العنودية والنقيب الشرس – سارة المجيد
مساؤؤؤؤؤ بخور وعود يعطر اهل الكرم والجود
❣❣❣❣❣❣❣❣❣❣❣❣
#العنودية_والنق
#المحطة_الرابعة
#بقلمي_سارة_الم
#وبعد_مرور_سنة_
بيوم جنت جاعدة بالحديقه كالعادة والدفتر والاقلام بحظني وداكتب قصة حتى اطلع وانسه عالم الواقع الي جنت عايشة بي وادفن نفسي بين طيات اوراق دفتر قصصي الي صار رفيق دربي من اختفه شاهين ..وجان بهل لحظة يندك الباب كمت فتحتها واذا بيت عمي جاسم بالباب ومعالم الفرحة باينة ع وجوهم ..بقيت مصدومه
ام جاسم ..يمه شهلة بشارة بشارة
شهلاء ..بقيت مثل الفاقدة عقلها مداستوعب الكلام اتسمرت بكاعي اريد انطق مداكدر ردت يكملون كلامهم ويكولون شنو هل ابشارة جان يحظني عمو جاسم وباسني من راسي وكال تعالي عمو خلي انطب جوه اخذوني وطبيت للصالة جانوا ماما وبابا كاعدين سلموا عليهم وكعدوا ..
جاسم ..خيي جينه انبشركم بشارة تفرحكم وخاصة شهلاء لان هيه الوحيدة الي جانت تحس بشاهين عايش ..
شهلاء ..لحد هسه مداستوعب الكلام ياربي عيني ع سماع الخبر لا اوكع من طولي
ابراهيم ..احجي خيي لكيتوا لشاهين فرحنه
جاسم ..شوفوا اليوم الصبح اندك الباب طلع ستار فتحها واذا برجل سئل هذا بيت ابو شاهين كلو اي تفضل منو حظرتك ..كلو اني مرسال اجيت من طرف ابنكم شاهين ويسلم عليكم واحد واحد ويكول لتخافون عليه اني بخير ومعتقل بسجن بوكا بس محتاج دعواتكم للفرج ع سجني ..احنه سمعنه الخبر مصدكنة كنالو وشنو دليل كلامك ..جان يكول عدكم طفلة اسمها حنين بنت خال شاهين وكال شاهين هوه الي نطاني الاسم حتى اثبت صحة كلامي ..
واحنه سمعنه هيج مندري شنسوي ام جاسم صعد ضغطها من الصدمة ووكعت واني بقيت جامد بمكاني ماعرف اضحك ما اعرف ابجي من الفرحة لان ابني طلع عايش واحنه جنه فاقدين الامل برجوعو او اصلا عايش …
شهلاء ..ماكولكم شصار بيه من سمعت هل كلام ..يكفي بس اكولكم الصدمة مكدر جسمي يتحملها اول ماسمعت الخبر حسيت بصاعقة ضربتني ع راسي ..و وكعت من طولي ومحسيت بشي بعد
ام شهلاء ..كمزت من شفت بنتي وكعت وكمت اصيح سودة بوجهي بنتي اتخربطت الكل ركضوا وابراهيم شالها وحطها ع القنفه وبقه يضربها راشديات خفيف ع خدها رحت جبتلو عطر كتلو خلي ع خشمها هاي متحملت الخبر انصدمت ..
جاسم ..الله يساعد گلبها والله فلا اكو منج يشهلة نادرا تلكي انسان يحب بصدق هيج ..
شهلاء ..كوه صحيت ع نفسي وشفت اهلي ملتمين فوك راسي كتلهم لتخافون مابيه شي ..بس دخت ووكعت من سمعت الخبر …
انداريت ع عمي جاسم ولزمت ايدو وكتلو احلف الخبر صحيح مو دتبردون نار گلبي المشتعلة من سنة
جاسم ..لابوية شنو هل حجي شلون اسوي بيج هيج اذا مو الخبر صحيح 100%
شهلاء ..زين وهسه شراح انسوي منو يروحلو حتى يشوفو اريد اروح اني هم
ابراهيم ..شبيج بنتي صار بعقلج شي ..ليش هوه مسجون بمخفر شرطة ..ولج هذا معتقل امريكان يعني جد جدج السابع عشر ميكدر يتقرب هناك ..
شهلاء ..لعد شلون فهموني شنو فايدة عرفنه هوه عايش ومنكدر نوصلو ولانشوفو ??
جاسم ..بنتي المهم برد گلبنه وعرفنه هوه لحد هسه ع قيد الحياة وديتنفس ..الباقي بعد ندعيلو الله يفرج همو ويطلعوا ان شاءالله
شهلاء ..ان شاءالله ?? ..
#خلونه_نرجع_بال
شاهين ..وبيوم اني نايم بلليل وما احس اذا الامريكان على راسي .. سئلني المترجم انت فلان .. كتلو اي .. كال تفضل ويانه .. طبعا كبل شدوا ايدية بلشناطات .. ولبسوني شلون الجيس براسي .. وشالوني وحطوني بلسيارة .. و مشوا .. يفترون بية وما اعرف وين يردون وما اشوف شي .. وراها توقفوا شوية وبقوني بلسيارة .. وجان ينزلوني .. وامشي احس اني دامشي على شي حديدي ما عرفت شنو كعدوني على كرسي .. وجان نتحرك فهمت ان حاطيني بطيارة .. وره تقريبا فترة ساعتين نزلت الطيارة .. بس ما اعرف وين .. نزلوني و يايه ايضا ناس اسمعهم .. واخذونة للتفتيش .. فتشونه وانطونه ملابس لازم نغير ملابسنه .. نلبس ملابس السجن كل السجن يلبسون مثلها … اخذوا معلوماتنه اسمائنه وشغلنه وكذا .. ودخلونه على الخيم .. وشالوني وشمروني بلمحاجر .. #المحاجر .. غرف طولها وعرضها ما يتجاوز المتر يعني لا اكدر امدد لا اكدر انام اذا انام واكف .. ما الي حق لا احجي ويا احد ولا اساسا اشوف احد .. ما اكدر اروح للحمام غير مره بليوم فقط .. الظهر يطلعوني وارجع .. ارضية المحجر كلها حصو بارز .. واني حافي كلو يطب برجلي .. بقيت بلمحجر شهر واني ما اعرف اساسا ليش جايبيني .. وراها طلعوني وشمروني مع المساجين خيم .. وكاعدين بهل صحراء اغلبهم اسئلهم يابا انتوا ليش جايبيكم يكولون والله ما ندري .. كمات كل كم بي عدد معين من المساجين .. تقبلت الامر الواقع .. وبقيت جاعد انتظر .. طبعا تصير احداث شغب وتصير امور بلسجن اني ما اتدخل ويا احد ولا اخالط احد .. عازل نفسي .. ويوم من الايام .. الظهر .. وجان اسمع واحد يصيح جابوا نسوان معتقلات .. والله العظيم الدنيا احسها اسودت بعيوني .. متت قهر شرفنا هذا يولو .. ما عيب يسوون بي هيج .. طلعت من الخيمه دحجت واذا معريهن بس بلملابس الداخليه .. وصحت بلناس .. يولو ما بيكم غيره .. ما عدكم ناموس .. يولو شرفكم خواتكم هذني .. الي عندو غيره لا يدحج عليهن .. ويدير ظهرو .. الناس استحوا من كلامي وانداروا انطوهم ظهرهم .. اني شفت الحارس الامريكي نزل والله ع ساحتنه .. ما تحملت اعصابي وركضت علي ضربتو على وجها بوكس طيحت سنونو وانطرح بالكاع .. وجان تقوم القيامة .. نزلوا علينه واني اضرب ياهو الي يطب .. ما اريد اذكر عدد خاف تكولون يبالغ بس اذا ما بيهم فد 6.. بس والله جسمي انترس رصعات من الرصاص المطاطي الي ضربوني بي .. بس ما انكسرت .. لان والله ما قبلت الي ديصير ع بنات بلدي .. تالي ضربوني ابرة فقدت الوعي .. صحيت .. لكيت نفسي بكونتينر .. طبعا الدنيا شتاء وبرد يكص العظم .. #الكونتينر هاي الحاويات الحديدية .. الي ينقلون بيها بضائع .. المهم .. صحيت ويايه 4 من الي فزعولي بلهوسة .. هم مشمورين .. طبعا مجردينه من ملابسنه بس الملابس الداخلية .. و كل شوية يجي واحد شايل سطل مال مي وبي ثلج يسبحنه بي ويطلع … الدنيا ضلمه بس دحجت ع جسمي صاير ازرك من الرصاص المطاطي .. والله بقونه اسبوع عقوبة طبعا لا اكل لا شرب .. يادوب صمونه وبطل مي زغير بليوم كلو .. وطلعنه .. رجعنه للخيم .. عرفنه ان النسوان طلعوهن من السجن .. وره شكم يوم .. ومشت الايام والاشهر واني ع هل شمره لا احد يكولي ليش اني مسجون ولا حتى دزوا عليه حققوا ويايه جان بالي يم اهلي شصاير بيهم هسه بهل اوضاع وشسووا ع غيابي لان ميدرون اني هنا وع غفلة اختفيت ومالي اثر .. گلبي اتفطر ع شهلاء جنت مشتاقلها بكد رحمة الله وكل يوم جنت احلم بيها مريضه وحالتها حالة بسبب غيابي جان گلبي يعلمني انو شهلاء متدمره بسبب فراگي بس مابيدي حيله احنه هنا بهل نگرة ومحد عالم بحالنه بس الله سبحانه وتعالى .. مرات احلم بيها تجي وتنام بحظني وتبجي ااااااااخ ياحبيبة گلبي شبيدي عليج جان الليل يصير كابوس بالنسبة الي لان ابقه بس اتكلب بفراشي واتذكر فراكنه الي هدم حيلنه والله دمعات يابو دمعات اذرفت ع فركاها جنت اناشغ الليل كلو اووووف ياذيج الايام ???…

ويوم من الايام ودخل علينه ولد من المساجين .. كال المتطرفين .. د يتفقون يردون يهجمون عليكم اليوم بلليل .. يذبحوكم .. لان عرفوا احنه ضباط بلجيش السابق .. كلتلهم مشاكل ؟!!!.. اي مو كل الهلا .. اني محبوس وما داسوي مشاكل وهمه جابوها لرواحهم .. خلي يجون وسهله الهم .. والله ليلت الدنيا وصييييف حارة مال ام قصر بعد وعليكم الحساب .. درجة الحرارة توصل 70 .. واحنه كل من مدد بفراشو بس و نايم ننتظرهم .. اني طلعت شلعت وتد من اوتاد الخيمه ولفيتو وخليتو جوه راسي .. والله ما نحس واذا 3 طابين علينه للخيمه .. والله وشايلين باديهم سجاجين مسويها من قواطي المعلبات .. ويا ما كمت بدون سوالف صلخت اول واحد براسو وخليت راسو يفوعر دم .. كاموا ربعي اهل الخيمه .. ولزمناهم وكتلناهم كتل الا طلعوهم جنايز .. اجوي الامريكان يتراكضون .. كلت يله محجر اني اصلا متعاقد ويا محاجرهم هههههه .. اخذوني للمحجر لكن من كد عركاتي مو بس عاقبوني بلمحجر لا .. يطلعوني يشروني ع شمس .. يشدون ايديه ثنينهن من وره ويرفعوهن ويشدوهن وين .. بلسياج من فوك يعني لا اكدر اكعد لا اكدر اوكف .. الشمس صلخت جلدي صلخ .. ماكو مي ماكو ظل اريد بس ظل صار الظل بالروح .. والله وخطية مترجم مصري صحتلو كتلو بس اريد مي هل حجي وره 3 ايام .. اجه شافني منتهي اني .. فتح الشناطة وسحلني سحل يم غرفة .. تكرمون تواليتات .. كالي طب للحمام اذا تحتاج وهسه اجيبلك مي .. طبعا ها اني مشدده عيوني وياها رفع عن عيوني العصابة .. طبيت للحمام وغسلت وجهي المي مو يطخ وجهي احسو تيزاب يحركني .. رجلية ورمت .. من الوكفة .. وجابلي مي واستراحيت كالي لازم ارجعك لا يشوفوك .. ورجعني .. خطية كام كل يوم يجي يكعدني ساعة وينطيني مي ويرجعني بقيت ع هل حال 10 ايام .. ورجعوني للخيم .. رجعت جسمي كلو محترك .. ويانه خطية دكتور كعد يدهنلي جسمي لان كال صايرة عندك حروق .. وجهي تكشر وجسمي كله تكشر طلعلي جلد جديد ههههه ..
ومرت سنة واني محد يعرف بأعتقالي ووين اني بقيت بسجن بوكا وماعرف شنو تهمتي اصلا وكثير ناس معتقلين وياي خطية هم ميدرون ليش معتقليهم ..
اني هناك ..
وبيوم طلع معتقل من اهل الموصل وسئلتو تمر بتكريت .. كال اي كول .. كتلو روح للعنوان الفلاني .. كللهم اني دزني شاهين ويسلم عليكم ويكول اني بلمكان الفلاني وحيل زين .. ويسلم ع فلانه بنت خالي زغيرة اسمها حنين .. حتى يتأكدون ان هذا مو كذاب ..وراح الولد وماعرف بعد وصل الامانة لو من فرحتو بخروجو نساني ..
وبقينه احنه مسجونين نتجرع العذاب وفراق اهلنه وحبايبنه جنت متحمل عذاب السجن ولوعاتو ابحره وببرده بس فراق حبيبتي شهلاء هوه الي كسم ظهري نصين جنت احترك بنار ومانطفي ..بيوم جنت داسبح صديقي شاف الوشم مال صدري الي مكتوب اسم شهلاء ع صفحة گلبي عود يريد يشاقه واني طاكة روحي كال ها ياذيب شنو هل وشم ?
صرخت بوجها كتلو اششش انطم وانت شعليك لتدخل بشي ميخصك افتهمت
بس قهرني لان اعتذر وكال والله مو قصدي شي شفتك ضايج حبيت الطف الجو ..
كتلو اني الاعتذر منك والله مالي خلك وصاير اعصاب ع اتفه الاسباب اثور وماتفاهم ..
هذا اسم بنت عمي وحبيبتي وخطيبتي ..بيوم الي انخطبنه وعلنه خطوبتنه للعالم انلزمت واعتقلوني الامريكان ولحد هسه لا اعرف عنهم شي ولايعرفون عني شي ومادري شصاير يمهم ..مادري حبيبتي نستني لو باقية ع الوعد مادري هسه اتزوجت غيري لو تنتظرني ارجعلها ???…
خالد ..والله ياخوي اذا جانت اتحبك حب حقيقي اكيد باقية وتنتظرك ترجع ..بس اذا لا اعذرني تلكيها من اول شهر متزوجة غيرك
شاهين ..لامستحيل شهلاء تحبني وصبرت چثير علمودي ماصدك تعوفني وتزوج غيري ..بس خايف من هذا ابن عمنه جليل لايجبرها ويتزوجها لان احتمال يكولولها شاهين مات ع شنو تنتظري ..
خالد والله شكولك ..الله يكون بعونكم خوية الفرگة صعبة وماتنحمل
شاهين ..اوووووف گلبي معطب ومحترك وبركان يريد يتفجر بداخلي واني هنا محبوس بين اربع حياطين مالي لاحول ولاقوة ..
في مكان اخر ..
جليل ..من سمعت بخبر شاهين بعدو عايش ومشمور بالمعتقل مال الامريكان اتخبلت كل ظني مات وخلصت منو ..بس حتى لو .. سجن بوكا يحلم يطلع منو بعد هه ..اليوم اروح واحجي ويه عمي ابراهيم ولازم اخلي شهلاء تقبل حتى لو بالغصب هاي صارلو سنة ونص ماكو منو خبر واحتمال يبقه طول عمرو هناك ..
رحت العصر ودكيت الباب فتحلي عمي ورحب بيه طبيت شفت شهلاء وامها كاعدين ..
شهلاء ..اول ماطب جليل انخطف گلبي كلت الله يستر بس لا جاي وراح يسوي مصيبة بينه لان شوفتو اتجيب بس المصايب …كمت اكرها بكد دم سنوني
جليل ..سلمت وشهلاء ردت السلام من طارف خشمها مو مهم يجي يوم واكسرلج هل خشم يابنت ابراهيم .. وانشوف ساعتها شراح اتسوين
كتلو عمي اريد احجي وياك بموضوع لوحدنه
ابراهيم ..اي تعال بالصالة نحجي
جليل ..كمت وره عمي وعيني ع شهلاء الي شعوطت گلبي بصدها ..
كعدنه وكتلو عمي اني جاي حتى اعيد طلبي بخطوبة شهلاء لان شاهين ماصدك بعد يطلع من معتقل بوكا
ابراهيم ..جليل ابني انت واعي شدتكول
جليل ..اي عمي واعي جدا وشهلاء اريدها اتصير حلالي ومن نصيبي واني شاريها وشتريد اني حاظر
ابراهيم ..بس يا جليل شاهين ما مات شاهين بعدو عايش وشهلاء خطيبتو ميجوز تخله بي وتاخذ غيرو شبيك
جليل ..اتعصبت من كلام عمي كتلو عمو ترا شاهين بعداد الاموات لاتتخيل بيوم يطلع وانت تعرف كولش زين معتقل بوكا الي يطبو بالمعجزة ياله يطلع ..شنو يعني تخلي بنتك اتعنس لخاطر شاهين ومندري يطلع لو لا ..اني اولى بيها منو ولازم اتزوجها الي لان شاهين راح يخيس بالسجن وميطلع …
بهل لحظة سمعت صوت شهلاء صرخت صرخة رجت اركان البيت رج جانت واكفه اباب الصالة كالت تخسه انت وامثالك لتحجي ع شاهين لان شاهين تاج راسك وراح يطلع ويجي يوم ويوكف كدامك ويكسر راسك مو شاهين الي ينكال علي هيج شاهين زلمة وسبع بالف رجال وتعرفو انت كولش زين ماحجه احجي بطولاتو واذكرك هل كلام ياجليل …وتعال
بس كوولي انت شنو من بشر جاي تركص ع جراحي متستحي ماعندك كرامة مو رفضتك مرة شكو جاي مرة ثانية تطلبني ..مو تدري اني مخطوبة لابن عمك شلون تتجرأ وتخطي هيج خطوة
جليل ..وكفت وصيحت عليها كتلها تاكلين تبن افتهمتي لا اشك حلكج اني ابن عمج وغصبا عليج تقبلين لا والله اسويها دم للرچاب ترا قسما بالله انهي عليج واخليج مثل البيت الوقف ما اخلي احد ياخذج وايسي خانم لاعبالج حبيب الگلب يرجع لا عيوني اصحي شاهين راح يخيس بالسجن ويموت بالسجن ..
شهلاء ..كمت اصارخ واملخ بنفسي وردت اهجم عليه ولزمتني أمي وطلعتني من الصالة كوه سحلتني …
ابراهيم ..جليل كافي احترم نفسك لا اطيح حظك لاعبالك اسكتلك مثل كل وكت لان اني احترم ابوك الي هوه اخوي واسويلو خاطر ..بس انت طلعت مو كفوو للاسف ..وشهلاء اني الي ماخليك تاخذها حتى لو مارجع شاهين ع هذا اسلوبك محد ينطيك مراة بعد امشي اطلع بره وبعد لاتراويني خلقتك ..
جليل …يعني تطردني عمي من بيتك علمود حجيت ع شاهين
ابراهيم ..لا مو لهذا السبب بس انت كمت تتماده وماتحشم احد وحتى احترام لوجودي ماخليت …
شلون تسمح لنفسك تغلط ع شهلاء بحظوري .خلي بس اشوف حازم اله احجيلو ع هاي سوايتك ..
جليل ..اتعصبت ودين مابقه براسي كتلهم شوفوا قسما بذات الله اذا شهلاء اخذت غيري وحق القرآن اترس البيت رصاص واخلي طشاركم ماله والي
ابراهيم ..لزمتو من ياختو وكتلو تخسه انت وعشيرتك ياكلب ولك اني اتهددني من خررب بالوكت والله ادفنك بكاعك لو مو ابن اخوي اتصير لو ابني هم اطيح حظك امشي اطلع بره سحلتو وفتحت الباب وطلعتو بره وبقه يصيح ويهدد فضحنه الله لايبارك بي ..
شهلاء ..مانكر جنت خايفه من الموقف هذا جليل ماعندو لحية مسرحة ومستعد يسوي اي شي بس حتى ياخذ الي يريدو
انسان حقير واناني ويحب بس نفسو
ابراهيم ..ثاني يوم رحت ع بيت اخوي حازم حتى يخلي حد لابنو ولتصرفاتو الرعونية ..كتلو شوف حازم انت اخوي ع عيني وراسي واحترمك لانك اخونه الكبير وشيخ عشيرتنه ..بس مال يجي ابنك ويتعدى ع حرمة بيتي ويهددنه بنص بيتي هذا ماقبلو لو ع كص ركبتي ولازم توضع حد الو لا والله اني اعرف شلون اخلي يكول حقي بركبتي
شيخ حازم ..خير خيي تره مدافهم شصاير شبي جليل قلقتني شمسوي احجي حتى املصلك اذانو
ابراهيم ..حجيتلو السالفه كلها بالتفصيل وكتلو شهلاء بعد مالو شغلة بيها وماريدو يندك بيها زين ..
شيخ حازم ..ولايهمك خيي ميكون خاطرك اله طيب ..وهذا جليل اليوم اني اعرف شغلي ويا لتدير بال ..
طلع ابراهيم راح لبيتهم وصحت جليل تعال عسريع يمي
جليل ..كلت ويه نفسي ابوي معصب اكيد عمي ابراهيم حاجي عليه يمو اوووف والله مالي خلك ?
طبيت للهول كتلو هلا بوية نعم كول شردت مني
شيخ حازم ..شوف جليل راح احذرك وهاي اخر مره احذرك بيها ..اذا سمعت رايح لبيت عمك ابراهيم ومهددهم ومسويلهم هوسه احسب الله ماخلقك ماعبالك ابني وماسويلك شي ..لا وداعتك هذا اصبعي لو اذاني اكطمو واخلص من شرو افتهمت ..اني رجال حقاني كلها تحلف براسي ومعروف بين عشيرتي بالحكمة والعدل ومافرق بين احد حتى لو ابني الي من صلبي خليها ابالك بيت عمك ابراهيم صار خط احمر كدامك لاتتعدى ..
جليل ..وين العدالة بوية يعني بنت عمي عاشكها واريدها بالحلال ومينطوها الي ليش منو افضل مني حتى ياخذها اشو حتى شاهين انسجن ويجوز يموت ومايطلعوا
شيخ حازم ..ولك جوز من البنية متريدك افتهم بابا البنية متولعه بابن عمها شاهين ومتكدر تقبل بغيرو
جليل ..تاكولك شاهين مايطلع وراح يخيس بالسجن لتكول ابن عمها ابن عمها اني وبس اما شاهين خلاص انتهى موضوعو مراح يطلع كل عقلكم الامريكان يطلعون واحد معتقلي ..
شيخ حازم ..حتى لو ماطلع شهلاء متتقبلك بعد ..متريدك افتهم واتقبل الامر الواقع انساها ابني تره راح تتعب وتتعذب بعشكك لان حب بس من طرفك وعيب ع شاربك تتقبل من وحدة متريدك وانت مجلبلها كوه
جليل ..كلام ابوي حسيتو خناجر مسمومه وديغرزهن بگلبي اذاني حييل مكدرت اتحمل الحقيقه الي حجاها لان كلامو فعلا صحيح ..بس هل شي مو بيدي والله مو بيدي كلو بسبب گلبي الي عشگها دمرني وذلني ??
عفتو وطلعت شغلت سيارتي ورحت للمزرعة جنت مخنوك احس الهوه كوه يدخل لريتي مادري شلون احضى بيج يشهلة شلون اااااااخ
في معتقل بوكا
شاهين .. طلبت من الامريكي الحارس الي ع باب المعتقل كتلو اريد مي بارد …طبعا هوه اسود بطول الباب شايل عده تكرمون حمار ما يشيلها ع ظهرو وبهذا الحر ..تعجبت .. طلع بطل مي احنه بتموز بأم قصر .. يعني درجة الحرارة اذا كلش زينه هم ٥٠ درجة .. وجان يطلع بطل مي يسمط .. وطلع من جيبو شريط شلون حبوب البراسيتول .. خلاها للحباية بلبطل .. واذا البطل عركان والمي بس ما جورش … لا يالله .. اول مره اشوف هيج شي ههههههه وانطاني البطل شربتو نعنشت من البرودة ..
ومرت الايام ومر ع اعتقالنه سنتين ومحد يجي علينه ولا انشوف احد كونت صداقات حتى نكضي وكت ايام السجن المره نبقه نتشاقه ونضحك ونحشش من قهرنه
جان اكو ويانه رجال عربي جابوا ويانه .. هذا الرجل اقذر مخلوق ما اكول انسان .. لا اقذر مخلوق شفتو بحياتي .. هذا اول ما جابوا .. وجان يحلف ما يسبح الا يطلع من المعتقل ههههههه .. كتلو يمعود هاي اشهر وسنين شمدريك شوكت تطلع .. مو هشكل كال ابد .. اني كلت مستحيل اسبح ?.. ماكو احد يتحمل اكثر من اسبوع ما يسبح يجوز يموت الانسان .. شو هذا اسبوع شهر شهرين ..ولحيتو وشعرو واكفات وريحتو تموت الدب .. خرب انه .. هوه يجي يتعلل ويانه الناس تهج من الريحة … شلون فشلة .. والله وجان نتفق اني و يايه شكم ولد شباب .. ونترس جلكان مي ونظمو وطشت عدنه .. اول ما اجه ويلزموا الولد واشكك هدومو وهو يعيط هدوني .. كتلو والله اليوم ما نهدك الا نسبحك ههههههه … وصابونه وليفة وجلف وطلعنا يلمع … وجان انطي دشداشة جديدة .. وكعد هوه كال ايبااه جنت مخنوك .. كتلو مو بس انت مخنوك جنت خانكنه النه هم ???????
ومرت الايام والوضع ع ما هوه عليه ..
ستار ..اكول بوية اني اريد اخطب شيماء بنت عمي ابراهيم شتكول
جاسم ..اوووف منكم ولد جاسم يعني شلون الطم احرك روحي ..يعني انتوا ماتحله بيعنكم بس بنات ابراهيم هذني بنات عمكم كومه شبيكم ع بنات ابراهيم ??
ستار ..والله بوية اني هم كلت هيج تدري ??
اشمعنه بنات عمي ابراهيم بالذات نركض وراهن ??
جاسم ..هههههههه بله اني ادري
ستار ..لا بوية بنات عمي ابراهيم بيهن نكهة خاصة هيج اتحسها غريبة نكهة جديدة ??
جاسم ..ايا ملعون عود ديحجي هوه دنطم احسنلك شنو نكهة شعدنه هبيط دناكل لو تشريب لحم ?
ستار ..لا كباب شوي ????
جاسم ..ههههههه الله يجبر بخاطرك ضحكتني وكلبي مخنوك
ستار ..سلامة گلبك بوية ..هسه شكلت
جاسم ..ع شنو ولك
ستار ..ع شيماء بنت عمي اريدها ?
جاسم ..اوووف وليدي ادري انتوا مالكم ذنب بس الفرحة احسها انطفت بهل بيت من يوم غاب عنه شاهين ..وماكدر افكر بأي شي غير رجوع اخوك
ستار ..يعني اسكر ع الموضوع ??
جاسم ..ادعي لاخوك يرجع بخير وسلامة وذاك الساعة خطوبتكم وعرسكم اخليها بيوم واحد ..
وصدك لا اخلي كل اهل تكريت يحجون بعرسكم ..بس كون يرتاح گلبي وتبرد نارو بشوفة اخوك ويرجع بوسطنه ونفرح برجوعو سالم ..
ستار ..اميييين يارب ان شاءالله يجي يوم ويدخل من هل باب وتقر عيونه بشوفتو
….
في مكان اخر ..
شهلاء ..جنت امدده بفراشي وسرحت بايام قبل من جنت بحظن شاهين وراد يبوسني ودفعتو مقبلت خطية شكد فرفح ع هل بوسة وجان كوه ياخذها بالبوكه هههههه ..ضحكت كلت شكد مشتاقه لذيج الايام اتنهدت وحطيت ايدي ع شفايفي اووف حبيبي وينك هسه وشصاير بيك ليش اتأخرت بجيتك انكضه عمرنه بالفراگ ولا تهنينه بحبنه ??
روحي شاغت كمت ابجي بسكته مكابله صورة وحاظنتهن وابجي …جنه نكعد اني وشيماء نتذكر سوالف شاهين ونضحك وبعدين اكعد ابجي لحد ماگلبي يرتاح وخطية شيماء هواي جانت تواسيني هاي خيتي حبيبتي ماعافتني كل وكت اتصبر بيه وتكول لتخافين اني مؤمنه بربي انو راح يفرح گلبج بيوم وتقر عينج بشوفة شاهين وتزوجون وتخلفون هم وهاي كلها تصير سوالف ونكوم نتذكرها ونضحك عليها ..واني شوية يهدأ گلبي لان كل وكت الزم سجادتي واكعد ادعيلو بالليل من الناس كلها تنام لان رب العالمين بهل وكت يحب العبد يختلي بي واني جنت اختلي بربي بهل وكت واحجي ويا وادعي بحركة وقهر ودموعي ع خدي مابطلت دعاء ابد وايقنت بربي راح يجبر بخاطري بيوم لان حشا مايقصر الله اذا التجأ العبد الو
ومرت الايام واني باقية بقهر وعذاب والانتظار دمرني عيني ع الباب جنت اتخايل جيتو ويطب واحظنو واشمو والله شتاقيت لحظنك ولشقاك ومداهرتك الي ? …بس بدون فايدة الانتظار طول وفاتت 3 سنوات وشاهين لاحس ولاخبر وجليل بين فترة وفترة يريد يتقربلي عود غير اسلوبة التهجمي وكام يجر ناعم عبالو ارضخلو ميدري الي بداخلي للشاهين اكبر من شي اسمو حب اني وصلت مرحلة اشم الهوه من خلالو اتنفسو ..وهسه من غاب احس بروحي مخنوكه …وجانوا يتقدمولي شباب چثير من اقاربنه ومن ولد اصدقاء بابا بس جنت دائما ارفض لان ابد مارف گلبي لاي واحد منهم لان جان شاهين متربع بنص گلبي وجنت مؤمنه بربي انو بيوم من الايام يكحل عيني بشوفتو ابد ما ايست ولا مليت الانتظار ..جنت دومي من افرش سجادتي واصلي اول دعاء الو يكون بكل فريضه ادعيلو بالفرج …
انكضت 3 سنوات ونص وكامت اتصير مشاكل وجليل نفذ صبرو عليه ورجع يهدد ويتوعد ويريد ياخذني بالغصب ..كتلو شوف تاكولك اخاف يتحقق حلمك وتاخذني بالغصب بس وداعتو لشاهين مراح تلمس شعرة مني لان بذاك اليوم الي تاخذني بي راح تاخذ جثة بس ..لان بيومها راح انتحر واموت نفسي وماخليك تتهنه بيه جان يتعارك وابوية يطردو وعمي لزمو وضربو بس ماكو فايدة الكل تعب ….لحد مابيوم من الايام وبعد مرور 4 سنوات وبسنة 2007 اندك الباب بصورة سريعه انهبط گلبي ..ركض بابا يفتح وجانوا بيت عمو جاسم كلهم جايين اني بقيت مهبوطة وجامدة وره بابا واكفه سلموا علينه كلنه
جاسم ..يابه اكو واحد يريد يطب يسلم عليكم تسمحولو يدخل لو اتطردوا ??
ابراهيم ..باستغراب? منو خلي يطب هلا بي
وللحكاية بقية ..
خاطرة بقلم شاهين المجيد??
متى ..يسمح لي القدر بان اركض سريعا واحتضنك ..
متى ..استطيع البقاء معك دون التزام بوقت
متى ..اعيش بقربك يومي بأكمله
متى ..تكونين ملكا لي وحدي
لا ..احد يتطفل علينا
لا ..احد يسرق يومنا
متى ..تتحقق احلامنا متى ? !!
يتبع ..
اريد تفاعل قوي حبايب حتى ب12 انزللكم البارت الاضافي
#سارة_المجيد?