رواية اكحيلة

#اكحيلة

??للكاتبه زهور جمال الدين ??

??الحلقه الثامنه والعشرون??

? والاخيرة?

ومات اكحيلة …. وماتت سيرته القديمه …ودكرياته وشغله الاسود اللى كان مقتنع بيه ويدافع عليه …
قامو العزى …وبكو كلهم
ماقعد حد مابكاش على سليمان الراجل الطيب المحبوب بين الناس حتى سلطان جى هوا ومرته من مصر …
-ايمان : يا ملاك البلاد معش ينقعد فيها ..بري مع خوتك لتونس
-ملاك : ونخلى عمى سعيد
-ايمان : عمك سعيد مايبيش يطلع مالبلاد ..شن بديريليه يا خيتى ..الضرب فوق روسكم ماوقفش
-ملاك : بالنسبه لعمى سعيد وين ماهوا وين ما انا والله مانقدر نسيبه وتشوفى فى وحيد مهناش حتى هوا
-ايمان : انا مسخفنى غير خوى وحيد ..معقولة سليمان ايموت وهوا مايحضرش جنازته
-ملاك : الله غالب قدر الله وماشاء فعل
-ايمان : ربي يرده سالم اوخى
-ملاك : اااامين

_______________________________

فض العزا ….وكل حد روح لبيته

وخش رمضان ….
ورمضنت ملاك مع عمها سعيد بروحهم …معاهم سليمه والمخلوف
واكحيلة لا اتصل ولا يعرفوله ديار
وهما صاير فيهم ماصاير …لا فطورهم فطور ولا سحورهم سحور …
مع انهم عارفينه حى …لكن ظلمت عليهم الدنيا منغيره
وقعد الحوش كبير وزى المهجور على راس ملاك وسليمه …مافيشى دفى ولا نفس منغير مايكون سليمان فيه
حتى عمها ديما مكسد عالتلفزيون فى داره مايحولش من قناة الخضراء والبلا فيكم ??

وفى ليله شرين تليفون سليمه …مكالمه خارجيه .. ردت لقاته سلطان …
-سليمه : اهلين وليدى سلطان شن حالك وحال ايمان
-سلطان : الحمدلله كيف حال ملاك وعمى سعيد
-سليمه : اييييه قول باهى والحمدلله وخلاص
-سلطان : ترا اعطينى ملاك
-سليمه : حاضر هى ..
حطت التليفون واضبح : ملااك .. يا ملاك
-ملاك: ايوة
-سليمه بالهمس: يبيك سلطان
ملاك مستغربة اول مرة يطلبها
-ملاك : غريبه شن يبي فيا
-سليمه : وين ندرى عليه انا تعالى ردى
خدت ملاك التليفون : الوو
-سلطان : اهلا اختى ملاك شن حالكم توة
-ملاك : الحمدلله خوى سلطان شن حالك انت وحال ايمان والعويلة كلها
-سلطان : الحمدلله ..شن حال عمى سعيد بالله
-ملاك : كويس الحمد
-سلطان : قوتلك قوليله الطير مشى مقبل وقالك منعطلش على راس العام
ملاك انصدمت حست الكلام على سليمان وماتبيش اتجيب الشبهها فالتليفون ..وهيا ماتعرفش ان سلطان عنده علم
-ملاك : انت شفته يطير
-سلطان : سمعت حسه وهوا يغرد
-ملاك عيونها دمعو وشدت نفسها : حاضر يوصل الكلام لعمى سعيد
-سلطان : باهى ردو بالكم على نفسكم .. واى شى تحتاجيه كلمينى رانى زى خالد وكمال ..انتى بالدات جتنى عليك توصيه خاصه
-ملاك بدت تبكى : باهى ..باهى

_____________________________

رمضان ليه عشرة ايام …
وبعد سكرت ملاك مكالمتها مع سلطان دارت ملاك سفرة مشكلة من فطورهم اللى قعد زى ماهوا فالمطبخ ورفعتها لعمها
طقت عليه الباب …
-سعيد : خش يا مخلوف
-ملاك : انا ملاك يا عمى
-سعيد : خشى بنتى تفضلى
دخلت ملاك السفرة وحطتها عالطاولة
-ملاك : عمى شنحالك
-سعيد : اهو الحمدلله ..حال التلفزيون والاخبار
-ملاك : كلمنى سلطان من مصر على رقم سليمه
-سعيد قام راسه وانتبه : انشاء الله خير
-ملاك : قالك الطير سافر مغرب ومش حيعطل على راس العام
-سعيد ولت فيه الروح : ااه شن قلتى
-ملاك : اللى سمعته يا عمى .. هادى رسالة من سليمان ولا انا غالطه
-سعيد : الطير مشى مغرب …هادى رسالة من ولدى اكحيلة ربي يطول فى عمره
-ملاك : قالى انه سمع صوته
-سعيد : الحمدلله ربي طمنا عليه
-خشت سليمه : والله غير انتم الزوز حارقين دمكم ..هوا عارف شن يدير ..ومن اول يوم قاللكم فوتونى شهور
-ملاك : مدامه اطمنا عليه حتى نفسيتنا تغيرت
وتلفتت لعمها : عمى نوض كول ترديدة الفطور
-سعيد : انوض وناكل وعلاش لا
جى المخلوف : شنو يا سيدى تشرب شاهى
-سعيد فرحان : لااااا بناكل قبل
وقعمز عالسفرة ونادى ملاك معاه ..وبالفعل جت قعمزت وسايراته

_____________________________

وفاتو الايام ويوم عشرين رمضان …
طلع القدافى من طرابلس…. وخشت بعضها اح