رواية ظلموني
ظلموني27
انا غلطت غلطة عمري لما وثقت ف وحدة أعتبرتها صديقتي ولعبتلي ف راسي عرفتني ع واحد ووهمني بالحب والكلام المعسول والهدايا حبيته ومتت فيه وطلب يشوفوني صابرين دبرتلي الموضوع وجرت بخويا ورفعني ليها وطلعت معاه وخسرت شرفي وكملته القصة
رفيق يسمع ومتأثر بس غلطتي غلطة كبيرة
أنا عارفة روحي بس الحياة الى عشتها والظروف الى مريت بيها هيا خلتني ندير هكي كل يوم تهزيب وكل يوم طريحة ومافيش أحترام
رفيق لاحول ولاقوة الا بالله هيا نوضي نطلعو
أنا معاش خاطري نطلع
رفيق خش للمطبخ وجاب مالقي مية خودي أشربي ومديتله يديا وصبه فوق راسي
أنا شهقت لانها مصقعة والجو مصقع قلبي قريب وقف
رفيق ميت بالضحك طالعة تهبلي وانتي مبلبلة
أنا هدى رقم 2 توا نوريك
رفيق نوضي ألبسي هيا
غيرت ولبسنا وطلعنا مشينا فوق الجبل وخدينا أول سلفي مع بعض
وبعدها رفعني لمحل نقالات وشرالي نقال جديد ومشينا لمطعم وطلبنا بيتزا
أنا تعرف شن خاطري نتصل بياسر وندير تسجيل صوت ونجره ف الدوة ونخليه يعترف ونسمعه لبابا ونتبت برائتي بس خسارة مفيش تسجيل صوت
رفيق تعرفي فكرة والتسجيل فيه ياغبية
أنا بجديات تحكي أنت
رفيق نوضي خلي نروحو ونفدو الخطة
أنا هيا وروحنا جري للحوش
رفيق فتحلي الغوغل بلي ونزلنا البرنامج متع التسجيل واتصلت
ياسر ألو
أنا ياسر بنعطيك فرصة أنك تكون راجل ولو مرة ف حياتك نبي ليش كدبت على عيلتي وشوهت سمعتي
ياسر تبي نفضح روحي ويكشفو الناس أنى مخنت ولقيتني مع واحد تبي صورتي تتشوه
رفيق هز برأسه بمعني مية مية
انا باه وسمعتي
ياسر الحياة مصالح وقتلك من الأول زواجنا مصلحة
انا تمام ياياسر صدقني مش مطولة باش نكشفك وصكرت
انا ورفيق عاودنا التسجيل وسمعناه وضربنا فايف بأيدينا
رفيق صوتك حلوو ف التسجيل يابقرة
أنا احم احم صقع عليك
رفيق غدوة بنمشي لبوك وبنسمعه التسجيل
أنا تمام وأخيرا
خشيت للمطبخ وجبت شيشة مشروب بعد ماخضيتها ومديتها لرفيق
رفيق شن هدا
أنا أفتحها ووتبزعت عليه وصارت فيه شماتة
أنا نضحك بصوت عالي لين قعدت لوطة
رفيق ياربي ع ضحكتها خزي ياقردة ياحيوانة
انا تدكر المية المصقعة ولاندكرك
رفيق إنتى منافسة قوية عجبتيني
أنا لازم نفوز عليك قبل مانطلقو
رفيق طلاق شني
أنا نسيت أن زواجنا مؤقت ولو بابا سمع التسجيل حانرجع لحوشنا
رفيق تعكر مزاجه وسرح شويا
أنا بعدين رهف تراجي فيك وانا وقفت بينكم
رفيق أنا نعست تصبحي يتبع