رواية زواج ثأر

#زواج_ثأر 15 (حقيقيه)

هاجر:ركبت الشقه وقلبي يرفع ويجيب لين خش علي صخر توقعته يقتلني
صخر:هاجر
هاجر:بلعت ريقها…نن نعم
صخر:…..

يوسف:خيرك رورتي؟!
روان:تشوف لي رقبته بصدمه والدموع عبو عيونها
يوسف:روان انتي كويسه؟!
روان:هاذا شنو؟!
يوسف:شنو؟!
روان:يلي في رقبتك
يوسف:حط يده ع رقبته وتألم شوي….مبكري ناشني مسمار
روان:سكرت عيونها ثواني ونزلو دموعها
يوسف:مسح دموعها بحنيه…خيرك شنو مضايقك ياقلبي
روان:بعدت من عليه وتمسح في دموعها….الحقير يقعد طول عمره حقير وانت مستحيل اتوب
يوسف:نزل من السرير ووقف قدامها….شن تقولي خيرك
روان:تبكي وبصوت عالي….غضواااا يايوسف غضوااا نكون في حوش اهلي وورقتي توصلني
يوسف:تي فهميني الزح خيرك?
روان:طلعت من دار نومها ويوسف وراها خشت لي دار الضيوف سكرت الباب ويوسف يطق عليها
يوسف:افتحي روان فهميني خيرك شنو سامعه
روان:قعمزت ع الارض وتبكي في الدار

هاجر:انت شنو؟!
صخر:في لحضات تغيرت ملامح وجها لغضب….سمعت شنو قال الكلب يلي واقف عليك مبكري
هاجر:تنهدي في عبايتها ….ولو يعني؟!سمعتني قلت حاجه غلط انا؟!
صخر:يعيط…تي شنو وقفك عليه انتي اصلاااااا?
هاجر:صددفه مش بقصدي
صخر:خذي نفس عممميق…من اليوم لما يبدا هوا عندكم مفيش مشي حوش بوك
هاجر:سكتت
صخر:جي بيطلع من الدار لاكن وقفه صوت هاجر
هاجر:صخر
صخر:وقف بدون ميتلفت….شنو
هاجر:تمالكت نفسها….اول منولد بسلامه طلقني
صخر:تلفت وعلامات الصدمه علي وجها….شش شن تقولي انتي
هاجر:احسن حل ليك وليا ع الاقل تتزوج البنت يلي تحبها وبنسبه للبيبي مش رح نحرمك منه
صخر:تت تت تكلمي رسمي انتي؟!
هاجر:هزت براسها بمعنى اي
صخر:بلع ريقه بى غل….مستحيل نخلي ولدي يعيش متشرد
هاجر:كيف متشرد؟!
صخر:اي طفل امه وبوه ينفصلو طبيعي بيتشرد
هاجر:مستحيل نخليه يضيع وبعدين رح ننفصلو بدون مشاكل ونكونو متفاهمين عشان نربوه
صخر:سكري امها سيرة الطلاق ومعش تفتحيها وكان واكله هم حبيبتي تو نتزوجها الشرع حلل4
هاجر:حرقتها الكلمه ?ونطقت بدون متنتبه…..والله حتى انا ليا الحق نعيش مع الانسان يلي نختار مش يلي يجبرني عليه زواج الثار
صخر:رفع حاجبه وعلامات الدهشه ع وجها قرب عليها ويتكلم بهدوء وصدمه….ليش انتي انتي انتي تبي غيري؟!
هاجر:بلعت ريقها بخوف….كل انسان وخصوصياته
صخر:قبض يدها وضرب الباب يلي كان جنب هاجر بقوووه
هاجر:سكرت عيونها من الخوف
صخر:طلع وقربع الباب

مرت الليله ع روان تبكي وبس ويوسف طول الليل يطق ويترجى فيها تفتح ومش فاهم ليش روان دارت هكي ؟!

هاجر:مبكتش راضيه ع الموقف يلي دراته والكلام يلي حكاته حاسه انها شفت غليلها حسست صخر ان في حد غيره في حياتها وخلاته يذوق من نفس الكاس يلي تشرب منه من اول يوم زواجها

صخر:طلع من الحوش مضايق مروحش قررريب يهبل يدور علي فهد لاكن ملقاشي حتى في حوشه

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

ثاني يوم???
يوسف:فتح عيونه ببطئ لقي روحه ملوح ع الصالون مسح عيونه كم مره وناض ع امل يلقى روان طالعه من الدار وفعلا لقاها طالعه دور في الحوش كللله وهوا ينادي بي اسمها لاكن مهناش خش لغرفة النوم يفتش في دولابها لقاها واخده كم حاجه من ملابسها عرفها انها طلعت الحوش بوها

هاجر:مقعمزه تفطر ع خشت صخر يلي مرضاش حتى يشوفلها
هاجر:تو نوريك هوا انت شفت حاجه؟!…..العفو خيرني بديت نتكلم زي روان ?
صخر:بدل ملابسه وخذي فلوسه ورجع طلع بدون ميحكي


روان:طلعت من الحمام تمسح في فمها بي الفوطه
حنان:شنو استفرغتي؟!
روان:اي حاسه كبدي بتتقلع
حنان:بالك حامل
روان:مستحيل كيف تمت مني الدوره
حنان:معناها برده من مكيف الشياطين هاذا
جمال:روااااان روااااان
روان:ايوا بوي
جمال:راجلك برا يبيك
حنان:جاي بيتغدا؟!
روان:تنهدت …..منعلمش بيه
حنان:قوليله يقعد كنهاذا نسقيله هوا وخوته
روان:طلعت للمربوعه واول مشافها يوسف تفجر عليها
يوسف:كيف تطللللللعي بدون علمي وشوري ومنو يلي رفعك؟!
روان:ربعت يديها….خوي رفعني
يوسف:تنفس بعمممق….روان اهدي وفهميني ع الاقل الغلط يلي درته بس
روان:اوقف قدام المرايا تفرج ع رقبتك تو تعرف
يوسف:تي مراية شنو الزح م…….
رواْن:قاطعاته….انا وصلت مكاني وورقتي توصلني مستحيل نكمل مع واحد زيك
يوسف:دمه نحرق وتكنطاااا ….تي والله ماني مطلق ياروان وزيدي امشي بتسكير الراس متعك من يوم حبيتك معمريش خنتك ولا درت حاجه غلط لاكن مدامك هكي اقعدي في حوش بوك والطلاق والله ماك رايتيه وتو تشوفي شنو ندير
روان:طلعت من المربوعه بدون اهتمام وطلع يوسف بسياره قريب يقلبها


ناصر:شييت ?طلعت تحب واحد تاني
صخر:سكر فمك ناااصر متقولش تحب
ناصر:قلبها معلق في رجل غيرك??
صخر:مش نااااااقصك
يوسف:خلاص عاد ياناصر الراجل يبي حل مش باش تتسهوك عليك
ناصر:والله هوا الغالط من البدايه كان تعرف عليها من اول زواجه وحاول يتأقلم معاها ختى لو تحب غيره رح تنساه البنت ساهل ينضحك عليها اول واحد يهتم بيها تحبه طول
يوسف:تي والله حتى الاهتمام مايمشي معاهم الزح
ناصر:فتح الشيبس وياكل….علاش انت شن دارت فيك مرتك
يوسف:خليني ساكت
صخر:بنوض نقتله ولد خالتها هواااا?
ناصر:ترا قعمز وهني عمررك بيديرلي فيها جو الراجل يلي غاير علي مرته وانت حتى عمرها متعرفاش
يوسف:خذي من الشيبس متع يوسف….صراحه عنده حق معمركش عبرتها ولا حسبتها حتى في مشط شعر
صخر:لوح الصخره يلي قدامه……شنو بندير يعني
ناصر:انسى البنت يلي ضحكت عليك يامضحكه
يوسف:يامهزب ?
ناصر:يا نيه?
صخر:انا فرخ الحرام يلي قاعد نسمعلكم
يوسف:يضحك ومسك صخر من يده….هههههه تعالا والله مصارت
صخر:رد قعمز وقارن حواجبه وبدو ناصر ويوسف يوسوسوله ?

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

روان:بحكم انها دارت صحبه قويه بينها وبين افنان اخت صخر اتصلت بيها وطلبت منها تحي تهدرز وافنان جت عشان تشوف ربيع حتا من بعيد ❤️

افنان:عادي والله في من ناس تحمل حتا بي الدوره
روان:بلا تخريف افنان متلعبيش في راسي
افنان:غير بالله عليك ديري اختبار شنو خاسره انتي
روان:بارده شككتيني في روحي شن رايك نمشو لي هاجر؟!
افنان:اشي المعفنه جايبتيني من حوشنا لا هني باش تروحي بيا من جديد
روان:هههههه مش هكي ماهو بناخذ من هاجر الاختبار منبيش امي تحس عليا
افنان:علاش
روان:تنهدت بوجع….اااه خليني بالله تو نهدرزو خلي نمشي نكلم ربيع يرفعنا
افنان:قلبها دق❤️….تمام

صخر:وكان مسحت بكرامتي الارض ؟!
ناصر:هه امسح بيا رواشن سيارتك بعدين تي حافضهم انا البنات
صخر:تنفس بعمق….يصير خير
ناصر:شواربي كرمشو من ملح السامينسا وين المرطب
يوسف:ان شاء الله تبرا??‍♂️
صخر:وانت شن قصتك مع اختها
يوسف:اختها كووووم بروحها ره والله مرتك يلي طايح فيها كويسه وتقدر تتفاهم معاها مش زيني
صخر:شن زوج امنا بس مش كان قعدنا زي ناصر خير
ناصر:علاش مقلتوه ها الكلام في ليلة عرسكم ولا فرحانين بلبدله والقرواطه تقول عندكم اجتماع
يوسف&صخر:??????


روان:ركبت من القدام وافنان من الخلف ويلي يسوق بيهم ربيع ❤️
طووول الطريق عيونه ع المرايا وافنان ولا كأنه مخليا روحها عاديه جدا وطول الطريق عيونها في الروشن
ربيع:درس السياره قدام حوش صخر
روان:مع جو المغرب تعالا روح بيا
ربيع:تمام
افنان :فتحت باب السياره بتنزل وقفها صوت ربيع
ربيع:انتي اقعدي نبيك
روان:تقيم في شنطتها نصدمت….انا تقصد؟!
ربيع:انتي انزلي نكلم في البنت
روان:بصدمه….راهو افنان هاذي اخت صخر
افنان:قريب ماتت في مكانها من الصدمه
ربيع:عارف انزلي انتي نبيها في كلمتين
روان:???
ربيع:انزلي
روان:هاااا بب به…ونزلت
ربيع:تلفت لي افنان
افنان:بلعت ريقها
ربيع:معرفتش نفسر كلامك جرآه ولا وقاحه؟!
افنان:وليش هامك؟!
ربيع:من لما حكيتي معاي لتوا كلامك مقدرتش انحي من بالي
افنان:عع عادي كلام ورفعه الريح ….وجت بتنزل لاكن ربيع حبد الباب
ربيع:قاعد مكملتش انا
افنان:بخوف …شنو
ربيع:تقعميزنا في السياره بروحنا قدام حوشكم مش حلوه اكتبي رقمك نبيك
افنان:صدمة علي وجها لاكن قلبها فرحان
ربيع:هياااا
افنان:كتبت رقمها ونزلت ويدها ع قلبها ❤️

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

افنان:طقت ع الباب وفتحتلها هاجر
هاجر:افنان خشي ….خيرك زي المسطوله
افنان:خشت بدون متحكي ورمت روحها ع الفراشات
روان:جيتي ياخايبه شن كان يبي منك خوي اعترفي
هاجر:اي حقا شن يبي منك ربيع
افنان:بي فرح…خذي رقمممممي وووه عليا خوكم يهبل ?❤️
هاجر:حي ربيع وافنان ???
روان:مايطلع منها ياكبدي وانا نقول كيف خشت فينا
افنان:بارده والله مصارت?
روان:مهم هاك اقريلي شن الخطوط هاذم
هاجر:مسكت اختبار الحمل تشوف فيه…..حامل يارورو?
افنان:ووووووووه والله قلتلها من الاول كلامي صححح روروروروي
روان:لاااا كيف حامل مستحيل???
هاجر:هههههه خيرك تبكي ياغبيه
روان:قعمزت وتبكي بعبرتها ….رن تالفون هاجر
هاجر:سكتيها لين نجيك
افنان:خلاص عاد روان خيرك

هاجر:الو
صخر:اءءء شن جو
هاجر:مستغربه….تمام؟!
صخر:شن شن رايك البوم نتعشو برا؟!
هاجر:ارتبكت…..منقدرش جتني روان واختك ركبت حتا هيا
صخر:اهااا تمام عادي
هاجر:صخر لو ممكن تجيبلنا عشي من برا وكيكه بسيطه
صخر:اي عادي علاش في مناسبه ولا عيد ميلاد؟!
هاجر:روان حامل
صخر:اهاا به الف مبروك خلاص تو نمر عليك بعدين نجيبلك
هاجر:تمان
صخر:سكر الخط


صخر:جايك بوبو في الطريق ومتقولش
يوسف:شن بوبو
صخر:ع الحمل نتكلم
يوسف:شن تخرط
صخر:تي ولدك يلي جاي في الطريق يا راجل
ناصر:بالك مرته تخاف من العين ?
يوسف:بصدمه….صخر تبصر ولا شن الموضوع
صخر:كيف مسكر من المرا قتلي
يوسف:ناض بي فرح يتصل بي روان ويعاود قريب 15المكالمه لين في الاخر ردت
روان:شن تبي
يوسف:رسمي حامل؟!
روان:تمسح في دموعها….اي
يوسف:بصوت عالي لين الشباب يلي في القهوا كلهم شبحوله….خشييييييييي
روان:رجعت تبكي…والله منخليك تشوفه ولا تمسكه
يوسف:تي عينننك مش عارف روحي شن درت لاكن وراك وراك لين ترجعي
روان:سكرت التالفون ولوحاته…..حقير

طول اليوم روان تبكي لاكن تغيرت نفسيتها بعد مجابلوها الكيكه وافنان وهاجر يغيرولها في جوها رغم ان روان مش راضيه تحكيلهم خيرها وليش تبكي او حتى شن صار بينها وبين يوسف ❤️

يوسف:خبر امه وخواته مسره وجميله وقريب يطلع من عقله من الفرحه ❤️


روحت روان من حوش اختها لي حوش بوها ومش راضيه تحكي شى حتى لي امها اكتفت تقوللها خبر الحمل وبس ❤️

اما صخر رجع للحوش ويحاول يفتح كلام وهدرزه مع هاجر وحتى انه حاول يقرب منها ?بس هاجر كانت ملاحضه وفاهمه ان الشي هاذا يدير فيه ع خاطر ولده وبس

يوسف:روح لحوشه وجاب معاه ناصر بايت …فتح الفيس لقي روان فاتحه قعد يبعتلها في صور اطفال ويكتبلها قريبا?وروان محروقه بتموووت ودارتله بلوك

اما ربيع اتصل بي افنان وبدي يحكي معاها شوي شوي بدون اعصاب ولا قوة شخصيه وسبحان الله من اول مكالمه قلبه لان ليها❤️

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

بعد مرور اسبوع :-

يوسف:حاول بككككل الطرق يرجع روان بس كانت مسكره راسها ومجروحه منه هلبا ?يوسف محكاش لي امه ولا لي حد لان ميبيش اي شخص يدخل بينه وبين مرته ع امل يحلها بروحه

هاجر:مسكره جميع المجالات ان صخر يقرب منها بس يلي يصدم ان صخر يساير فيها وصابر عليها زياده❤️

في محل يختص بي كل شي يتعلق بي الاطفال كانت هاجر وصخر يشرو في حوايج البيبي
هاجر:قتلك مزال وقت ياصخر و اي لون بناخذ هي؟!
صخر:نقدرش نشد روحي صراحه نبي ناخذ كل شي توا شوووفي كيف صغيرون السروال
هاجر:ضحكت ع صخر كيف مصدوم في مقاسات الحوايج وفرحان بنفس الوقت ❤️
صخر:شن رايك فيها؟!
هاجر:اي حلوه
مرام:صخر؟
هاجر:نصدمت لما شافتها
صخر:نعم وخيتي نعرفك؟!
مرام:محتاجه نتكلم معاك ضروري
صخر:مفيش كلام بيني وبينك من انتي اصلا
مرام:بتتكلم بس قاطعها صخر
صخر:لو سمحتي بعدي من الطريق
مرام:بعدت من الطريق وتشوفله بحسره ?
صخر:مسك يد هاجر وكملو شري
هاجر:مصدومه في ردة فعل صخر وكيف كمل عادي جدا يختار في باقي الحجات زعمى نساها؟!


طق طق طق
روان:فتحت الباب….شنو جايه لي خوي ياصايعه؟!
افنان:بطلي هبال جايه ليك انا بنفهم حالة الاكتئاب متعك شنو قصتها هاذي
روان:ضحكت…خشي
افنان:قعمزت وطوووول الوقت تلح علي روان لين خلتها تحكي ليش تبي تطلق من يوسف

هاجر:مقعمزه ع السرير اطبق في ملابس البيبي يلي شروهم جدد وسارحه تفكر في اللقطه يلي صارت معاها اليوم اين قاطع تفكيرها صخر حاضنها من الخلف
صخر:باسها علي راسها…..شن اديري
هاجر:ارتبكت…ولا شي نرتب في الحجات
صخر:مسك كندره صغيرووونه وضحك….تخيلي ولدنا هكي رح يجي حجمه
هاجر؛ابتسمت….اي ❤️
صخر:هاجر
هاجر:رفعت عيونها….اها؟!
صخر:ليش منحاولوش نبنو زواج كويس؟!
هاجر:تنفست بعمق ومردتش
صخر:عارف جرحتك هلبا بي البنت الثانيه بس حاليا لغيتها من حياتي ونحاول نوفر حياة كويسه للبيبي يلي جاي
هاجر:اوكي وشن تبي انت؟!
صخر:نبي علاقتي تكون حلوه مع امه❤️
هاجر:تشوف لي عيون وصخر ورموشه ومتعلمش بي روحها لين هووووب لقاته يبوس فيها وسخنت الحكايه????


افنان:تحاول تذكر….غير لحضه بس في حقلة تخرج خوك ولا؟!
روان:اي الحقير استغل فرصة انا مش فاضيه وحاول معاها هيا متقبلاتاش
افنان:بي تفاجا….لاكن هذاك اليوم شفته صح نذكر حصل خبطه ع رقبته من الباب
روان:كيف؟!?
افنان:مديتله سفره عشان الرجالا وجيت طالعه سمعت السفره نخبطت في الباب نسحابها طاحت ولما رجعت شفت يوسف حاط يده ع رقبته ويتألم تقريبا عندكم مسمار في الباب
روان:نوضي معاااي????
افنان:ناضت هيا وروان يشوفو في الباب وصح فيه مسمار طالع ع بره
روان:واقفه مصدومه…..شش شنو يعني ?
افنان:يعني انتي قعدتي اسبوع حرجانه ع شي فاضي مفروض هوا يحرج منك ياحماره سلسبيل ضحكت عليك
روان:حطت يديها ع فمها وقعدت واقفه
افنان:تضحك……غبيه اقسم بالله كلميه هياااا
روان:حي عليااااا شنو يلي درته
افنان:خلاص انسي يلي صار كلميه

صخر:راقد ع السرير وهاجر في حضنه ويده ع بطنها❤️
هاجر:صخر
صخر:عيونه
هاجر:قامت عيونها…..متاكد من يلي ادير فيه معاي
صخر:هاجر انا حبيتك
هاجر:نزلت عيونها
صخر:فيك هلبا حجات حلوه مكنتش شايفها انسي يلي فات وخلينا مركزين في لي الجاي
هاجر:ابتسمت
صخر:هاجر
هاجر:اها؟
صخر:مفيش حد غيري في حياتك صح؟
هاجر:تنهدت…..فيه منقدرش ننكر
صخر:بعد عليها ودفها بشويه….شنووو
هاجر:ضحكت واشرت ع بطنها….فيه هاذا بس?
صخر:تنهد براحه ورجع حضنها…..معش تعاوديها طيحتي قلبي
هاجر:ضحكت ❤️

روان:تلود في الدار ومش عارفه ميف تتصرف
افنان:ابعتيله مسج حلو واطلبي منه يروح بيك
روان:زعمى
افنان:اي هيااا
روان:به
افنان:انا بنطلع لي ربيع نهدرز عليه قبل متروح امك
روان:به ياصايعه
افنان:???

روان:مسكت التالفون وبعتت مسح لي يوسف
روان:هي انت
يوسف:فرح لما شاف المسج….عيون الانت
روان:تعالا روح بيا
يوسف:لوح الارجيله وخذي مفاتيحه
ناصر:تي وين ماشي
يوسف:تو نجيك بعد7ساعات
ناصر؛اخخخخخ اصلا من يوم تزوجتو وليتو تقول ملبوسين ربي يهدي وخلاص

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

روان:خذت بضاعتها ولبست عبايتها اما افنان جاها خوها وروحت
حنان:اخيرا رضيتي عليه مسكين وهوا ماشي جاي قريب ليه10ايام
روان:امي بالله متزيدينيش تربحي
حنان:مروحه راضيه؟!ولا حد من خوتك سمعك كلمه
روان:حشاهم خوتي علاش بيسمعوني كلام
حنان:مبتسمه….دوم ياحنه
روان:شكله وصل…هي بسلامه
حنان:سلمك ديري بالك ع روحك
روان:ان شاء الله….ركبت السياره بدون متتكلم ولا تشوفله
يوسف:فتح اغنية ماما جابت بيبي وقواها ع طول حسها ?
روان:حطت يدها ع فمها عشان متبينش انها بتضحك بس حركات يوسف التافها خلتها تضحك غصب عنها ?❤️


وصلو للحوش وروان مش عارفه شنو تقول ولا كيف بتفتح الموضوع
روان:يوسف انا…
يوسف:سكرلها فمها بي بوسه طوووويله❤️….استاحشتك
روان:بدت تبكي
يوسف:?خيرك
روان:???اقسم بالله نموت كان درتها وخنتني
يوسف:حضنها ويضحك….هبله تي كيف نخونك وانتي ام ولدي
روان:حضناته وتبكي
يوسف:خلاص بطلي عياط منبيش حتى نعرف سبب ليش كنتي حرجانه تعودت عليك
روان:دفنت روحها في حضنه
يوسف:قامها وهيا متعلقه فيه رقدها ع السرير ورقد جنبها وهوا حضنها بس❤️لين هدت


بعد مرور هلبااااا وقت?
جي موعد ولادة هاجر وكل الزينه كانت زرقاء في المصحه لان قالولها وليد وصخر قريب يموت ع هاجر لما خشت لي صالة الولاده بس يلي صدم الكل في النهايه طلع البيبي بنوته?

صخر:انصدم بس لما مسكها بين يديه كلللل شي تغير شاف بنته الدنيا كلها ❤️وحبها من اول نضره
وزاد حبه لي هاجر اكتر واكتر

اما روان تكر في بطنها في هذيك المصحه ويوسف وراها غير شن تبي وهيا گ العاده ديمه معصبه منه?

صخر:سما بنته مريم وفي لحضه كلللل المصحه تعبت زحمه وهاجر لما عرفت انها جابت بنت خافت صخر ميحبهاش لانه كان حاط في رساه ولد لاكن شافت العكس تمااااما طول الوقت مريم في يده ومش راضي يفارقها دقيقه وزاد اهتمامه بي هاجر ❤️

يوسف وروان من يوم شافو مريم معش طايقهم صبر ويشوفو ولدهم او بنتهم ❤️وبدت تجهيزات استقبال البيبي حتا هما

دارو اسبوع كبير لي مريم وذبحو فيه جمل وعزمو كل احبابهم ❤️

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

حاليا مريم عمرها سنه وشهرين وهاجر حامل في الجديد❤️???وصخر مدلل بنته بشكل مباااالغ فيه وحبه لي هاجر ميوصفش

اما المهبله روان ويوسف حصلو ولد?سموه اوس يجنن ❤️وطالع مستفز زي بوه والحق عيله محلاهم

افنان وربيع مرو بعلاقه طويله بعض الشي وشهر8يلي فات كانت خطبتهم ?❤️❤️

سلسبيل:تزوجت بس مش متريحه كل شويه حرجانه عند اهلها بسبب حماتها المشكلجيه ….النهايه

وهاذي قصة زواج الثأر ومش نوهم فيكم ان مل نهايات سعيده لالا نتجاهل في القصص التعيسه يلي يوصلو فيا ونختارلكم في القصص يلي تعطيكم امل وتتعلمو منها ❤️

*مرات تجيك مشكله وتجبرك ع انك تعيش مع ناس تقول مستحيل نتأقلم معاهم بس مع الايام تلقى روحك ميت فيهم?❤️

*رغم كل علاقه فاااشله تمر بيها في حياتك كون متأكد ان رح يجيك الحب يلي يعوضك علي كل شي فاشل عشته❤️

*الخوت نعمه❤️سند وضهرك وقت الشده ومهما نهوك علي حجات اعرفي ان من خوفهم عليك وحبهم ليك

*خلي سرك ميطلعش غير لي اختك لانها الوحيده يلي مستحيل ترضى تفضحك حتى لو تعاركتو كلها ساعات او حتى ايام وترجعو لبعض❤️

*مفيش انسان ميتوبش ومفيش انسان ميتغيرش لاكن اول شي تبيه عشان تغيري يلي قدامك الصبررررر

*تمني الخير لي غيرك وحاولي تساعدي غيرك مش تفتني وتسعي لي خراب البيوت لان والله اي شي اديريه رح تلقي قدامك

وزي منقول ديمه انا اروى الطاهر (بنووتة الشيخ)…الحب في كل مكان غير دوري كويس واختاري صح❤️

error: