رواية ظلموني

الرواية بقلمي القطة الشريرة

الحلقة الاولى

بيسان نوضي الفجر أذن توا يجي بوك يحرفلنا عيشتنا
أنا فوتيني ياميساء خليني نرقد
ميساء والله الما يقتلك مادخلي بيك
بابا فتح علينا الدار لاأحم ولادستور مايعرفش يقول بنات مرات راقدات عرينات ولامش مستورات
أنا نضت واقفة أستعداد زي ضباط الجيش الواحد عايش فى سجن مش ف حوش لاويقولك البنت تعيش ملكة ف حوش بوها
ميساء صباح الخير بابا
بابا أخر مرة نخش عليكم ونلقاكم مش نايضات قبل الأذان بساعة
أنا الدين يسر مش عسر ياسيدي
بابا تردي فى وجهي ياعاقة ياقليلة الأدب إنت مكانك ف النار للأسف ف ناس فاهمة الدين غلط
انا بيسان مواليد 98 نقرا سنة أولى جامعة تخصص دراسات أسلامية وطموحي كان دكتورة عيون بس باباوخوتي كسرولي فيها عود لاياريته عود شجرة بحالها مواصفاتي حنطية عيوني كبار وواسعات نقشي ع الأسود ههه تخيلو نكون حنطية وشقراء ماتركبش صح شعري لنص ظهري متوسطة ف الطول ومش سمينة ولاضعيفة صوتي فيه البحة وعندي غمازات يعني الى يشوفني يقول عليا حلوة
ميساء مواليد 93 هادية وطيبة ومسكينة وتخاف هلبة بيضة ونقشها ع الأسود شعرها طويل وهيا طويلة وعريضة متخرجة من لغة عربية بس ف قانون عيلتنا البنت ماتخدمش والحمد لله جاها نصيبها وبتفتك من العيلة العبيطة
عندي ثلاتة خوت
عماد مواليد 94 طويل زي الباب لكن العقل عقل دباب ملتحي والدنيا خاشها بالمقلوب
إياد خسارة أسمه متوسط الطول ونقشه ع الاسود وعصبي وديما يضرب مواليد 89 وديما يخطب ويفسخ
معاد مواليد 95 لاخلقة ولاخلق سكير وحشيش مانشوفو فيه الا ف المناسبات
بابا محمد طول وعرض وصوته بروحه زلزال ماتعرفوه متشدد لامتعقد هوا الى زرع ف راس خوتي أن البنت عار ولازم من الضرب والتهزيب باش ماتغلط وماتعطوها أكثر من حقها لأن مكانها الطبيعي الحوش والمطبخ
ماما سهيلة مانعرفش كيف نوصفها لانقدر نقول طيبة ولانقدر نقول شريرة الى يقوله بابا وخوتي يمشي زي الساعة ولو كان باطل وهدي عيلتي
صلينا وبدينا نحطو ف الفطور
عماد شني السفرة هدي نقصى الدنيا الى حاطينها التبدير مش كويس
أنا وشن حاطين نحنا الدحي المطبوخ بالعدد والتن نص حكة والجنبة كل تنين ف وحدة والشاهي قريب حتى هوا كل تنين ف طاسة
عماد شدني من شعري على من طولي ف لسانك ياكلبة الكلاب تبي نكب عليك الشاهي ونشوهلك خليقتك
بابا خيركم شن فيه
عماد ترد عليا ف الدوة
بابا حواجبه زي مساحات السيارة كيف كيف يتبع شني نكملها حقيقة بدون اضافات