رواية ظلموني
ظلموني34
خوفتيني عليك خيرك شن بيك أحكيلي
أنا حضنته وقعدت نبكي شفته قدامي شفته وقعد يتبسملي
رفيق من هوا قولي يابنت
أنا سند الحقير الى خربلي حياتي
رفيق يمسح ع شعري خلاص حبي معاش تبكي
أنا حولت من عنه وقعدت نشوفله شن قلت توا
رفيق قتلك معاش تبكي
انا لاقلت كلمة جديدة
رفيق مش توا كنتي تبكي وزعلانة
أنا ايه صح نسيت ورجعت لحضنه لكن قعدت نضحك
رفيق صبرني يارب وخلاص ورفعني للحمام غسلي وجهي هيا يابيبي غمضي عيونك باش مايخشلك الصابون أيوا شطورة ورفعني للصالة قعمزي هنا وفتحلي ع طيور الجنة بيبي تفرجي لين نجيك
أنا ماسكة الضحكة وقعدت نتفكر ف كلمة حبي وووه قريب نطير أحسن شي نقعد زعلانة لين يقولها مرة تانية لكن المشكلة معاش فيا دموع لا أحسن حاجة ندير روحي متت وهوا زي المسلسلات يقولي نحبك وليش خليتيني لا ياغبية قداش بتحبسي النفس مالا خلي نمرض ونقطع الماكلة والشراب لا الأسبوع الجاي إمتحاناتي ووواك الهم
رفيق صحة لبنتي الشطورة الى تسمع ف الكلام جبتلك مم هيا أفتحي فمك
أنا شن هدا حاجات خضر وحمر
رفيق هدى شربة خضار
أنا خيرها مش زي الشربات تبي تسممني ونموت وتفتك مني
رفيق هدى أمنية حياتي
أنا ع اساس بديت نبكي أصلا كلكم تكرهوني مافيش حد يحبني توا بنوض نشنق روحي وتفتكو منى
رفيق لاياغبية خيرك بديتي تفهمي غلط
أنا حطيت إيديا ع وجهي لانه مافيش دموع حول عنى انت أكثر واحد تكرهني
رفيق ووواك تي لا مش هكي غير أفهمي أنا نحب نكون معاك ونضحك معاك وجوي يتغير معاك ونحب غبائك الى ماعنده حدود
أنا حدود تونس
رفيق هههههه هدا الى نحبه فيك البرداة وثقل الدم
أنا كله حب مصلحة مافي حد يحبني لروحى خلاص بنوض نقتل روحي وتريحو مني
رفيق شوف القردة شن تقول وحط إيديه ع وجهي وأنا لمن بتخليني
انا عندك بوك وامك ومرام
رفيق من يوم خشيتي لحياتي شفتيني نقعد معاهم ولانحكي معاهم لاحظتي انه وقتي كله معاكي إنتى
أنا معناها انا سبب ف قطع الأرحام
رفيق نقتلك وحق الله كان مزال تتكلمي
أنا سكتت ونشوفله
رفيق خيرك هكي إنتى ماحد يحصل معاك كلمة أنا مرتاح معاك ومعاش نحب نفراقك بكل تعرفي ماقدرتش حتى نطلقك لأنى لو طلقتك كنت حانخسرك فى اليوم الى رجعتي فيه كان خاطري نجري ونحضنك ونبكي ف حضنك بس كنت مصدوم ومجروح ولما معاش شفتك حسيت انى بنخسرك من جديد تعرفي هدا شن يعني
أنا ساكتة
رفيق تكلمي ليش تبكشتي
أنا مش قتلي معاش تتكلمي
رفيق لما يبدا يتبع