العنودية والنقيب الشرس – سارة المجيد
#العنودية_والنق
#المحطة_السابعة
#بقلمي_سارة_الم
يسعد مساءكم بكل خير احبتي
???????????
شهلاء ..كلمن كعد ع كوشتو وشغلوا موسيقى چوبي ..ونزلوا الولد يركصون وجان بهل لحظة يصير اطلاق نار بره ?
شاهين كمز من مكانو هوه وستار وركضوا بره الامة انكلبت شافوا جليل لازمي الأمن الي اباب القاعة وبيدو مسدس ..
#خلونه_نرجع_بال
جليل ..من سمعت اليوم عرس شهلاء وشاهين حسيت الدنيا انهدت ع راسي روحي طلعت مكدرت اكتم قهري بگلبي الجرالي بسببها دمرني كلو ابجي بسكوت وماورج احد ع دمعاتي يعني معقوله صارت صدك ..يعني راحت شهلاء من ايدي للابد ..مستحيل ماخليهم يتهنون ..بس شنو البيدي اسوي طكت روحي وحسيت الدنيا كلها غدرت بيه رحت يم اصدقائي لشقة جنه ماخذيها للتعليلات ..كعدت وياهم جانوا يجيبون شرب وسكر بس اني ماجنت اتدنه يم الشرب لان حرام ومو من طبعي اشرب واسكر ..بس بهل يوم حسيت كوولشي مبااااح اريد احرك هذا گلبي الي دمرني اريد اشلعو من صدري وادوس علي ..بسببو انذليت …كتلهم صبولي كاس ..محد صدك كالوا ها جليل شصاير بالدنيا معقولة تشرب كتلهم اي اليوم اريد احرك گلبي الي كسرني ودمرني صبوا بعد اخوكم ..صبولي كاس واثنين 3 و4 لحد مادماغي حسيتو صار شثكلو كوه كمت اشوف جدامي حسيت رحت لغير عالم كمت اتطوطح كمت اخربط بالحجي اصدقائي يلزموني اريد اطلع مقبلوا دفعتهم وصعدت سيارتي واني سكران صاير مخ …عندي مسدس بالجكمجه مال السيارة فتحت الجكمجة وطلعت المسدس وكلت اليوم لو اقتل شاهين لو اقتل نفسي والله فلا اخليك تتهنه بيها يشاهين ..ردت اندعم لان عيوني غوشت ومكامت اتبين الصورة واضحة جدامي …
وصلت للقاعة وشفت الدنيا مكلوبة هناك ..النذل عازم امة محمد كلها بعرسو اله اكلبو عليك عزة يشاهين واخليك تنعل الساعة السودة الي اتزوجت بيها حبيبتي ..كوه طلعت من السيارة مجنت اشوف دربي وبيدي مسدسي كمت اصرخ اطلع يانذل اطلع ياجبان تاخذ حبيبتي مني اليوم لا اطيح حظك وحظ الخلفوك وضربت طلقات بالجو بس للاسف جان حاط حرس بالباب ولزموني وجتفوني …
شاهين ..طلعت ركض لبرة القاعة وجان اشوف جليل صاير خروف من الشرب شي مقزز لزمتو من ياختو كتلو انت شنو حيوان متفتهم انت شيخ وراح تلزم عشيرتنه من بعد ابوك ولك انت بصخلة ماسرحك اشلون تلزم امور العشيرة وانت هذا حالك خزيتنه كدام العالم الله لايوفقك
جليل ..جنت كوه واكف ومسيطر ع توازن جسمي دفعت ايدو وكتلو اليوم لو اقتلك لو اقتل نفسي معبالك تتهنه بيها يانذل دمرت حياتي ..
البنية الوحيدة الي حبيتها خطفتها مني ليش هاي بنات الدنيا كلها كدامك ليش اله حبيبتي تحله بعينك ليش ياحقير
شاهين ..جان يحجي ويخربط بالحجي لزمتو من ياختو بأثنين ايدي ماريد اضربو لان مديعرف شيحجي وادري سكران وديخربط بالكلام لويت ايدو وحطيتهن وره ضهرو ..وصحت الحرس كتلهم انطوني شناطات عسريع ..نطوني واخذت مسدسو وخليتو بصفحتي ولزمت ايدو وربطتهن وره ظهرو وكتلهم للشباب بقوا يمكم لحد ماتخلص الحفلة لتهدوا اني اعرف شلون اتصرف ويا هل الحيوان ..
ستار ..خوية ليسويلك مشاكل هذا اشتكي عليه حتى يخيس بالسجن ونخلص منو
شاهين ..لا عوفو مو شاهين الي يخاف من حشرة مثل هذا اريد اربي ع ايدي بس خلي تخلص الحفلة ..يله اخذوا ودوا للكرفان وحبسوا هناك لحد ماتخلص الحفلة واكولكم شنسويلو عود …
الحرس ..صار سيدي تدلل هسه ناخذو .
ستار ..يله خيي امشي طب العالم طلعت كامت اتدحج ..
شاهين ..صحت بصوت عالي يله ياجماعه ادخلوا ماصار شي واحد سكران ومطفي ميدري بالدنيا ..
شهلاء ..طب شاهين و وراه ولد عمنه وستار اجه كعد جنه نرجف احنه شصاير بره كتلو ها خير يمعود شكو ..
شاهين ..هيج ماكو شي لتخافين ..بقيت متعصب ودمي فاير الله لايوفقك جليل نغصت عليه ليلة عرسي ياكلب
شهلاء ..جنت ادحج ع شاهين شفتو مو ع بعضو اكيد صاير شي …اجني البنات وكومني اني وشيماء حتى نركص وياهن بس عيني جانت ع شاهين شفتو متعصب اووف منك ولايحجي …ركصنه شوية وجان الولد ينزلون شاهين وستار هم ركصوا ويانه وارتفع صوت الهلاهل والهوسات مال اهلنه …
وراها كالوا هسه انقطع الكيك جابوا كيكتين ب5 طوابق وحدة النه و وحده لستار وشيماء …واجه شاهين ولزم السيف ورفعه ليفوك هوه وستار وسووا مثل الضرب بالسيف حسيت احنه بمعركة أحد وحرب بين المسلمين والكفار الكل كام يضحك ع الي سووا شاهين وستار يالله ماعدهم سالفه هههههههههههههه
وراها اني لزمت السيف وحط شاهين ايدو فوك ايدي وقطعنه الكيك من فوك ليجوه …وشيماء وستار هم سووا نفس الشي واخذ قعطة وحطها بحلكي واني هم سويت نفسو وراها باسني من كصتي وعزفت موسيقى رقصة اسلو هنا شاهين كام وجها يورد لان راح يحظني ويركص يبووووو شفت ستار شكد حلو حظن شيماء بأدب وحنية اله شاهين اووف منو حوطني بأثنين ايدو وبقوة حظني عبالك عندو دورة الصاعقة كوولشي عندو عنف وقسوة حسيت صدري دخل ابمعدتو هوه طويل وضخم وضعت بحضنو ههههههههههه
وبقينه نركص وهوه حاط راسو برگبتي ويهمس بأذني ويسمعني صوت انفاسو الحارة واني اضحك جان يدغدغني بأنفاسو وبشواربو هههههههههه العرس جان روووعة والاجواء رئاسية اتجنن

شاهين ..جنت حاظن شهلاء عبالك حاظن كل الدنيا لحد هسه ممصدك شهلاء صارت من نصيبي واليوم عرسنه وراح اطفي نار شوگي بيها اوووووووف ماتحمل بعد شوكت يخلص العرس خرررب عمي انتهيت …بعدها وزعوا العشه للمعازيم واجتي عمة زهور يمنه باست بناتها واخذنه صور تذكارية كلنه ومشى العرس بسلامة الحمدلله ومن خلصت الحفلة وقبل ليزفونه رحت ع صفحة واتصلت ع صديقي علاء كتلو علاء اخذ جليل ابن عمي بالكرفان يم الحرس ودي للبيت الي بالمزرعة مالتي
علاء ..صار خيي تدلل اعتبرو بالمزرعة هسه
شاهين ..تسلملي بعد اخوك ..سديت التلفون ورحت للكوشة وكفت يم شهلاء ..
شهلاء ..شاهين ليش متحجي شصاير
شاهين ..من نوصل للبيت نحجي يله راح يزفونه
شهلاء ..ماشي ..التموا الاهل حوالينه ودكوا موسيقى مال زفه وطلعنه و ودعت ماما وبوستها وكمنه نبجي اني وشيماء وصعدنه بالسيارة ورحنه لبيت عمو جاسم ..
وصلنه وصعدونه لغرفتنه اني وشيماء حجيت ويه شيماء كتلها اكولج ستار مكالج شصاير اليوم بره من سمعنا الطلقات.
شيماء ..لا والله كتلو شكو كال ماكو شي هيج سالفه متسوه وسكت
شهلاء ..والله خايفه الشغلة بيها انه محد ديحجي ..ديله حبيبتي طبي لغرفتج ليصعدون الزلم يزفون شاهين وستار
شيماء ..ماشي حبيبتي
شهلاء ..طبيت لغرفتي وبقيت افكر بالي صار ممعقولة شي مايسوه ..لو صحيح مايسوه مجان شاهين انكلب حالو ..شويه وجان اسمع هوسات الزلم دتصعد فوك اني انهبطت جسمي كام يرجف مادري شصار بيه هواي اخاف من شاهين اخاف ميتفاهم ويأذيني
لان اعرفه شرس بحياتو يالله وين انطي وجهي وين اروح اريد ارجع لاهلي ?
شاهين ..صعدونه ولد عمي اني وستار والتصنيف والشقه والضحك بالدرج ويذبولنه هوسات وگولات لحد ما وصلنه لغرفنه كتلهم يله كافي خما تريدون اتطبون ويانه يله اختفوا ?
كلهم طكوا ضحك
ستار ..هههههه مشكورين اخوان ماتقصرون عفتهم وطبيت لغزالتي يممه فدوة لطولها جانت جاعدة ع الجرباية ومدنجه راسها بخجل كتلها مبروووك حبيبي
شيماء ..كمزت من طب ستار جسمي كام يرجف كلي مبرووك رفعت راسي وابتسمت كتلو الله يبارك بعمرك حبيبي
ستار ..يمممه يمممه شلون طالعه كلمة حبيبي من حلكج عسسسسل .. عجل دتعالي لحظن حبيبج لو تستحين ?
شيماء ..ههههههه خلي انزع بدلتي اول واطب اسبح حتى نرتاح شوية من تعب الحفلة
ستار ..اي تعالي انزعج انتي بنيتي اليوم ادللج حتى سبح اسبحج اذا تريدين ?
شيماء ..هااا ..لالا اني اسبح اخاف اتعبك شكرا
ستار ..طكيت ضحك واتقربت عليها وكومتها ودرت ضهرها وفتحتلها السحابة ووكعت البدلة بالكاع ..هنا بعد ماكدرت اتحمل الي شفتو اووووف حظنتها ووووووووووو …
شاهين ..اول ماطبيت شفت شهلاء وجها اصفر كتلها ها خير حبيبي شبيج خوفتيني ليش مخطوف لونج مخروعه من شي شايفه فلم رعب قبل لا اصعد
شهلاء ..اوووف الله شكولو خايفه من قساوتك لو شراستك بله مو عيب ..كتلو احم لا حبيبي مابيه شي بس يمكن من تعب الحفلة مال العرس ..
شاهين ..ضحكت بخبث وغمزتلها اتقربت عليها وكتلها اني اجيت وبحضني انسيج كل تعب يابعد طوايف العشيرة كلها ..ليش منازعة البدلة ليهسه ..
شهلاء ..غير انت تنزلي السحابة ماكدر انوشها ..هسه عوفك من البدلة مكتلي بالعرس شنو جان هذا الصوت مال الطلقات
شاهين ..حطيت ايدي ع شفايفها كتلها اشششششش عوفي كوولشي هسه ولتتذكرين اي شي ..غير ليلتنه الي انتظرناها عمرررررر ..اتذكري حظن شاهين وحب شاهين وگلب شاهين اتذكري صبرنه واشتياقنه ولوعاتنه ..اتذكري فراگنه ولقائنه بس هذا اتذكري ..اريد اخليج تنسين كووول شي اليوم وتتذكرين بس هل ليلة عمرج كلو ..اريدج تعرفين شاهين هواي قسيتي عليه لحد ما حضى بيج وهواي اتبهذل وشيب شعرو لحد ما شافج بهل بدلة البيضه ..سنين واني انتظر هل لحظة وانتي تريدين تضيعيها بسوالف فارغه ..اليوم اريدج كلج الي اريد اروي عطش سنين من الحرمان اااااااخ لو تدرين شكد احببج جان ماحجيتي وتريدين اتضيعين لحظة من عمري كلو ..سحبتها عليه بقوة ودفنت راسي برگبتها وبقيت اشتم بيها واترس ريتي بعطرها ..اووووووف يابنت گلبي اعشششقج
شهلاء ..رغم ما هدئني بكلامة بس هم بعدني خايفه منو كتلو بس خلي اغير ملابسي واسبح واجيك
شاهين ..ماشي حبيبي نزعتها السحابه وطبت للحمام واني نزعت بدلتي العسكرية وشمرتها ع الجرباية
شهلاء ..طبيت سبحت وكملت ولبست سيت ابيض ولفيت شعري بالمنشفه وطلعت ..
شاهين ..ثواني واجيك ياحلوو ? بس اسبح
شهلاء ..ههههههه ماشي
طب حبيبي يسبح وطلع لاف المنشفه ع خصرو وكال تعالي لحظن حبيبج خلي اشمج تره ماتحمل بعد ..
شاهين ..شفتها خايفه ومو ع بعضها كتلها حبيبي شبيج شنو تخافين مني
شهلاء ..احم والله شوف انت معروف شرس وعنيف ويه الناس والصراحة اي خايفه منك
شاهين ..ههههههههههههه
شهلاء ..وليش منتظرين بله قابل بيا زمن احنه عفية
شاهين ..لا حبيبي احنه عوايدنه مانغيرها العريس من ينزف لغرفتو لازم ينزل بساع تره اني صابر عليج جثييير ماريد يحجون عليه ويكولون مو كدها وماكدر ياخذها ..بهل لحظة سمعنه هلاهل وطلقات ضربوا بالجو ..كتلها اسمعي اختج طلعت اشطر منج هذا ستار نزل ونطاهم النيشان مال اختج وانتي ابقي ارجفي بين ايدي ودولبيني
شهلاء ..اصخام ? ..هاي الهوسة يعني اخذها عود واختي انفضحت
شاهين ..وجع انفضحت شنو قابل شمسويه ..هذا دليل شرفها وعفتها يامدمغه ..شو تعالي ولج انتي دتسايريني وتريدين تغلسين ع ليلتلي مو حركتي اجداي حرك شمرتها ع الجرباية وهجمت عليها? وووووووووووووو
ابو شاهين ..هذا شاهين شو اتأخر شبي اخاف سوه بالبنت شي يامره ..
ام شاهين ..ههههههه لا شنو السالفه قابل متوحش
ابو شاهين ..ههههههه والله متوحش ونص انوب اخاف يأذيها بنت اخوي
ام شاهين ..هههههه لا لتخاف وليدي سبع مينخاف عليه يعرف شلون ياخذها بدون ما يأذيها ..
ابو شاهين ..اي بس ستار نزل قبلو وبيض وجوهنا شبي شاهين صدك جذب
ام شاهين ..هسه انت شبيك ع الولد دعوفو خلي براحتو شعدهم سباق قابل ..نسيت بليلة عرسك شلون ماخليتك وبقيتك ساعتين تركض وراي ?
ابو شاهين ..ايييييي اووويلي شلون انسه شسويتي بيه اجيبج منا تروحين منا اوديج منا تجيني منا خبلتيني واشعلتي اجدادي ..
ام شاهين ..هههههههههه?
ابو شاهين ..دتعالي خلي احنه هم نعرس قابل بس ولدنه يعرسون ?
ام شاهين ..يا عزززة شكد عيب دكعد راحة يازلمة شيباتك تارسة راسك وتدور عرس ..
ابو شاهين ..ولج الگلب شباب شعليج براسي ..دتعالي ترا اتزوج عليج واروح يم مرتي الثانية ?
ام شاهين ..لاوالله حتى تيزاب اذب ع راسكم اثنينكم .
ابو شاهين ..اهاا زين بعدج اتغارين علي ههههههههه
ام شاهين ..ليش ماغار قابل مو مراة ? ..بهل لحظة نزل شاهين ياعزززة عبالك طالع من معركة ..شعرو مخربط وطبع حمرة ع رگبتو اصخام الولد منتحر بالبنية ههههههههههه
شاهين ..هاج يمه هذا النيشان
ام شاهين ..اي يمه بالمبارك الف الف مبرووك ككككلللوووووووش
ابو شاهين ..عفية بالذيب بيضت وجهنا سبع ع ابوك طالع بس روح امسح ركبتك ترا فشلة ههههههنه
شاهين ..ليش شبيها ركبتي ?
ام شاهين ..هههههه معليك من ابوك يمه روح اصعد لمريتك هسه شوية واصعدلكم العشة ..وانت يرجال كوم اضرب طلقات لشاهين شبيك بس اتصنف ع ابني
ابو شاهين ..هههههههه صااار يدلل البطل ..طلعت سلاحي ورميت كم طلقه بالجو
ستار ..جنت نايم بحضن شيومه وسمعت طلقات ضحكت عرفت شاهين هم سواها ? ..
شاهين ..صعدت لغرفتي دحجت بالمرايه يبووو رگبتي كلها ملوصه بالحمرة اشتعلو اهلج شهلاء اخذت كلينكس ومسحتها درت وجهي شفتها نايمة هههههههه اجيت يمها ودحست راسي برگبتها وبقيت اشم بيها وكتلها ها يعمري تعبانه
شهلاء ..عوفني ميته من التعب
شاهين ..عجل امي حتصعدلنه العشه ماتاكلين
شهلاء ..لا والله ماريد هسه بس اريدلي مخدة واناااام ..
شاهين هههههه ديله عجل نامي يعمري نوم العوافي
شهلاء ..الله يعافيك حبيبي …راح تنام انت لو تنزل جوه ..
شاهين ..احم اي راح انزل شوية يم امي وابوية انتي نامي حبيبي فد شويه واصعدلج
شهلاء ..ماشي حبيبي عجل طفي الضوه وراك
شاهين ..صااار يدلل الحلوو ..كمت طبيت للحمام سبحت ولبست دشداشتي وطفيت الضوه وسديت الباب وطلعت ..نزلت جوه خابرت صديقي علاء كتلو ها شسويت
علاء ..كوولشي تمام جليل هسه بالمزرعة ومربوط وكاعد يصيح
شاهين ..يطبو طوب خلي يصيح منو يسمعو ..يله تعال اخذني راح طلعلك بره حتى نروحلو وانأدبو
علاء ..صار دقايق تلاكيني يمك بالباب ..
شاهين ..وكفت شوية وجان يجي علاء بسيارتو صعدت وطلعنه للمزرعة وصلنه للبيت نزلنه وطبيت لكيت جليل جاعد وحالتو كسيفه لاحول ولاقوة الا بالله شسويلو بله هذا البي مكفي ..كتلو علاء جيبلي سطلة بيها مي بارد خلي انجبها ع وجهو ديصحه شوي ماريدو خروف كدامي ماكدر اسوي شي اذا يبقه سكران ..
علاء ..صاار ..رحت ترست سطلة مي وجبتها لشاهين جان يرشكها بوجهو وجان يفز جليل
شاهين ..ها جليل افندي صحيت ..داحجي وياك دحج علي هنا ضربتو راشديات وجان يصرخ بوجهي ودفعني
جليل ..وخرر ايدك عني جبان لتلمسني اذا رجال افتح الشناطات من ايدي
شاهين ..هههههه معناها صحه ..علاء اكو سجينه بالمطبخ جيبها حتى اكطعلو الشناطات ..راح علاء جاب السجينه وكصيت الشناطات وشمرتهن ..كتلو يله هسه اتحررت ورجال كدام رجال مازايد عنك بشي ..
خفت لايخبص بالكلام ويجيب طاري شهلاء جدام علاء ..كتلو علاء خيي انتظرني بره انريد انصفي حسابنه وحدنه ..
علاء ..اي خيي صااار راح انتظرك بالسيارة اني .
شاهين ..ممنون منك بعد اخوك ..طلع علاء وكتلو شوف جليل .انت لو مو ابن عمي ومن لحمي ودمي قسما بذات الله جان هذا المكان صار گبرك لان السويتو اليوم ماينسكت عليه
جليل ..جان يحجي شاهين واني اشتم عطر شهلاء بي ..رفعت راسي وكتلو ها اخذت التريدو يعني كدرت تشلع گلبي الي بصدري .احييك عن جد ..انت ماكو منك ..دومك من زغرنه من جنه نلعب تتذكر اي شي تريدو جنت تكدر تاخذو غصبا عن الكل ..واذا واحد عارضك تموتو كتل ..ههههههه ولاتغييرت يشاهين نفس طبعك حتى من كبرت ..الانسانه الوحيدة الي رف گلبي الها اخذتها مني وغصبا ع الكل ومحد كدر يوكف بوجهك ..ليشوكت تبقه اناني وتحب نفسك وبس والي تريدو يجرالك
شاهين ..خلصت كلامك !؟
جليل ..گلبي متروس كلام مايخلص ..بس تعبان ومابيه احجي امشي رجعني للبيت لايظل بالهم عليه
شاهين ..مو قبل لا اصفي احسابي وياك
جليل ..كل الي اخذتو مني وبعدك مامصفي احسابك ..انت شنو ياخي شتريد تاخذ بعد ..اشو روحي اخذتها شتاخذ بعد ..
شاهين ..ولك شبيك بابا اشو انت عايش الدور يولو ..ياروح ياگلب ..شهلاء لو جانت رايدتك الك لو حابتك الك وداعة امي ماتقربلها ولا اتدنه صوبها ..تعرف كوولش زين شهلاء ماحبتك ولافكرت بيك اصلا ..ليش تسوي مشاكل ع شي ماموجود
جليل ..انتفضت من مكاني وكمت اصارخ بوجهو كتلو كلو بسببك انت ..لو ما انت بحياتها جان حبتني الي بس انت بقيت بقربها ولاعفتها لحد ماوكعتها ..
شاهين ..اسمع تاكولك ..هذا الحجي كلو مايفيد بعد افتهمت ..واسم شهلاء ماريدو يطخ لسانك تره قسما بالله اكصو الك فاهم شهلاء صارت حرمتي ..لتخليني اتصرف وياك تصرف اخليك تندم ع اليوم الي خليت بي راسك براسي ..تعرفني شكدر اسوي ..وتدري كولش زين ماخاف من اكبر واحد غير من الخلقني وماسولفلك اشفت بالسجن من عذاب ودمار يعني الي جدامك انسان ميت بس يتنفس …يعني دير بالك من هيج انسان
جليل ..هه ميهمني شي ماعاد عندي شي اخاف علي شتريد تسوي يعني اشو اغلى شي عندي اخذتو ..
شاهين ..استغفر الله واتوب اليه .. فقدت اعصابي حرك دمي كمت علي ولزمتو بتك ايدي من ياختو والتك الثانية لزمت لحيتو وجريتها كتلو ولك انت وتالي وياك ..لتخليني هسه اضيع معالم وجهك ..والخلق السموات والارض ارجعك امسكط لا ايد ولا رجل اكسرك واكعدك ابيتكم
ف اسكت ولتخبص بالحجي احسنلك اني اتزوجت شهلاء وكوولشي انتهى وانت انسى شي اسمو شهلاء بعد ولاتجيب طاريها ع لسانك وحق الحق اجنزك
جليل ..نفضت ايدو مني وكتلو ماتخوفني بتهديدك .. امشي رجعني للبيت يله
شاهين ..صكيت سنوني وسحبت نفس عميق وكورت قبضة ايدي وضربت الحايط البصف وجهو اتكسرت اصابيعي كتلو كلمة زايدة الضربة الثانية بوجهك ابمكان الحايط
جليل ..دك تلفوني جانت امي رديت كتلها ها يمه ماكو شي لتخافين كاعد يم اصدقائي داتعلل هسه اجي ..اي يله الله وياج ..
امشي نرجع للبيت مرت عمك ظال بالها
شاهين ..امك نقذتك مني هل مرة وهاي لخاطر مرت عمي راح اخليك ترجع بس ياجليل قسما برب السموات والارض اذا اتعرضت او جبت طاري حرمتي ع لسانك احسب الله ماخلقك افتهمت ..
جليل ..ماشي افتهمت بس خلي نرجع ..
شاهين ..يله اطلع داقفل البيت ..طلع جليل وصعد بالسيارة وقفلت البيت وطلعت وصعدت بالسيارة ..
في مكان اخر ..
شهلاء فزيت من نومي اتلمست مكان شاهين مموجود كمزت اصخام هذا وينو الرجال ليهسه مصاعد معقولة ..دحجت الساعة ب2 بالليل لايالله ..كمت لبست روبي ونزلت الدنيا ظلمة هندس البيت سنطة يخووف مابي احد الكل نايم ..اووف وينك شاهين ع كيفي صيحت شاهين ..شاهين ميجاوب ..يااا وين راح هوه كال انزل يم اهلي اشو طالع ..الغيرة كامت تنهش بيه وحركتني حرك ..افكار كامت تتلاطم براسي واتوديني وتجيبني ..لايكون سما هنا جاية لاهلها ورايحلها ?? عزززة العزاني شدافكر اني شبيه استغفر الله ياربي عجل وين راح ..وبهل لحظة سمعت صوت سيارة وجان يطب شاهين انصدم بيه جاعدة منتظرتو …
وللحكاية بقية ..
ليتَكَ تُدرِكُ ياقِطعَةَ القلب ❤ِ ، بأن داخلي عالَمٌ كبيرٌ لا يَسكُنُه إلا شَخصٌ واحدٌ اسمهُ أنت
#يتبع …
#سارة_المجيد?