العنودية والنقيب الشرس – سارة المجيد

صباحكم هيل وزعفران حبايب گلبي
????????????
#العنودية_والنقيب_الشرس

#المحطة_الثامنة

#بقلمي_سارة_المجيد

سيدتي :انتي لستِ امرأة ،، انتي وطن ..ويسعدني ان اكون الجندي الوحيد لوطني ??

ومرت الايام وشاهين بالواجب بقه شهر ونص منازل للبيت ولا شايف شهلاء
وبقت شهلاء مفرفحة روحها عليه واتندمت لان عاندت ورفضت طريقة الخطبة وظلت تندب حظها لان الاشتياق فتك بيها وبين معالمو عليها ..
ام جاسم ..ها يشهله شبيج مريضه وعيونج مغوركة لايكون حنيتي للبعيد وگلبج فرفح علي
شهلاء ..دحجت ع بيبي ودنكت راسي كلت بگلبي مادري شلون تعلم بيبي بحالنه مع انو امي الي جابتني وربتني محاسة بيه ولاتعلم بحالي ..كتلها احم لا بيبي بس شوية تعبانه من ضغط الدراسة وتعرفين هل سنة بكلوريا ولازم اشد حيلي حتى انجح هل شي مصيري ..
ام جاسم ..لاتقشمرين ع نفسج وتقشمريني ..البيج حاسه بي ..خلي اعلمج شي وانا امج اتذكريني بي لو اخذتني المنية
شهلاء ..عمرج طويل بيبي ?
ام جاسم .. اسمعيني يمه ما اكلج اتنازلي وطخي راسج لا …..لان هل شي انتي بيج مو بيدج بس ياجدة راح تتعبين والي بداخلج راح يحترك وتدمر حياتج من وره كبريائج ..الوحدة من عدنه لازم شوي تلين مايصير تحط راسها براس الزلم ..ول يابه خلي الانوثه البيج تطغي ع كبريائج شوي لان اذا تبقين هيج مركبج مراح يمشي وتبقين واكفه بمچانج ومحد يساعدج ..ترا تخسرين انسان عمرج مراح تلكين مثلو ..شاهين زلمة سبع وذيب وبنات العشيرة كلهن يتمنن تراب جدمو وانتي الوحيدة الي گلبو اختارج دون عن بنات عشيرتو ..
ياجدة لاتكابرين انا ادري بيج تعشگي بس المشكلة بهذا راسج وخشمج اليابس ..امشي وراي ومراح تندمين بيوم وكولي جدة الله يرحمها كالت وكلامها طلع صحيح ..ترا شاهين يحبج ومتلوع بعشگج مايستاهل تسوين بي هل عمايل ارحمي بحالو يمه لتقهرين گلبو مناقصة اذية هوه من ينزل اشوفو شلون متلهف يجي يشوفج وفرحان بيج وانتي تقهري واتأذي ترا شمايحبج ويعشگج اذا بقيتي معندة وراكبه راسج يتركج ويروح يدور الحنية بحظن غيرج لاتكولين جده مكالتلي هاي اني نصحتج …
شهلاء ..??
ام جاسم ..انا ماحجيت هل كلام حتى اقهرج لايمه انا ردت انصحج الله شاهد لان مداشوف احد ينصحج خاليج ع هواج وهل شي مايصير لازم تتعلمين من تجارب غيرج لان انا اكبر منج وكحوف الدنيا كلها مكسرتها ع راسي
شهلاء ..ههههه حلووة بيبي مال كحوف .
ام جاسم ..اي يشهله اضحكي عفيه و وردي وجهج الحلوو لاتتعبي بالقهر وانتي بعدج صغيرة وبيدج تكدرين تغيرين حالج
شهلاء ..بس بيبي اني كرامتي فوك كوولشي ..
ام جاسم ..لا يشهلة الكرامة شي والكبرياء شي ثاني الكبرياء حتى لو تكونين انتي الغلطانة ماتتنازلين وتبقين راكبة راسج ..اما الكرامة اذا هوه غلطان بحقج ماتتنازلين هل شي من حقج وانتي الي سويتي مو كرامة الي سويتي كبرياء لان انتي الغلطانة بحق شاهين من عاندتي ولبستي شي مايعجبو وكعدتي تسولفين وتضحكين ويه ابن عمج كدامو شتريدي يسوي يصفگلج ويكولج عفيه ..راجعي نفسج يشهله وشوفي منو الصح ومنو الغلط راح تشوفين كلامي بمحلو
شهلاء ..كلام بيبي ريحني شوية وخلاني اتحدى كبريائي وعنادي كافي ادمر حياتي والسعادة فاتحه ايدها كدامي وبعنادي ادير وجهي عنها شستفاد اذا خسرت شاهين وراح اخذ غيري ..والله اموت بقهري ..كتلها ان شاءالله بيبي اخذ بنصيحتج كمت بست ايدها وراسها ونمت بحظنها وبقت تلعب بشعري وتسولفلي عن مغامراتها قبل شلون جانت مثلي وتعاند وهم جدتها نطتها هل نصيحة ومشت عليها وعاشت ويه جدي اسعد زوجة بالعالم جان يعشقها دون عن نسوانو لانها حكيمة وعقلها يوزن بلد بحالو وتعرف شلون تساير الرجال ..نمت بحظن بيبي وحسيت بالامان لان حظنها حسيتو سند الي ..
الله يحفظج بيبي ويطول بعمرج …
مر ع غياب شاهين شهرين واني روحي مفرفحه مثل الطير المذبوح اشتياقي الو كتلني كتل ..حتى مرض اتمرضت وعاهدت نفسي بعد ماكسرلو كلمتو ولا ازعلو وابقه امشي ع مايو ..جنت منتظره نزولو بفارغ الصبر لان مشتاقتلو بكد رحمة الله ..جنت اروح للدوام واني بغير عالم حتى هل شهر مستواي الدراسي اتراجع وكامت تنزل درجاتي لان حالتي النفسية اتدهورت ..
وبيوم كعدت اكتب قصة من خيالي جان اكو بداخلي هل موهبة وبكل وكت فراغ اكتب شوية ..جنت بالحديقه كاعدة واذا الباب اندكت كمت فتحت واذا بنية حلوة تقريبا اكبر مني بكم سنة هيج ..كتلها نعم اتفضلي
سما .. مرحبا
شهلاء ..اهلا وسهلا اتفضلي
سما ..انتي شهلاء
شهلاء ..استغربت عكدت حاجبي بتسائل ..كتلها اي نعم اتفضلي شرايده
سما .. زين ممكن نحجي جوه اريدج بموضوع
شهلاء ..ماشي تعالي دخلي ..خلي نكعد بالحديقة كعدنه جنت مسوية ترمز جاي صبيتلها استكان وحطيتو كدامها …
سما ..شكرا ..طبعا انتي متعرفيني بس اني اعرفج خليني اعرفج بنفسي
انا سما كنت جوارين بيت اهل شاهين جانت تربطني بشاهين علاقة حب
شهلاء ..شنووووووو ??
سما ..عادي ليش تنصدمين ماكو شاب ماعندو ماضي او علاقات عابره
شهلاء ..سحبت نفس عميق حتى اهدأ واطفي البركان الي اشتعل بداخلي كتلها نعم كملي
سما ..طبعا اني حبيت شاهين حب مينوصف عشقتو بكل جوارحي ..بس للاسف شاهين اول مابدت علاقتنه صارحني وكال ترا يابنت الناس اني مو مال زواج ف لاتتعلقين بيه تريدين نطلع نتونس اصرف عليج عادي بس مال زواج لا ماكدر اعذريني لان مالعب ع عرض العالم اني مو بعدين تكولين هاي اني ليكدام حجيتها الج زواج ماكو ..
شهلاء ..جانت تحجي وحسيت بغيرة قاتله ظليت افرك بيدي من شدة العصبية ..كتلها وبعدين
سما ..اني من كد ماحبو قبلت حتى ان اكون مجرد تكضية وكت ..المهم اكون بقربو وميعوفني ..كضينه احلا ايام عمرنه مع بعض ..جان احن انسان عليه مجان حارمني من شي صح ميحبني ولانيتو زواج ويايه بس حنين عليه حتى ذهب جان يشتريلي ماخله بنفسي شي اله جابو الي …لحد مابيوم ضهرتي انتي بحياتو وكام يتهرب مني ويبتعد عني وكام يكلي شوفي حياتج اني مافيدج ولازم تزوجين مييصير هيج تبقين ..هه اثاري انتي ضهرتي بحياتو وعشكج ونبضلج گلبو واني الي متت وكوولشي نطيتو وماحبني ولا رفلي گلبو ?
شهلاء ..انكسر گلبي عليها مادري ليش ..كتلها زين هسه انتي جايه شرايده مني اعوفو لشاهين مثلا
سما ..لا حشا بس ردت اشوف منو هاي الي كدرت تخطف گلب شاهين …منو هاي الي كدرت تخلي يحبها ويفكر بالزواج منها ..
شهلاء ..اي شفتيني ..وهسه ؟؟!!

سما ..احسدج عليه لان شاهين الف وحدة تتمناه وهوه اتمناج الج ..الف هنيالج والله عن جد انتي محظوظه هههه
شهلاء ..اشكرج ..زين انتوا بعدكم جواريين بيت عمي
((مادري ليش سئلتها هل سؤال))

سما ..بس اهلي جوارينهم لان عشرة عمر ..اما اني قبل 6 اشهر اتزوجت ابن خالتي بس كلبي معلك بعدو بشاهين ..ادري حتكرهيني بس صدكي هل شي مو بيدي
شهلاء ..الله اكبر يعني انتي هسه متزوجه وتفكرين بخطيبي زين ماخفتي من ربج مو حرام اتخونين زوجج الي امن بيج وسلمج اسمو وشرفو ..اصحي بابه ارجعي لبيتج وزوجج تره محد يفيدج والي دتسوي حرام وربج يعابيج ترا
سما ..بس اني مخاينتو لزوجي بالي املكو بس الي ماملكو هل شي مو بيدي لان الانسان مايملك مشاعرو الماشعر هيه الي تمتلكنه
شهلاء ..هذني اعذار قنعي بيها نفسج ..انتي ع ذمة رجال ومجرد التفكير بغيرو تعتبر خيانه بحقو ..استغفري ربج وارجعي لبيتج وزوجج يله عن اذنج عندي دراسة ولازم اكملها
سما ..راسا كمت وكتلها اسفه اخذت من وقتج ..مع السلامة …
شهلاء ..طلعت وسديت الباب وراها ..بس حسيت بركان واتفجر بداخلي اووووويلي جسمي كلو ديرجف عبالك لزمتني الباردة مدري شصار بيه ..
خلي اطب جوه ثلجت لميت اقلامي ودفتر قصصي وطبيت للهول بقيت افكر اكولو لشاهين لو لا اووف مادري ..بس الغيرة حتقتلني اذا ما عاتبتو ع هل سالفه ليش ضمها عليه …

في مكان اخر ..

جليل ..جنت كاعد تاراجع دروسي واجت شهلاء ابالي صفنت شلون جانت طالعه بالعرس اتنهدت وانتفست بعمق عفت الكتاب ونزلت ع امي ..شفتها تشرب جاي كاعدة يم الصوبة ..كتلها يمه اريد احجي وياج بموضوع صارلو هواي بداخلي
ام جليل ..خير يمه كول شنو هل موضوع
جليل ..ماشي شوفي يمه اني اريد بنت عمي ابراهيم شهلاء
ام جليل ..يايمه ساعة المباركة والله من اشوف ابني عريس وهم زين ماختاريت شهلاء زينة البنات ..بس انت لازم اتكمل دراستك وتتخرج منكدر هسه نخطبها وانت بعدك طالب يا امي ميصير اقل تتخرج وتفتح مكتب محاماه وتدلل ذاك الوكت نروح ومرفوعين الراس بشهادتك
جليل ..بس يايمة خايف البنية تروح من ايدي ويخطبوها
ام جليل ..لا يمه البنية توها صغيرة وبعدها تدرس
جليل ..والله يايمه ما اضمن تبقه لحد ما اتخرج ..اقل بس نحجزها حتى لحد يفكر يخطبها تعتبر الي
ام جليل ..والله يايمه شبيدي عليك ..كول لابوك وشوف شيكول
جليل ..انتي احجي ويا فدووة اروحلج يمه لتكسرين بخاطري
ام جليل ..صار يمه ان شاءالله من يجي بالليل احجي ويا تدلل
جليل ..بعد گلبي والله كمت وبست راسها وصعدت اكمل دراستي ..بس ماكذب فكري وبالي كلو شارد ومدافتهم شي من الدرس ..

في مكان اخر ..

شاهين ..بعد تعب وجهد وتدريبات دامت شهرين لحد ما هلكنه هلاك واخيرا اجت اجايزنه طرت من الفرح يابوويه راح ارجع لاهلي واشوف شهولتي عزززة گلبي حيطك ع شوفتها ..نسيت الي سوته بيه ونسيت شصار اصلا ..اخذت الاجازة وانطلقت لتكريت
حتى مامريت لاهلي كبل ببدلتي العسكرية وتراب بسطالي رحت لبيت شهولتي ..

شهلاء ..ماروح ماما والله مالي خلك تعبانه
زهور ..شلون يا امي مو كلنه حنروح للسوك نشتري ملابس لاختج ولليث انتي متريدين يعني ..حتى بيبيتج حتجي ويانه
شهلاء ..بعدين عود اشوفلي يوم مرتاحه عود اروح اشتري ..لان هسه دايخه وحتى مداشوف زين تعبانه
زهور ..ماشي يمه براحتج قفلي الباب ورانه كومي
شهلاء ..اوووف ماشي طلعوا هسه اجي اقفلها ..طلعوا اهلي كلهم احس جسمي متكسر مدري شبيه ..دحجت ع روحي بالمرايه يممه هاي شبيه شو صايرة اخرع عبالك عجوزة ..هففففف هيج فراكك يسوي بالحال يشاهين ??
يربي شكد مشتاقتلو حموووت ????
وبهل لحظة سمعت صوت الباب اندك اهووو يمه مترتاح اله اقفل الباب جايه يمعودة جايه طلعت وفتحت الباب داكولها اي راح اقفلها روحوا ..وعيني واشوف شاهين واكف بطولو جدامي عااااااااااااااا ??
يربي ممصدكة عيوني انت شاهين الله عليك



شاهين ..اول ماوصلت لبيت عمي دكيت الباب وره شوية سمعت صوت شهلاء اتكول اي اي اجيت وفتحت الباب وانصدمت بشوفتي ههههه بس لهفتها بانت بعيونها راسا شمرت نفسها بحظني ودحست راسها بصدري وطكت بجي ..ضحكت عليها عرفت مشتاقتلي حوطتها باثنين ايدي كتلها فدووة لعمرج حبيبة گلبي بكد مامشتاقتلي اني مشتاقلج اضعاف احتركوا عشيرتج دمرتيني من رحت ولا نمت شهرين اني اتكلب بفراشي متكوليلي شسويتي بيه يبنت ابراهيم ..دولبتي لشاهين وخليتي يحترك بنار عشگج جنت احجي واضغط بذراعي عليها وحاظنها بقوة بقيت اشتم عطر شعرها الي اتناثر ع صدري ..بست راسها كتلها يله حبيبي كافي لتبجين هياتني اجيتج اشبعي من حظني يابعد طوايف العشيرة كلها .
شهلاء ..من شمرت نفسي بحظنو مكدرت اتحمل الغصة البصدري انفجرت بالبجي كمت اشهك غصيت رفعت راسي ومسحت دموعي ..كتلو اتبهذلت عكبك والله مجنت اعرف هلكد احبك اني ..تووبه بعد اذا عاندتك لو كسرتلك كلمة ..انت روحي من الدنيا حبيبي
شاهين ..يممممه يمممه ولج ماتحمل هل حجي احتركوا عشيرتك شاهين ..اوووف ولج شوكت نتزوج من اشتعلووا اهلج ماكدر اصبر بعد ..
شهلاء ..هههه الله كريم حبيبي هانت ..صدك اسفه مكتلك اتفضل جوه لان اني وحدي بالبيت اهلي كلهم طالعين ..وهسه انت هم اطلع روح لاهلك ليجي الشيطان يدك الباب ??
شاهين ..لابربج صدك تحجين واشلون يخلوج وحدج ها شبي عمي
شهلاء ..شكو قابل اشو العشيرة كلها بنفس المنطقه والبيت مقفل ماعليه شي ?
شاهين ..حطيت ايدي ع شاربي واتقربت منها وكتلها اي بس الشيطان مايمنعو قفل وعضيت شفتي وغمزتلها ?
شهلاء ..ها يبن جاسم لاتخليني اتندم فتحتلك الباب ودفعتو من صدرو ?
شاهين ..هههههه ولج عطشان حرام عليج
شهلاء ..احم اي انتظر هسه اجيبلك مي
شاهين ..خرررب حظي يامي اكولها عطشان اتكولي مي ..تبقين مطفية ..ولج عطشان لشفايفج لحظنج ولكلج عطشان ?
شهلاء ..حبيبي روح لبيت اهلك قبل ليجون اهلي وتصير سالفة
شاهين ..بعد وكت ..وجريتها ردت احظنها واهدي الاعصار الي بداخلي ردت اطفي البركان الي مشتعل بگلبي جان تنهزم مني طبت للمطبخ وقفلت الباب ? خرررب اهلج ولج حموت افتحي الباب تره اكسرها والكعبة?
شهلاء ..? كمت اعيبلو واضحك كتلو يله حباب روح لاهلك خلصت فلوسك
شاهين ..ببسطالي دفرت الباب الحديد مال المطبخ جان ينطعج طب جوه انخسف ..خررب يومج شهلاء روحي الله لايوفقج حركتي اعصابي وشعوطتي گلبي ..اذا مارحت لحظن غيرج شوفي عينج اله اكسر هذا خشمج العالي عفتها وصيحت عليها تعالي اقفلي الباب ورايه لا اشك حلكج اني راح اولي لاهلي امداج ..طلعت وركعت الباب وراية فلشتها ..
شهلاء ..طكيت ضحك ع عصبيتو يالله مخبل والله ..بعدين اتذكرت سما ? لايالله سما موجودة هسه ابيت اهلها ليروح شاهين بحظنها صدك مثل مكال اصخام الصخمني شسويت اني ..ركضت فتحت الباب دحجت ماهوه اووويلي ليسويها ??
خرررب حظي ..ولا عندو صبر لحد مانزوج وجع ?
قفلت الباب وطبيت جوه طلعت كتاب الفيزياء وكعدت اقراء واجبي ..
ومرت الايام واجتي امتحانات نصف السنة وبدت المعانات والتعب وجان شاهين دائما يتأخر بنزولو صح جنت اشتاقلو وصح احبو بس مجان يحصل مني اي شي اله بالبوكه مرات يخمط بوسه بدون مادري واكوم اكمز واحجي عليه ? ..

في مكان اخر ..

شاهين .. اجت امتحانات نصف السنة وشوية نرتاح من التدريب القاسي ونام شكم ساعة ع اساس كاعد نقرأ .. امتحنه التحريري الحمدلله تقديري جيد جدا .. وامتحنه اللياقة البدنية صدفة قابلت ملازم اول ضخم البنية كان مشرف على الامتحانات البدنية لمن ذاعوا اسمي كالوا انزل شناو .. ف نزلت هوه اجه بضخامتو كلها كالي سوي شناو ع القبضة .. طبعا ع التبليط .. وهو كعد ع ظهري .. حسيت ظهري راح ينكسر .. كالي ها تكدر تسوي شناو .. اني بطبعي عنيد جدا .. كتلو اي اسوي استجمعت كل قوتي ونزلت ورجعت رفعتو حسيت الحصو مال التبليط دخل باصابيعي لكن ما تلكئت ونزلت مره ثانية وثالثة .. الرجل عاد كام من فوك ظهري و وكفني .. كال انت بطل واني اعرف اهلك و ع اسمك ردت اختبر شجاعتك .. روح انت معفي من كل الامتحانات البدنية .. بس سمعت هذا الكلام فرحت .. ونسيت ايدية الي تجري دم والالم …واخذت اجازتي وطرت لتكريت …

ابراهيم ..اكول زهور اليوم جاسم كال تروحون للمزرعة ناخذ غدانه وهناك نتغدة شتكوليين
زهور ..اي والله ياريت ضايجين المزرعة هواها يرد الروح اشوف البنات شيكولن
ابراهيم ..ماشي شوفيهن ..انتي يمه تجين ويانه حتى لتظلين وحدج بالبيت
ام جاسم ..اي ماعندي مشكلة نروح ليش لا
زهور ..رحت ع البنات كتلهن حنروح ويه بيت عمكم جاسم للمزرعة ناخذ غدانه ونروح تجون
شهلاء ..اي والله محتاجه هل طلعه اريد ارتاح مادام عطلة وخلصنه امتحانات
شيماء ..اني هم اروح بكلبي كلت حتى التقي بالحب ?

شهلاء حظرنه نفسنه وماما سوت دولمة وحظرت لوازم السفرة ..واني بدلت ملابسي ونزلنه وبابا طلع شغل السيارة وصعدنه وطلعنه للمزرعة ..

شاهين ..من نزلت اجازة اهلي راد يروحون للمزرعة نتغدة هناك كتلهم اي شكو بيها رحت سبحت وطلعت بدلت ملابسي ونزلت اهلي متحظرين منتظريني جانوا طلعت شغلت السيارة وصلنه للمزرعة جانوا بيت عمي واصلين قبلنه ..
نزلنه رحت عليهم سلمت ع عمي وبوستو وبست جدتي وسلمت ع شهلاء من وره خشمي وعفتها تحجي وكعدت ع الفراش ..
شهلاء ..يا هذا شبي شو هملني وعافني احجي وراح ??

ام جاسم ..كعد شاهين يمي كتلو ها ياسبع شبيك ويه شهله
شاهين ..احم مابيه شي
ام جاسم ..ع جدتك ولك مو اعرف البيك ليش تكذب علي
شاهين ..مابيه شي والله بس اليوم نزلت من الدوام واهلي رادوا يطلعون يعني تعبان هسه ودايخ
ام جاسم ..ولو مامصدكتك بس حمشيها الك
شهلاء ..عفت كبريائي ع صفحة ورحت كعدت يم شاهين وبيبي وكمت اشاقي ..كتلو ها عيني شو اليوم الشرس صاير عاقل ماسمعنه صوتو ??
شاهين ..دحجت عليها ورفعت تك حاجبي وكتلها وانتي شعليج ..روحي غاد لاتكعدين هين
ام جاسم ..ههههه اشبيكم ولكم جنكم دياكه تتناكرون ..
شهلاء ..هههههه بيبي سبعج زعلان مني مادري ليش
ام جاسم ..اي ادري اصلا بس هوه يكابر مايحجي البي ..

شاهين ..???

شهلاء ..ولك مايلوكلك اتطنكر اضحك عاد عابت ?
شاهين ..انجبي شنو قرقوز كدامج اتضحكين تره اكسرو لراسج ???
شهلاء ..دحجت عليه بدلع واشتياقو بهذلني كتلو لا العفو حشاك ..بس متعوده عليك تضحك وتحشش علينه واشتاقيت لذاك شاهين ?
شاهين ..همست بأذنها كتلها ذاك شاهين يريدج تنطي حقو لان صبر عليج جثييير وانتي بصدج حركتي عشيرتو حرك ..لتحلمين اتشوفي بعد اذا ماترضخيلو ?
شهلاء ..كمزت من هيج حجه خررب يومك وتالي وياك ..كتلو احم امشي وديني يم الخيل مالتك اريد اشوفهن ..
شاهين ..ليش حنيتي ع العاشق الولهان حتنطي الي يريدو
شهلاء ..احم لا .. عندي موضوع وياك اريد احجي بي
شاهين ..خير موضوع ايش

وللحكاية بقية ..

#يتبع ..

#سارة_المجيد?