رواية زواج ثأر
#زواج_ثأر 4 (حقيقه)
هاجر جت بتخش الحوش لاكن في حد سحبها وطيحها ع الارض وسكرلها فمها…سكرت عيونها ومعش شافت شي من كثر التراب وكان فهد فوقها ومسكرلها فمها
هاجر:بصوت خاااايف ومهزوز….خخخ خيرك فهد شن جااك؟!????
فهد:علامات الغضب واضحه عليه…..شن قصة زوااااج الثأر هيا??
هاجر:دفاته بكل قوتها لين طاح وناضت تنفض في حوايجها
فهد:وقف قدامها ويتكلم وهوا معصصب…..بتفهميني قصة زوااااج الثأر هادي ولا شنو ياهاجر ?
هاجر:تشوفله بنضرات غررريبه….شن دخلللك انت؟!
فهد:تعررررررفيه يلي بيجي يخطططططب؟!تكلممممي
هاجر:شن تقول انت من وين بنعرفه ???بعدين مالك وماااااالي؟؟!!؟!شن ليك علاقه
فهد:تنهد وخذي نفس عميق …..كذابه لو تقولي مش فاهمتيني وفاهمه نضراتي ليك
هاجر:تراااا وخر من عليااااا …وجت بتمشي لاكن فهد جبدها
فهد:مكملتش كلامي انااااا?
هاجر:قامت صبعها بتهديد….اقسم بالله متوخرش من طريقي توا اناديلك ربيع ومؤيد يتفاهمو معاااااك فهد متخلينيش نديرها اخطاني
فهد:نفض جاكيته من التراب وهوا متكنططططي ….يجيك يوم ياهاجر ….وطلع
هاجر:خشت الحوش وقلبها بيطللللع من الموقف يلي صااار وواضح من ملامح وجها ان في شي صاير معاها
يوسف:ماسك يد روان وضاغط عليهااا….سكري فمك ومطوليش لساااانك متحملك بسيف ره
روان:نفضت يدها منه …. ع اساس انا يلي متزوجاتك وميته فيك ترا زيد عليا غادي بنكمل حوستي وبنخش نرقد
يوسف:اتكا ع الحيط وربع يديه….ولا أمتى ان شاء الله بنقعدو زي الخوت
روان:تغسل في الصواني….شن قصدك؟!
يوسف:قصدي واضح انا راجلك ومصارش شي
روان:تلفتت وسكرت الشيشمه….قصدي انت حقير ولا تتعلم في الحقاره؟!
يوسف:بي شبحات مستفزه….حقير ومتخرج من الحقاره
روان:مسحت يديها من الميه…..وخر من عليا ورد بالك حتا تحاول وادير يلي في راسك عمري ما ننسى انك حبيب بنت خالتي ولا ننسى الطريقه الخامره يلي تزوجتك بيها
يوسف:فتح بطم سوريته…عارف اني عاجبك فوتي بنت خالتك توا وخليك في اني راجلك
روان:تصدق حتى اسمك ناسياته !!!! مش عارف شنو نهاية الزواج المعفن هاذا بس ربي يستر وخلاص
يوسف:قرب منها وبي شبحته الباااارده والمستفزه يفصل فيها
روان:دفاته ع الخفيف وخشت الدار بدون متزيد حتى كلمه
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
ناصر:شوف ….انت ليك الحق تنكد تمام؟!حتى انا زمان لما تهكر ايميلي حسيت بنفس الشعور
صخر:ايميل شنو الزززززح نحكي ع زواج الثأر انا
ناصر:ينقب في السامينسا …..تي عااااارف انا نحكي ع خيبة الامل
صخر:انبح توا ونبي فوتيني بنروح
ناصر:تي قعمززز والله مصارت بنخليني بايت بروحي في الاستراحه لالالا
صخر:رجع قعمز…..فاد من الحوش ومن كل شي
ناصر:يشوفله بي طرف عين…عادي نسألك حاجه مدخليش فيها؟?
صخر:مدام مدخلكش فيها علاش بتسأل?
ناصر:الفضول حقير
صخر:تنهد بي ملل…اسأل
ناصر:عدل تقعميزته احمم….اول شي عارف ان قلبك صخر زي اسمك عليك دراه مش عارف كيف مصاحبك اناا بس يالله المهم سؤالي ….انت رافض الزواج ع خاطر تبي بنت تانيه؟!
صخر:تغيرت ملامح وجهااا….لا طبعا مش متع الدوا هادي انا شن تقول انت
ناصر:بشويه عليك مقتلكش قتلت ولا خنبت سألتك تبي بنت ولا لا
صخر:منبي حد انا لاكن الطريقه متع زواج الثار هيا منبيهاش
ناصر:به فهمت
صخر:عندي مكالمة تو نجيك
ناصر:رقص حواجبه….مع منو ?
صخر:مدخلكش??
هاجر:بعد مصلت العشي قعمزت ع سريرها كأنه تعاود في حساباتها ..كانت حاسه الفتره الاخيره ان فهد يبي يتقرب منها بس مكانتش حاسبه للموقف هاذا ?تفكر كيف بيكون العريس متع زواج الثأر؟!كيف بيكون عمره؟شكله؟طبعه؟! ولو طلع انسان سيئ كيف ترفضه او توافق عليه غصب؟!!! اسإله مليهاش اي جواب غير الانتضار القاااتل وبس
سلسبيل؛هي شن قلت؟!
يوسف:مش عارف علاش مش مستريحلك الحق
سلسبيل:علاش العفو؟!قصدي مهما كان يوسف انا حبيتك ❤️
يوسف:خلاص بالله عليك المسرحيه تمت ره انتي كنتي تحبي فلوسي وانا بسبب موقف غبي ادبست في بنت خالتك هياااا مرزن دمها
سلسبيل:افففف….به شنوقلت من الاخر؟!
يوسف:ع شنو ؟!
سلسبيل:محتاجه الف دينار والمقابل كيف متحب ووين متحب بس لازم الاسبوع الجاي لاني قرايتي بتم بعدين معش نقدر نطلع
يوسف:السبت يناسبك؟!
سلسبيل:تمام اوكي
يوسف:تم طيري توا بنرقد
سلسبيل:بترقد ولااااا!!!! بترقد معاها
يوسف:حشاني منها الشكلات هيا هي تصبحي…..وسكر الخط
سلسبيل:سكرت التالفون وهيا فرحانه بي الفلوس يلي قاعدين موصلوش !!
يوسف:رقد ع المخده وفي راسه هلبااا حجات…..عليك زواجه ادبست فيها والله شكله كللل البنات يلي كلمتهم دارو ختمة قرآن ودعو عليا 7ساعات ……بس يالله خليني بارد معاها وتجي بروحها اصلا البنات يحبو من يتجاهلهم ويبدو يجرو وراه صدق من قال كلب مايحب إلا يلي مش معبره
ولا يلي خانقه؟!
المهم مثل وخلاص والمهم مرزن دمها
روان:راقده ع السرير وتفكر…..عليك حظ !!المشكله معمريش كلمة ولد في حياتي علاش ياخذني واحد صااايع الهم?الله لاتربحه مرزن دمه لاكن خليه هكي والله لو يموت ميقربني الاولاد حشيشتهم البنت يلي متعبرهمش صدق من قال االولد زي طابع البريد ادفلي عليه يلصق فيك
ثاني يوم ???
صخر:روح للحوش الساعه 10الصبح وخلا ناصر راقد بين خيوط الشحن والتالفونات
عفاف:البنيه اليوم بنمشو نشوفوها
صخر:بنت شنو؟!
عفاف:يلي بناخذوهالك
صخر:حط قنجان القهوا …..ايااااح ع السيره هيااا وخلاص
عفاف:برضاي عليك ولدي افرد وجهك وبرا معانا خير ما بوك يقلب الدنيا تعرفه ميتحملش
صخر:بنمشي حتى انا بنشوف منو هاذي سعدة الحظ
عفاف:نجيه يااااربي ❤️❤️❤️
طق طق طق طق
يوسف:رواااااان رواااان …ططططططقققققق
روان:فتحت الباب ويدها في نصها….خير شن تبي
يوسف:بنطلع ديريلي فطور
روان:دير بروحك مش شغالة بوك يافالح….وقربعت الباب وكملت نومتها
يوسف:من برا الباب…والله إلاما ندممممك تو تشوففييي
روان:حطت المخده ع وذانها ورقدت
هاجر:ناضت بكري مع امها ضمت الحوش من حوسة عرس روان ورتبت امورها وجهزت الضيافه عشان اهل صخر❤️
لبست قونه لونها كحله مع بلوزه بيج ودارت مكياج خفيف ورفعت شعرها فوق مع قصه نازله علي خدودها
صخر:واقف ع المرايه يبخ في البرفان وسارح بعيدددد في هلبا قصص وهلباااا حجات لا انا ولا انتم تعلمو بيها ❤️
كان صخر لابس سروال جينز اسود مع سوريه رصاصيه وجاكيت جلد اسود وسبيدرو رصاصي ❤️
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
روان:سمعت تقربيعة باب الحوش وكانت قوووويه ناضت من نومها خذت دوش وطلع للمطبخ بتفطر وقفت قدام الثلاجه متع الزوز بيبان وفيها النص مكان مفتاح وثلاجة اميه
بعد مدارت النسكافي جت بتفتح الثلاجه ونصدمت لما لقتها مسكره بي المفاتح
روان:حقققققير ???والله لما نوريك…طلعت روان معصصصبه من المطبخ سكرت دولاب حوايجه بي المفتاح وضمت المفتاح ❤️
وصلو اهل صخررر ونصدمو لما عرفو ان يلي رح يتزوجها تكون اخت روان
روان مرت يوسف صاحبهم مش صاحب صخر بس صاحب العيله كلللهم
قعمز صخر وهوا متوتر ومش قادر يصبر يبي يشوف العروووسه قرررريب يهبل بس يحاول يوضح انه عادي
هاجر:قدمت الضيافه لي ام صخر واخته وقعمزت جنبهم شوي وعيونهم قريب يطلعو فيهااا❤️?
ناصر:الو
يوسف:اها وين انت
ناصر:راقد خيرك شن تبي
يوسف:سهرتو امس؟
ناصر:هاذا مناقص باش تطلعلي هلات سوداء لالالا
يوسف:وين صخر نتصل ميردش
ناصر:منعلم بشي انا بنرقد
يوسف:سكر الخط
هاجر:جت اللحضه يلي تراجي فيها اخيرااا بتشوف منو يلي متقدملها ❤️لبست وشاح وبخت عطر ووقفت ع باب المربوعه طقت بهدوووء
جمال:خشي هاجر
صخر منزل عيونه
هاجر؛خشت بخطوات مرتبكه وخجوله
جمال:قعمزي
هاجر:خدت نفس عميق وقعمزت
جمال:اءء نمشي نجيب القهوا انا
هاجر؛هزت براسها
جمال؛خذي بعضه وطلع
صخر؛قام راسه في نفس اللحضه يلي قامت فيها هاجر عيونها
صخر:سررررح فيها يلي يذكر وين شايفها قبل؟؟لاكن نسي
هاجر:طووول عرفاته نفس الولد يلي نخبطت فيه وهيا هاربه من المصح نفففففسه ….قلبها قعد يطق بقوه والهدوء سيد المكان
صخر:بصوت رجولي..،كيف الحال
هاجر:نزلت عيونها….ال الحمد الله بخير
صخر:يتفحص فيها بنضراته….انا نعرفك قبل؟؟؟
هاجر:اءءء لا لا من وبن بنعرفك
صخر؛تنهد….موافقه عليها الزواجه هاذي؟
هاجر؛يلي يعرفه بوي صح اكيد بنوافق هليه
صخر:اسمي صخر مواليد88عندي محلات نأجر فيهم وعندي تعيين في الدوله
هاجر:تشرفت بيك
صخر:اءءء شنو متبيش تعرفيني بروحك!
اسمي هاجر مواليد 90دكتورة نساء نخدم في مشفى عام
صخر:تشرفنا
هاجر:تسلم ووقفت
صخر:وقف وسلم عليها يديهم في بعض وكل واحد يشوف لعيون التاني ❤️?
خشت هاجر وبعد شوي يسمعو في عياط رجاله براا وقفت ع الروشن تبي تعرف شنو فيه بزبط لقتهم الردع؟قلبها قررريب طلللع
روان:ناضت من نومها زاهقه معندهاش شي اديره قعدت تلود في الحوش وبس بعدين قعمزت تتفرج ع التلفزيون
ربيع:شنوووو؟؟!
فهد:بصوت واطي الله غالب والله مقدرت يا ولد الخال لازم نرفعوها لتحقيق
مؤيد:تي شنو مدايره هيا
فهد:من فتره اتهمو المصحه بي شغل مش تمام وهاجر كانت تشتغل فيها فهمتت
ربيع:فهد توا الخطابه عندنا روح وتو نتفاهمو بعدين
فهد:ضروري قبل المغرب تجيبوها
ربيع:به تمام غير فوت الموضوع قدام الناس توا
فهد:جاي بيتكلم بس طلعو شيوخ القبيله وصخر وبوه وخوته بيروحو طلعو جماعة فهد ركبو سياراتهم وقعد فهد واقف مع ربيع ومؤيد
سلمو اهل صخر علي خوت هاجر وبوها وبدو يطلعو من الباب الخارجي اما صخر لبس جاكيته وجاي بيطلع وقفله فهد .
روان:حست بي حد فتح الباب
يوسف:خش وقعد يشوف لي روان …..نوضي البسي بنمشو حوش بوي
روان:ناضت بدون متتكلم لانها زاهقه من الحوش لبست قفطان طويل وردي ودارت مكياج خفيف وعبايه ازرق كحلي ووشاح اسود ❤️وطلعت …..تمشي متجها لي الصاله لاكن وقفت لما سمعت يوسف يحكي ع التالفون
يوسف:نقدرش نخليها بروحها نحطها في حوش بوي وجايك
سلسبيل:اوكي نراجي فيك تتأخرش مرات نروح
يوسف:لاااا وين تروحي قولي شنو لبستيلي ??
سلسبيل:ضحكت…..تعالا وشوف بروحك
يوسف:حليلي وخلاااص
روان:خذت نفس عميييق وطلعت…..واتيه انا
يوسف:هي تمام نتلاقو
سلسبيل:باي
طلعت روان ركبت في السياره مع يوسف بدون حتى كلمه طلحت طرف مستكه من شنطتها وكلاته ✨
فهد:انا فهد ولد خال العروسه
صخر:قام حاجبه مستغرب….اهلين ?
فهد:توقعتك كبير هلبا في العمر قصدي غريب واحد في عمرك وافق علي زواج الثار
صخر:حط تالفونه في جيبه ….نصيب
فهد:النصيب يلي تحكي عليه كنت نبيه انا
صخر:قعد يشوفله ومعرفش شنو يرد عليه
فهد:لهاذا السبب فوت القصه خير ميصير فيها دم
صخر:ضحك ع جنب ….كان جيتني راجل وطلبتها بهدوء راهو نسحبت لاكن مدامك جيت بتهديد والله مامصكر عليها دار غيري
فهد:قده الكلام هاذا انت
صخر:ولع دخانه…..جرب تتأكد
فهد:ميه ميه ….وطلع
صخر:جبد نفس دخان ويشبح في بوه من بعيد واقف يهدرز مع بو هاجر والواضح انهم يتفقو مع بعض
يوسف:تمام انزلي انا عندي مشوار نديره وجاي
روان:تمضغ في المستكه….علاش متخليكش راجل وتقولي ماشي لي وحده صايعه ورخيصه زيها زيك
يوسف:انصدم في كلامها
روان:ضحكت ع جنب ونزلت لاكن ع طول نزل وراها يوسف ومسكها من يدها وهوا معصصصصصب
يوسف:ووووديني لو مزالت تكلمتي بيه الاسلوب هوا بتشوووفي وجهي الثاااني
روان:خيره المستفز عصب؟?
يوسف:اعصااااابه نحرقوو….طلق يدها وابتسم بسيف…اي ماشي لوحده تعطيني يلي مقدرتيش تعطيهولي انتي
روان:مسكت جاكيته….مش مقدرتش لالا …منبيش لان كنت ديمه نرسم في راجل احلامي غااالي مش رخيص اي وحده ينني معاها يابيبي
يوسف:نحا يدها من جاكيتها….لو مجاش يوم وانتي يلي تترجي فيا باش تنني معاي ياحلوه معش يكون اسمي يوسف
روان:ضحكت….به يلا تأخرت ع موعدك….وخشت لي حوش عزوزتها
يوسف:خبط ع السيااااره ويشوفلها من بعيد ويتكلم داخله…..اووول مره نقابل وحددده مستفزه زي هياااا وجت مرتي زياااده بس ياالله تو نربيها
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
ربيع:هاااااااجر ????هاااااااجررررر?
هاجر:بخوف….ننعم
ربيع:شدها من شعرها ….شن مدايره فيها مصحة الشياطين هياااااا تكلممممي
حنان:بعدددد علي اختك حرام عليك
ربيع:قاعد ماسكها من شعرها وضاغط عليها…..بتتكلمي ولا نقتلك
هاجر:والله مدرت حاااااجه????
جمال:ربببببببيع?
ربيع:طلق هاجر وهوا معصصصصب
حنان :حضنت بنتها وتبي تفهم شن صاير
جمال:خيرك علي اختك
ربيع:جاني فهد توا هوا وجماعته يبو يحققو مع هاجر
جمال:علاش؟بخصووص شنو يحققو؟!
مؤيد:المصحه يلي كانت تشتغل فيها مش تمام ومتورطه في حجات بنتك
هاجر:اقسمممم بالله مدرت حاجه ومستعده نمشي ونحلف ع المصحف
ربيع:سكرررري فمك هاذي نتيجة الخدمه المعفنه هيااا
جمال:بهدوء….بري البسي عبايتك
هاجر:خشت دارها وكانت متأكده ان فهد ورا الموضوع
سلسبيل:مقعمزه تمرر في اصابعها علي رقبة يوسف……تعرف انك طرف ع الطبيعهز
يوسف:ضحك….وقرب منها
سلسبيل:غمضت عيونها وهووووب شرين التالفون
يوسف:افففف وقتكم توااا….ايواا
صخر:تعااااالا توا نبيك
يوسف:شن فيه؟
صخر:متزيدش حتى كلمه تعالا نبيك
يوسف:ميتأجلش الموضوع؟
صخر:تي تعاااالا النم
يوسف:تمام جاي ….وسكر الخط
سلسبيل:شنو جاي هاذي؟!
يوسف:ناض من جنبها ….في شي صاير المهم تو نديرو موعد تاني طالع اناا
سلسبيل:تنكدت وبت تتأفأف
يوسف:لبس جاكيته وحدفلها فلوس
سلسبيل:فرررحت
يوسف:هي سلام توا
سلسبيل:سلام
روان:خشت من الباب الخارجي بخطوات متحشمه اول مره تجي حوش اهل يوسف …قدمت شوي شوي ولما وصلت قدام دار المخزن تسمع في صوت ضحكات بشويه وآهات خفيفه ??….مقدرتش تتكلم او تخش المخزن خافت قربت وطقت ع باب الحوش
مسره:فتحت الباب…اهلا اهلاا???نورتي تفضلي
روان:زايد فضلك حبيبتي ?
مسره:ياماااااما روان جت
هاجر :نزلت للمقر هيا وخوتها وبوها ورجلوها يرعشوووو من الخوف
اول مخشو دخلوها لغرفة التحقيق ومنعو حد يخش معاها غير بوها
بدو يسألو فيه وهيا تجاوب وحكتلهم كلللل شي لاكن الضابط قالها اسم متورط انك تخدري في الحالات يلي يجوك ودخلي فيهم لدكتور
هاجر:صارتلها حالة هستيريه وبدت تعيط وتخبط وتحلللف انها مدارت شي وجمال متأكد ان بنته مستحيل ادير شي زي هكي ❤️
جاب الضابط اميه عشان تهدا وطلب من جمال يطلع يمكن هاجر تتكلم براحتها وطلع جمال وخش فهد
الضابط:بنت خالتك يمكن تقدر تقنعها تعترف بشي
هاجر:تبكي
فهد:تم افندي
الضابط:طلع
فهد:شنو ياهجوره
هاجر:قامت عيونها وتشهق بي البكي
فهد:عندك حلين توا تفوتي موضوع الزواج تنفذي تسكري راسك بنسكر راسي حتى انااا ونخليك تخشي الحبس وسمعتك بنمرمط بيها الارض
هاجر:بقوه وثقه…..طززز فيككككككك
فهد:ابتسم…متأكده؟!
هاجر:مسحت دموعها….والف في المممميه زياده عندي ادله تثبت اني مدرت شي وانك ساعدتني وانا يلي بلغت ع المصحه
فهد:بي وجه جدي ….ادلة شنو
هاجر:تسجيلات بتاريخ فيها جميع مكالماتنا وعندي صاحبتي سلوى يلي فتحتلي الباب وقت حبسوني رح تشهد معاااي
فهد:ساكت ويشبحلها
هاجر:وقفت ….العب غيرهااا متلعبش مع الدكاتره
فهد:مستغرب في هاجر منين جابت القوه هاذي كلها؟طول عمرها كانت هااااديه
ناض فهد قعمز ع طاولة المكتب وهيا واقفه جنبه….مسح علي خدها ويتأمل فيها
هاجر؛بعدت يده من عليها
فهد:متخلينيش نحطك في راسي والغي الخطبه بكل هدووء
هاجر:منيش لاغيه شي ويلي تبي اديره ديره …وجت بتطلع لاكن مسكها فهد من يدها
فهد؛اطلعي بدون شوشره مفيش داعي لا تسمعي تسجيلات ولا تجيبي البنت لاكن حسابي معاك ممكملش ياهاجر
هاجر:شافتله بنضرة حقددد وطلعت
صالحه:به كويس شن حال امك ووخيتك
روان:الحمد الله بخير ❤️…وين باقي البنات متعرفتش عليهم
صالحه:هاذي مسره الصغيره وجميله متزوجه تو نكلمها تجي وهاله في الجامعه لاهيا في مشروع التخرج
روان:مشاااء الله ربي يعاونها
ساميه:السلام عليكم
صالحه:وعليكم السلام خشي
ناضت روان تسلم عليها وقعمزت
صالحه:هاااذي بنت خوي يسكنو جنبنا
روان:تشرفنا?
ساميه:بيك اكتر ….ياعمتي راجل جميله جابلكم الميه قبل شوي
صالحه:وين ريتيه
ساميه توا وانا خاشه
صالحه:ياريت جاب جميله معاه تو نكلمه…..وناضت بتجيب التالفون
ساميه:تمضغ في اللوبان…مبروك ياعروسه
روان:يبارك فيك العقبالك
ساميه:ههههههه لالا جربت ومعجبنيش الحال اطلقت
روان:ربي يرزقك بخير منه
ساميه:ان شاء الله
روان:سكتت وفي راسي نفكر زعما نفسها يلي سمعت صوتها في دار المخزن؟حسيته نفس الصوت زعما شن كانت ادير ومع منو؟!استغفر الله ياربي
الضابط:تقدرو تروحو يا حاجه خلاص تمينا تحقيق
ربيع:شنو طلع معاكم به؟!
الضابط:لالا الامور طيبه تشابه اسماء بس
هاجر:رفعت راسها ونشوف لي خوها بي انتصار
جمال:ضحك من عيونه ومسك في يد بنته….هيا ربيع
ربيع:طلع وهوا متحشم من يلي داره وكيف مد يده علي اخته وطلعت مش مدايره شي?
طلعت هاجر وتشوف في فهد واقف من بعيد قلبت عيونها وركبت السياره
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
الساعه8المغرب
صخر:هيا البنت مفيها ماينعاااب الزززززح
يوسف:اخت روان ??الصدددددفه
صخر:شني مرتك نضامها
يوسف:تحشم شنو السؤال هوا
صخر:تي قصدي طبعها
يوسف:والله كان جت زي مرتي امك داعيا عليك لين فم كبدها مصقع?
ناصر:هههههههههه
صخر:تنهد…..عليك حض الزفت
يوسف:شن بدير تو
صخر:اذكر كلام فهد……بناخذهااا
ناصر:حب من اول مقابله شرعيه
صخر:حب امك …..كان مخديتهاش القبيله كلها بتنقلب علياا
يوسف:تي خودها ودير العار وكلم من تبي
صخر:اتكا ع الكرسي …..وقعد يفكر
يوسف:بنوض انااا
صخر:خليك تعشى معانا
يوسف:بنروح بي المرااا حطيتها في حوش بوي
ناصر:درتو العيب ولا مزال ?
يوسف:لوح المخده ع ناصر…..مزااال ومدخلكش
صخر:خوذلي كرت نت ع طريقك
يوسف؛تمام هي تصبحو
خشت هاجر الحوش ولقت امها ع نااااار خااايفه مووت حضنت امها وقعدت تهدي فيها
حنان:شن صاااار فهموني
جمال:طلعو ملخبطين الحمد الله اصلا من البدايه عارف ان في غلط صاير
حنان:ابتسمت…..الحممممد الله ربي يباعد علينا بنات وولاد الحرام ياااارب
جمال:هي شنو حطولنا العشي جعاان
حنان:واحلى عشي من عيوني
هاجر:خشت دارها نحت عبايتها وقعمزت تفكر يلي صار معاها قبل دقايق كأنه حلم
اذكرت صخر وشكله ❤️لون عيونه ورموشه جسمه شعره ❤️❤️❤️شخصيته القويه وااضحه من كلامه ونضراته تريحت نوعا مااا لان عمره مش كبير هلبا ومناسبين لبعض ….قاطع كلامها صوت خوها ربيع يطق ع الباب
ربيع:هااجر
هاجر:وقفت بخوف….خش ربيع
ربيع:خش وهوا مرتبك وقرب عليها
هاجر:حايفه وتستنى فيه يتكلم
ربيع:باس علي راسها…..سامحيني مبكري راهو لحضة غضب متاخذيش علي خاطرك في النهايه اختي ونخاف عليك من نسمة الهواء
هاجر:حست ان فعلا خوتها سند ليها ومهما عصبو اكيد فيهم حن ❤️ابتسمت هاجر وحضناته …..ولايمكن نزعل منك ربي يخليك لياااا
ربيع:ابتسم ….هي انزلي تعشي
هاجر:شويه وجايه
طلع ربيع من الغرفه وهاجر علقت عبايتها وطلعت وراه وحاسه بشعور حلو ❤️
بنووتة الشيخ(اروى):بجد ياحض كل وحده عندها خوت ولاد ❤️سند ليها في حياتها كل منجي نكتب ع الخوت يجي خاطري نجرب شعور يكون عندي اخ ولد بجد❤️ربي يحفض كل بنوتة لي خوتها ويجعل ايامهم كلها فرح ❤️
روان:تالفونها شرين وردت بدون نيه…..هااا
يوسف:اطلعي قدام الحوش
روان:بصوت بااااارد ومستفز…..كملت شغلك
يوسف:اي وزي العسل
روان:نجس
يوسف:سكري فمك واطلعي
روان:تبيش تنزل لي امك
يوسف:مستعجل
روان:تمام….وسكرت الخط
صالحه:وين بنتي؟!
روان:يوسف جي وميقدرش ينزل قالي مستعجل
صالحه:به به ربي يهنيكم
مسره:هاك روان عشي يوسف
روان:صحيتي حبيبتي وتعالو هدرزو حتا انتم
صالحه:ان شاء الله بي اذن الله
مسره:بسلامه
طلعت روان تمشي تساوي في شنطها والعشي في يدها قامت عيونها وشافت شي وهني كانت الصدمممه ….يتبع