رواية ظلموني
ظلموني 22
أنا حليلي ع عسولي الى يغار
مرام راهو قريب نصدق أنكم تحبو بعض
أنا ورفيق نضحكو عليها
مرام وتي روحك بتجيك المزينة
رفيق بالله مكيوجها مكياج يدوم الى الأبد لانها ترعش فيا
مرام لامانسمحلك الا حبي بيسو عسل وتهبل وماتحتاج لمكياج
أنا ياريتك طلعت زي اختك عندك ذوق
جت المزينة ولبست البدلة الكبيرة تعبها أكثر منها
درنا المحضر وكان حلو كان خاطري نتصور مع رفيق بس هو رافض
روحت للحوش وغيرت لبست روب بودري وطلعت
رفيق يشوفلي ضروري تلبسي هكي
انا خيره لبسي
رفيق لاشي غير كان تقدري أستري شويا
انا تمام خشيت لبست روب أبيض شفاف لفوق الركبة وطلعت
رفيق ووواك انتى بتكحليها عميتيها
أنا شن تبي نلبس رداء
رفيق تي باهي خلاص وأنتي الى يكلمك يحصل ف أمك
أنا قعدت نتكلم بصوت عالي ونقول ف كلام مش مفهوم
رفيق صكر ودانه وبدا يقلد فيا وقعدنا نضحكو ورن تلفونه ناض يجري
أنا الزح شكلها مركبة ردار لما نقعدو نضحكو تتصل الهم فتحت نت وقعدت نتصفح ف الفيس راقية نازلة وندير ف لايكات ونعلق كان فى واحد يأخد ويعطي معايا وخشلي ع الخاص
وتعرفنا ع بعض وقعد يقولي ف نكت ويضحك فيا
رفيق مع من تضحكي
أنا دسيت التلفون سر
رفيق نحكي جديات هاتي التلفون
أنا لا خصوصياتي ليش انا ماندخل ف خصوصياتك
رفيق قعد يحاول ياخد مني التلفون وهرب الضي
أنا شديت ف رقبته نخاف من الظلام
رفيق بدا يتنفس ع رقبتي ونحس بلحيته ع كتفي
أنا مكبشة فيه بقوة
رفيق رخاء روحه معايا وشكله عجبه الجو وباسني من رقبتي بوسة طويلة ورن تلفونه
أنا رفيق تلفونك
رفيق كان بيمشي يرد
أنا مسكتله أيده ماتخليني بروحي نخاف
نشكر وزير الكهرباء لانه قربني من راجلي مش ديما قصان الضي نقمة مرات يكون نعمة
رفيق باهي نوضي معايا نجيبو شماعي
أنا هيا وماسكة ف يده ورن التلفون
أنا لو هدي رهف رد عليها عادي
رفيق مش فاضي شوية تانية ونكلمك
خشينا للمطبخ وولع الشمعة وقعدنا ف الصالة
أنا لما كان يهرب الضي ف حوشنا نقعد انا وأختى ميساء نفس القعدة هدى ونلعبو
رفيق شن تلعبو
انا انا نعطيها لغز لو هيا جاوبت عليه اي شي تطلبه نفده والعكس
رفيق عجبتني هيا نلعبو
انا مرات تطلع مش قدها لأنى شروطي قويات مش لعب
رفيق ياباطل للك أنا أدا وأدود
أنا نبدا ليش الحشرات لما تشم الدخان تفقد الوعي لمدة تلاتة ساعات
رفيق لأن عندها حساسية الصدر
أنا هههه لا
رفيق لأنها حامل
أنا ههههه لا الحشرات الى نحكي عليهم يتبع