العنودية والنقيب الشرس – سارة المجيد
![](https://zoomroda.com/wp-content/uploads/2019/11/العنودية-والنقيب-الشرس-سارة-المجيد-scaled.jpg)
#العنودية_والنق
#المحطة_الثانية
#بقلمي_سارة_الم
مساء العود وأطيابه.. لأهل الخير وأحبابه..
?????????????
جندي قيس ..سيدي اختاروك ويه كم ضابط بتفتيش هداية جايه سيادة الرئيس القائد صدام حسين ..
شاهين ..اهااا ماشي عجل لازم نتحظر ..
اجتي هدية مجموعة من الساعات الزينة .. من رئيس احدى الدول .. الى الرئيس صدام حسين .. ف بعثوهن النه نفحصهن قبل لا يستخدمهن الرئيس .. ف كلفوني ان افحصهن خاف بيهن اجهزة تنصت او شي يعني اخذهن ع الاجهزة المعنية بلفحص .. وفحصناهن وكذا ورجعناهن الهم طلبوا ان اجيبهن اني .. رحت اخذتهن وكالوا انتظر انتظرت شوية ودخلت ع الرئيس طبعا اغلبكم تعرفوا هوه هيبه هيج ويخوف .. من دخلت علي الرجل استقبلني وسلمت علي وكتلو سيدي هاي الساعات نظيفة ما بيها شي تأكدنه منها هوه ضحك .. وكعد يلبس بلساعات اني استئذنت اريد اطلع كالي لا ابني شاهين ابقى .. بقيت .. ف باوع كال هاي ساعة مينتها حمره هاي مال شباب هذا دازها ليه اني شسوي بيها .. ف ضحك كالي وليدي شاهين تريدها .. اني كتلو لا سيدي ممنون .. والله وكف وكالي شو تعال انطيني ايدك ..لبسها الي وكال اخذها يابا هاي تلوك لعمرك .. وذيج العلبة مالتها ع مكتب اخذها ..الله ساعة بكذا مبلغ ..طلعت طاير من الفرحة هههههههه ..رجعت للمقر وكولساع ادحج ع ساعتي ومكيف بيها ..كعدت ع المكتب جان يرن جهاز التلفون مال المكتب اتصلت عليه وحده من كرايبنه من بعيد .. ابنها تريدلو اجازة يريد يتزوج .. ف مسؤول الوحده مالتو صديقي خابرتو والولد ما قصر كال تعال عليه اشرب استكان جاي مشتاقلك .. كتلو ماشي .. ركبت ورحت علي .. اني نزلت من سيارتي.. و طبيت علي وكعدت يمو دنسولف دكوا الباب جابولو البريد شو هذا ادحج وجو اصفر مادري اخضر كام يكلب الوان .. كتلو ها خير بس ما اكدر الح بلسؤال لان هاي وحدتو .. وميصير اتدخل .. كالي تفضل اقرا .. واذا شنو .. جنود مساجين عدهم بلوحده .. لازميهم بقضية اعتداء جنسي ..3 همه .. كتلو اي وشراح تسوي كال ها والله مادري اني اعرفو صديقي مو قاسي .. اني عقلي طار ..كتلو اطلب تحقيق واطلبني الي بلاسم ومعليك .. جيت اني وحققت وياهم ما اريد اذكر التحقيق والحجي المقزز .. والله خليت الجنود يكتلون بيهم اسبوع الا صلخوا جلودهم وسويت الهم كتاب طرد .. وطردتهم من الجيش وها .. يثبتون القضية عليهم بكل مراكز الشرطة والجيش .. اشكال جنه انشوف مصايب بس الكل يعرفوني ما ارحم احد وعنيف ويه الكل ..شغلتنه اذا مو قساوة تنركب ..
شهلاء ..خلصت الفاتحه واني گلبي فرفح ع شاهين ادري راح تكولون لعد شبيج من يجي يمج تتهربين منو راح اكوللكم اني ماحب اكون سهلة المراد وماحب اكون كل مايعجبو اكون كدام ايدو اني احب اكون يتمناني وميلكاني احب يتحسر عليه ويفوز بيه بالحلال ..لان الحلال اله نكها وطعم خاص ..
ومرت ع وفات بيبي 4 اشهر وبيوم من الايام بينما شاهين بوحدتو ملتحق وبابا ببغداد بوزارة الخارجية دك تلفون بيتنه ماما شالتو
زهور ..الووو
شيخ حازم ..الوو السلام عليكم خوية شلونج
زهور ..هلا ابو جليل الحمدلله انتوا شلونكم ام جلبل شلونها
شيخ حازم ..والله الحمدلله نسئل عنكم
زهور ..تسئل عليكم العافية
الشيخ حازم ..اكول ام شهلاء خوية
زهور ..اي خوية اتفضل آمرني
شيخ حازم ..مايآمر عليج عدو ..اخوية ابراهيم شوكت يجي من دوامو.
زهور ..الخميس العصر ان شاءالله
شيخ حازم ..اهااا ان شاءالله عجل احنه الجمعه العصر يمكم عندي شغلة ويه ابو شهلاء
زهور ..اي عيني تفضلوا هلا بيكم ..سد التلفون ابو جليل واني گلبي نغزني كلت الشغلة بيها انه
شهلاء ..ها ماما شبيج شو تحجين ويه نفسج هههههههه
زهور ..والله يابنتي عمج حازم اتصل ويريدون يجون الجمعه
شهلاء ..اي عادي وين المشكلة دومهم يجونه همه ..
زهور ..لا هل مرة احسها غير ..
شهلاء ..لتخوفيني ماما شتقصدين ?
زهور ..تعرفين شقصد ..دقيقه خلي ادك ع بابا واكولو ..شلت سماعة التلفون ودكيت ع مكتب ابراهيم بالوزارة وطلعلي موضف كتلو حولي المكالمة لستاد ابراهيم …
الموضف ..حاظر انتظري ثواني حيكون وياج ع الخط
زهور .. وره ثانيتين جان يحجي ابراهيم وكال الووو
كتلو اكولك ابراهيم اخوك شيخ حازم يريدون يجون الجمعه احس الشغلة بيها انه
ابراهيم ..شنو ليش بيها انه بيت اخوية دائما يجون يمنه
زهور ..صحيح يجون بس مو يسئلون عنك ويجون بسابق موعد ..جيتهم دائما هيج عاديه من يروحون لبيت اخوك عمر يمرولنه بس هل مرة الجية خصوصيه النه
ابراهيم ..امممممممم تقصدين خطابة
زهور ..بالضبط
ابراهيم ..مو خوش شغلة هاي ..اني البارحة شاهين دك عليه من الوحدة مالتو واترخص وكال يريد يعلن خطوبتو ع شهلاء واني كتلو اصبر خلي يفوت ع وفاة جدتكم فد 8 اشهر ..عيب من العالم شتكول علينه دافنين راس بصل ..
زهور ..هسه خلي انشوف شيريد الشيخ مندري بعد ليش نسبق الاحداث
ابراهيم ..الله كريم حبيبي من اجي يصير خير يله عندي اجتماع ويه الموضفين لازم اروح
زهور ..ماشي يعمري الله وياك
شهلاء ..جنت خايفه من هل جية مال عمي حازم بس لا يريدون يخطبوني لجليل ..والله لاتصير دم للرجاب ..
#خلونه_نرجع_بال
بيت الشيخ حازم ..
جليل ..بوية اني اريد اخطب شهلاء بنت عمي ابراهيم
شيخ حازم ..اي وليدي مابيها شي بس مو بعد وكت خلي تمر ع الوفاة مال ام جاسم بعد كم شهر لاخ
جليل ..لا بوية ماصبر بعد خايف البنية تروح من ايدي والله انجن
ام جليل ..اي والله ابو جليل خطية ابنه من قبل وفاة ام جاسم فاتحني بالموضوع بس جانت المراة مريضه كتلو اصبر خلي اتصير زينه بس ربك اخذ امانتو والمراة اتوفت ..ومكدرت افاتحك بالموضوع وهسه مر ع وفاتها 4 اشهر يعني مابيها شي بس نقراء الفاتحه وياهم حتى نحجزها لابنه لاتروح لغيرو
شيخ حازم ..وهوه يحط ايدو ع لحيتو ويرفع تك حاجبو ويكول ماشي دجيب التلفون خلي ادك عليهم حتى اخذ منهم موعد حتى يصير عدهم علم بجيتنه ..
…
شهلاء ..جنت خايفه لاتصير مشاكل ولايعرف شاهين بهل خبر يالله استر من الجاي ..
واجه بابا الخميس العصر وبقينه نحجي ونسولف وكال شاهين من ينزل يريد يتمم الخطبه وانوب بس لاجليل صدك ناوي يخطبج هاي غير مشكلة ..
وثاني يوم الجمعه العصر اتحظرنه بجية بيت عمي الشيخ حازم وساعة ب5 العصر اندكت الباب راح بابا يفتح وجانوا همه بالفعل دخلهم للصالة كعدوا ونطيناهم واجب الضيافة ..
بقوا يسولفون وجليل ماوخر عينو من عليه وجان يشاور ابو وبعدين عمو كال يابه ابراهيم خيي الوالدة الله يرحمها مر ع وفاتها 4 اشهر وكلنه هسه نخطب شهلاء لجليل وبس نسويها قراية فاتحه وان شاءالله من تطلع السنوية نسوي الخطوبة رسمية ..
اني هنا اتخبلت شهكت ولزمت انفاسي لا انفضح لان اله شوية واصرخ ..
ابراهيم ..والله ياخوية مادري شكولك انت فاجئتني بالموضوع بس شهلاء مخطوبة
جليل ..من هيج كال عمي اتخبلت وكفت ع حيلي وكتلو شنووو مخطوبه ..منو شوكت هل حجي شو محد من عدنه يدري
ابراهيم ..اهدا جليل ..ونصي صوتك ..شهلاء مخطوبة لشاهين من زمان
جليل ..بدون وعي صرخت بوجه عمي وكتلو ..لااااا مستحيل هل حجي عمي ..كول ماريد انطيها الك وفضت وراحت ولاتتحجج بهل سالفه لان لو مخطوبه جان احنه درينه لو قابل خطوبة بالسر يعني
شيخ حازم ..جليل انجب لاتعلي صوتك ع عمك نذل كمت داضربو وجان يصير ابراهيم كدامي لزم ايدي ..
شهلاء ..كمت ارجف من الخوف الوضع اتأزم كمت وعفتهم وطلعت من الصالة ورحت لغرفتي وقفلت الباب ..
ابراهيم ..انعل الشيطان حازم لاتفقد اعصابك عوفو للولد ..عاذرو لجليل لتهتم مصار شي ..خلوني افهمكم السالفه
جليل ..ياسالفه عمي لتخبلني شهلاء اني اريدها واني الي راح اخذها لان اني ابن عمها
ابراهيم ..جليل اكعد خليني احجي
شيخ حازم ..جليل تكعد لو اطردك بره
جليل ..هففففففففف امري لله كعدنه اتفضل احجي عمي.
ابراهيم ..شوفوا شاهين من قبل لاتتمرض امي خطبها لشهلاء وبيوم تخرجه بالضبط ردنه نعلن خطوبتهم حتى خووش مناسبة حلووة بس سبحان الله ربنه مراد اتم الخطبة واتخربطت امي ووكعت علينه وخرب كوولشي وبعد وراها التهينه بمرضها ونسينه شغلة الخطوبة وراها اتوفت الله يرحمها ..وقبل اسبوع شاهين اتصل بيه من جنت بالوزارة وكال اريد اتمم الخطبه وكتلو ان شاءالله يصير خير ..وهسه من اجيت انتوا فاجئتوني بهل موضوع لان صار سوء فهم ..
جليل ..وكفت ع حيلي وحسيت روحي انسلبت مني وجسمي كلو اشتعل نار مكدرت احجي شي لان ماعندي شي اكولو اذا شاهين متقدم قبلي معناتها راحت شهلاء من ايدي حسيت دمعة خاينه واكفه ع طارف عيني قبل لتوكع وتفضحني طلعت وعفتهم ورحت للمزرعة وطلعت جكايري وبقيت ادخن واحرك بروحي ..حطيت ايدي ع راسي وكامن ينزلن دموعي مستحيل اخسر شهلاء مستحيل تروح لغيري ..
في مكان اخر ..
شاهين ..صار عندي كم فلس بعت الارض العندي واشتريت بيت ببغداد واثثتو حتى اسكن بي اني وشهلة من نزوج لان دوامي ابغداد لازم اسكن هناك قريب عن دوامي ..اتصلت بحبيبتي طلعتلي شيماء سئلتها وين شهلاء كالت شويه مريضه
شاهين ..شنووو ليش خير شبيها احجي
شيماء ..دقيقه هسه هيه تحجي وياك
شهلاء ..الووو
شاهين ..هلا حبيبي خيرج شبيج يگلبي
شهلاء ..مالي خلك والله شوية مريضه
شاهين ..اي من شنو يعني مستبرده لو شنو
شهلاء ..والله ياحبيبي مادري شكولك بس اشوية انهبطت من شغلة صارت واخترعت
شاهين ..شهله احجي عاد لتلعبين باعصابي شكو شصاير
شهلاء ..ماشي راح احجي بس اترجاك لتعصب
شاهين ..اووويلي الله هيه غير تحجي
شهلاء ..امممم شسمه جليل ابن عمي حازم اجه ويه اهلو وخطبوني ??
شاهين ..?? ..شنووووو بربج صدك تحجين ..اخاف دتتشاقين ولج
شهلاء ..لا والله مداشاقه اجوي وصارت هوسه وعياط جليل رج البيت رج واني كمت ارجف خفت لاتصير مشكلة انهبطت بسببه ..واتمرضت
شاهين …هذا من كل عقلو مو اروح اسوي بي سواية الله كم مرة حذرتو وكتلو شهلاء خط احمر اووويلي يالكعبة هذا ديلعب بكيفو واني بعيد ماكدر اسوي شي خلي بس انزل اذا ماحطيت فاتحتة اباب بيت اهلو ماتسمه شاهين ..
شهلاء ..لاااا فدووة الله يخليك تره اموت والقران مالي خلك مشاكل ولغاوي ومكاتل بينكم كفي الشر …بابا وكفو عند حدو وطلع من بيتنه وبعد مارجع ..
شاهين ..ولج شلون يتقدملج شلون يفكر بيج راح اتخبل
شهلاء ..حبيبي تره محد يدري احنه مخطوبين اله البارحة بالكعدة مالتهم من اجوي
شاهين ..المهم اني كتلو لعمي من انزل نعلن الخطبة ونقراء الفاتحه ومن تطلع السنة مال بيبي ان شاءالله نعقد المهر
شهلاء ..ان شاءالله حبيبي ?
شاهين ..امممم لازم مكيفه شهلاء خانم ?
شهلاء ..هههههه ليش ماكيف وراح اصير زوجة حظرة الضابط شاهين ??
شاهين ..ههههههه فدووة لعمرج اروح ولج اشكد احبج خرررب عشيرتج ..صدك اشتريت بيت حبيبي
شهلاء ..اهاا صدك حبيبي وين
شاهين ..ابغداد واثثتو اثاث ايجنن راح يعجبج كوولش
شهلاء ..شو بغداد ليش مو يم اهلنا بتكريت?
شاهين ..حبيبي مو اني شغلي ابغداد ويحتم عليه ابقه اسبوع او 10 ايام ماكدر ماشوفج غير اتخبل ..ف كلت اشتري بيت هنا قريب ع الوحدة مالتي حتى يومية ابوك نفسي واكمزلج للبيت ونلعب لعب اني وياج ??
شهلاء ..خرررب يومك امحسب احساب حتى هاي ??
شاهين ..لعد شلووون اكو احلا من هاي ??
شهلاء ..خررررب ??
شاهين ..ههههههه احتمال اسبوع الجاي انزل حظري نفسج ماتحمل بعد تره واصل حدي ..لو اتموتين هم اختلي بيج ماعرف بعد ..يله اختفي حروح عندي شغل اجوي ضباط يمي ??
شهلاء ..هههههه ديله الله وياك حبيبي ..سديتو شكد مشتاقتلك ياعمري لو بيدي لا انام بحظنك للصبح ..بس اعذرني ماخليك اتضوك شي مني اله اشلع گلبك ????
شاهين ..الوضع مايطمن بعد الجو متكهرب والامريكان يريدون يضربون بغداد الله ينتقم منهم …
وهاي اني صارت آمر فصيل .. وجانه امر ان راح يصير قصف امريكي على البلد .. ف لازم نطلع من الابنية لان جانت تنقصف .. ف حفرنه خنادق على اطراف المعسكر .. امر فوج وزع الاماكن مال الجنود والضباط وكل من يحفر خندقة .. المهم اني ويايه زميل الي ضابط حفرنه مكاناتنه والجنود وكعدنه بيها .. و ساعة تقريبا 2 بلليل .. اني نايم داخل الخندق ما احس واذا زميلي الضابط يهز بيه اكعد ما اكعد .. والله اني نص نايم كتلو ها خير ..كال طيارات داشوف طيارات تفتر .. دحجت هيج ع سما .. كتلو لا تخاف هذني طيارات عراقية ههههههه … كال شلون شفتها والدنيا ليل وظلمه .. كتلو دحج ع علم عرقي .. جذب اني اصلا الطيارة ما اشوفها ولا اسمع شي .. بس عبالي هذا ديهلوس .. وردت اخلص منو وارجع انام ههههه .. والله وراها وجان يشتغل القصف .. طلعت ع جنودي حجيت وياهم وكتلهم الزموا مواضعكم لحد يطلع من مكانو .. ورجعت لموضعي .. والله وجان ما اسمع الا صوت قوي يشلع القلب من مكانو .. وجان يجي ورا صوت انفجار .. الصوت قريب جدا لدرجة ان ما عاد اكدر الزم نفسي ع كاع .. صار الانفجار .. وراها اسمع صوت النار و بالضبط شلون بلافلام من نسمع النار تتحرك .. وراها بثواني .. صار طشار الحجار والصخر بكل مكان .. هدأت وره دقائق .. الي انقصف المشجب .. وتذكرت عندي جنود حافرين قريب من يم المشجب .. شلت المعول مالتي .. المعول هوه الكرك .. ركضت باتجاهم .. لزمني الضابط الي ويايه من رجلي كالي وين كتلو لازم الحك ع جنود واشوفهم .. كالي راح يجي صاروخ اللخ انتظر .. كتلو الجنود والله ركضت باتجاهم .. واذا صاروخ الثاني .. صوت انفجارة شالني وشمرني10 امتار ليورة .. وانعاد سيناريو النار والحجار .. بس اني بالي يم الجنود .. رجعت وكفت وركضت الهم بهاي الاثناء اشتعل العتاد الي بلمشجب .. والدوي والطلقات الي طك من كل مكان .. واني احفر بلانقاض اريد اطلعهم .. لكيتهم طالعين خطية قبل القصف ورايحين يم غير جنود يتعللون .. واني بس اكلت الحروق الي بوجهي ههههههههه
بس من رجعت شفت جندي واكع وديستنجد وماكو يمو احد ركضت علي شلتو ع ضهري وطلعت ورحت للمستوصف مال المعسكر والحمدلله نقذوا حياتو واتشكروني بوكتها وصل الخبر للرئيس واجتمع بينه وانطانه مكرمة وانواط شجاعة يعني صعدت رتبة ومناك عندي قدم سنة كاملة صرت ملازم اول ..ردت ارجع وابشر حبيبة گلبي حتى اتحظر النجمة الذهب مال الرتبة الثانية ???
والله لا اسويلها عرس تحلم بي كل بنات تكريت …
واخليها تفتخر بيه مثل مجانت تحلم يعني الحمدلله كدرت احققلها حلمها ..
ورجعت لتكريت واتفقنه ع يوم لقراءة الفاتحه والحمدلله تمت ع خير وصارت حبيبتي خطيبتي كدام العالم كلها بس ماسوينه هوسه ولاحفله احتراما لوفاة جدتي من تطلع السنة انسوي حفلة ولا بالاحلام … جنه فرحانين بخطوبتنه ودحجت ع غزالتي شلون عيونها تلمع من الفرحة اوووووف يابنت گلبي صبرت ونلت الاريدة الحمدلله والشكر من صرتي الي وهسه محد يكدر يفتح حلكو بكلمة هاي حبيبة شاهين ومريتو الي رباها وكبرت ع ايدو …جنت اشوفها تكبر كدام عيني يوم عن يوم لحد ماصارت شابة ينحلف بجمالها وحسنها ….والكل تحسدني لان حضيت بيها …فدووة لعمرج يانبض گلبي ….
وصار لازم ارجع لوحدتي لان البلد داخل انذار ..
ودعت الاهل وودعت حبيبة گلبي وماسولفلكم شكد بجت عبالك راح اموت وهاي اخر لقاء بينه … عبالك گلبها يعلمها مراح اتشوف شاهين وهاي راح اتكون اللحظات الاخيرة بينه ….???
ورجعت التحقت لبغداد لان الوضع اتأزم جدا واصار عدنه انذار والجيش كلو وكف استعداد من قدوم خطر ع البلاد ..وفعلا
وصار احتلال العراق سنة 2003 واتدمر البلد وانمردت العالم .. اني كنت ابيتي ابغداد وصار النهب والسلب من كل حد وصوب .. وبقيت ابيتي كاعد حتى ادافع عنو من الفرهود ..وصدفة واني طالع اتسوك .. انضربت احد طائرات الامريكان وين وكعت .. وكعت على بيتي وهدمتو .. تألمت على تعب عمري .. بس كلت الحمدلله والشكر المال يروح ويجي بس البشر ما يتعوض .. ما بقالي مكان غير ارجع لبيت اهلي لتكريت .. ف كلت باجر ارجع ..وبنفس الليلة واني نايم .. واذا الامريكان على راسي .. المترجم انت فلان .. كتلو اي .. رأسا .. داروا ايدي وره ظهري .. وسحبوا الشناطات عليها .. ولبسوني براسي جيس اسود حتى لا اشوف وسحل طلعوني بره .. وشيل شالوني وشمروني بلزيل .. الدنيا باردة ثلج وما اشوف شي بس احس نفس الكلاب تكرمون على وجهي اني اتحرك الكلب ينبح عليه .. والله اني نزلوني ومادري اني وين بس اخذوني بمكان كلو داير ما دايري حديد .. وكعدوني بكرسي وانتظر .. يابا شتردون مني .. محد يجاوب .. والله وجان نتحرك .. واذا طيارة حسيت طارت .. كلت هاي وين ماخذيني .. المهم ما طول عليكم السالفة نزلت بأم قصر .. معتقل بوكا .. وتعرفون هل معتقل الي يطب بي بعد محد يطلع اله بمعجزة ..
وبعد مرور اسبوع من الحادثة
شاهين اختفه وره هل حادثه وماعاد الو اثر ومحد يعرف عنو شي مثل فص ملح وذاب …الله يكون بعون شهلاء شراح يصير بيها
وللحكاية بقية ..
شباب العراق اندمروا واتاذوا بسبب الاحداث الي صارت والاف دخلوا لمعتقل بوكا واختفوا ولحد هسه مابينوا وراحوا واعتبروا من الاموات ..ياترى شاهين هم راح يكون مصيرو مثل باقي هل الشباب لو يحالفو الحظ ويطلع …محد يدري تابعوا الاحداث لنهاية القصة ..
هذا كان احساس شهلاء بفراق حبيبها شاهين الله يكون بعونها ???
((ﺃﺻﺒﺤﺖ متعبة منهكة ﺍﻹﺣﺴﺎﺱ ﻭﺍﻟﺒﺪﻥ
ﻟﻢ ﺗﻌﺪ ﺣﻴﺎﺗﻲ ﻟﻬﺎ ﻃﻌﻢ
ﻟﻢ ﺗﻌﺪ ﻛﺘﺎﺑﺎﺗﻲ ﻟﻬﺎ ﻣﻌﻨﻰ ﺍﻵﻥ
ﻟﻘﺪ ﻓﻘﺪﺕ ﺍﻟﺤﻠﻢ ﺍﻟﺬﻱ ﺗﻤﻨﻴﺘﻪُ ﻋﻠﻰ ﺍﻟﺪﻭﺍﻡ
ﻟﻘﺪ ﻓﻘﺪﺕ ﺍﻟذي ﻣﻦ ﺃﺟله ﺃﻋﻴﺶ ﻋﻠﻰ ﻫﺬﺍ ﺍﻟﻜﻮﻛﺐ
ﻟﻘﺪ ﺧﺮﺟﺖ ﺍﻟﺮﻭﺡ ﺍﻟﺘﻲ ﺗﺴﻜﻨﻨﻲ
ﻟﻘﺪ ﺟﺮﺣﺖ ﻭﻟﻢ ﺃﻧﺰﻑ ﺩﻣﺎً
ﺑﻞ ﺗﻤﺰﻕ ﺟﺴﺪﻱ ﻭﻟﻢ ﺃﺷﻌﺮ ﺑﺎﻷﻟﻢ
ﻟﻘﺪ ﻓﻘﺪﺕ ﺑﺼﺮﻱ ﻭﻟﻢ ﺃﻋﺪ ﺃﻓﺮﻕ ﺑﻴﻦ ﺍﻟﻠﻴﻞ ﻭ ﺍﻟﻨﻬﺎﺭ
ﻛﻢ ﺍﻟﺴﺎﻋﺔُ ﺍﻵﻥ . . .؟
ﻟﻢ ﺃﺫﻕ ﻃﻌﻢ ﺍﻟﻨﻮﻡ ﻣﻨﺬ ﻟﻴﺎﻝٍ ﻃِﻮﺍﻝ
ﻟﻢ ﺃﺑﺘﺴﻢ ﻣﻨﺬ ﺃﻳﺎﻡ
ﺃﺻﺒﺤﺖ ﻣﺮيضتاً ﺳﺎﺭحتاً ﻓﻲ ﺣﻠﻢ ﻗﺪ ﺃﺻﺒﺢ ﺳﺮﺍﺏ
ﺃﻗﺴﻢ ﺑﺄﻧﻲ ﺃﺑﻜﻲ ﻟﻴﻞ ﻧﻬﺎﺭ, ﺻﺒﺎﺣﺎً ﻭﻣﺴﺎﺀ
ﺃﺻﺒﺤﺖ طفلتاً يتيمتاً ﻓﻘﺪت ﻋﺎﺋﻠﺘها
ﻟﻢ ﺃﻋﺪ ﺃﺷﻌﺮ ﺑﺪﻗﺎﺕ ﻗﻠﺒي…ً
ﻟﻘﺪ ﻣﻠﻠﺖ ﺍﻟﺒﺤﺮ ﻭﺍﻟﻘﻤﺮ ﻭﻟﻢ ﻳﺒﻘﻰ ﻟﻲ ﺳﻮﺍﻙ يالله
ﺭﺣﻤﺎﻙ ﻳﺎ ﺭﺑﻲ ﻟﻢ ﺃﻋﺪ ﺃﺳﺘﻄﻴﻊ ﺍﻟﻜﺘﺎﺑﺔ ﺃﻛﺜﺮ
ﺃﻓﺮﺝ ﻋﻨﻲ ﻛﺮﺑﺘﻲ ﻭﺃﺭﺣﻤﻨﻲ ﺑﻮﺍﺳﻊ ﺭﺣﻤﺘﻚ
ﻭﺃﺧﺮﺟﻨﻲ ﻣﻦ ﻫﺬﻩ ﺍﻟﻮﺍﻗﻌﺔ ﺍﻷﻟﻴﻤﺔ
ﺃﺭﻳﺪ ﺃﻥ ﺃﺭﺟﻊ ﺳﻌﻴﺪتا ﻛﻤﺎ ﻛﻨﺖ ﺑﺎﻟﺴﺎﺑﻖ
ﺃﺭﻳﺪ ﺃﻥ ﺃﺭﺟﻊ , ﺃﺭﻳﺪ ﺃﻥ ﺃﺭﺟﻊ اريد ان ارجع لايام حبيبي ??????? ))
يتبع …
#سارة_المجيد?