رواية زواج ثأر
#زواج_ثأر 14 (حقيقيه)
هاجر:نتوحم ع الجيلاطي يلي في المول متع المدينه خاطري نمشي ترفعني عادي
صخر:اي اكيد اكيد مدام تتوحمي علاش بنرفض
هاجر:نلبس؟!
صخر:اي بري نستنى فيك
هاجر:ابتسمت….تمام
روان ماشيه جايه متوتره وتحكي مع مرام ع الفيس لين حضنها يوسف من الخلف
يوسف:باح الخير مرتي الحلوه
روان:ابتسمت بسيف…صباح النور
يوسف:يبوس في شعرها
روان:يوسف مش وقتك بعد من علياااا
يوسف:خيرك شن في ?
روان:مدخلكش ترا خليني
يوسف:بعد من عليها وبجديه….اصلا انتي هاذا حالك علي قد مندلع فيك وغير شن تبي الزح مش حارمك من حتى حاجه لاكن حتى كلمه باهيه ولا احترام مفيش مفهمتش شن يلي تبيه باش تبطلي اسلوبك هاذا
روان:سكرت شاشة التالفون..يوسف ان….
يوسف:نفض يدها بقوه وطلع وقرب الباب وهوا متكنطي
روان:ان شاء الله تتفجر تو نلهى بيك
هاجر:لبست سروال جينز اسود مع بشت بيج ووشاح اسود مزركش وسبيدرو وشنطه كحله دارت شوي ميكب خفيف عشان تبين طبيعيه وحلوه ❤️
ساعه خفيفه وذبلتها
هاجر:واقفه ع المرايا نبخ في العصر ونفكر كيف رح يكون شكلها يلي فضلها عليا ومش راضيه تطلع من قلبه وعقله هاذي؟!
صخر:هي شنو ؟!
هاجر:واتيه
صخر:مرتاحه في السروال
هاجر:ليش?
صخر:نقصد مش مضايقك وانتي حامل؟!
هاجر:ضحكت ….مزال بيضايقني لما يكبر البيبي
صخر:حط يده علي بطنها….امتى يجي بس ❤️
هاجر:نحت يده بهدوء وقلبها محروق ….كأنه وقت
صخر:اي هيا
هاجر:ركبت مع صخر السياره وعاجبني اهتمامه بيا رغم عارفه ان يلي يدير فيه كله ع خاطر ولده بس شعور حلو لما يجيك اهتمام من ناس تحبهم ❤️
ربيع:مقعمز في القهوا وسارح يفكر في الكلام يلي قالاته افنان
✨✨✨✨✨
افنان:بصوت يرعش وخفيف….انا مش كل يوم مع واحد باش نقول لي غيرك انا حبيتك وقلت
ربيع:وتعاودي فيها قاعده?
افنان:بلعت ريقها وقامت عيونها….اي بنعاودها لو قلتها انت عادي ولو قلتها انا حرام وعيب؟!
✨✨✨✨✨
ربيع:رسمي كلامها …علاش كان قالها الولد حاجه عاديه وكان البنت تكلمت عار؟!رغم ان في الحالتين حرام.
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
هاجر:نزلت من السياره وخشت هيا وصخر للمول وصلها مسج من روان
روان:قعمزي في الكافي متع الدور الثااااااني لازم
هاجر:سكرت شاشة الفون وخلت روحها عاديه
صخر:وقف ع المحل متع الجيلاطي….شن تبي اي نكها
هاجر:فسق خاطري فيه من الحوش
صخر:زوز فستق وواحد شكلاته لو سمحت
هاجر:بصوت واطي….علاش زوز ؟!
صخر:واحد ليك وواحد للبيبي
هاجر:ضحكت وخذت الجيلاطي هيا وصخر ….صخر خلينا نركبو الكافي فوق مخاطريش نروح لزحمة الحوش
صخر:رغم عندي خدمه لاكن!!!
هاجر:ونبي منعطلش ناكلو ونطلعو
صخر:به تعالي هي
هاجر:ركبت هيا وصخر للدروج المتحرك وخذت طاوله وقعمزو مع بعض ❤️
ترن ترن ترن
هاجر:تاكل وردت ع التالفون….اها رورو شن جو
روان:نقصي صوت التالفون باش ميسمعش
هاجر:به دوم عليك شنو بتجي؟!
روان:دوري في الكافي يلي انتي فيه وحده لابسه ازرق ملكي ووشاح ازرق في الاصفر هيا وراجلها وولدها وحامل
هاجر:ادور بعيونها…والله شنو بنقولك تقريبا قسم الملابس فوق منشوفش فيه
روان:دوري كووويس ولدها يمشي لابس شرط احمر
هاجر:طاحت عينها ع مرام بنفس المواصفات
هاجر:اي اي لقيته المحل قدامنا
روان:تمام توا ادبببببري كيف تخلي صخر يشوفها
هاجر:به حبيبتي تو نشوفهولك كان جاب بضاعه تو نقولك
روان:طمنيني….
هاجر:سلام
روان :سكرت الخط
صخر:روان هاذي؟!
هاجر:ااه…اي قلتلها ماشيه المول عاجبتها بلوزه قتلي لو جاب منها قوليلي
صخر:تنوضي توا ولا بعدين
هاجر:لالا خلينا مقعمزين
صخر:ياكل وعيونه في التالفون
هاجر:نرعش ومتوتره الوقت ضيق نخافها تروح شنو بندددير ؟!!!فكرت وفكرت اخيرا طلعت بشي
هاجر:صخر
صخر:عيونه في التالفون…اهاا
هاجر:بنوض نحكي مع المرا يلي مقعمزه غادي لابسه الازرق
صخر:شافها لاكن مرام مكانتش واضحه…تعرفيها؟!
هاجر:لا بس محلاها لبستها وحامل بنسألها من وين تاخذ في لبس الحوامل
صخر:ضحك….بلا هبال تو ندورو محلات
هاجر:ونبببي والله محلاها يلي لابستها
صخر:يضحك …..تتوحمي حتى ع المرا يعني؟!
هاجر:حاجه زي هكي ?
صخر:به نوضي نراجي فيك
هاجر:لالا كيف بنمشي بروحي راجلها مقعمز تعالا معاي وراس صخر
صخر:خذي نفس وناض مع هاجر
هاجر:قلبي بيوووقف وحاسه المسافه بعييييده نرعش وخايفه من ردة فعل صخر بنمووت لي اخيرا وصلنا
هاجر:السلام عليكم
مرام:وعليكم السلام تفضلي
هاجر:معليشي بنسأل عندك محل حوامل معين تاخذي منه؟!
ولد مرام مشي يجرى بعيد وصخر شده يلعب فيه
مرام:اي محل الامومه في بن عاشور
هاجر:اها صحيتي بارك الله فيك
مرام:ولا يهمك…حي عليا الولد…حمووودي تعالا ماما
صخر:طاحت عينه علي عين مرام وبدت تختفي الابتسامه يلي علي وجها?
مرام:وجها اصفر وقعدت متجمده في مكانها وتشوف لي صخر المصدوم ولي راجلها يلي كان يحكي ع الهاتف ومش مركز معاها
هاجر:خدت الولد من صخر وصخر مصدووووم….محلاه وليدك ربي يحفضه
مرام:بصوت واطي…صص ص صخر
صخر:طلع تالفونه واتصل بي مرام وشرين التالفون قدامهم
مرام:تشوف لي تالفونها وتعاود تشوف لي صخر بصدمه
هاجر:تعرفو بعض؟!
صخر:حط التالفون في جيبه ووجها ميتفسرش مسك يد هاجر وطلع من المول ومرام تشوفله بصدمه ولدها يكلم فيها وهيا متسمع في شي ولا تشوف غير لي صخر يلي تباعد شوي شوي لين اختفى
في السياره:-
هاجر:خيرك مضايق تعرفها المدام؟!
صخر:خبط ع الدومان بقوووه….سكري عليا السريب هاجر اسكتي
هاجر:بلعت ريقها وبعتت مسج لي مرام
تمت العمليه بنجاح
روان:قرت الرساله ولوحت التالفون….اااه اخيرا
يوسف:خش لغرفة النوم وهوا قارن حواجبه ومقالش ولا كلمه
روان:اففف نسيته الحرجان هوا ??♂️سووفه سووفه حبيبي
يوسف:خذي حوايجه وخش وقربع الحمام بدون ميرد عليها
روان:ولد الكلب الحق فيا انا وجت طالعه لاكن وقفت وهيا تفكر….حرام صح معمره سمع مني كلمه باهيه ديمه نكشخ عليه ….وبدت افكار روان وتخطيطها
صخر:درس السياره قدام الحوش….انزلي هاجر
هاجر:بتنزل تتغدى؟!
صخر:منبيش صحتين
هاجر:معش قدرت تزيد معاه دوا خذت بعضها ونزلت
اما صخر سطرب بي السياره وطلع واااضح عليه متعصببب
هاجر:ركبت الشقه ولقت شوي ناس جايبن يسألو عليها مستقبلتهم امها وام صخر بدلت حوايجها وقعمزت تساير وقلبها حاير في صخر شنو بيدير ووينه؟!
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
يوسف:طلع من الحمام ومش راضي يحكي مع روان ومنضره يجنن كيف معصب ?
روان:خشت لغرفة النوم تشوف فيه يمشط في شعره…سوفه ?
يوسف:مش طايق حتى كلمه منك فوتيني معش تكلميني
روان:بيبي
يوسف:بخ عطره بسرعه وطلع من الحوش
روان:افففف حرجه قويه ياكبدي
ترن ترن ترن
روان:ايوا
هاجر:قلبي تعرفي
روان:انبحي بتفصييييييل
هاجر:بدت تحكي
ربيع:وقف بيطق ع الباب
طق طق طق
عفاف:فتحت الباب ….تفضل ولدي
ربيع:ارتبك…كيف الحال ياحاجه صخر قاعد؟!
عفاف:الحمد الله …لا والله طلع قبل شوي بسياره
ربيع:به تمام لما يروح قوله دورك ربيع
عفاف:ان شاء الله …وسكرت الباب
ربيع:تنهد بخيبه كأنه كان يتمنى افنان هيا يلي تفتح الباب قبل ميركب سيارته قام عيونه وشاف افنان تشوفله من الروشن واول متلاقت العيون في بعض بسرعه سكرت الستار
ربيع:ابتسم وركب سيارته وطلع
روان:ريتي ريتي الحقيره حسبي الله فيها معناها رسمي كان صخر ميعلمش
هاجر:تعرفي موقف حقييير قريب متت
روان:لا تموتي لا سو هاذي الخطوه الاولى تمام مزال الثانيه
هاجر:شنو مزال؟!
روان:توا يافالحه ع اساس انتي متعرفيش ان حبيبة صخر طلعت متزوجه وع اساس ان صخر قاعد يكلم فيها بعد جو اسابيع لين تخف عليك الزحمه قوليله بنطلق والولد مره عندك ومره عندي وانت تزوج البنت يلي تبيها
هاجر:سكتت بصدمه??
روان:تسمعي فياااا
هاجر:اي تخيلي يطلقني؟!
روان:ماهو انتي عبيطه الزح اكبر مني مفروض افلح….الحامل متمشيش فيها الطلقه في شرع ربي
هاجر:نسيت??♂️
روان:متتكلميش توا لين نقولك
هاجر:به تم….لاكن تعالي جاي كيف عرفتي مرام في المول ولبسها؟!
روان:هه لما كنتي في المانيا راقده ع وذانك درت معاها صحبه وع اساس بنتلاقو خبيتها توصف لبستها وع اساس في المول مبكري
هاجر:وك وك مقواك?
روان:امالا شنو هي طيري توا عندي مشكله لازم نحلها
هاجر:مش رح نسألك عارفاتك تهني?
روان:ههههه اي
هاجر:مش رح تجي اليوم؟!
روان:لالا عندي مندير
هاجر:امممبه …..سلام
روان:سلام
صخر:مقعمز قدام البحر …ولدها عمره قريب سنتين يمشي ويتكلم الززززف فوق من السنتين تضحك علياااا
حامل زياااااده مش مصدق يلي شفاته عيوني اليوم ?متزوج بنت الناس ومنكد عليها وهيا عايشه حياتها مع راجلها وع اساس تراجي فيا في حوش اماليها وانا نموت كل يوم لان مش قادر ناخذها
ناصر:قصدي انت غبي؟!كيف محسيتش عليها بولدها المرا؟!
صخر:صرفت عليها هلباااا النمممم وهيا عندها راجل
ناصر:مضحكه ومهزب سراحه ?
صخر:حط يديه الزوز ع وجها …
ناصر:تنهد….اسمع خلاص انساها توا عندك حجات اهم زي ولدك يلي جاي في الطريق مثلا
صخر:بعد يديه وتنفس بعممق وهوا يشوف للبحر
ناصر:ومرتك حاول تتقرب منها واضح عليها كويسه وبنت ناس
صخر:يصير خير
هاجر:تساير في الناس بسيف لين روحو كلهممم وحتى امها روحت ضمت الحوش وساعدتها افنان اخت صخر وبعدين نزلت
هاجر:دارت دوش خفيف ولبست قفطان نوم وردي قصير وقعمزت ع السرير
صخر:طق ع الباب
هاجر:قلبها دق ❤️…خش صخر
صخر:فتح باب الدار يشوف لي هاجر….كيف حالك
هاجر:ابتسمت….الحمد الله انت مبكري ابصر خيرك
صخر:انسي مدوريش درتي القطره لي عيونك
هاجر:لالا
صخر:فتح القجر طلع دوا هاجر ….ارقدي وافتحي عيونك
هاجر:رقدت ع السرير وقرب منها صخر يداوي في عيونها
اما روان دارت كل التجهيزات عشان يرضى يوسف ❤️
حضرت عشي حلو واول مره اطيبله حاجه باهيه?دارت رز بلمكسرات والكبده مع سيخ كباب وطجين يوناني وزوز سلايط وحطت مكسرات وعصير ع الطاوله وكيكه ❤️لبست بيجامه وفتحت شعرها مع ميكب خفيف وريحتها تجنن ❤️خلت الاضائه هاااديه مع شموع معطرن ع الطاوله وقعمزت تراجي فيه
يوسف:خش وسكر الباب وكان يحكي ع الفون …اي اي تو نشوف سالم غضوا
روان:وقفت وابتسمتله
يوسف:انصدم في روان كيف مجهزتله السفره والاجواء يلي مدايرتها ……اسمع تو نهدرزو غير توا مش فاضي …..سلام
روان:ع سلامتك راجلي الغالي ?
يوسف:مصدوم …روان خيرك؟!
روان:خيرني ؟!
يوسف:تبي فلوس؟!ولا طلعه ؟!
روان:قربت عليه وتنحي في جاكيته….عادي كل القصه نبي نراضي حبيبي زعلان مني وغلطت معاه
يوسف؛قام حاجبه ويضحك…..جديات منحلمش انا
روان:بساته ع خده….علاش بتحلم هي ياروحي تعال نتعشو وخداته من يده
يوسف:قعمز قدامها وهوا مش مصدق روحه ?
هاجر:مسكره عيونها…تمام صحيت
صخر:حط الدواء ع الطاوله…نمشو بكرا نطمنو ع البيبي
هاجر:ان شاء الله
صخر:ارتاحي وبكرا ساهل
هاجر:هزت براسها وغطت روحها وهيا مستغربه في رد فعله الهاديه
اما صخر طلع لي الصالون وكان مش جايه نوم نهاااائي
روان:طول الوقت تدلع علي يوسف وغرقاته بي الكلام المعسول لين خلاته يقيمها ويديرو العيب ?
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
بعد مرور اسبوعين✨✨✨✨
صخر:دار بلوك لي مرام من كل شي ويحاول يتأقلم مع هاجر وفعلا طول الوقت مركز عليها وشاف فيها هلبااااا حجات مكانش ملاحضها قبل❤️
اما روان ويوسف…مره عسل والف مره عركه لاكن يوسف بااااارد معاها ويحبها وروان ميته فيه
هاجر:في صراااااااع امتى بتحكي لي صخر انها بتطلق؟!وتخاف رسمي يخليها ?
عزومه كبيرررره في حوش جمال بمناسبة تخرج مؤيد خو روان وهاجر وعازمين هلبا ناس وزحممه رجالا ونساوين
روان:لابسه بدله ع الفضي ومكياج قوي شوي ومخليه شعرها نازل نضام فلو مفتوح ❤️
اما هاجر لابسه قفطان قصير اسود وفيه ورد احمر ميك اب خفيف لاكن روح احمررر وشعرها نازل بدون شي❤️
كانت الدنيا زحمه وبنات العيله تلاقو الهدرزه والضح والبصاره
روان:ناضت تفرق هيا واختها والكل يشكر فيهم الزوز
يوسف:مسررره
مسره:ها وخي
يوسف:شوفيلي روان ترا قلها بايته ولا بتروحي
مسره:امممبه
خشت مسره لدار وطلعت افنان ….تفضل يوسف طلع لي الرجالاه
سلسبيل:هاتي نمدله انا
افنان:تفضلي
سلسبيل:خذت السفره وتدلع لين وصلت في يوسف
يوسف:خايف تجي روان وتفهم غلط ميبيش حتا يهزب سلسبيل وتجي روان تسحابه يهدرز عليها…خذي السفره وجاي بيطلع ينوشه مسمار ع رقبته لين دار اثر
سلسبيل:ضحكت وخشت
مسره:وين مشي هاذا?
كملت العزومه وكل حد روح لحوشه روان وافنان كلهم كلهم ❤️
اما هاجر:لبست عبايتها وواقفه في الجنان تتصل بصخر
صخر:ايوا
هاجر:وينك ؟!
صخر:خليك شويه بس
هاجر:تمام…وسكرت الخط
فهد:تراجي فيه؟!
هاجر:تلفتت بخوف…ااء ااه فهد اهلين
فهد:يشوفلها وساكت
هاجر:توترت….بتروح بخالتي ؟!
صخر:وقف ورا السور لما شاف فهد معاها
فهد:اي توا كلمتني
هاجر:به خلي انا ي عليها…وجت بتخش لاكن مسكها من يدها ?
فهد:استني ….عارفك مش مرتاحه معاه وانه متع بنات ويخون فيك
هاجر:شن تقول انت مصحك راجلي هاذا منرضاش عليه كلام زي هكي
فهد:اطلقي هاجر ناخذك
صخر:من بعيد….هاااااجر???
هاجر:خذت شنطتها وطلعت مع صخر وخاااايفه
روان:تمسح في مكياجها ويوسف مقعمز ع السرير يلعب بتالفونه
ترن ترن ترن
روان:تفاجآة لما شافت الرقم وردت….الو
سلسبيل:راقده؟!
روان:لالا علاش؟!
سلسبيل:امممم والله شنو بنقولك قصدي روان مهما صار في النهايه انتي بنت خالتي تمام؟!وعشرة عمر
روان:به؟!
سلسبيل:راجلك قاعد يلعب بديله مبكري علق عيا في المربوعه حاول يعتدي عليا وقعدت نبعد فيه بسيف لاكن مقدرتش
روان:بهزوه….شن تنبحي انتي
سلسبيل:طبعا مش رح تصدقيني سمنه ع عسل انتي وياه بري شوفي رقبته من اليمين كيف خبشته الحيوان النسونجي
روان:سكرت وناضت لي يوسف
يوسف:منو هاذا يتصل في الليل
روان:حطت يده ع رقبته وشافت الخبشه??
هاجر:ركبت الشقه وقلبي يرفع ويجيب لين خش علي صخر توقعته يقتلني
صخر:هاجر
هاجر:بلعت ريقها…نن نعم
صخر:…..يتبع