رواية زواج ثأر
زواج_ثأر 3 (حقيقيه)
روان؛طول الطريق تبكي ومرضتش تقول حتى كلمه لي يوسف
اما يوسف ولا ع باله يسوق ومش عدل علي شي ?♀️
هاجر:روحت من الصاله هيا وامها وباقي عيلتها وبالها مشغول علي روان شنو بيصير فيها وكيف رح تتأقلم مع يوسف؟!وخايفه من سلسبيل ادير اي ردة فعل مش كويسه ….كانت هاجر اطيب في قهوا لي خلاتها وعماتها بعد مبدلت حوايجها وصلها مسج❤️
فهد:وين يابنت خالتي روحتي ولا مزال؟!
هاجر:ابتسمت وردة عليه….ندير في قهوا نحسبك؟
فهد:شنو قهوا ساعه 3في الليل هاذي؟!
هاجر:طبيعي هاذي قهوت التقريم بعد الحفله???
فهد:به انا برا بعد تكملي جيبيلي فنجان
هاجر:حاضر ❤️
فهد:حضرلك الخير ياغزاله
روان:نزلت من السياره وهيا تشهق بي البكي وتكر في روحها بهذاك الڤيلوو ويوسف سبقها فتح باب الحوش وقعد واقف يستنى فيها
خشت روان وهيا تعيط وتخبط في الفيلو
يوسف:نحا جاكيته….بشويه عليك وانتي تقول ملبوسه
روان:نفجرت فيه….انت بذااااااااات سكر فمك
يوسف:وعلاش بنسكره فمي ان شاء الله
روان:حققققققيرررر مكلفتش روحك حتى ترفض الزواج الفاشل هااااذا كيف راضي ع روحك تاخذ بنت خالت يلي تحبها وصااااحبتها
يوسف:بكل برود لوح المفاتيح ويصب في الميه….لا نحبها لا سو تو بالله بنت خالتك هاذي شكال ينحب؟!تي كلبت فلوس
روان:لوحت عليه كندرتها….وووووسخ
يوسف:ابتسم ….والله اوسخ مني مارح تشوف عينك
روان:نحت الطرحه بغغغيط ومنزله راسها….وين دار النوم
يوسف:مش رح نقولك دوري في الحوش كله بي المركبه الفضائيه يلي لابستيها هاذي ?
روان:قامت صبعها بتهديد….علي برودك وحقارتك ولعبك ع بنات الناس رح تشوف معاي ايام اسود من شعر راااااسي والايام بينا
يوسف:شعرك لونه قهوي ع فكره?
روان تعصصصصبت…..سكرررر فمكككك?
يوسف:به بري ارحمي روحك وامسحي يلي في وجهك وانتي من البكي خليقتك تقول خريطة ببجي
روان:تعبت حقددد وغل علي يوسف بسبب اسلوبه التافه قامت الڤيلو بيديها ومشت تلود في الحوش ويوسف مقعمز ع طاولة الاكل فاتح النت وياكل في فواكه?
روان:اخيرا لقت دار النوم وكانت حلوه ومرتبه لونها بيج في الابيض ❤️سكرت عليها الباب وبدت تتعاند هيا والفيلو مقدرتش تنحي قعمزت تبكي ع السرير وتخبط وبعدين رجعت تحاول تنحي لاكن يديها ميوصلوش??
هاجر:فرقت القهوه علي اقاربها البايتين وبعدين خذت فنجان قهوه مع شوية حلويات العرس وطلعت لي فهد ….
هاجر:تفضل ياحلو
فهد:خذي الفنجان وهوا يتأمل في هاجر كانت لابسه توته حمراء❤️وقاعده بي مكياج الحفله الخفيف ومع السنسله البسيطه يلي لابستها تجنن❤️✨
هاجر:تبي حاجه تانيه?
فهد:سلامتك
هاجر:جت بتمشي بس وقفها فهد وهوا يتكلم
فهد:قتلك هاجر
هاجر:نعم ?
فهد:يحاول يفتح اي موضوع معاها….ع سيرة المصحه وهكي اليوم درت دوره ع المقر مع اني واخذ اجازه
هاجر:به؟!
فهد:قاعدين في الحبس محولوهمش ع النيابه وفي احتمال الفلبينيين بيرحلوهم لي بلدهم
هاجر:تنهدت….المهم المصحه تسكرت بس هاذا يلي مريحني
فهد:ابتسم ومسك يدها….دوم راحتك ❤️
هاجر:ارتبكت واستغربت من حركة ربيع ?شافت خوها ربيع جاي…..بسرعه نفضت يدها وتكلمت…..ربيع نجيبلك قهوا؟!
ربيع:يدخن ….لالا كيف شربت فهد تعالا قظ الخيمه مع الاولاد
فهد:تمام هي
هاجر:خشت وهيا مستغربه ومش فاهمه تصرف فهد الغريب في اخر فتره?♀️
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
روان:طلعت من الدار وقالبه وجها….اتصل بي اختي ولا امي يجوني
يوسف:شبحلها من فوق لا لوطه وكانت شبحته مستفززززه …..وعلاش؟
روان:مدخلكش بسرعه كلمهم تالفوني طافي شحن
يوسف:لا طبعا شنو من اول يوم خيرك انتي بري بدلي حوايج ورقدي فكيني من عياط البنات
روان:بتكلمهم ولا نطلع من الحوش
يوسف:قام حاجبه ….بري اطلعي
روان:قامت الڤيلو بي يديها وجت طالعه فتحت الباب وسحبها يوسف من يدها وسكر الباب
يوسف:تي خيررررك انتي هبلتي ولا شني
روان؛ قتلك من البدايه اتصل بيهم
يوسف:بي عياط…..شن تبي في امهم في الليله الحرررفه هيا
روان:معرفتتتتتتتش انحي امه الكفن يلي لابساته هاذا
يوسف:علامات الضحك والهزوه ع وجها….تبي امك تجي من الحوش عشان تنحيلك الڤيلو ?
روان:الحق عليا انا ندوي مع خرا زززيك تو نشحن تالفوني ونكلمهم بروحي طز فيك وعطاته بضهر
يوسف:هههههه كان لقيتي شحن
روان:وقفت وقعدت تدوي في خاطرها……رسمي معنديش شحن …..حست روان بي صوابع تلمس في ضهرها
يوسف:اقعدي تو نحيهولك
روان:دفاته بكل قوتها…..متمسنننننيش
يوسف:الحق علياااااا اناااا بنساعدك بري مرض
روان:يرفعك ان شاء الله….ورجعت لدار النوم
هاجر:تفضلي الميه عمتي
فتحيه:صحيتي بنتي
سلسبيل:هاجر تعالي نبيك شوي
هاجر:خاافت وعرف ان سلسبيل رح تتكلم في موضوع روان …اها حبيبتي تبي شي
سلسبيل:ونبي حبيبتك؟!كان حبيبتك راهو منعتب اختك من الشي يلي دراته فيا
هاجر:تنهدت….عارفه ان الموضوع صعب عليك بس صعب حتى ع روان ره مش عليك انتي بس روان طووول فترة الخطبه وهيا تبكي كل يوم ومتبيشي دراه الكبد متعك هوا
سلسبيل:فوتيها ع غيري حبيبتي اختك درستها ولعبتها صح عشان تاخده مني ودبسه فيها يتزوجها لاكن انا الغبيه يلي وثقت فيها
هاجر:انتي عارفه انك حرقتيلي دمي؟!بري طز فيك متصدقيش ….ومشت وخلتها
روان:قعمزت ع الارض راسها ع الكنبه وقاعده بي الڤيلو تبكي لين غفت✨
يوسف:خش لغرفة النوم بياخذ حوايجه شاف روان كيف مقعمزه ع الارض والڤيلو مفرش وراسها ع الكنبه
يوسف:هي رقدتي؟!!!
روان:?
يوسف:نكلم فيك
روان:?
يوسف:عرفها راقده وقف بيطلع من الدار لاكن رجع ونزل جنب روان وفتحلها خيوط الڤيلو ??
روان:حست بيه فتحت عيونها وقامت راسها
يوسف:وقف…نوضي بدلي حوايجك بلاهبال مدايرتيلي جو ساندريلا الحزينه
روان:بتعب…اطلع برا
يوسف:عليك ناس مينفع فيهم الخير??♀️…وطلع
روان:ناضت سكرت الباب وواخيرا نحت الڤيلو?
طلعت بيجامه بيضه وخشت الحمام دوشت
يوسف:الوو
ناصر:ها يوزر سيف درتو العيب ولا مزال احككككيلي??
يوسف:مزال ياحبي مش اليوم وحده وحده لين تاخذ ع الجو وتجيني هيا برجليها
صخر:ان شاء الله اتعبك وتخليك زي الكلب العربي تشوف وماضوق
يوسف:حي علما صخر معاك؟!
ناصر:اي فاتح مايك وصاهر معاي ناكلو في عشى عرسك وانت بروحك زي القزون نياهاهاها
يوسف:كلااااب وين قاعدين
صخر:مدخلكش متقولاش يجي ره
ناصر:مصح وجها في حد يسيب عروسته ويطلع
يوسف:عروسة العازه من اول مخشينا وهيا عياطات
صخر:من برادتك
يوسف:ونبي فكني ترا …حي?سكر سكر بنت خالها تتصل
ناصر:يخون فيها من اول يوم الكلب
يوسف:تو ندورك هي ….وسكر الخط
سلسبيل:توقعتك راقد معاها مش انتضار
يوسف:بلا جو عاد زابطه قصة الزواج شنو من البدايه
سلسبيل:متوقعتهاش منك ياسوفه الخونه هيا
يوسف:بالله فكيني منه الصوت هوا عارفتيني منتحملش انا?
سلسبيل:شن رايك نجيك من الصفحه ميه
يوسف:تعالي
سلسبيل:مدامك الوقت هاذا مش معاها معناها فيش احي بينكم ولا رح يكون
يوسف:قام حاجبه …به؟!
سلسبيل:عطيني يلي ناقصني نعوضك يلي ينقصك من مرتك
يوسف:ضحك….انتي …
فصلت الطغطيه ع الاثنين ✨وقعد يوسف طول الليل يفكر في كلام سلسبيل ?
اما روان رقدت ع طول بدون متفكر في شي من التعب
هاجر وصلتها مسجات من فهد يعتذر ع مسكت يدها وان مكانش قاصد اي شي وهيا خلت الموضوع عااادي وسكرت فونها ورقدت ❤️
صخر:متعياش من تالفونك؟!
ناصر:استنى بندير لايڤ ع الانستا
صخر:??♂️تصبح ع خير بنرقد وان شاء الله تموت
ناصر:اجمعين..احم السلام عليكم شخبار متابعين اليوم ….
طبعا ناصر كان شخص تافه زي يوسف ومدمن حاجه اسمها نتت بي جميع انواعه وسحنون شوي يحب حجات البنات ??♀️
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
ثاني يوم???
روان:فتحت عيونها لقتها الساعه 12رجعت غطت وجها ورقدت
هاجر:ناضت علي اصوات عياط طلعت بسرعه مخلوعه شافت امها تعيط علي بوها ووجه عماتها وخلاتها ميتفسرش وسلسبيل تشوف بنضرات شمااااته ✨?
هاجر:شن فيه ?
جمال:يا حنان غير اهدي مرات الولد يطلع كويس
حنان:متقوليش اهدددددددي ياجمااااا البنت الاولى عطيتوها غصب والتاااانيه زيهااا لااا والف لا معقوله يهونو عليك بنااااتك ؟!تكلللللم
هاجر:مصدومه ومش فاهمه شي ?
هند(خالة هاجر):وحدي الله ياحنان بالك البنيه يعجبها
حنان:قعمزت وهيا ترعش ….لا إله الا الله
جمال:شبح لي هاجر….انا عارف بنتي مش رح تكسر كلمتي وتنزل كلمة بوها قدام شيوخ القبائل ولا يا هاجر ؟!
هاجر:ابتسمت بخوف….اكيد ش شش شن في؟!
جمال:تنهد وطلع من المربوعه….
سلسبيل: قبيلة ال…..قتلو شاب من قبيلتنا امس اجتمعو الكبار كلهم وقالو عشان ميصيرش ثأر ويجي واحد من صغارنا يردها ويقتل من قبيلتهم لازم نتناسبو عشان ينهو الدم زواج ثأر يعني …
هاجر:شبحت لى امها…به خيرك مضايقه امي؟خلعتوني نسحابه حد مات
هند:هاجر حبيبتي….عمك خبط صدره وقال زوجو ولد من قبيلة ال…..لي ولد خوي جمال
هاجر:نصددددمت ونزل عليها الخير قوووى….قصده عليا؟!?
فهيمه(خالتها):اي عليك انتي مشاء الله حلوه ودكتوره ولحد اليوم مجاش نصيبك بالك فيه خيرتك هاذا
هاجر:شبحت لي امها بصدمه …..
حنان:تبككي…وووه علياااااا وخلاص?بنتي الدكتوره يلي رفضنا الف عريس لان مش كامل زي منبو توا بنعطيها لاي حددد?ياغبااااارتي وخلاص
هاجر:واقفه فاتحه فمها من صدمتها تشوف لي وجه اقاربها كيف مصدومين وساخفه عليهم وتشوف لي سلسبيل كيف متشمته فيها … حست الدنيا دارت بيها وهوووووب فقدت الوعي
ناضت العيله كلها يتعايطو وجابولها الميه والصنه والبصل وكلللل شي يخطر ع البال
روان:ناضت من نومها قامت شعرها وطلعت من الدار طول …
يوسف:راقد ع الصالون
روان:فاتت من جنبه….تفووو ع ها المنضر
يوسف:ناضت عين مسكره وعين مفتوحه….خيره مش عاجبك منضرررري ؟هااا؟!ع الاقل احلا منك بألف مره شوفي شكلك بلا مكياج كيف كيف كيف
روان:يدها في نصها…..كيف شنو
يوسف؛فتح عيونه الزوز وقعد يشوفلها…..كيف رايحه معندكش ملامح بلا مكياج
روان:انا الفاضيه يلي واقفه ندوي معاك انت حرام فيك حتا الدفله
يوسف:تبيني نرد هالك؟!تفووووووو عليك
روان:ع وجهك يا مصنن
يوسف:شافلها بصدمه وقعد يشم في روحه?
يوسف؛تو انا مصنن?!؟! يامزيته يا خضرررره
روان:قولها لي عمرررررك م……
طق طق طق
روان:قلبت وجها وخشت المطبخ
يوسف:ناض وهوا متكنطي فتح الباب وابتسم بي الكذب…..اهلا اهلا امي تفضلي
صالحه:صباحيه مباركه ولدي
يوسف:بصوت واطي..مغبره والله
مسره(اخت يوسف):الف مبروك وخي
يوسف:يبارك فيك
صالحه:وين عروستك
يوسف:ابتسم وبدي ينادى ….رورو يارورو
روان:عضت شاربهااا….حققققير مستفز ….وابتسمت بلكذب حتى هيا ….تفضلي تفضلي عمتي
صالحه:مشاااء الله الله يبارك علي الحنه والعرسه يلي طالعه عليك
روان:تسلميلي ربي يخليك عيونكم الحلوين
مسره:كيف حالك اليوم
روان:الحمد الله وانتي؟!
مسره:الحمد الله
صالحه:وهاااذا الفطور حبيبتي حني سبرنا لازم العروسه تفطر من يدين ام العريس
روان:ربي يخليك صحيتي
صالحه:سلمك وين امك امالا ؟!جاتك ولا مزال؟!
روان:اءء لا والله بالك بعدين تجي
صالحه:به ربي يهنيكم
روان:سلمك يارب
يوسف:وين يما اقعدي افطري معانا
صالحه:لالا بوك يراجي صحتين عليكم
يوسف:سلمك
صالحه:خذت بعضها هيا وبنتها وطلعو
يوسف:حطي الفطور
روان:تبي فطورك حطه بروحك
يوسف:بجديه:متخلينيش نمد يدي عليككككك
روان:ومدها تراااا اقسم بالله نعيط ع طول حسي ونلم عليك الدنيا
يوسف:خدي نفس عمممميق….مش رح تقدري تستفزينى وكان تموتي عادي تو نحطه بروحي طز فيك
روان:قدبت عيونها وخشت الدار
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
هاجر:ناضت شوي شوي والحوش كلللله مقلوب بي زواج الثأر هاذا من جيها خايفين هاجر متتقبلش العريس ويكون زواجهم فاشل ومن جيها ثانيه ميبوش الحرب بين القبايل ويكثر الدم بينهم
هاجر:اللقطه يلي كانت حاااارقتها وبتموت منها كيف عمها يعرضها لزواج ليش معرضش بناته؟!!????
صخر:قلب سفرة الفطور وهوا يعيط ويخبببط وعروقه باااااارزه …..تي شن الدواااااااا هااادي متع الناس المتخلللللفه الزززززح
مهدي(اب صخر):تكلم بي حزززم وصوت يخوف….صخررررر اهدا وبلاش منه الجو يلي ادير فيه كلمتي مطيحش مع العرب وزواج الثأر هاذا بيصير غصب عنك
صخر:تي طزززززز في ام القبيله وفي الثأر المعفن هواااا ان شاء الله تنحرقووو???….وطلع
عفاف:تتكلم بخوف وشابكه يديها في بعض ….قتلك الولد دمه فاير يامهدي وبتسمع منه كلام اخي و….
مهدى:بيااااااخذها ورجله فوووووق رقبته حطيت كلمه لي الناس ومش رح نطلع عيييييل
عفاف:ياحليلي وخلاص ربي يجيب العواقب سليمه
_______________.
يوسف:طالع من الحمام يبطم في سوريته وريحته تفحفح
روان:واقفه ع بار المطبخ وتشوفله بطرف عين
يوسف:وقف ع مراية البوفي يقيم في شعره ويبتسم ع المرايا
روان:ان شاء الله بلطف
يوسف:مقهوووورين
روان:قلبت عيونها وردت ع فونها يلي كان يشرين
يوسف:شك ان روان عندها حد تكلم فيه قعد واقف في الممر ع اساس يلبس في كندرته ويسمع
روان:كككككيف؟!كيف زواج ثأر كيف بوي سمح بي الشي هاذاااااا
حنان:ااااااه يابنتي والله منعرف راهو نشوف في الدنيا سوووووده قدامي مقدرتش حتى نجيك
روان:به معليشي وين هاجر نفهم منها
حنان:مقعمزه مع خلاتها يصبرو فيها
روان:به امي هدي روحك بالك ميصيرش منه هاذا كله
حنان:ان شاء الله خير المهم انتي شن صاير معاك
روان:انا الحمد الله بخير اءء (نست اسم يوسف??♀️)عريسي فرحان بياا والامور تمام عندي متشغليش بالك يعامل فيا كويس
حنان:به ريحتيني عليك الحمد الله
روان:به امالا شوي ونعاود لي هاجر
حنان:ان شاء الله هي بسلامه
روان:سلامات….سكرت الخط واستغربت لما سمعت صوت الباب تسكر….يعني طول هادي المده يوسف مطلعش!!!?
صخر:فووووووووووتني يانااااااصر راهو بنتفجررررر
يوسف:خش للقهوا وقعمز جنبهم….شن في الزح جيت نجرى
ناصر:امالا انا طلعت مخلانيش حتى ندور شخشيري الجديد تخيل شخشيري بيج والتوته متعي كحله مش قادر نوقف قدام الناس اني أُخالف الموضه??♂️
يوسف:اقعد بلا شخشير بسيطه?
ناصر:نحب تفاهتك???
صخر:لوح الطاسه ع طوووول يده ويلي في القهوا كللهم شبحوله
يوسف:??تي فهمونا
ناصر:احم نبذا من البدايه قبل منشوف اشعارات الفيس .
هاذا ياحنى امس واحد من قبيلة صخر طالع يدهور في الليل تلاقى مع واحد من قبيلة ال…. المهم بدو يلقحو ع بعض من هني من هني بدو يضااااربو لين الولد يلي من قبيلة صخر ضرب الولد يلي من القبيله التانيه ع راسه
قعد الولد في العنايه 3ساعات ومات وباش ميصيرش ثأر ووواحد من قبيلة ال…..يقتل واحد من قبيلة صخر اقترحو الشيوخ يتناسبو القبايل الزوز يعني المحروس صخر بيتزوج وحده من بنات قبيلتهم عشان ينهو الدم بي اختصار زواج ثأر يعني
اه دهشت وين مرطب الشفايف متع نيڤيااا وين درته انااا
صخر:متكنننطي وقارن حواجبه
يوسف:احمم اءءءء الكلام هوا سمعته قبل منطلع من الحوش ?
ناصر:كيف؟!
يوسف:مش عارف مش متأكد لاكن قبل منطلع سمعت مرتي تحكي في التالفون وتقول زواج ثأر
ناصر:بدي عاد حتا مرررتي??❤️
يوسف:سكر فمك?
صخر:يعيط بصوت عااالي…..تي والله إلاما نحرررررررق امهمممممم قبيلة كامله مش صخر يتزوج بي الطريقه هاذي
يوسف:بشويه فضحتنا
صخر:يتنفس بغللللل وعيونه نااااار
هاجر:جت في بالها امهاا كيف بكت هلبا علي روان لانها مش سعيده في عرسها وجي قدامها بوها كيف مذلول قدام عادات جاهليه زي زواج الثأر والتحجير وغيرها قررت هاجر تخلي روحها عاديه قدام اقاربها يلي قاعدين بايتين وقدام امها وبوها
حطو الغدي وتجمعو كلهم عليه ويحكو في زواج الثأر وبس وخشو الجارت بعد مسمعو القصه حتى هما وقعمزو يتغذو بلمره
هاجر:امي نوضي تغدي
حنان:بصوت تاعب….والله معندي نيه حتا في العسل
هاجر:قعمزت….اسمعيني انت الحمد الله لا مخطوبه ولا قلبي متعلق بي حد يعني عادي مرات الولد يلي بيتقدملي ولد حلال ره
حنان:علي جثتي متاخديه كان مش عااااجبك
هاجر:ضحكت….به خلاص كان معجبنيش نفوتو موضوعه
حنان:اااااه يسهل الله
هاجر:هيا نتغدو نوضي
ناضت حنان مع بنتها يتغدو وكلام النساوين سواء اقارب او جارات كان يريح ويطمنو فيهم يمكن الولد يطلع كويس او يتفركس كل شي ❤️
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
صخر:بيهبببببل وقاااالب الدنياااا بي عياطه وتنرفيزه ويوسف يحاول هديه لاكن كل شويه يصيخ بضححححك هوا وناصر
الساعه10في الليل:-
بعد مسمعو خبر زواج الثأر حاولو يفوتو الامر عادي ع امل تصير معجزه يطلع الولد كويس او تتفركس الحكايه ❤️
طلعت حنان وحماواتها وهاجر رفعو معاهم حلاوات وحجات ومشو لي روان❤️
طبعا روان استقبلتهم بمنضر حلو مكياج ولبسه نازكه وبخور عشان متزيدش هم علي هم امها وتمثل انها زي العسل هيا ويوسف
((هاجر وروان يحبو امهم بشكل فضييييع ومستعدين يديرو اي شي عشان امهم متضايقش عكس خوتهم الاولاد??♀️))
صخر:قارن حواجبه وساكت
يوسف:نبات معاكم ولا نروح بيكم ولا كيف الزح
ناصر:روح لي عروستك صخر خليه عليا
يوسف:شن ياصخر؟!
صخر:روح روح تو نروح حتى انا نقلبها علي روسهم
يوسف:??♂️
ناصر:مدوراش خليه
هاجر:بنموووووت تعرفي نهدي في روحي بسبف
روان:شن تقولي عليا انا الزفت
هاجر:تهنيتي؟!
روان:وكان يموت منخليه يقرب مني ها الفاسد
هاجر:حرام تعيشو زي الخوت
روان:من قال خوووت عدوي اقسم بالله كان نحصل عليه نقتله الحقير
هاجر:اففففف علاش بسسس هاذا كله
روان:تنحل عادي مدام مسكرش عليك دار قاعد عادي تمشي
هاجر:ان شاء الله
روان:نوضي خلينا نطلعو برا بنحط نسكافي
هاجر:ناضت تلم في شعرها ولحقت روان ع المطبخ
يوسف:مقعمز في سيارته الفخمه ومدرس يمين الطريق
يوسف:كيف؟!
سلسبيل:معقوله مفهمتش يوسف؟!يلي نعرفه انك شاطر وميفوت عليك شي
يوسف:اعتبريني غبي في هاذي
سلسبيل:روان نعرفها اكتر من نفسي عبييييطه ومتعرف شي في جو ال?فالحه غير في لسانها ومعندهاش اسلوب
يوسف:اذكر كيف تعيط عليه وهيا لابسه الڤيلو وابتسم❤️
سلسبيل:عكسي انا يابيبي نزبط في كل كبيره وصغيره لهاذا السبب نعطيك وتعطيني
يوسف:شن تبي؟!
سلسبيل:فلوس
يوسف:توا انا في الطريق نروح ونهدرزو
سلسبيل:نستنى فيك
يوسف:تمام…..وسكر الخط
ناصر:تي خوووذها مننننني ياراجل خودها مني
صخر:ناصر تعرف بتدوي بي تفاها وجهك هاذا معادش ينعرف تشوه ولا جلطه
ناصر:حاجه والله بيتي فوره?….المهم متعاندش بوووك ياصخر
صخر:ونمشي نتزوجها نعلم بي امها انا كيف يطلع منضرها؟؟؟؟!وعلاش انا من دون ولاد قبيلتي كلها يلي ختاروني بيطيحولي خشمي فرووووخ الكلب
ناصر:دير مقابله شرعيه وقول صليت استخاره ومرتحتش اه لالا البناويت يصلو فيها قول مشناها منبيش لاكن هكي ترفض بلا سبب غلط
صخر:ساكت وملامحه وجها معصببببببه
يوسف:وصل للحوش واهل روان كيف روحو اول مخش شبح روان كيف لابسه وطالعه محلاها قعد واقف ويشبحلها بي شبحته المستفزه
روان:شبحتله ودارت تعبير بوجها بمعنى مرزن دمك?
يوسف:قرب عليها…..تحاولي تغري فيا يعني؟!كنتي تقدري تجي تقوليلي خاطري فيك يوسف مقدرتش نقاوم جمالك عادي
روان:تقلب وجهك من قدامي ولا نحدفك بيلي فيدي
يوسف:قرب منها ومسك يدها بقووو?
هاجر:وصلت هيا وامها وعماتها الساعه11ونص الحوش بدلت حوايجها وطلعت الشاهي لي خوتها
ربيع:صحيتي
هاجر:نزيدك طاسه؟!
ربيع:لالا3بس
هاجر:تمام
ربيع:طلع وسكر الباب الخارجي
هاجر جت بتخش الحوش لاكن في حد سحبها وطيحها ع الارض وسكرلها فمها…..يتبع