رواية ظلموني

ظلموني 18
انا كنت مسندة ع العكازات
مرام السلام عليكم يابوي كيف حالك
بو مرام بخير يابنتي
أنا كيف حالك ياعمي
مرام هدى صاحبتي
بو مرام تفضلي يابنتي الحوش حوشك وخشينا
خولة وتوفيق مشو للحوش
بابا تفضلو ونادا ماما
خولة وماما ف الصالة وبابا ورفيق ف المربوعة
رفيق جايك ف موضوع وياريت تسمعنى للأخر ومتقاطعنى
بابا تفضل وبدا رفيق يحكيله ف القصة وكدلك خولة تحكي لماما
ماما دمعتها طاحت ماعرفت تصدق ولاتكدب الموضوع
بابا أول الشي الموضوع عائلي وأنت ماعندك بيه أي علاقة وانا ماعنديش بنات وتفضل أطلع من غير مطرود
رفيق غير نتفاهمو بس وبدا بابا يعلي ف صوته قتلك أطلع وماتتدخل ف أم الموضوع
ماما أرفعي ولدك وأطلعي لأن راجلي عصبي هلبة
طلعو رفيق وخولة وقعدو يتناقشو ف السيارة
رفيق هاج عليا زي التور والله لو مش محترم سنه وربي قتلته
خولة كيف بيصير ف البنت توا
رفيق نخلوها فترة عندنا وبعدين نشوفو كيف يصير
خولة إن شاء الله خير
انا حوشكم فاضي ماعندكش خوت وخوات
مرام نحنا خمسة بنات حشى عيونك وولد واحد خواتي متزوجات تنين ف طرابلس ووحدة ف الشرق ووحدة ف سبها وقعدت أنا ورفيق
أنا ربي يحفظكم لبعض
مرام غيري دبشك وارتاحي
أنا وينها الراحة بالله ونسمعو ف خولة ورفيق جو
خولة السلام عليكم
أنا ومرام وعليكم السلام
خولة ربي يهديهم أماليك وخلاص
أنا كنت عارفة ومتوقعة أرفعوني لدار العجزة نقعد غادي
خولة عيب عليك يابنتي حوشنا مفتوح ليك وانتي لخاشة ونحنا الى نطلعو
أنا بارك الله فيكم
فاتو أسبوعين ومافي شي تغير غير أنى حولت الجبس ورفيق مهناش مسافر وبديت وحدة من عيلتهم
ماما الحوش فضى علينا وولادك معاش يرفعو حتى ف التلفون يطمنو علينا
بابا تفو ع جيبتهم قالك هيا أكتبلنا الورثة نبو حقنا هدا ماقعد يبو يورتني وأنا حي
أنا ومرام ف المطبخ وكنت شادة العدة لانى طلقت نضحكو ونهدرزو
رفيق السلام عليكم
أنا قريب مشيت نجري حضنته كان مداير برفان حلووو يخليك دوخي ونقص من لحيته وملحق شعره كان يجنن مع لقطة النظارات الشمسية الى حاطهم فوق راسه
كانت أول مرة يشوف ملامح وجهي لانى كنت مزلطة ومزرحة وملصقة مش باينة
مرام تجري وحضناته
أنا كنت لابسة توتا ومصلية الفوق
رفيق لأول مرة نحسه مركز معايا هلبة ويشوفلي
مرام عطلت المرة هدي
رفيق شن بندير عمل ياوخيتى كان يخدم ف حقل الوفاء
أنا ستأذنت وخليتهم مع بعض
رفيق البنت طرف ياوك عليا وخلاص
مرام صايع يتبع

 

error: