رواية اكحيلة

#اكحيلة

??للكاتبه زهور جمال الدين ??

??الحلقه الثامنه عشر ??

يوم الخميس الحفلة

تمت على خير وجو سيارات حوش العريس رفعو ملاك ووصلت لحوشها على خير
بعد ركبو ملاك وسليمان لحوشهم
صلو ركعتين

ملاك بتغير حوايجها ..
-اكحيلة : خلى نعاونك
وفتحلها السوسته وشبحتله : ممكن بس شوى نغير
-اكحيلة : اهاا قصدك نطلع ..مش قالو المتزوجين يبدلو قدام بعضهم
-ملاك : منك نسمع ..ماحد قالهالى
وقعدو يضحكو الزوز …
-اكحيلة : حاضر حنطلع …بس معليش تغسليه المكياج ..انا حاب نشوفك على طبيعتك زى مانعرفك
-ملاك : حاضر
وبالفعل طلع اكحيلة للصالة ورد الباب …حولت هيا الفيلو ولبست روب …
وخشت للحمام اللى فالدار وغسلت وجهها …
خش اكحيلة للغرفه حول احوايجه وبدل قدامها …
-اكحيلة : تبى تاكلى حاجه
-ملاك : لا ماخاطريش
-اكخيلة : خلاص امالا بنطفى الضى ..تعبانيين وبنرقدو
-ملاك بخجل : باهى
وطفى اكحيلة ضى الدار وخلى ضى الصالة بس مفتوح …
ورد باب الدار خلى ضى بسيط خاش فيها
ملاك قعدت مقعمزة عالسرير
-اكحيلة رجع باب الدار وجى بيخش للسرير : خيرك حبيبتى ارقدى فمكانك ..مش تعبانه
-ملاك تحرك فى رجلها : باهى اهو منرقد
-لف وجى جنبها عالسرير ومسك ايديها ويضحك : متخافيش عليك الامان ارقدى
-ملاك تحشمت : خيرك دايرنى خايفه كأنى مخطوفه
-اكحيلة حط يده فى شعرها : انا اللى مخطوف مش انتى …
وقرب راسها لصدره تكاه عليه وقعد يحرك فى خصلات شعرها
-اكحيلة : تعرفى
-ملاك : شنو بنعرف
-اكحيلة : تعرفى انك انتى الحسنه الوحيدة فى حياتى
-ملاك : وصغارنا
-اكحيلة : هادوكا بيبدو الروح لما بيجو
-قامت ملاك راسها وشبحتله وهوا ضامها ليه :ارقد حبيبي مش قلت تعبان
-اكحيلة : لا نبي ترقدى فى جنبى تحكيلى على عرسك كله .. وشنو اللى عجبك وشنو اللى ماعجبكش
-ملاك : اممممم باهى
-وقف سليمان وقام الغطا : ارقدى خلى نغطيك ..
-ملاك : لا برة مكانك تو نرقد انا بمعرفتى
-سليمان يضحك : شريرة ?
هيا طبعا روبها ابيض دانتيل قنين طويل ..لكن لافاته عليها قانطاته للرقبه ..مش مخليه جزء من جسمها يبان زعميتا متحشمه ????
مشى اكحيلة مكانه وهوا يشبحلها ..قام الغطا واتكى
تحسيه زى مروض الاسود اللى ايروض فاللبوة وياخد فيها على قد عقلها ??
رقدت ملاك فى مكانها ….
ورقد سليمان جنبها ..هيا عاليمين ..وهوا عاليسار
قرب منها واتلفت عندها متكى راسه علي يده
.. .جايها من جيهتها اليسار
وهيا راقدة على ضهرها وقايمه اليرغان قريب لرقبتها
-سليمان : هيا احكيلى على عرسك
-ملاك : شن منحكيلك عرسى نصه مشى فرح ونصه مشى دموع
-حط سليمان يده على شعرها اللى نازل من الجهه اليمين ومرفد صدرها تحت يده ..وقعد يلعب بى هداكه الشعر الناعم ..
وهيا طبعا يبست فمكانها
-سليمان : كملى
-ملاك ترعش : خلاص شن بنكمل
سليمان قرب منها اكثر ..هيا على ضهرها وهوا متكى راسه على يده وتشبحله : كملى باقى عرسك
-ملاك : ياحنه يوم القفه رقصو صاحباتى عالزمزامات وتعاركو عالمرايا من بيشدها
-سليمان يضحك : هيا مهمة المرايا
-ملاك : مندرى الحق ..لكن البنات كلهم يحبو يشدوها
-سليمان بهدوء : لكن الفيلو طالع عليك تحفه حبيبتى
-ملاك : وانت البدله طالعه عليك تهبل حبيبى
-سليمان : باهى وشن صار معاك ثانى
ومد يده للسهارة من جيهتها بيولعها جى نص جسمه فوقها ..يبست ملاك فمكانها
-سليمان : هكى احلى ولا ..نهدرزو واحنا نشبحو لعيون بعض
-ملاك ابتسمت وحست نفسها هدت شوى : ايه هكى احلى
-سليمان : احلى حاجه انك مغيرتيش لون شعرك
-ملاك : ماهو انت قلتلى متغيريشى خلاص خليته زى ماهوا
-حط يده على خدها : محلاك قداش بشرتك ناعمه
-ملاك حطت يدها على يده : عجبتك حبيبى بالفيلو
-سليمان : انتى تعجبينى فى كل احوالك
ونزل عليها باسها من شفايفها ورجع ..قعد يشبحلها
هيا ابتسمت …
رجع ثانى يبوس فيها لكن المرة هادى طول …
و هيا ولاااا حركه ..رجع لتالى ثانى ويشبحلها
-سليمان : ماتبيش
-ملاك واطت راسها وضحكت : لا عادى
-خداها من يدها ولفتها ليه : لو كنتى تبي كنتى بوستينى زى مانبوس فيك
وضمها بين ايديه وقعد يبوس فيها وهيا نفس الشى
… حرك جسمه جى فوقها وهيا تحته
-ملاك : بالشوى عليا حبيبي
-سليمان : المشاعر مافيهاش شويا وهلبا
-ملاك : باهى اصبر
-سليمان يضحك : صابر ليا نص ساعه
-ضرباته على كتفه وتضحك : تو نص ساعه هلبا
-سليمان : هلبا على واحد يحب وحدة وهيا معاه بروحهم
ورجع يبوس فيها وانسجمت ملاك معاه …سايرها وهداها ….
وتهنت العروس …

_______________________________

فى الفجر …

ملاك عالسرير متلفته جيهة اليسار وسليمان راقد وراها وضامها ويهمسلها : مبروك حبيبتى …
وملاك تبكى ..
?” على فكرة اكثر البنات تبكى يوم دخولها بعد فترة يقعدو حايرين علاش بكت هداكه اليوم ماتلقاش سبب ???”
-اكحيلة : توة حبيبتى غير كان نعرف علاش تبكى بس
-ملاك : شى
-اكحيلة يبي يضحكها : يابنت تقولى غاصبيينك عليا
-ملاك : لا والله
-اكحيلة : امالا علاش تبكى
-ملاك : مندرى
-اكحيلة لفتها ليه وضمها : خلاص بنتى حبيبتى معش تبكى
-ملاك : بنتك ??
-اكحيلة : بنتى ومرتى وامى وكل شى بالنسبه ليا
-ملاك تلفتتله : نحبك
-اكحيلة : يا عمرى انتى كلامك يهبل
وباسها على شفايفها
-حشت ملاك راسها فى صدره : خلاص حبيبي عاااد
-اكحيلة : منقدرش نقاومك
-ملاك مدت ايديها وتعلقت برقبته وضماته ليها : اششششش معش نسمع صوتك للصبح
-اكحيلة : كانا قدرت
وقعدو يضحكو ….
-ملاك: خلاص ارقد عارفتك تعبان
-اكحيلة : على شرط حتى انتى ترقدى
-ملاك حولت ايديها : حاضر
واتكى اكخيلة وملاك قدامه …دقايق ومشى فالنوم من التعب …
وبدى عاد ينخط .. اخخخ اخخخ
نهار ابيض البنيه ماقدرتش ترقد من شخيره ??
خشت للحمام دوشت ورجعت اتكت جنبه ماجاهاش نوم
وفالاخير غلبها التعب ورقدت

______________________________

فاقو الساعه عشرة الصبح على طقت الباب

-ملاك : حبيبي نوض الباب يطقطق
-اكحيلة فتح عيونه يشبحلها للحظات مزبطش هادى شكون ??وبعتالى رجعله شاهد عقله: صباح الورد حبيبتى
-ملاك باست على خده : صباحك عسل
-اكحيلة : الله الله شن هالرضا هدا
-ملاك : نوض حبيبى سمعت الباب ايطقطق
-اكخيلة : اوووف مايطلع الا المرزوقى ..كانا هوا نهاره لحرف
-ملاك : كانا هوا اعطيه فلوس نحيلته لانه اول شخص يجينا بعد نتزوجو
-اكخيلة يضحك : انا ماخايف من شى غير من قلبك الطيب بس
-ملاك تضحك : هيا ولا نطلعله انا نعطيه انحيله
-اكحيلة : ايه اطلعيله بالجمال هدا ..بيش الراجل غدوة يقول خودولى ??
وفتح سليمان باب الدولاب ولبس جلابيه ومنغير حتى مايغسل وجهه طلع فتح الباب ..يلقاه المخلوف واقف قدامه وقايم سفرة
-المخلوف : صباح الخير سيدى اكخيلة
-اكحيلة يضحك : اووو مخلوف ..صباح الخيرات
-مخلوف : هدا فطوركم
-اكحيلة : صحيت ياراجل ليش متعب روحك
-مخلوف : تغبك راحة ياسيدى
-مدله اكحيلة فلوس : هادى انحيلة جيتك لحوشى
-مخلوف : والله ماصارت يا سيدى
-اكحيلة : هادى النحيلة من للالتك ملاك
-مخلوف : عاشت الاسامى
-اكحيلة : تعيش وتسمى
– مخلوف : ندخلها السفرة لداخل للصالة
-اكحيلة فى خاطره : وتشوف البضاعه كلها
وخدى منه السفرة : لا لا صحيت تو ندخلها انا
-مخلوف : باهى
-اكحيلة : والغدى ماتاعبش روحك تو نبعت حتى وحيد ايجيبنا غدى جاهز
-مخلوف : مزال والله ..المراءة اول مرة تبات قدانا ..غداها كسكسى بالبصلة باللحم الوطنى
-اكخيلة يضحك : تى مانبوش نتاعبوك يا راجل
-مخلوف : خلاص عاد ..مع الساعه 3 نطق عليك خود الغدى باهى
-اكخيلة : بوى وين
-مخلوف : الحاج قاعد فالاستراحة
-اكخيلة : برة جيبه يا مخلوف العرس تم وعلاش قاعد غادى
-مخلوف : قالى غدوة العشيه بعد ماتتسقد انت نمشيله انا انروح بيه
-اكخيلة : باهى براحته
-مخلوف : هى السلام عليكم
ونزل من الدروج وخش سليمان بالسفرة لقى ملاك تحكى فالتليفون
-ملاك تضحك: ايه الحمدلله
-سليمه : باهى مبروك عليك يابنيتى ..من بكرى وانا نعاود ونتصل وتليفونك خارج التغطيه
-ملاك متحشمه ? : الله يبارك فيك
-سليمه : تو نخبر زينب ومريم انشالله
-ملاك : باهى
وسكرو الخط …
سليمه مشت تجرى للصالة ..لقت زينب ومريم مقعمزات يشربو فالقهوة تعبانات من الحفلة
-سليمه فرحانه : ملاك تهنت
-زينب: بااهى باهى مبروك عليها
اما مريم لون وجهها تغير : نستادنكم
وركبت طول من الدروج توجهت لشقتها خشت للحمام طول وبدت تبكى
وفى خاطرها : رقدت معاها ياسليمان ..يا خاين ..
وتبكى وتبكى وهيا تتخايل فيهم كيف راقدين فالليل مع بعضهم

___________________________

سليمان خش للدار

-ملاك : شكون
-اكحيلة : هدا المخلوف جايب الفطور
-ملاك : والله
-اكحيلة يضحك : يسلم عليك وقالك صباحية امباركه يا عروسه
ملاك تضحك
-اكحيلة : فى من كنتى تكلمى ..اكيدة الشاويش سليمه
-ملاك : ومن غيرها يراجى فى مكالمتى من بكرى
-اكحيلة : حبي ارجعى سكريه تليفونك
-ملاك خدت تليفونها تسكر فيه : حاضر
-اكحيلة : نجيلى العاقلة اللى كل مانقوللها كلمه تقولى حاضر
-ملاك : حاضر ومن عيونى وبس
-اكحيلة :نخش ندوش وتيلى حوايجى متع صلاة الجمعه ونطلع نفطرو باهى
-ملاك : باهى
وخش سليمان للدوش ..وطلع لقاها مجهزتله الزبون اللى جايبتهوله هيا هديه
مزال مالبسش قعد فى تيشرت وسروال توته ..
وهيا لابسه قفطان قصير وسيور من فوق لونه سماوى فالاصفر وفاتحه شعرها ودايرة مكياج خفيف
-اكحيلة : هيا تعالى نفطرو
-ملاك : هيا
وحط ايديه على كتافها وطلع هوا وياها من الدار للصالة
فطرو مع بعض …
وفى وقت الادان لبس الزبون وطلع صلى فالجامع القريب منهم ورجع للحوش
قعمز جنبها وقعد يهدرز عليها شن يحب شن مايحبش ..وكيف طبعه وكيف يحب تعامل اهله
والساعه 3 جابولهم الغدى …هيا ماهناك ماكلت جايها خناق العرايس ..وهوا كلى لين شبع ??

طبعا هما ماداروش محضر
_________________________________

يوم السبت العشيه دارو شناطيهم .مشو للمطار
سافرو للمغرب …تهبلللل الماروك
فندق فخم .. وتدهوير وحب وعسل فى عسل
نسو كل الناس لاهيين ببعضهم بس
قعدو عشرة ايام وبعدها مشو لاسبانيا قعدو اربعه ايام ..وبعدها لايطاليا الابداع ..قعدو فيها عشرة ايام …
وروحو لحوشهم …خشو للدور الاول
لقو عمك سعيد نقعمز عالصالون
-ملاك : السلام عليكم
ونزلت باست على يد عمها سعيد
وقف سعيد مد يده وضمها ليه : اهلا ببنيتى
اكحيلة عجباته تضبيطت بوه لملاك
وملاك ماتت من الحشمه : اهلا بيك يا عمى
-سعيد : من اليوم نبيك تنادى بوى زى وحيد وسليمان
-ملاك : حاضر يا بابا
-اكحيلة شبحلها وضحك: يابوي
-ملاك ضحكت : نفس الكلمه
سعيد قعمز عالصالون وقعمز اكحيلة وملام معاه
-سعيد : بنتى احنا عيلة وحدة ..واللى يغششك تعالى سميلى اسمه بس ..وشوفينى انا شن نديرله
سليمان يضحك
-اكحيلة : مخلوف ..يا مخلوف تعالى سلم خيرك
-جى المخلوف : اهلا بيك بنتى نورتى الحوش
-سعيد : هدا المخلوف اللى يطيب ..واللى تبيه اطلبيه منه
-ملاك: حاضر .. ونستادنك يا بابا نبى نجيب سليمه المراءة اللى امربيتنى من غدوة
-سعيد : اتآنسكم يابنيتى
هما كيف دارو ..من الباب الخلفى اول ماتجى بتركب لحوش ملاك فى غرفه كبيرة تحت ..فصلوها غرفه نوم صغيرة وصالة صغيرة ومطبخ ..داروها لسليمه ..لانها رفضت تقعد مع ملاك فى شقتها ..وفضلت تسكن معاها لكن مستقله بروحها

وبدت ملاك ست البيت فى عمك سعيد ميلاد??
وح نشوفو كيف بيصير فالحلقات الجاية
___________________________

تمت ..ويتبع

نحبكم ❤