رواية ظلموني
ظلموني10
بابا خش للمطبخ وجاب الموس وشدني من شعري وحط رجله قريب من رقبتي حسيت أنى زي ضحية العيد وحط الموس ع رقبتي وكان فعلا ناوي يقتلنى بس ربك كتبلي عمر جديد لما خشو الجيران وبعدوه من عني
ماما فقدت الوعي وجو خوتي وكانو يبو يكملو عليا ويقتلوني كنت مش بوعي ونسمع ف دوشة وعياط وبعدها فقدت الوعي
نضت وكنت متكسرة وراسي يلود وكنت عطشانة نبي نموت وحاولت نادي ماما وميساء بس صوتي رايح نضت من ع السرير وانا فاقدة لتوازني ومتسندة ع الحيط وحاولت نفتح الباب بس كان مسكر رجعت لسريري ورقدت لليوم التاني نضت ومانعرف شن هوا الوقت وقعدت نخبط ع الباب
ماما شن تبي ياكلبة الكلاب معاش تخبطي خير مانديلك بوك يجي يقطع رقبتك
أنا نبي مية ريقي ناشف
ماما أقعدي هكي لين تموتي درتيلنا العار يابنت الحرام
ميساء تبكي كله مني يافارس أنا السبب
فارس هدا مكتوب من ربي معاش تلومي روحك
ميساء مسكينة وخيتي شن صاير فيها توا ياناري
فارس أدعيلها توا بوك يهدأ ويسامحها
أما عندي أنا كنت نفتح فى الدولايب والدورج وندور على حبوب او أي شي لأنى قررت ننتحر مستحيل نقدر نقابل حد أو نرجع لحياتى الطبيعية بس مالقيت شي وقابلتني شيشة زيت متع الحنة وشربتها وبدت بطني تقطع فيا ولقيت شيشة أخرة وشربتها وزاد الوجع وبديت نعيط
ماما نوض ياراجل البنت اشبح خيرها تعيط
بابا خليها تموت غادي
ماما بالله عليك نمشي نشوفها ونجي شوية بس
بابا ناض وفتحو عليا الباب
أنا كانت طايحة والنفس مقطوع
ماما البنت ماتت
بابا نوض إياد ورفعوني للمستشفى
دخلوني لقسم الطورائ ودارولي عملية تنظيف بس نبضي كان ضعيف وخشيت للعناية
بابا شن صار معاها يادكتور
الدكتور اول شي الجنين الى ف بطنها طاح وتاني شي ف علامات ضرب ع جسمها والبنت منتحرة لازم نفتحو محضر
بابا ليش المحضر المشكلة عائلية
الدكتور البنت تعرضت للعنف لازم نفتحو المحضر
بابا قعد يتفاهم مع الدكتور وقدر يقنعه انه مايفتح محضر
الممرضة تعالا يادكتور المريضة بيسان نبضها وقف ودارولي تنفس إصطناعي والصدمات الكهربائية ورجع النبض وأستقر وضعي
بابا الحمد لله الى طاح الفرخ
ماما الحمد لله على سلامة البنت
بابا لابنتى ولاعاد نعرفها
ف الصبح طلعوني من العناية وحطوني ف غرفة عادية
ميساء وخيتي حبيبتي حمد لله ع سلامتك وحضنا بعض وقعدنا نبكو لين رقدت بين أيديها
بعد أسبوع روحت للحوش وكنت نتعامل زي الكلبة مسكرين عليا الدار يتبع