رواية ظلموني

ظلموني12
مادرنا بيان تحدد موعد العرس طول
ماما خودي تلفونك وأن شاء الله ماحد يقعد يعاير ف صغارك بالعار الى درتيه
أنا نبكي وكبيتلها ع أيديها سامحيني ماما لكن لو ترجعو تراجعو رواحكم حاتلقو أنفسكم أنكم غلطانين أكثر مني
كل ليلة كنت نراجي ف ياسر يتصل بيا بس ولاحاول انه يأخد رقمي شكله وتاني شي استغربت أنه مادارش حتى نظرة شرعية قرب موعد العرس وأمي وتتلي كل شي وليستا كلها جابوها بنات خالاتي
درنا عرس عائلي ماعزمنا حد وبابا حلف إنى مانلبسه الفيلو لانه البنت الشريفة الى رفعت راس عيلتها تستاهل تلبسه وخشيت برداء المور
خش ياسر وكان لابس سروال جينز وقميص أبيض وجاكة سودة كان شعره طويل لرقبته وكان أبيض هلبة وفيه لحية خفيفة وطوله كان عادي بس مشيته كان فيها حاجة غلط مانعرفش كيف مشيت دلع او هوا ربي هكي خلقه مدلي يده وشديت فيه وركبنا ف السيارة طول الطريق ونحنا ساكتين لين وصلنا للحوش
خشيت لدار النوم وأنا نراجي أمتى نحول الرداء وقعدت نراجي ف ياسر يجي يقولي كلمتين حلوين انا صح غلطت وحملت لكن هدي أول مرة نزوج فيها خيره هدا راجيت لين دهشت وبعدها قعدت واحله نحول ف الرداء وخشيت دوشت ولبست روب أبيض طويل وطلعت لقيته مقعمز ويتفرج ع التلفزيون كان حاط ع قناة LBC كان فيها شباب حلوين عندهم سباق سباحة وكانو لابسين البوكسر بس وكان هوا منسجم معاهم وعاض ع شواربه ويدحنس ع الصالون وبعدها قعد يفتح ف بطم قميصه
أنا احم أحم
ياسر نط من مكانه وتوتر أنتى شن ديري هنا
انا وين المفروض نكون
ياسر كان بارد معايا كأنه ماعنده مشاعر يعني ماحاول يقرب مني أسمعي يابنت الناس ومن الأخر أنا زواجي منك كله مصلحة وخواتي هما الى دبرو الموضوع وكانك عليا شايله الموضوع من بالي فلذلك خلي نتفاهمو نحنا متزوجين قدام الناس اما بينا ف واحد ف دار
أنا خشيت لدار وقعدت نندب ف حظي ليش هكي ياربي وبعدها مسحت دموعي وقلت بيني وبين نفسي عادي أصلآ اكثر العلاقات الزوجية الناجحة الى الحب فيها يجي بعد الزواج وضربت المسلسلات الهندية كاأكبر مثال يعني باش نطمن روحي رقدت لانى تعبانة
الصبح نضت ولاكأنى عروس لاراجل راقد جنبي لاحضن نرقد عليه ينسيني ف هم الدنيا دوشت وصليت ولبست قفطان عنابي لتحت الركبة وقمت شعري فوق وكان فو السكماجة هلبة مكياج قعدت نلبز بروحي ونضحك وبعدها نغسل ونرجع نلبز روحي ونقعد نضحك مرة حواجبي نلصقهم ف بعض زي الأنسان القديم يتبع

 

error: