رواية ظلموني
ظلموني40
رفيق باهي عاقبيني أي عقاااب وأنا راضي
أنا خليني ف حالي
رفيق حضني بقووووة نني خلاص حبي
أنا كان عاجبني الجو لكن بنعدبه
فى الصبح مشيت للجامعة ودرت إمتحاني وقررت إنى مش حانروح لين يجيني رفيق قعدت للساعة 1 وانا نتصل بيه مقفل لأنه عنده عمل وعمتى خولة حتى هيا عمل رنيت ع بابا وماردش عليا ونشوف هداك الحيوان خاش للجامعة وانا مقابلة الباب
سند شافلي وأبتسم
انا نرعش وخايفة وعاودت تصلت ببابا بس مارد
طلعت جري من الجامعة هوا طلع يجري ورايا
بابا بيسان متصلة اكيدا بتروح ورن عليا ماقدرت نرد عليه لان التلفون ف الشنطة
سند وين بتهربي ياحلوة
أنا انت شن تبي فيا خليني ف حالي وقطعت الطريق نجري وسمعت صوت خبطة قوية تلفتت خلفي وكان سند غارق بالدم والسيارة الى خشت فيه كان سيارة بابا
الناس نزلت وقعدو يتفرجو ويتصلو بالأسعاف
أنا قعدت نبكي بابا بابا
ف المستشفى
بابا ماصارله شي
وسند جاه نزيف ومات
جت الشرطة ورفعو بابا
وجت ام سند وبوه يتحسبو ع بابا
رفيق جاء يجري وحضني
أنا نبكي وخلاص
روحنا للحوش وكنت فى حالة صدمة
رفيق قعد يجري لين قدر يطلع بابا
فى الليل وانا راقدة جانى سند ف الحلم وهوا معبي دم ويقولي جاي بنرفعك أنا قعدت نعيط
رفيق جاء يجري خيرك حبي شن فيه
انا جاني جاني بيقتلني
رفيق مسكلي يدي هدا كابوس متخافيش عيوني وقعد يقرالي ف القراءن لين رقدت
فات شهر وانا حالتي حالة كوابيس ودموع وخوف بس الحلو ف الموضوع إن رفيق ماسيبني
خولة لازم تسفرها باش تغير جو
مرام فكرة باش تطلع من الى هيا فيه
رفيق نأخد إجازة ونسفرها
أنا راقدة حلمت بميساء تحضن فيا وقاتلي معاش تخافي وخيتي وشدتني من ٱيدي ورفعتني لمكان معبي ورد وأخضر هدي حياتك من اليوم أنسى الماضي أنسى الماضي نضت وانا مرتاحة دوشت وصليت وحسيت براحة أكثر
رفيق أهلين حبي فيه شي
أنا تعالا توا ضروري
رفيق جانى جري وفتح الباب
انا ووووااااااع
رفيق تفو ياقردة وحضني ستاحشت لبرادتك
أنا ع الأقل عرفت قيمتي
رفيق معاش تخليني حبي الحوش أخيه من غير دوشتك
أنا هيا نبي ننزل لوطة مستاحشة الناس والهدرزة والضحك
رفيق وانا مش مستاحشتيني
أنا الحيوانات مانستاحش فيهم
رفيق باسني من فمي بوسة طويلة ماتخليش الحيوان ينقز عليك ويأكلك
أنا خزي صايع الناس تكبر وتعقل وناس تكبر وتنجن
رفيق من يوم ماعرفتك وأنا مجنون
أنا باهي هيا لأنك قاعد تغري فيا واضح
رفيق هههههه عينك يتبع