العنودية والنقيب الشرس – سارة المجيد

مساؤؤؤؤ حب وعشق ??

#العنودية_والنقيب_الشرس

#المحطة_الرابعة

#بقلمي_سارة_المجيد

???????????

شهلاء ..انصدمت بجليل واكف اباب المدرسة منتظرني لايالله شصاير ياستار شكلو ميطمن ?
شافني واجه صوبي وكال هلا شهلاء شلونج
كتلو هلا جليل خير شجابك لمدرستي خما صاير شي
جليل ..والله مادري شكولج يابنت عمي ..بس خبر يمكن راح يقهرج
شهلاء ..وكع گلبي جسمي كام يرجف كتلو جليل احجي وكعت گلبي شكو
جليل ..جديتج ام امج اتوفت اليوم
شهلاء ..لطمت ع وجهي كتلو عزززة العزاني وامي وينها سودة عليه شسوت بنفسها يالله اكييد ملخت روحها
جليل ..امج اخذها ابوج لسلميانية يم بيت جدج اهل امج و وصاني اجي اخذج من المدرسة حتى ترجعون لبيتنه ..لان شيماء ابوية اخذها هيه وليث وجدة ..واني اجيت عليج حتى تجين يمنه بين ما امج تكمل الفاتحه هناك
شهلاء ..يبووو يعني راح نتهجول والله مارتاح اله ابيتنه وبغرفتي وفراشي هاي شلون بله ..
جليل ..ها شبيج شو صفنتي يله امشي دنروح لبيتنه
شهلاء ..ها اي يله يله ..رجعنه لبيت عمي حازم وجانت شيماء هناك ركضت عليه وكالت شفتي بيبي اتوفت وماما شسوت بنفسها
شهلاء ..اووووف والله عرفت ..
ام جليل ..البقيه بحياتج يمه شهلاء
شهلاء ..درت وجهي وكتلها وحياتج الباقية عمة
الشيخ حازم ..عظم الله اجرج بنيتي وان شاءالله اخر الاحزان
شهلاء ..اشكرك عمو اجرنا واجركم
الشيخ حازم ..بنيتي احنه راح نروح للفاتحه يوم الجمعه اذا تريدين تجين تعالي ويانه
شهلاء ..اي والله ياريت عمو اكيد اجي ..اريد اروح اعزي خالاتي وخوالي ..(( طبعا بالمناسبة اني عندي 4 خالات و3 خوال وهمه كلهم عايشين بسليمانية لان امي من اصل كوردي من بيت الجاف بابا شاف امي بيوم جان بالمصيف وحبها وقفل عليها لو هيه لو ميزوج لان امي جميلة بشكل ملفت للنظر واحنه طالعين عليها هههههه))
ام جليل ..حبيبتي روحي اصعدي فوك لغرفة عذراء غيري ملابسج حتى انصب الغدة
شهلاء ..صار عمة ..شيماء ماجبتيلنه ملابس
شيماء ..اي اي جبت جنطه النه فوك بغرفة عذراء شوفيها
شهلاء ..ماشي ..اكول صدك جدة وين شو ماشفتها
شيماء ..خطية شوية مريضه مالها خلك.
شهلاء ..يا سودة عليه شبيها حبيبتي

عذراء ..لتخافين مابيها شي شوية مستبردة ..يله تعالي اني وياج نصعد اني هم اريد اروح اجيب شغلة من فوك
شهلاء ..ماشي حبي ..اول شي بس اروح للحمام اغسل لان تعبانه وامر ع جدة اتطمن عليها
عذراء ..اي حبي براحتج
شهلاء ..طبيت للحمام غسلت وجهي ونشفتو وطلعت رحت لبيبي سلمت عليها وحظنتها وبست ايدها جانت نايمة خطية …
صعدت ويه عذراء وشفت الجنطة بيها ملابسنه طلعت دشداشة طويلة مستورة لبستها وحطيت حجابي ع راسي ونزلت جانوا ناصبين الغدة ومنتظريني كعدت وبلشنه اكل ..
جليل ..بعد يوميه اني اوصلجن للمدرسة بسيارتي لان من يم بيتنه صارت مدرستكم بعيدة
شهلاء ..غصيت باللگمة ..كتلو احم لا اشكرك جليل اخاف اتعبك ونسوي عليك زحمة ..بگلبي كلت شتوصل حتى شاهين يسوي عززة بلا ميت
جليل ..لا ماكو تعب ولا زحمة انتن بنات عمي وغصبا عليه اوصلكم
الشيخ حازم ..اي بنيتي هذا واجب ابن عمج لازم يوصلكم للمدرسة ميصير تطلعون وحدكم مامقبوله
شهلاء ..بلعت ريكي وكلت ماشي عمو ان شاءالله
شيماء ..ناوشيني خبز من يمج
شهلاء ..وجع اني وين وانت وين ..هاج مفجوعه بس مال شفط صايرة شسمنج
شيماء ..كافي فضحتيني وجع شبيج نصي صوتج
شهلاء ..عوفيني بضيمي الله يستر باجر شراح يصير من كارثة
كملنه الغدة وشلنه السفرة وعاونت البنات بغسل المواعين وراها طبيت للحمام سبحت وغسلت دشداشتي وملابس مدرستنه ولبست غير دشداشة وطلعت للسطح شريتهن ورحت لغرفة عذراء نمت وماكعدت لحد المغرب ..نزلت صليت وطلعت كتاب الانكليزي حتى ادرس كعدت بالحديقة ع المرجوحة اجه ليث كال اريد فلوس داشتري ..كتلو يم شيماء مو عندي روح بابا مخلي يمها الفلوس
ليث ..ماشي امري لله
شهلاء ..فتحت كتابي وكعدت اقراء ..وراها سديت الكتاب هفففففف باجر خميس اكيد الصبح شاهين راح يروح لبيت اهلي حتى ياخذنه للمدرسة وهسه ابوية يبشرو بالخبر احنه يم بيت عمي حازم ابو حبيبة جليل هلا عيني وتصير طشارنه ماله والي ?
صار الليل وطبيت للهول اجه جليل كعد ويه عمي حازم والبنات عذراء وزهراء ولمياء وامهم عائلتهم حلوة ماشاءالله ربي يحفظهم ..كلت لاخوية ليث كمل واجباتك لتكول امي مموجودة وتغلس تره اموتك والله اكول لبابا من يجي
ليث ..كملتهن والله خليني العب بلي ويه لمياء حبابة
لمياء ..عوفي شهلاء خلينه نلعب عفية ?
شهلاء ..امري لله العب بس قبل ال10 اصعد نام وراك مدرسة
ليث ..اي والله
شهلاء ..وره العشه صعدت للغرفة حتى انام وسرحت بشاهين شو اشتاقيتلو وراها غفيت ماحسيت ع نفسي اله ع صوت عمة ام جليل دتكعد بينه الصبح كمزت من فراشي كعدت شيماء كتلها كومي ولج ليروح علينه الوكت ..رحت للحمام غسلت وفرشت اسناني وبدلت ملابسي مال مدرسة وشلت جنطتي ونزلت شفت عمي وجليل وام جليل كاعدين ديتريكون صبحت عليهم
ام جليل ..تعالي يمه اكعدي اتريكي انتي واخوتج
شهلاء ..تسلميلي عمة هسه ينزلون ورايه ..
جليل ..يله حتى اوصلكم بطريقي
شهلاء ..اي ان شاءالله
كعدت اخذت خبزه ودامد ايدي داكل وجان نسمع صوت الباب اندكت استغربوا منو الجاي بهل وكت ..بس اني ماستغربت عرفت القادم هوه شاهين لزمني مغص قوي بهل لحظة كلت الله يستر راح جليل فتح الباب وانصدموا ابعض
شاهين ..بنات عمي ابراهيم هنا
جليل ..اي ليش
شاهين ..شي ميخصك وخر ..كلت يالله سمعت صوت عمي كال اتفضل شاهين تعال طب ..طبيت شفت شهلاء كاعدة دتتريك ..اووووف الله دمي احترك كلت صباح الخير الكل ردوا عليه
ام جليل ..تعال يمه اتريك ويانه
شاهين ..لاعمة مشكورة سبقتكم اتريكت بالبيت ..بس اجيت حتى اخذ البنات بطريقي للمدرسة
جليل ..اني راح اخذهم بالسيارة مشكورين منريد انسوي عليك زحمة
شهلاء ..الله يستر شاهين بانت عليه معالم الغضب
شاهين ..حسيت دخان ديطلع من اذاني من حجم الحريق الي بداخلي ..كتلو شنو ومنو كلك انت تاخذهم يمه شهلاء وشيماء بنات عمي واني المسؤول عنهن زين
شيخ حازم ..ها يابن جاسم راح ترجع اتخبص بكلامك ..ولك ماتبطل اسلوبك هذا ..يعني بنات عمك مو بنات عم جليل ها ..اكولك روح لمدرستك لا اخليك هسه اتشوف شي مني عمرك ماشايفو لان اني متحمل عليك من ذاك اليوم مال العزومة ..ف قصر الشر وروح لمدرستك
شاهين ..انتفضت من مكاني وصوتي عله ع عمي بدون قصد كتلو عمي كلمة وماعيدها بنات عمي اني اوصلهن ماشي واذا جليل طلع من الباب ياخذهن وربو اكسرلو رجلو
شيخ حازم ..ايا قليل الادب يالماعرف جاسم يربيك ولك انت اتعلي صوتك عليه وتتجاوز بكلامك بحظوري اله اكسرلك راسك امشي اطلع من بيتي وماريد اتعتبو بعد يله
شاهين ..اعتذر عمي مو قصدي والله بس تعرفني عصبي وماكدر الزم نفسي ..

الشيخ حازم ..عصبي ع روحك افتهمت مو تجي تتهجم علينه ابيتنه ..امشي اطلع وهذا كلامك اله احطو بيد ابوك اشوفو يقبل عليك
شاهين ..عمي لاتكبر السالفه اني لاتهجمت ولاتجاوزت اني بس مجرد اجيت اخذ بنات عمي للمدرسة ماسويت جريمة تره
الشيخ حازم ..واني كلت جليل يوصلهن زين ..يله روح لمدرستك منريد انتعبك
شاهين ..حسيت جسمي كام يصب ناااار اشتعلت بداخلي هذا عمي ديعاند ويايه وماكدر امد ايدي عليه وحق الله لو غيرو هيج يحجي وياي اله ادفنو بكاعو وميرفلي جفن ..كتلو تره صارت بلا ملح وطكت روحي شهلاء كومي داوصلج
شهلاء ..اصخام الصخم ابليس هاي غير مصيبة اليوم مراح ايعديها ع خير ..كتلو شاهين اني اروح ويه جليل لان بابا وصا يوصلنه وماكدر اكسر كلمة بابا اعذرني
شاهين ..انصدمت من كلام شهلاء ..معقولة اتفشلني كدامهم وتكسر كلمتي يمهم ..لا مستحيل ..مكدرت احجي شي خزرتها بعيني الي رادت تطلع من القهر كتلها اهااااا يابنت عمي براحتج خليت وطلعت وركعت الباب حييل وراية
شيخ حازم ..هذا محد يكدر يردعو فدنوب صاير
جليل ..يمعود هذا احسو متوحش ولا انسان عبالك رابي ويه الوحوش ولاعندو تفاهم ..ذاك اليوم متعارك ويه واحد بالمنطقة وكاسرلو ايدو لان اشوي صاير مي ع ملابسو من ديغسل الشارع الولد ميدري

شيخ حازم ..لاحول ولا قوة الا بالله ..اخوية الواكع بيها خطية يوميه داكين بابهم مصيبة جديدة امسويها شاهيين الشرس
شهلاء ..ضحكت بسري كلت يممه من هل شاهين الدنيا كلها صايحه الويل منو ههههه
جليل ..يله بنات حتى اوصلكم تره اتأخرنه
شهلاء ..اي يله ..طلعنه وصلنه جليل للمدرسة ..وكان دوامنه عادي ماكو شي جديد ..بس الدنيا حارة تسمط سمط متت حررر اوووف شوكت تبرد الدنيا بعد ..اول مارجعت طبيت للحمام سبحت وصحت ع شيماء اتجيبلي ملابس غسلت مال المدرسة وجابتلي شيماء دشداشة قصيرة عززة ولج هاي شنو شلون البسها شبيج
شيماء …يمعودة تعبانه كوه طلعتها اطلعي واصعدي فوك عود غيريها
شهلاء ..شبيج مخبله شلون اطلع واذا احد مر منا وشافني خررب يومج شكد اعجوزية ..نشفت جسمي ولبست الدشداشة جان مجسمه عليه وقصيرة سيقاني طالعه للركبة يالله منج شيماء ..خليت المنشفه ع راسي وطلعت عسريع داصعد وصار جليل بوجهي من خررب حظي ع هل صدفه
جليل ..جنت بغرفتي وطلعت دانزل صارت شهلاء بوجهي اووويلي هاي شلابسة خررب عشيرتج كصتي عركت من المنظر ..كتلها شلون تمشين هيج بهاي دشداشتج شبيج
شهلاء ..لا والله طبيت سبحت ومجنت جايبة ملابس وصحت ع شيماء اتجيبلي وتالي جابتلي هل دشداشة القصيرة واضطريت البسها شسويي لان غسلت ملابسي مال مدرسة وهسه صاعدة اغيرها ..اعتذر منك مو قصدي اتمشه بهيج ملابس ..جنت احجي وانزل بالدشداشة شدعي عليج شيماء حطيتيني بهل موقف
جليل ..يله عادي مو مشكلة بس ليشوفج الشيخ موحلوة بحقج ..
شهلاء ..لا هسه راح اغيرها عن اذنك
جليل ..ركضت صعدت فوك وجان اصيحها ..شهلاء
شهلاء ..لزمني گلبي ياربي شيريد ..كتلو نعم جليل
جليل ..ممكن اعرف شاهين شيريد منج بالضبط
شهلاء ..انصدمت من سؤالو اصخام جمدت بمكاني بقيت اتلعثم بالكلام ماعرف شجاوبو ..كتلو شتقصد شنو يريد يعني
جليل ..سؤالي واضح ..شاهين يحبج مو !؟
شهلاء ..شهكت بصوت عالي ولطمت ع صدري كتلو عززة شنو هل حجي جليل ماقبل هيج تحجي ويايه تره عيب هل حجي
جليل ..شوفي يابنت عمي تراني مو امدمغ ولا غشيم ..شاهين عمرو ماهتم ببنات عمنه ولا اتكاتل ع وحدة منهن ..اشمعنه انتي بالذات مكلوب حالو هيج عليج واهتمامو الزايد بيج الا اذا اكو حب بالسالفه

شهلاء ..احم واني شعليه روح ذاك ابن عمك واسئلو اني مالي دخل ماشي وماسمحلك بعد تحجي ويايه بهيج موضوع ..يله عن اذنك ..صعدت ركض فوك وهربت من الموقف خفت يكشف الي بيني وبين شاهين والله لاتقوم القيامة علينه ..
جليل ..خررب اهلج شعلت اجدادي هل بنية كلها ملفته للنظر اتخلي الاخرس يحجي مسحت وجهي ونزلت جوه شفت امي دتسوي الغدة كالت يله صيح خواتك حتى يساعدني دنصب الغدة ..
صدك بنات عمك وين شو مشفتهن ..مو داحجي وياك جليل شبيك
جليل ..جنت صافن ورايح لغير عالم ..وفزيت ع صوت امي كتلها ها يمه شكلتي
الام ..هنيالي صارلي ساعة دالغي وانت مو يمي دكوم عيني كوم صيح خواتك داصبلكم الغدة
جليل ..ههههههه اعذريني شوية شرد فكري ماشي هسه اصيح الكل صااار تدللين بس لاتزعلين عليه كمت وبست راسها ورحت صحت خواتي وبنات عمي وليث
شهلاء ..كعدنه ع السفرة كلنه وجان عمي الشيخ كال بنتي حظروا نفسكم باجر نطلع الصبح ويه ابوج لسليمانية لبيت جدج
شهلاء ..اي ان شاءالله حاظر
جليل ..اليوم عمي يجي بالليل يبات يمنه حتى نطلع الغبشة للفاتحه
شهلاء ..اي اليوم الخميس موعد نزولو من الدوام صحيح
…كملنه الغدة وصعدت اخذت غفوة ونمت صار الليل واجه بابا ركضت عليه وشبكتو وبوستو جنت مشتاقتلو حييل ..
ابراهيم ..ها بنيتي شلونكم انتي واخوتج مرتاحين هنا
شهلاء ..اي بابا الحمدلله مرتاحين بيت عمو حازم ماقصروا ويانه ابد
ابراهيم ..اي عفيه عليهم والله ..
عمج كال حتجون ويانه شعدكم جايين بابا احنه زلم حنروح للفاتحه
شهلاء ..لا بابا فدوة اريد اروح اشوف خالاتي وخوالي وامي حتى اعزيهم ..وثم الزلم منو قابل خما غربة اشو انت وعمامي و ولدهم
ابراهيم ..ماشي بوية براحتج ..
..
في مكان اخر

شاهين ..باجر ابوية حيروح ويه بيت عمي ابراهيم وعمي حازم للفاتحه مال ام عمة زهور واكيد شهلاء رايحه وياهم ..واني لازم اروح ماخليها تروح وهذا جليل وياهم رايح
كمت رحت يم ابوية وكتلو اني رايح وياك باجر لبيت عمي حازم حتى نروح للفاتحه
جاسم ..اهاا اشعجب وليدي صاير تعرف الواجب وتواصل العالم?
شاهين ..ليش يابه شنو وحشي اني عايش وحيد مثلا ??
جاسم ..ههههههههه اي والله وحشي وماكذب من سماك شرس
شاهين ..يالله منكم هسه اني شمسوي هيج امطلعين عليه دعاية بله ..اشو كاعد ابيتي وساكت لا اطلع ولا اطب ?
جاسم ..ههههه تتذكر من جان عمرك 6 سنوات اشسويت ابيت عمك من فجرتهم ?
شاهين ..ههههه اي جنت طفل ذاك الوكت ((خلوني اسولفلكم شسويت ابيت عمي خطية?
هاي اني جنت توني مسجل مدرسة بصف اول ابتدائي .. رحت ع بيت عمي وجان اسمعهم يسولفون الصراصر مضوجتهم وهيج .. وما ديكدرون يعالجوهن .. يذبون سم وهاي والصراصر نايمات تكرمون بلمجاري .. اني كتلهم اني اعرف شلون اموتهن .. وجان اطلع واجيب جلكان مال بانزين وافرغة بلمجاري .. وجان اشخط بي … عيني ما اسولف عن الانفجار الصار .. البواري طلعت تركض تهدمت المجاري … زين ما ذبحتني .. اني خليت وانهزمت .. ويروح ابويا ويجيب عمال وخلفة ويصلحولهم المجاري ع حسابو ??????????))
جاسم ..اووووف منك ومن مصايبك ههههههه ..
الله يهديك ان شاءالله وتكبر وتصير سند لابوك ينحلف براسو
شاهين ..تكرم بويه عد عيناك اني ترا لتخاف
جاسم ..والنعم منك بعد ابوك
شاهين ..بست راس ابوية وصعدت لغرفتي اتمددت وبقيت افكر بشهلاء وبالي سوتو بيه من يوم الي حطت رجلها بينه دولبتني وبهذلت حالي وخلتني امشي واحجي ويه نفسي والله وكدرت بنت ابراهيم توكعك وتعشگها يا شرس ..نمت وماحسيت ع نفسي وفزيت ع صوت منبه الساعة يدك ..جرسو خرعني كمزت طبيت للحمام عسريع سبحت وطلعت لبست دشداشة نيليه ولفيت الغترة ع راسي ونزلت شفت الكل كاعدين ديتريكون صبحت عليهم وكعدت اتريك
ستار ..ها شاهين انت هم حتروح للفاتحه !!!
شاهين ..اي ليش وين العجب بالموضوع
ستار ..مادري بس نعرف بيك متحب هل سوالف مال العزة والفصل والاعراس ?
شاهين ..لا كمت احبهن لتخاف بس انطم وخليني اتريك
ستار ..هسه شحجينه وكمت تغلط
جاسم ..كافي مناكرتكم من الصباحيات يله كمل ريوكك انت الثاني حتى نطلع ونوصل لبيت عمك من وكت
شاهين ..يله كملت الحمدلله اروح اشغل السيارة ..

في مكان اخر ..
شهلاء كعدت من الصبح سبحت وبدلت جبة سودة وشال اسود وشيماء هم لبست اسود ونزلنه شفنه الكل متحظرين ..بس باقين منتظرين عمو جاسم يجي ونطلع ..
دقايق وسمعنه اجه عمي جاسم طلعنه كلنه وانصدمت بشاهين هم جاي الله يستر من جيته ..سلم ع الكل وصعدنه بالسيارات طبعا بابا اشتره سيارة جديدة واني وليث وشيماء صعدنه ويا والباقين كلمن وسيارتو وانطلقنه لسليمانية ..الطريق طويل وقفنه استراحة للحمامات واشترينه شغلات للطريق ورجعنه كملنه طريقنة وصلنه اخيرا هلكنه من التعب طبكوا السيارات ونزلنه دخلت لبيت جدو جانت الامة مكلوبه هناك طبعا طبع الاكراد ميسوون جادر للفاتحة مثل العرب يسووها بصالة كبيرة للزلم والهول للنسوان بابا وعمامي دخلوا للصالة وطلعلهم خالي الكبير سلار رحب بيهم وعزوا واخذوا من خاطرو بوفاة بيبي ..وطلعت امي بره سودة عليه شلون صايرة وجها اصفر شاحب وجوه عيونها هالات سود من كد البجي ..ركضت عليها وشمرت نفسي بحظنها وكمت ابجي هيه كامت تبجي ورفعت راسي ومسحت ادموعها كتلها الله يصبرج ويبرد قلبج ماما حبيبتي …
زهور ..اوووف يمه ولج شهولة ببيتج ماتت وماشبعت منها كضيت عمري متغربه وعايفتها
شهلاء ..فدوة اروحلج ماما كافي لتسوين هيج بنفسج ادعيلها بالرحمة تره الدموع مترجع الراح ..وقابل بكيفج عفتيها غير شغل بابا الي غربكم عن اهلكم ..الله يحفظلج خوالي وبابا ان شاءالله احنه يمج لتهتمين
زهور ..مسحت دموعي وشبكت شيماء وبوستها وكتلها منو اجه وياكم
شهلاء ..والله عمامي اجوي وبابا وليث وشاهين وجليل
وهسه همه يم الزلم خالي سلار طلعلهم ودخلهم
زهور ..اهاا خووش عجل يله تعالن طبن جوه سلموا ع خالاتكم وبناتهن
شهلاء ..طبينه اجتي خالتي الكبيرة ام سركان بوستني وحظنتني تحجي عربي مكسر وبعدين تكلب ع الكردي مفهمت منها زين ههههه المهم كتلها البقيه بحياتج ..ورحت سلمت ع خالتي الوسطانية ام سيروان والصغيرة ام جيهان وبناتهن ماشاءالله كلهن جمال وحسن وحدة احلا من الثانية ..واجماله يكولون علينه حلووات لو يشوفون هل خلق شيسوون ههههههههه
كعدنه وجابولنه مي وراها جاي شربنه ..

شاهين ..رحت كعدت بصف عمي ابراهيم ..كتلو عمي اني زعلان منك
ابراهيم ..خير ابني ليش
شاهين ..يعني ليش البنات اتخليهن يم بيت عمي حازم وبيت عمهن جاسم موجود مو احنه اولى بيهن يبقن يمنه
ابراهيم ..ههههه يمعود عبالي صاير شي ..
شاهين ..شلون مصاير شي يعني تبقي البنات هناك واحنه موجودين اي ليش اتخاف عليهن من عدنه يعني
ابراهيم ..لاوليدي مو القصد ..بس عمك حازم عندو 3 بنات ويه بناتي ع الواهس اما ابوك ماشاءالله عندو 6 ولد يعني تريدني اخلي بنات يم 6 شبان شلون رهمتها حتى لو ولد عمهن هم ما يصير العالم تاكل وجهي
شاهين ..اهااا عجل عمي حازم مو هم عندو جليل ..اشمعنه العالم ماتاكل وجهك
ابراهيم ..شاهين يمعود الخاطر الله بسك تره تعبت منك ومن نكك ??
شاهين ..اي هوه انتوا هيج اتضوجون من الواحد يحجي الحق ..كول لشهلاء اذا رجعنه تجي يمنه لتكعد يم بيت عمي الشيخ ..
ابراهيم ..لاعيب هاي عليها حشيمة مايصير اخليهن يمهم وارد اخذهن ..وثم من نرجع اني موجود الاحد ياله اطلع لبغداد يعني لتخاف لايمك ولايمهم راح اخذهن لبيتنه
ويوم الثلاثاء خوال شهلاء يرجعون امهن ومنا للثلاثاء اجيب امي يمهن وعود مروا عليهم اذا تخاف من صدك يعني ها ارتاحيت
شاهين ..شنو ارتاحيت كول صبيت مي ثلج ع گلبي من فرحتي كمت ابوس بخدوده ?فدووة لعمرك عمو اني اموت عليك ?
ابراهيم ..ولك حيااال تعال كوولي شبيك اشو اتضوج اخلي بناتي يم عمهن وكيفت لان راح ارجعهن للبيت وانوب اتريدهن يمكم اخليهن وهسه وكعتلي دك بوووس ..فهمني شنو سالفتك ??
شاهين ..احم ها شسمه مو هذني بنات عمي يعني لحمي ودمي واني المسؤل عنهن من بعدك يعني ..اكيد اخاف عليهن واريدهن يمي ..اقصد يمنه ?
ابراهيم ..اممممممممم والله مداستوعب كلامك ? ..
المهم يله خلي نكوم انصلي اذن ..
شاهين ..صار وكت الصلاة وكمنه للمغاسل نتوضه ومدوا السجادات والكل وكف يصلي ..كملنه صلاتنه وبلشوا الولد ينكلون الغدة ..وبدوا الزلم يتغدون وشفت جليل عينه كولساع يديرها ع الباب حسيتو يدور شخص ..همزين مو بيت الخلفو جان كام يفتر بالمطبخ طاح حظك يالاغم ..شكد كمت اكرهو ? ..
شهلاء ..كملنه الغدة وبابا دز طفل علينه حتى انحظر نفسنه دنرجع لان طريق طويل ورانه ولازم نرجع قبل الظلام ..
طلعنه وماما هم طلعت ويانه وشافت عمامي بالباب واكفين سلمت عليهم وعزوها بوفاة بيبي ..
ابراهيم ..رحت يم زهور وكتلها حبيبي حظري نفسج الثلاثاء تره اشتاقيتلج
زهور ..هههه خررب يومك شعندك سوالف يعني اني بيا حال مدشوفني شصاير بحالي
ابراهيم ..شصاير اشو جنج البخت گمر بليلة تمامو ?
زهور ..ههههه لتضحكني منا العالم دتدحج علينه احم
ابراهيم ..احم ..اي صحيح نسيت نفسي من شفتج بس اعذريني حبيبي مامتعود هلكد تبتعدين عني والله مشتاقلج ..يعني اله تبقين للسابع مو حرام
زهور ..حبيبي اعذرني تره هاي امي وماشبعت من حظنها يعني حتى بفاتحتها متخليني ابقه يم اهلي ??
ابراهيم ..امممم ماشي ديله خلي سلار يجيبج الثلاثاء لاتبقين اكثر
زهور ..عفيه عليك حبيبي تسلملي ?
ان شاءالله الثلاثاء الصبح اني يمكم
ابراهيم ..ان شاءالله ..اجتي شهلاء ودعت امها وحظنتها هيه وشيماء وليث ..وشاهين عزاها بوفاة والدتها هوه وجليل والكل طلع حتى يوصلونه للباب ويودعونه
سلار ..اشكرك ابو شهلاء ع الجيه تعبانكم نردها بالافراح ان شاءالله
ابراهيم ..لا خيي تعبكم راحة ان شاءالله يجعلها ربي اخر الاحزان ..ودعنه الكل وصعدنه بسياراتنه ..
شاهين ..جنت ادحج ع شهلاء بس ردتها اتدحج علي مشتاقلها والكعبة لو الزمها اله اكسر اظلعوها بحظني ..اوووف الله حموت ..

وللحكاية بقية ……

تعال اريد اشم عطرك حيل اخاف باجر اموت وبعد ماشمك

يتبع …..

#سارة_المجيد?