رواية ظلموني

ظلموني8
خشيت لداري وقعدت نرعش وخايفة كيف بندير من حل ورن تلفوني
أهلين ياحلوة معاك لبعد المغرب لو ماجيتي لعندي أعتبري صورك عند خوك
أنا حرام عليك ياسند وين مشى الحب الى بينا أرحمنى بالله عليك
سند حب شني ياحبيبتي أنا راجل مش متع زواج نحب ندير علاقات بس وأنتى كنتي وحدة من ….. الى نتسلا بيهم
أنا حسبي الله ونعم الوكيل فيك ياحقير ياواطي
سند راح نسامحك عليها لكن نراجي فيك اليوم ماتنسيش حبي
أنا صكرت ونفجرت بالبكي والدموع شن بتنفع ورنيت ع ميساء
ميساء كيف خطرت عليك يادبة
أنا نبكي ميساء تعالي للحوش نبيك ضروري توا توا
ميساء ف حد صارله شي خيرك تبكي شن فيه
أنا ضروري تجي توا نحكيلك وماهي الا ساعة ورن جرس الباب وكانت ميساء
ماما أهلين يابنتي شن أخبارك وشن حال فارس خيره ماخش
ميساء بخير الحمد لله عنده شغل حطنى ومشى وين بيسو
ماما والله معاش نشوفو فيها ديما شادة الدار وخلاص قاطعة الماكلة والشراب وكان كلمتها ماتردش عليا
ميساء خشتلي ف الدار وحضنتها وقعدت نبكي
أنا ساعديني ياوخيتي والله بنموت
ميساء خيرك شن فيه أحكيلي خير مصيبتك
أنا نحكيلها ونبكي وميساء نصدمت
ميساء تخبط ع راسها حي عليك حي عليك شن درتي ف روحك كان يسمع خوك وبوك ياحليلك وخلاص شن درتي ف عمرك
أنا ماتزيديها عليا ساعدني وراس وخيتي وقعدت نكبلها ع إيدها
ميساء كيف بندير توا قوليلي كيف بنتصرف
أنا أقنعي بابا نمشي معاك لحوشك ونطلع من غادي
ميساء أنتي مازال مفكرة تطلعي معاه انهبلتي أنتي تبيه يأخد شن يبي ويصورك
مرة تانية
أنا لا مش حانخليه يصورني وحانحاول ناخد منه الصور
ميساء ماني عارفة والله ياوخيتي ضيعتي روحك ليش بس وطلعت تحاول تقنع أمي باش تكلم بابا وتقنعه نروح معاها
بابا لا يعني لا المراءة براجلها هيا شن ماشية بدير عندها
ماما راجلها اليوم بايت البرا عنده شغل ف نالوت
بابا كان هكي ميساء تقعد هنا وخلاص
ميساء باهي يابوي تمشي معايا نجي دبشى ونرجعو
بابا بعد محالاوت من ميساء وأمها وافق
ميساء الو فارس وحكتله ع الخطة وكان راجلها طيوب وأيدها وجاء روح بينا
انا بعتت مسج للحيوان سند مفروض من كرشته كشفته ع حقيقته بس للأسف نغريت بالفلوس والتلفون والكلام المعسول صدقت حناي لما قالت كلام الليل مدهون بالزبدة ومش عارفة ليش مادهنوه بالمربى
سند تمام أعطيني النعتة وجايك
حطنا فارس جنب الحوش ومشى
ميساء فتحت الباب وخشينا وكانت أول يتبع