوسف خطبني يا سلسبيل بيزوجوني للللليه
سلسبيل:نصدمت…شششنو؟! انتي تحكي ع حبيبي يوسف ره؟!
روان:اليوم بيجو يتمو فيا ع السريع والعرس مبكري نسمع في بابا يحكي مع امي الشهر الجاي ديري حل كلميه دبررري
سلسبيل:سكرت الخط في وجه روان وهيا مصدووومه
روان:لوحت التالفون وقعد تبكي
هاجر:تمسح ع شعر اختها وتحكي في خاطرها…الواضح ان اليوم كان يوم مصايب علينا كلللنا لولا لطف ربي بيا منعرفش شن كان بيدير فيا الدكتوره ?
صخر:الوو
ناصر:بابا فين
صخر:بلا خرا زايد وتعالا بنمشو نخطبو لي يوزرسيف
ناصر:واو الساعه9في الليل بنخطبو لي يوزرسيف(يوسف)التافه??وين معكسين نجيكم
صخر:منبصرش تعالا ماشيين نخطبو
يوسف:يتسهوك بصوت بنت…ووه عليا بيختبولي غصب عني
ناصر:جايكم هي ?
ناصر يكون صاحب يوسف وصخر وانسان تافه زي يوسف الوحيد العصبي والمشكلجي فيهم صخر??
جي عمار مع شيوخ قبيلته وناسه ومشي صخر وناصر المصدوم طول الطريق يسحاب روحه يحلم ومش فاهم شي ?
خطبو روان رسمي وتفاهمو ع كل شي وحددو العرس بكري بكري عشان يلمو القصه ومشي كل شي تمام
هذيك الليله مفيش حد رقد فيهم روان تبكي وخلاص وكل شويه تخش امها تصبر فيها مره وتعاتب فيها ع يلي دراته الف مره
جمال عارف ان في بنت هيا يلي خلت بنته تغلط هكي بس معرفت من تكون بزبط من عير هاذا كله رضي بي الامر الواقع وكذبو ع قريبهم يلي شاف روان مع يوسف قالو ان روان نخطبت من اسبوعين تقريبا وطلعت معاه يختارو في اثاث الحوش بعلم بوها وخوتها وكان غلط منهم يخلوها تطلع بروحها ?♀️
اما خوت روان استريحو بعد يوسف خطب روان رسمي ومهربش لاكن مستحيل يسامحوها ع يلي دراته?
اما فهد رسمي جمع الشباب والامر متعه وخشو للمصحه دارو تفتيش مفاجأ وخذو العماله الفلبينيه يحققو معاهم
طبعا العار يلي لقوه في المصحه تجارة اعضاء +دم فاسد ودواء مخنوب
اما الكارثه الكبرى لما اعترفو العماله الفلبينيه بعد مخافو ان الدكتور فلا وفلان وفلان يعتدو علي المرضى بعد تخديرهم ?
تسكرت المصحه وتم القبض علي كلللل الاسماء يلي نذكرت في نفس الليله
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
هاجر:راقده جنب اختها ومره مره تنزل منها دمعه بعد تذكر شن صار معاها لين وصلها مسج ❤️
فهد:هجورتي المصحه تسكرت والدكتور وغيره عندنا في المقر يلي يرميك بورده نرموه بي رصاص يابنت الخاله
هاجر:ابتسمت بعد شافت الرساله ❤️وقدرت تطمن اخيرا وتحاول تنسى يلي صار
بنووتة الشيخ:خلوني نختصر عليكم مدة 3اسابيع
انتشر الخبر في العيله ان روان نخطبت ليها فتره بس توا طلعو الخبر بعد محددو عرسها ومشت عليهم كلهم
اما روان عايشه في حالة اكتئاب طووول الوقت عياط وبكي بذات لما سلسبيل معش ترد عليها ومعاملة خوتها الزفته?وبوها يلي متجاهلها مفيش غير امها وهاجر يحكو معاها
صخر:طبعا صاحب يوسف مش قريبه ✨متكفل بي كل شي اثاث وفرش وكل شي يخص يوسف متقطع مع عامر في الحجات يلي تخص العرس كلها ويجهزوله بروحهم لان يوسف مينعباش عليه يتسهوك 24ساعه مع ناصر وخلاص
سلسبيل:بتمووووت من روان كيف بتاخد يوسف مش لانها تحبه لالا حاسده روان انها بتاخذ واحد فلوسه يغرقوها هيا وعيلتها مكانتش حاسه بي معناة روان نهائي ?
هاجر وامها طالعين خاشيين للمحلات يشرو للعرس وكل شي يخص روان لان خوتها مانعينها من الطلوع من اول مصارت المشكله معادش طلعت نهاااااائي
العرس كان عباره علي يومين يوم يهريه للعيله بس وحنه في الليل ويوم حفله ❤️
✨✨✨✨✨✨✨
روان:ساعه وانا نشوف لي روحي في المرايه ?عمري متخيلت نشوف روحي بي الڤيلو والتسريحه وانا مش فرحانه ?كيف بنعيش معاه ؟!حبيب بنت خالتي ورفيقت عمررري كيف بتكون حياتي
طق طق طق
روان:مسحت دمعتها بطرف عينها…تفضل
حنان:خاشه بي المبخره….هي نوضي سلم بنتي اهو صاحباتك جو
روان:سلسبيل؟!
حنان:جت حتى هيا….خيرها مش معاك ؟!كنتو متتفارقوش
روان:في خاطرها صاخفه علي سلسبيل كيف تحس توا لما حبيبها يتزوج بنت خالتها
هاجر:هيا يا روااان فتحو الزفه
روان:ناضت وهاجر تساوي في الڤيلو وحاسه روحها تنزف لي قبر مش لي راجل ?شعور تاخدي واحد متبيشي وتكملي معاه حياتك ممكن اسوء شي تعيشيه طول عمرك
وقفت روان ونصدمت في خوتها ربيع ومؤيد لما خشولها
هاجر:ابتسمت والدمعه في عيونها….بابا عطاهم قلة السماح لو مسامحوكش وبيزفوك
قربو عليها ربيع ومؤيد وبدت روان تبكي وتحضن فيهم
ربيع:خلاص توا يلي صار صار معليشي
روان:رغم كللل شي قاسي تعيش فيه فرحت بي خوتها
خشت هاجر ساوتلها شوي تعديلات وطلعت روان مع خوتها زفوها ❤️وطول الوقت راسها فوق عشان متبكيش
سلسبيل:تشوف لي روان ودموعها نزلو عمرها متخيلت يجي اليوم هاذا ومتكونش فرحانتلها ومعاها ?
يوسف:الزفت حلو طالع بي البدله حرام فيها
صخر:كان اليوم مش عرسك واهو اليوم سكرت شهر ميت
ناصر :اخخخ بنمشي ندير زي يوسف باش بوي يزوجني ?
صخر:به هيا بلا هدرزه زايده وقت
روان:حسبت بلوقت يجري بسرعه رغم ان تمنيته بطططيئ بسرعه ماتكاثرو المعازيم وبسرعه مجي وقت العشي وبسرعه مسمعت صوت امالي العريس وصلو ????
وقفت وانا قلبي بيطلع شنو بنقول لي العريس يلي حتى اسمه نسيته مابين صراعات بيني وبين نفسي شفت سلسبيل جايه من بعيد
سلسبيل:سلمت علي روان.
روان:قتلك ديريلي حل ?مش تخليني واديري ضهرك
سلسبيل:بالك تسحابيني غبيه ومش عارفه ان غروك فلوسه وكل شي صار بتخطيطك يا ماما وإلا من امتى كانت روان العاقله تركب مع ولاد؟!
روان:جايه بترد بس قاطعها صوت هاجر
هاجر:العريس ميبيش يخش هيااا روان
روان:خذت الباقه وعطتها لي سلسبيل وطلعت مع اختها وسلسبيل تشوفلها بحقدد??
حنان:ودعت بنتها وقلبها يدعي ياااارب تتأقلم روان وتعيشي في هني وراحه
اما روان وصلت دار العروسه لقت بوها بسرعه بكت وباست يده وبوها تأثر معاها ?
جمال:عارف عمري تربايتي فيك متخيب ويمكن يلي صار سببه غلطه لاكن مش زواج كان لازم يصير ومش بيدي
حاولي ترضي بي نصيبك
روان:كان انت راضي عليا نرضى علي كللل شي يصيرلي
جمال:باسها ع راسها…..راضي عليك
روان:طلعت وركبت في سيارة يوسف وقلبها ارتاح من ناحيت بوها وخوتها بس مكانتش عارفه شنو يلي يستناها…..يتبع
طبعا زواج روان ويوسف مش هاذا زواج الثأر لالا
زواج الثأر رح يصير مع بطلتنا وبطلنا الثانيه ❤️❤️❤️