العنودية والنقيب الشرس – سارة المجيد
وجان يفوز البلبل مالتي ?فديتو لكوكو حبيبي ع عناد كناري النار مال الشرس ?? وعدتكم بس يفوز كوكو انشرلكم بارت ال3 ووفيت بوعدي ??
اتنمالكم قراءة متتعة حبايب ?
#العنودية_والنق
#المحطة_الثالثة
#بقلمي_سارة_الم
?????????
شاهين ..اني شفت هل منظر احتركت …
دين مابقه براسي حسيت شياطين الدنيا كلها كامت اتنط كدامي ????
رحت عليه وسحلتو من ياختو وكتلو انت ماتستحي ماعندك شرف ماعندك عرض شلون اتخلي بنت عمك بالباب ولازم عليها الطريق
جليل ..وخر ايدك ..انت شنو ماكو واحد يكدرلك يعني
شاهين ..اكل تبن لاطيح حظك
جليل ..لاتخليني اتجاوز عليك مو لان اكبر مني عبالك اسكت وحق الخلقك اهينك
شاهين ..اني سمعت هل كلمة واتخبلت شلت ايدي وركعتو بوكس نيمتو بالكاع وطك خشمو دم
جليل ..ياحقير اني الك كمت ع حيلي ولزمتو ردت اضربو وجان اسمع صوت ابويه الشيخ
الشيخ حازم ..جليل شنو هاي شديصير هنا
شهلاء ..من اتكاوموا شاهين وجليل كمت ارجف ركضت للبيت كمت اصارخ جوه الحكوا شاهين وجليل اتعاركوا
وجان يطلع الشيخ بره وشافهم وزفهم يستاهلون
شاهين ..عمي هذا ابنك مايستحي اموكف بنت عمنه بالشارع ولازم طريقها
جليل ..وانت شنو حظرتك امخليك المحامي مالها حتى اتدافع عنها ..شهلاء بنت عمي وجنت داحجي وياها لا لزمت طريقها ولا هم يحزنون لتصير الشهم براسي
الشيخ حازم ..بله انتوا ماتستحون ولكم انتوا ولد عم وهيج دتسوون شخليتوا للغربة عجل ها ..
جليل ..بوية هوه شاهين ال……
الشيخ حازم قاطع كلامه ..انجب ولاتفتح حلكك امشي طبوا جوه وبعدين الي حساب وياكم من تروح العالم مو هسه ..وانتي بنتي طبي جوه لتبقين واكفه هنا يله
ابراهيم ..ها خوية هاي شكو شصاير
الشيخ حازم ..لاهيج ماكو شي شباب وتعرف تهورهم حليت المشكلة
جاسم ..شكو سمعت شاهين متضارب ويه جليل صدك
الشيخ حازم ..ماكو شي ياجماعة طبوا جوه يله سوء فهم وحليتو ..
الكل دخل للديوان والنسوان هم طلعن جانن يباوعن وراها دخلوا ..
جليل ..مشيت ومسحت خشمي من الدم ..كتلو معبالك افوتها الك يصير خير شاهين
شاهين ..يابه دطير اعلى مافي خيلك اركبو
شهلاء ..شكد فشلت خررب حظي اول دخله الي لبيتهم اتصير مشكلة بسببي اوووف منك شاهين ولاتبطل اسلوبك العنيف ويه العالم ..
طبيت جوه وجنت فشلانة لان الكل عرف سبب المشكلة شنو ..
جاسم ..اجه شاهين وكعد يمي وحجيت عليه كتلو بعد اذا تسويلي مشاكل ولا اخليك تطلع من البيت تره وحق الخلقك اتوبك من هاي سوالفك ..ابني انت كبرت وصرت رجال بطولي بطل بعد هل سوالف مال شقاوه احنه ناس معروفين والنه سمعتنه ..شكبرها من يجون يشكولي منك وانت رجال شطولك ..ذاك اليوم من اجاني ابو نزار يشتكي عليك لان ضارب ابنه بقاعة الصيد وانسجنت وراها ..يعني فديوم يجيبولي خبرك من وره هاي سوالفك ماخليت واحد بالدنيا اذا ماصار عدوك ..
شاهين ..يابه شعليه اني همه يندكون بيه شتريدني اسكتلهم ..لاوالله انعل عشيرتهم واحد واحد ..(( خلوني اسولفلكم ع حادثة قاعة الصيد ههههههه ..مره جنه ببغداد اني فايت ع نادي الصيد اكيد تعرفوا ا بغداد .. ف كاعد نلعب ورق اني ويايه اصدقائي وكذا .. بسدنه كاعدين اني ما جنت ادري .. اثاري ولد ابو نزار .. سكرانين ويلعبون شريد منهم .. شو كام واحد من يمهم يمكن صديقهم ما ادري .. اجه يريد ياخذ الميز الي كدامنه ويطبكة ويا ميزهم .. كتلو ها يابا خير كال والله الاستاذ فلان هيج كال .. كتلو روح كلو ما انطي للميز وخلي يبقى احترام بينه .. شو هذا راح كالو ذاك استهاش ما اجه هوه رجع صديقو واذا يجر بلميز كوه من نصنه اني كمتلو ضربتو كعدتو بلكاع .. كاموا همه وصار بينه ملازم ضربت واحد من ولده وكسرت ايده .. انكلبت الدنيا .. صار ضرب طلقات بيني وبينهم همه حسوا نفسهم انحصروا وطفروا … ركبوا سيراتهم واني وراها والى بيتهم .. وكل شويه افتر وارجع اضرب بيتهم بصلية مال رشاش .. اشتكوا عليه وخلوني بلسجن .. وعينكم ما تشوف الا النور ??
جاسم ..والله العظيم بس يجي احد يشتكيلي منك اكولهم اخذوا عدموا اني متبري منو ومن دمو
شاهين ..افا عليك بوية هيج اني رخيص عندك ومالي قيمة يمك
جاسم ..والله اذا بقيت ع هاي رعونيتك اي ارخصك واهدر دمك هم
شاهين ..???
دحجت ع جليل وخزرتو بعيني والله لو ما ابوك جان طحنت اعظامك يانذل ..
شهلاء ..احس النسوان كلها تدحج عليه يالله وين ادير وجهي بله ..
ام جاسم ..ولج شهلاء هذا شاهين تره شغلتو مو خالية ماحجه وياج بشي
شهلاء …شهكت كتلها احم مفهمت بيبي حجاية مثل شنو
ام جاسم ..لاتسوين نفسج غشيمة ولج يبنت ابراهيم ..احجيلي وانا جديتج شنو بينج وبين شاهين وهيج يتكاتل علمودج
شهلاء ..والله بيبي ماكو شي بينه بس تعرفين شاهين طبعو عصبي وماتعجبو المايله ومن شاف جليل موكفني بالباب انجن وضرب جليل هاي كل القصة
ام جاسم ..والله فلا تدخل هل سالفه براسي والشغلة بيها انه ..هاي بنات عمو 24 ساعة ويه جليل ويضحكون ويسولفون مابيوم فزع لوحدة منهن ولاشفناه اتكاتل علمود وحدة منهن
شهلاء ..من سمعت هل كلام من بيبي مادري ليش حسيت بداخلي فرحانه وضحكت بيني وبين نفسي ..كتلها والله يابيبي ذاك ابن ابنج واسئلي عود اني مادري ?
ام جاسم ..والله لاكسر العصا ع راسو الي مايحشم احد صاير الشقي مال المنطقة بس يتاكتل ويه العالم
شهلاء ..ههههههههه لتنسين بيبي شاهين ماخذ الوراثة من جدو الله يرحمو
ام جاسم ..هههههه اي والله ادري بس جدج جان عاقل وفاهم ويحشم العالم مايتعارك ويه ياهو الجان ..اله هذا مامخلي واحد الا مامسوي دكه بي
شهلاء ..خربت ضحك يالله هل شاهين مسوي ضغط بكل العشيرة ?
ام شهلاء ..عمة عود تعالي اليوم ويانه من نرجع للبيت
ام جاسم ..اي حبيبة بس ارجع لبيت جاسم احظر كم هدمة لروحي واجي وياكم
ام شهلاء ..اي ان شاءالله انمر لبيت ابو شاهين حتى تاخذين ملابسج
شهلاء ..جنت فرحانة لان بيبي حتجي يمنه تبقه كم يوم ..جثيير حبيتها لبيبي وحبيت سوالفها ..اجه وكت الغدة والكل كاموا يحظرون السفرة اني هم كمت وياهن عيب ابقه كاعدة رحت للمطبخ احظر كاسات الزلايط والطرشي ..جان يجون الولد ينگلون الصواني الهبيط للديوان مال الزلم وراها اجه شاهين شافني داعاون البنات وجان يجي صوبي ومن ديمشي مجان يشوف كدامه عينه بس عليه وبهل لحظة دفر صراحية اللبن جانوا حاطيهن بالكاع حتى يودوهن للزلم بس اللبن انجب كلو بالكاع وانكسرت الصراحية لان جانت كزاز ..اني غصيت من الضحك بحيث مكدرت ابقه طلعت من المطبخ وكملت ضحكتي بره ?
شاهين ..اووويلي الله شبيه انعميت جبيت اللبن وانكسرت الصراحية وكلها صاحت يله فدوة فدوة طار الشر بله اني اخر وكتي اتبهذل هل بهذله بسبب بنتك ياعمي ابراهيم من خررب صفحتج ياشهلاء اشوف بنات عمي يضحكن وانوب ذيج الفطيرة اشوفها طكت ضحك وانهزمت بره اني الج يابنت ابراهيم ?
شهلاء ..انهزمت رحت للصالة خفت لايسويلي بلوة ثانية ..نصبوا الاكل يم النسوان هم وكعدنه ناكل وبالي كلو مشغول بشاهين ..ليش هيج يتصرف شبي شنو بس لاطش بيه يعني بنات عمو خير من الله يمكن 7 ليش بس اني بالذات مهتم بأمري ..اممممممم ع كولت بيبي الشغلة بيها انه ?
كملنه الغدة وكعدوا الاهل شوية سوالف وكذا بعدين اتشكرناهم ع حسن الضيافة واخذنه بيبي ويانه مرينه لبيت عمو جاسم حظرت كم هدمة وغرض وطلعنه ورجعنه لبيتنه ..
وصار يوم الاحد ..
ولازم نتحظر للدوام لان بدت المدارس ولازم انداوم ..
اتحظرنه اني وشيماء الصبح جان بابا وماما كاعدين ديتريكون وبيبي هم كاعدة تتريك وياهم وبابا راح يباشر دوامو بوزارة الخارجية ..طلعنه للمدرسة اتمشينه قبل جان بجيل الطيبين التحرش مال الشباب يشمرلها رقم تلفون الارضي مالتهم ?
هسه لا ينطيها اسم حسابه بالفيس لو رقم الموبايل ههههه احنه جنه بريئين الله ع ايامنه فديتنه ?
المهم ..
جنه دنمشي اني واختي شيماء وجان اكو 3 شباب صاكين يمشون ورانه ويذبون كلام يصجمونه بي احنه مشينه وكملنه طريقنه ماهتمينالهم ..اشو هذا واحد منهم شكد جريء كمش ايدي وخله بيها ورقه وكال هذا رقم بيتنه ياحلوة عود دكي عليه …
اني اتخبلت شمرت الرقم بوجها كمت اصيح عليه كتلو ايا ادبسزز يامعندك شرف شنو هل صلافة متستحي ماعندك خوات ..وماشوف اله الولد انشال وانركع بالكاع لايالله درت وجهي واذا بي شاهين ملخو كتل ??
اصخام راح الولد والقرآن ..انوب ذولي الويا اتكاونوا عليه وشاهين جن جنونو جنزهم اتلاثتهم مابقه واحد بيهم صاحي احنه بقينه متسمرين بكاعنه منعرف شنسوي جنه نرجف وخايفين ولازمين انفاسنه من الخوف ..
شاهين ..كعدت الصبح سبحت وبدلت وردت امر ع بيت عمي ابراهيم من وصلت سلمت وطبيت سئلت ع البنات كالت عمة زهور راحن للمدرسة ..اني ضجت مالحكت عليها خررب حظي رأسا طلعت مابقيت واتمشيت للمدرستي لان اعداديتي قريبه ع مدرستهم وبالطريق شفتهن ديتمشن بس الي لفت انتباهي اكو جان ولد شباب ديتمشون وراهن اني گلبي كمشني كلت ذولي مو خاليين ديتمشون وراهم ..وماشوف اله ع غفلة واحد منهم لزم ايد شهلاء وحط ورقه بيها اني هنا عيني صارت بكصتي لا يالكعبة ركضت سويت الطريق بشبختين وصلت يمهن وشلت الولد وركعتو بالكاع كتلو لك كلب متعرف ذني بنات منو وعمامهن منو و ولد عمهن منو مو يخلوك تندم ع الساعة السودة الي شفتهن بيها ..ذاك كام راد يضربني وبقه يغلط ويسب رجعت ضربتو وضربت الباقين ومابقيت بيهم واحد صاحي انتقمت منهم اتلاثتهم وهمه خافوا وانهزموا ..انداريت ع شهلاء كتلها بعد ماكو تروحن وحدجن للمدرسة اني اوصلجن بطريقي فاهمة
شهلاء ..بقيت صافنه ع عضلاتو وجسمو القوي وتصرفه الشهم ويانه وغيرتو الي شدتني الو ..سبلت عيوني بدون وعي كتلو ماشي صار يوميه انت وصلنه ?
شاهين ..احم اي عفيه هيج صيري حبابه وتسمعين كلام
شيماء ..ههههههه والله خووش كسرتهم اتكسر عفيه عليك كفووو يابن العم
شاهين ..ههههه كفووج الطيب بنت عمي ..انتوا شرفي وعرضي اطيح حظ الي يندك بيكم ومنا وغاد لتطلعون اله اني اجي اوصلجن للمدرسة لان ذولي مراح يكفون شرهم عنكم
شهلاء ..لا ان شاءالله وياك نروح بعد ..اتمشينه ويه شاهين للمدرسة طبعا هواي كبر بنظري لان دافع عنه وحمانه من هل شباب الي مامتربايين ..وصلنه وشافنه طبينه للمدرسة ياله راح لمدرستو ..هوه سادس علمي وهاي اخر سنة الو ..
شاهين ..ومرت الايام وجنت اني يوميه اوصل بنات عمي لمدرستهن ومناك اروح لمدرستي وجنت يوم عن يوم اتقرب لشهلاء اكثر احسها فرحانه بوجودي بجانبها واتعلقت بيه هواي ..واني حبي الها كام يكبر يوم عن يوم بس للاسف ماعرف شلون اعترفلها بحبي مدالكي طريقه او فرصه اعترفلها ..وبيوم من الايام كالعادة كعدت الصبح سبحت وبدلت واكلت لكمة وطلعت رحت لبيت شهلاء دكيت الباب جان تطلع بس شهلاء سئلتها ويم شيماء ..
شهلاء ..اسكت وخليها مدخلتنه انذار من البارحة
شاهين ..خير شبيها ليش
شهلاء ..ههههه مريضه والصخونه مكسرتها امي ودتها للطبيب ونطاها علاج وهسه نايمه يعني راح اتغيب اليوم ..
شاهين ..كلت اوويلي احلا فرصة حتى اعترفلها بحبي ..لان بعد ماتحمل وماكدر اصبر ..اتمشينه وبالطريق كلتلي شاهين سولفلي عن نفسك سمعت يكولون انت امسوي دكايك اكثر من نفوس الصين?
شاهين ..خررب حظي شنو هل سمعه بله ههههههع
شوفي يابنت عمي اني والله فقير ولحالي بس الي يجيبهم لعندي ويندكون بيه ماعدهم حظ لو امهم داعيه عليهم ..
شهلاء ..ههههههه لاجثييير فقير امبين من عركة ذاك اليوم خليت الشباب كل ميشوفوك يغيرون طريقهم ?
شاهين ..هههههه عجل اسمعي خلي اسولفلج
شهلاء ..اي اي سولف ?
شاهين ..شوفي اني الحمدلله من صرت اني اشتغل .. والحمدلله عندي جان خير واهلي مثل متعرفين حالهم ميسور ..
شهلاء ..اي صحيح الله يزيدكم
شاهين ..اي ف اني جنت مولع بلخيول .. سويت مزرعة زغيرة بمنطقة قريبه يمنه … ورتبتها وبنيت بيها بيت زغير مال تعاليل ويا الشباب وهيج .. وسويت اسطبل حطيت بي خيول .. ف اني جنت ارجع من دوامي كبل ابدل ملابسي واطلع اكعد بلمزرعة هيه سويتها بستان .. مساحتها تقريبا ٦٠ دونم … نص زرعتو اشجار ما حب قلبج واشتها .. تفاح و رمان وحتى منكا … اشجار متنوعه .. والنص الثاني سيجتو سويت ساحة للخيل ومن ضمنه الاسطبل .. جانت عندي ٤ خيول .. عندي جانت فرس مسميها سراب .. هاي الفرس اموت عليها .. عربية اصيلة .. #دهمه .. محجلة من ٣ رجلين .. ((للي ما يعرف شنو دهمه الادهم هوه الاسود الصافي الي ما بي شوائب .. و٣ رجلين منها من الجوه بيضة )).. اني جنت خيال من اني زغير .. اركب خيل من عمري ١٠ سنوات .. ومتولع بيهن ..
شهلاء ..اهاا يعني حظرتك خيال ?
شاهين ..ههههه اييي عفيه المهم ابويا جان يخاف عليه منهن لان اني صارتلي شكم حادثة بسببهن .. مره تكرمين ركبت ع ظهر حمار .. اريدو يمشي وما يمشي .. وجان احط الصونده باذنو واطوط .. وتخبل الحيوان .. ويشيلني ويلزكني بلكاع وانكسرت ايدي ههههههه
شهلاء ..عززززة خطية انت شنوو حتى الحيوانات ماسلمت من مصايبك ?…بس تستاهل كسرت ايدك ?
شاهين ..ليش ولج ليش ههههه هوه صوجو الحمار ليش مايمشي جاعد يتعزز براسي عليمن اجه ?? اسمعي هاي
شهلاء ..هههههه يممه منك اي
شاهين ..مره اني واصدقائي راكبين خيل .. الفرس الي جنت راكبها مو اصيلة .. ف شفت صاحبي راكب ع حصان ردت اخبث ويا … جيت اركض بفرسي حتى اضرب حصانه ويكمز .. ع سرعتي الفرس مالتي مادري ليش وكفت تبسمرت بمكانو وجان اطير من فوكاها .. وضلت رجلي مجلبة بلركابة تكرمون الحذاء التف بيها وبقت تسحل بيه مسافة وظهري تملخ من الكاع .. وراها وكفت وجان ترجع ودوسني بطني … وسوت عندي فتق بجدار البطن والا عملية يله … ف ابويا كلش جان باله عليه من اروح لمزرعتي لا يصير بيه قدر هناك .. والله اني راكب سراب وداركض بيها بسرعة اعلى سرعتها .. واني لازمها بتك ايد والايد الثانية لازم بيها رشاش اظرب اهداف بلكاع ع سرعت الفرس .. هيه تركض .. احسن تصويبي يعني .. وجان ع ركضتي وتكرمون يطلع جلب كدام فرسي .. الفرس جفلت .. وجان ع سرعتها تكمز .. ويا كمزتها شمرتني من ظهرها .. وجان اوكع ع كاع شكو بلكاع طابوكه وجان راسي تجي ع طابوكه وافقد الوعي .. وشايليني ع مستشفى … بقيت فاقد الوعي ١٠ ايام .. ابويا من سمع هيج صاير بيه تخبل .. روح للمزرعة وطلع الخيل وسربتهن بلشوارع .. واحركها للمزرعة والبيت .. وعندي جانت سيارة زغيرة مشتريها بلمزرعة مخليها احتركت .. وره ما صحيت ادحج الناس حوالية .. كوة اركز .. يسئولني الاطباء شسمك وكذا يتأكدون مني حرك رجليك حرك اديك وكذا .. كالوا لا سلامت ما بيك شي … سئلتهم شصار كالوا صار ١٠ ايام انت فاقد الوعي هههههه
شهلاء ..لا انت ابد مو طبيعي والله لو تشترك بمسابقه مال المصايب تاخذ الرقم القياسي بيها ?
شاهين ..جنت ادحج عليها شلون فرحانه وتضحك ابتسمت ولزمت ايدها هيه جفلت ودحجت عليه
شهلاء ..جنت اضحك ومنسجمة وداعلق ع مصايبه ماحس اله كهرباء سرت بجسمي من لزم ايدي اووويلي جسمي كلو كام يرجف دحجت علي وانوب هوه شطولو هههههه
شاهين ..شهلاء اني ..سكتت مكدرت اكمل اشتعلووو العشيرة شبي لساني اتربط وين شراستي وخبالي بهل دقيقه اووويلي ع حظي المصدي
شهلاء ..انت شنو ؟؟
شاهين ..مسحت كصتي ورفعت شعري وجمعت قوتي وكتلها شهلاء اني احبج
شهلاء ..من كال هل كلمة حسيت گلبي وكف رفعت راسي ودحجت بصدمة كتلو شنو شكلت
شاهين ..احببببببج احبببببج واريدج الي تصيريلي مراة تنورين بيتي وغرفتي ?
شهلاء ..يمممه بعد ماتحمل هل كلام خررب يومك شاهين ..كتلو احم شسمه وصلنه للمدرسة يله عن اذنك راح اطب باي ..ركضت وبعد اشوية انجبح من الخردلة الي صابتني ?
طبيت شافتني فرح صديقتي اتفاجأت بحالتي
فرح ..عززة بعينج شهولة شبيج جنج وحدة شايفه جني ?
شهلاء ..اسكتي وخليها اليوم صارت امور متصدكيها اوويلي
فرح ..خير ولج شصاير احجي
شهلاء ..تتذكرين مره حجيتلج ع ابن عمي شاهين هذا الشرس الي بس يحب المشاكل ويتعارك ?
فرح ..اي اي اتذكر كلتي حلوو وطول وهيبة وجسم وكذا ?
شهلاء ..امداج وانتي متذكرين بس مواصفاتو ?
فرح ..? لا ولج مو غير انتي وصفتي وصف مالو مثيل وطبع بعقلي ?
شهلاء ..اممممم ماشي بس انسي لتخلين بالج عليه تره اموتج ?
فرح ..يبووو هسه دكملي شبي احجي عاد
شهلاء ..ههههه ماشي عوبة شوفي ..اليوم هل شاب الحلوو الطويل الهيبة اعترفلي بحبو ?
وطلع يموووت عليه وضام بقلبو وميحجي واليوم اعترفلي
فرح ..اهااا اي عيني حظوظ قابل ايحبني الي ?
شهلاء ..انجبي شاهين الي مالتي وبس ?
فرح ..اي عمي شكلنه هسه احنه الله يسعدكم هههه
شهلاء ..اييي عفيه ههههه يله خلي ندخل للصف تره راح تجي المدرسة وتطردنه
فرح ..اي يله اجماله منو هلا ام الرياضيات يالله شكد غثيثه
شهلاء ..اي والله غثيثه متنجرع ..
ومر اليوم ع خير وصارت الحلة وطلعنه للبيوت وبهل لحظة انصدمت بجليل واكف اباب المدرسة منتظرني لايالله شصاير ياستار شكلو ميطمن ?
وللحكاية بقية ..
يتبع …
#سارة_المجيد?