جبروني عليها وكرهتها وفجأه حبيتها وعشقتها

البارت الثالث
اليوم الثاني
في الفندق .. عائلة ابوعبدالرحمن
لمياء : يبه
ابوعبدالرحمن : عيون ابوك
لمياء : تسلميلي عيونك .. نبغى نروح بيت عمي
ابوعبدالرحمن : امس كنتوا هناك
ريم : يبه احنا بعد العرس بنروح جده وماراح نشوف بنات عمي
عايشة : اي يبه تكفى !!
ابوعبدالرحمن : اي طييب خلو عبدالرحمن يودييكم
ريييم نطت وراحت باست ابوها : هييييييه احلى اب
وراحت تطييير هي ولمياء لغرفة عبدالرحمن عششان يقولون له
ام عبدالرحمن : انا اشهد ان بناتي انهبلوا
في غرفة عبدالرحمن
ريم : حماني حماني
لمياء : حماني اصصصحى !!!!
عبدالرحمن بعصبية : هييييييييي انتوا وششش تبووووووون؟؟؟
ريييم : حمني تكككفى قوووم ودنا بيت عممي ابوسعد
عبدالرحمن : اوهوووو طسسوا عن وجههيي
ريييم : عبدالرحمن افففففففففففففف
لمياء : افا مالنا خاطر عندكككك
عبدالرحمن : مايعرفون اخوهم الا وقت مايبونه
لمياء : افا افا انت اخونا حبيبنا وقرة اعيننا
ريم : هههههههههههههههههههههههههههه قرةة أعيننا اجل
عبدالرحمن : طيب طيب طسوا تجهزوا وانا اتروش والبس
ريم ولمياء نطوا على عبدالرحمن وباسوه
عبدالرحمن : ابعدوا يالمهابيييييييل
رييم تغمز له : ها بيوون تغار
لمياء : علينا
ريم ولمياء لما شافوا عبدالرحمن معصصب راحوا يركضوون برا ههههههههههههههههههه
عبدالرحمن تنرفز من لما قالوا له ان تغار عليه.. ليه مين هذي بيان عشان تغار عليه ..؟ فتح جواله وكانت خلفية جواله رنا .. تنهد تنهيده طوييلة ورمى الجوال وراح يتروش
عند البنات
ريم : لمووي وش البس ؟؟
لمياء : وش بعد وش تلبسين وين رايحه انتي بيت عمك ؟
ريم : اي بيت عمي لازم اكون كششخه
لمياء : لا تخافين مافي احد يخطبكك ماعندنا الا ولد عم واحد الي هو سعد وهو اكبر منك بعشر سنين
عايشة : هههههههههههههههههههههه
ريم : ه هه ه يا الظرييفة .. ايش دخل الخطبة الحيين
لمياء : مدري عنك اجل وش تلبسين ؟؟
ريم : افف الشرها مو عليييك الشرها على الي تعطيك وجه وتاخذ رايك
لمياء : حبيبتي والله ريوومة اششوف بس خل اختار لك
ريم بزعل : لالالاللا ما ابغى طيري عن وجهي
عايشة : الحين وش الي يرضيها هذي ..
لمياء : زعلها كايد النذلة
عايشة : ههههههههههههههههههههه
ريم : اففف بس خلاص تعالي اختاريلي .. وربي سامحتك
لمياء وعايشة : هههههههههههههههههههههههههه
ريم : الا تعالوا خبرتوا البنات ان احنا جايين ؟؟
لمياء : ممم لا
ريم : يالهبلات يمكن مشغولات بشيء نروح نخرب عليهم البرنامج حقهم ؟.؟
لمياء : صح انا بتصل على مرت اخوي ههههههههههههههه
ريم : هههههههههههههههههههههههه
لمياء خذت جوالها ودقت على بيان
بيان كانت منسدحه على سريرها لانها توها صاحيةة ومنسدحه على سريرها الكبير ودموعها على خدها .. لسا منقهره من حركة عبدالرحمن امس .. كيف يتجرأ يسويها .. هذه قبل العرس كذا بعدين وش بيسوي .. قطع عليها افكارها رنة جوالها.. شافته مكتوب ( لموش )
ابتسمت بيان وردت : الووو
لمياء : هلا بيووونه
بيان : هههه هلا لموش اخبارك
لمياء : بخيير والله وانتي ؟
بيان : بخيير
لمياء : ممم ليكون صحيتك؟؟
بيان : لا انا صاحية من زمان
لمياء : اي طيب بقولك انا والبنات جايين عندكم
بيان : جدددد !! حياكم الله
لمياء : يعني ماعندكم شي
بيان : وه يا حسرة وش عندنا .. تعالي وانا بنت عمك
لمياء : هههههههههههههههههه طييب بس يصحى حمني نجي
بيان تضايقت بس لما سمعت كلمة حمني ضحكت : هههههههههههههههههههه
لمياء : يلا بيوون نششوفك
بيان : طييب يا حبيبتي
وسكروا من بعض
عند بيان في خاطرها ” يمكن عشان كذا تضايق لما قلت له عبدالرحمن لان متعود على حمني هههههههههههههههههههههه ”
عند حمني ههههههه
عبدالرحمن طلع من الحمام ” مكرمين ”
لبس تيشرت ابيض عليه كتابات بلون الدم ” الاحمر ” وبنطلون جينز لونه اسود .. وحذاء ” مكرمين ” رياضي من All Star لونه اسود وخيوطه بيضاء ونظارته من ماركة Ray.Bon وتعطر وطلع
عبدالرحمن : عايشة .. لمياء … رييم … يلا بسسرعه
البنات سمعوا صوت اخوهم ولبسوا عبيهم ونزلوا بسسرعه قبل لا يغير رايه لانهم يعرفون اخوهم زين
ركب سيارته السبورت السوده وعايشة ركبت جنبه ووراء عبدالرحمن ريم ووراء عايشة لمياء وحركوا لبيت ابوسعد
في بيت أبوسعد
سعد : بيان بيووووووووون
بيان : ها وشش فيك تصصرخ ؟؟
سعد : وييييين نظارتي
بيان : ووش عرفني انا
سعد : ششششهد شهدددد وصصصصصصمخ
شهد : صمخ في اذونك ان شاء الله ليه تصرخ ؟؟
سعد : وين نظارتي
شهد بارتباك : ها وشش دراني ؟؟
سعد وعيونه كلها شرار : ششهد ان ماطلعتيها والله ثم والله اقبرك
شهد : وش عرفني ويين انا ؟؟
سعد : شهههههههههههههههههههههد
شهد بخوف : ………………….
(( سعد اذ عصب ينسى مين قدامه .. ينسى حنيته وعطفه على خواته وينقلب وحش حتى ممكن يأذيهم ))
شهد : قلت لك ما ادددري
وفجأه جاء كف على وجه شششهد .. جلس يناظر لايده يلي ضربت خد شهد الناعم .. شهد منصدمة من الي صار .. وبيان نفس الشي اول مرة سعد يمد ايده على وحده منهم .. شهد استسلمت لدموعها وبيان ضمتها .. سعد صحى على نفسه وكان بيطلع ..بس وقفه منظر ولد وبنات عمه المنصدمين .. بيان انتبهت لعبدالرحمن وشالت حجابها يلي عليها كتفها حجابها وغطت راس شهد عشان مايشوفها عبدالرحمن .. سعد انحرج وطلع بسرعه وعبدالرحمن مو مصدق الي صار .. لمياء وريم بعد جامدين ومو عارفين ايش يسوون .. وعايشة منقهره منه كيف يمد ايده عليها !
لمياء وريم وعايشة ركضوا لبنت عمهم الي جالسة تصيح بحضن بيان
لمياء : شهوود حبيبتي لا تبكي
شهد تبكي :…………
ريم : كسر بهالايييد ان شاء الله
عايشة ضربتها على كتفها عشان تسكت ورييم ماسكتت وجلست تدعي علييه وتدعي ان ايده تنكسسر .. وعايشة تحاول انها تسكته بس ماش ههههههههههههه
وشهد لسا تبكي من الي صار .. اول مرة يمد ايييده والله ما اسامحه !
بيان احتارت وش تسوي مع اخوانه وكيف راح تتركهم بهالحال !! .. مالقت الا انها تروح تكلم سعد .. ابعدت شهد عنها وشهد طاحت بين احضان ريم .. وبيان راحت تدور على اخوها بين انحاء البيت
لمحت واحد واقف بالحديقة وفكرت انه سعد وراحت تركض له وناوية تصرخ بوجهه
بيان : انت كيف تتجرا وووو …
التفت لها وانصدمت بيان.. هذا مو سعد .. هذا عبدالرحمن
عبدالرحمن : نعم
بيان باستهزاء : هذا انت !
عبدالرحمن : اي انا مو عاجبك ولا ؟
بيان : اففف مو وقتك شفت سعد ؟
عبدالرحمن : لا
بيان : ياربي
عبدالرحمن : هو ليه ضربها
بيان : ما ادري بدون سبب .. سعد هالايام متغير حييل
عبدالرحمن : أها
بيان كانت بتمششي بس مسكها عبدالرحمن وسحبها لحضنه وضمها .. بيان توترت من حركته ورجع شعورها الي حست فيه لما باسها برقبتها .. بيان واخيرا عرفت وش ذا الاحساس .. هي تحبه .. اي حست بالحب والحنان معه !! بس هوياترى يحبني !!
قطع عليها افكارها وشعورها كلامه القاسسي : انتي عذاب حياتي
وابعدها عنه بقسسوة لدرجه طاحت من طولها ومشى وماعبرها .. وبيان اكتفت بالبكاء ودخلت داخل وتوجهت لغرفتها ونست شهد وسعد .. ورمت حالها على سريرها الكبير الي كأنها نملة فييه .. وضمت مخدتها وهي تبكي بحرقة وتتكلم مع حالها ” ليييه لييه خليتني احببك ليييه وانت ماتحبنيو تعتبرني عذاب حياتك .. تعتبرني من خرب حياتك ليه يا عبدالرحمن ليه سكنت قلبي .. اطلع منه كان مرتاح قبلك تكفى ” وجلست تبكي وتبكي
عبدالرحمن من بعد ما حضن بيان وهو قرفان من حاله .. كيف يضمها هو للمرة الثانية خان رنا .. لفظ اسم رنا .. حبه .. اشتاق لها حييل .. حاول ان يتصل فيها بس هي دايما تسككره بوجهه .. هو ليه يتعب حاله معها وهي ماتبيه وماصدقته .. بس هي ساكنه قلبي ومحد يقدر يسكنه غيرها احبها هي وبس لا بيان ولا غيرها راح تاخذ محلها ..
عبدالرحمن دق على خواته وطلب منهم ان يطلعوا ويروحوالانو تأخر الوقت
استأذنوا البنات وطلعوا ..
عند شهد و همس
همس خذت شهد لغرفتها وجلست معها لين مانامت وراحت غرفتها ونامت
اما بيان لسا تبكي من الاحراج الي سببه لها عبدالرحمن وعذابها الي راح يبدأ من هاللحظة مع عبدالرحمن .. ونامت من كثر ما بكييت
بسيارة عبدالرحمن
عايشة لسا تفكر ب سعد وتصرفه الاحمق مع اخته .. لمياء دايخه وتبي بس ترجع الفندق وتنام بسابع نومه .. اما رييم تراسل صديقتها بالمسسجات وعبدالرحمن وما ادراك مافي قلب عبدالرحمن ” رنا ” وموقفه مع بيان وكيف ذلها !

بعد مرور اسبوع
بيان : لسسا تعاني من عبدالرحمن وهالايام ما قام يسأل عنها ابد وماتشوفه .. تحس نفسها اشتاقت له .. ماتعرف كيف عبدالرحمن ملك قلبها كذا .. دخله بدون سابق انذار
شهد وسعد تصالحووو
همس تجهز للعرس الي راح يكون بكرا
عبدالرحمن لسسا مقهور من رنا لان كل ما يحاول يتصل فيها تسفه له وتسكره بوجهه .. الين ما طفشش منها وصار عصبي باخر فترة ومايكلم بيان لانها هي السبب بالي يصير فيه
عايشة وريم ولمياء والعرس
يوم العرس
عن الشباب
………. : هلا بالعريس
عبدالرحمن التفت ونط من الفرحه : عزام
عزام : هههههههههههه اخبارك
عبدالرحمن استانس يوم شاف صديق عمره : والله بخيير يوم ششفتك
عزام : كذا تخطب دون م تقولي يالخاين ؟؟
عبدالرحمن : هذي خطبه ؟ هذي جهنم بالنسبةلي !
عزام الي حزن على وضع صديقه : للحين تفكر فيها
عبدالرحمن : مو بس افكر فيها هي كل فكري يا عزام شسوي ؟؟
عزام : خلاص انت بهالطريقة جالس تخون زوجتك الي هي حلالك وانسى رنا .. رنا بتلقى نصيبها مع الايام
عبدالرحمن : اخون زوجتي .؟. ليش ايش صار بيني وبين زوجتي عشان اخونها ؟
عزام : خلاص يا عبدالرحمن حاول تحبها بعدين هي وش ذنبها اذا رنا ماتبيك !!
عبدالرحمن تضايققق حييل وجلس يفكر
دخل عليهم سعد
سعد: السلام عليكم
عبدالرحمن وعزام : وعليكم السلام
عبدالرحمن : اعرفك هذا سعد ولد عمي واخو زوجتي
عزام : هلا والله تششرفنا
عبدالرحمن: وهذا عزام صديقي وحبيبي
سعد : هلا والله عزام نورتنا
عزام : تسلم والله
(( عزام : عمره 29 سنة .. صديق عبدالرحمن من لما كان عمرها 24 سنة يعني من خمس سنين .. عزام طيب حيل ودايم مع عبدالرحمن وينصحه ويرشده .. عزام حلو عيونه بنية فاتحه وشعره اسود وطويل وعريض ومعضل وسبورتي ))
عند البنات
……. : امبيه بيوون تهبليين
…..: اي والله تعذب
……. : الله يعيين زوجك علييك
….. : صح انها نسرةة بس تهبل حبيبتي
شهد : اقوول قولوا ماشاء الله لا تنضلون بنت عممي
همس : ههههههههههههههههه من جد
…… : افا يا ذا العلم انا انضل صديقة عمري
بيان : هههه الله لا يحرمنا منك يا رفيف
رفيف : ولا منك يا قلبي
….. : احم احم واحنا ان شاء الله مالنا رب ؟؟
بيان : افا يا ذا العلم وانا انسى مريوومه
مريم : احم احم حبيبتي والله
…. : طيب صديقات خواتك مالهم رب ؟؟
شهد : عاد انتي يا بشاير من ينسساك
بششاير : اشووه
….. : اها واحنا
بيان : عاد انتي يا علياء صديقة همووسة
علياء : احم احم
(( رفيف صديقة بيان الروح بالروح عمرها 25 سنة .. حلوه شعرها بني وعيونها بنية وطويلة وضعيفه وجسمها حلو
مريم صديقة بيان ورفيف الروح بالروح عمرها 25 سنه .. حلوه شعرها اسود وعيونها بنية غامضة وواسعه طويل وضعيفة
بشاير صديقة شهد الروح بالروح عمرها 23 سنة.. حلوه شعرها بني وطويل وعيونها عسلية وواسعه وجسمها حلو .. باختصار عذاب
علياء صديقة همس الروح بالروح عمرها 19سنة .. شعرها اسود وطويل وعيونها سوداء وواسعه ورموشها كثاف . متوسطة الطول وضعيفة ))
دخلت عليهم ام سعد : يلا يا بنات خلو بيان تطلع
بيان صار قلبها يدق بالقوةة والبنات طلعوها بالزور
مريم : وه حششا ما بغيتي
رفيف : يقالكم طالعه بالزور حشا
علياء : وششش دراني !
همس: وش فيكم انتوا اختي خجولة
لمياء : هههههههههههههه خجولة بس قدام اخووي
ريم : انا اشششهد
علياء : هههههههههههههه اخت صديقتي واعرفها
بشاير : والله صادقة
الكل : هههههههههههههههههههههههه
طلعت بيان وسحرت الكل بجمالها الفتان .. وصاروا يسمون عليها ويدعون لها بحياة حلوه مع عريسها وطلعوا البنات وراها ويزغرطون ومبسوطين لها .. لين ما وصلت لكوشتها .. ابتدت الاغاني تعلى والبنات يرقصوا ومبسوطين وبيان تضحك من قلب على هبال البنات .. واخيرا بعد مرور 45 دقيقة .. جاء موعد دخول العريس والي تتغطى تغطت ..

دخل بهيبته ورجولته الي تفرض نفسها .. ونفسه ضايق حيل من الي جالسة بالكوشة .. تمنى تكون رنا مو بيان .. تمنى كل شيء صار يكون حلم وصحى منه واليوم زواجه هو ورنا .. تقدم للكوشة ووصل لها وانصدم من الجمال والبرائة الي شافها .. كانت مبتسمة له ابتسامه حزينة .. لانها تدري انه ما يحبها ابد .. بس هي تحبه وتعشقه ومايمر يوم الا وهي مشتاقة له .. جلست تناظره بعيون كأنها تعاتبه وتقوله ليه ما تسأل عني .. عبدالرحمن ما اعطاها اي اهمية وباسها في جبينها وجلسها .. وابتسم ابتسامة الم واستهزاء من نفسه !
جاء الكل يبارك لهم ويدعون لهم بالحياة الزوجية الحلوه والي تنصح والي ترشد .. الين ما جاءت وحده .. تمنى عبدالرحمن ان ما يشوفها او يكلمها بهذا اليوم
….. : مبرووك يا بيان
بيان ابتسمت : الله يبارك فييك
……. ” بل حلوه وتهبل ما الومك يا عبدالرحمن ” : الف مبروك عبدالرحمن
عبدالرحمن من الصدمه مارد
سلمت عليهم ومشت وعبدالرحمن لسا مو مستوعب .. هذي .. هذي !!!!!!