رواية ظلموني

ظلموني11
كانو مسكرين عليا الدار ويحدفولي ف غدايا وعشايا زي الكلبة ف ليل وانا راقدة حلمت أنه عندي بنت أسمها ميساء وكانت حلوة تهبل زي الملائكة كنت نرضع فيها وشويا مشت وخلتني قعدت ندور فيها بس مالقيتها نضت مفجوعة وكان الفجر يأذن نضت تيممت لأن الدار مسكرة وصليت الفجر بس كان قلبي مقبوض هلبة
ماما حطتلي الفطور
أنا ماما نبي ندوش
ماما فتحتلي وخشيت لدوش
ماما ووووك عليا يابنتي ليش ياربي درت فيا هكي ااااه يابنتي
طلعت من الدوش نجري وقربت من ماما خيرك شن بيك
ماما أختك ميساء ماتت وخلتنا ااااه يابنتي
أنا حضنت ماما وقعدت نبكي بحرقة مشت صاحبتي مشت الى كانت أحن عليا من أمي مشت تؤام روحي اااه ياقلبي انا الى كنت نستاهل الموت انا الى المفروض متت مكانها
سبب الوفاة أنها كانت ماشية مع فارس لسيناون ودارو حادت ف الطريق المكسرة وماتو هما الزوز
بابا رفع ماما تشوفها وانا حبسني ف الحوش كان خاطري نودعها لأخر مرة كانت سندي ف الحياة الله يرحمك ياخيتي
شدينا العزاء والناس كلها تشوفلي وتتكلم عليا بس زعلي ع أختي ماخلاني نهتم لكلام الناس
مبروكة أهيا البنت الى قتلك عليها لقوها حامل
نسيبة أها يعني لو نخطبوها مافيش حد يرفض من ناسها
مبروكة أكيد
نسيبة خلي يتم العزاء بعدين نرجعولهم
فاتو الأربعين متع ميساء والحوش كان ف حالة كأبة وحزن وبابا وخوتي مش طايقيني
نسيبة خلاص يام كلميه انتى وقنعيه ع الاقل نسكتو الناس الى تتكلم عليه
ام نسيبة ونظلمو بنت الناس ليش مش حرام
مبروكة بالعكس بنطلوعها من الحوش الى قاعدة تنهان فيه المهم إنتى قنعي بوك وولدك
ام نسيبة يصير خير
قدرت أم نسيبة تقنع ولدها وراجلها
كان يوم الأحد والجو أقل من عادي كساد وفدد لاتلفزيون لانقال لاطلعة لاخشة فى العشية رن الجرس
ماما تفضلو أهلين بيكم
كانت ام نسيبة أسمها عيشة ونسيبة ومبروكة
نسيبة كيف حالك ياعمتى سهيلة
ماما بخير الحمد لله
عيشة نحنا جاينك ف موضوع وان شاء ماتردونا
ماما خير إن شاء الله
نسيبة جايين نطلبو ف بنتك بيسان لخوي وان شاء الله توافقو
ماما خشت ف بعضها وماقدرت ترد عليهم
مبروكة وينها بيسان ناديها نسلمو عليها
خشت ماما نادتني وطلعتلهم وهيا كلمت بابا وحكتله
ماما جت وقعدت معانا وقاتلهم أنا نحنا موافقين
انا مستغربة ونشوفلهم
عيشة ان شاء الله الف مبروك ولدي بحوشه وخدمته وسيارته ولو تبو تسألو تفضلو
ماما ربي يقدم الى فيه الخير
يتبع