رواية ظلموني

ظلموني7
لبستنى قفطان قصير لونه وردي بسيط وحلو ودارتلي لمسات ع قولتها بودرة مسكرة ورسمتلي عيوني وروج شفت للمراية وأنا عاجبني شكلي وارتسمت السعادة ع وجهي أول مرة نلبس هكي حسيت أنى أنثى
صابرين ألبسي عبايتك توا بيجي سند وخوك خليه عليا
أنا تمام لأنى كنت نبي نرضيه بأي طريقة
سند رن ع صابرين وطلعت أنى
انا حبي ستاحشتك
سند زعلان منك راه
أنا أسفة ياعمري أهو توا نحنا مع بعض ماتنكد علينا
سند مسكلي يدي وباسها نحبك وصلنا لشقة ونزلنا
أنا ليش جينا هنا
سند باش نأخدو راحتنا ومايشوفنا حد
أنا تمام
سند قرب مني وحضني بقووة كنت محتاجة لحضن زي هدا من زمان وبدا يحولي فى وشاحي وعبايتي
أنا متحشمة وخايفة بس ف نفس الوقت ماقدرتش نبعده
سند مسكني من يدي ودخلني لدار ورقدني ع السرير وحولي دبشي وطلع تلفونه وقعد يصور فيا
أنا شن دير حول التلفون
سند اس اس نبي ندكرك بيهم حبي وعد مش حايشوفهم حد الا أنى وبدا يبوس فيا
بعد نص ساعة أنا قعدت نبكي ودموعي شلال
سند خيرك ياحبي ليش البكاء
أنا شوف الدم ياسند نحنا غلطنا
سند حضني ويمسح ع راسي أنتي مرتي وحلالي وبنجي نخطبك
أنا بجد سند مش حاترخي بيا
سند وعد ياعمري حاتكوني حلالي ريحني كلامه وروحنا
فات أسبوع وسند تغير عليا وكان يطلب أنه يشوفني بحجة أنها مستاحشني ولما نسأله امتى بيخطبني يتهرب مني ويزعل بحكم أنى مش واثقة فيه خوفي كل يوم يزيد وليا فترة لانرقد لاناكل وقاطعة حتى الجامعة
بابا فتح عليا الباب خيرك يابنت شن بيك
أنا مريضة شوية
بابا أشربي زيت الزيتون توا تبري
أنا باهي ورن تلفوني وكان سند
أنا اهلين حبي
سند حبيبي عطيني رقم خوك نبي نكلمه
أنا وشن بتقوله
سند متخافيش بنتعرف عليه وبنصاحبه باش ماحد يعارض على زواجنا
أنا فرحت هلبة وعطيته رقم إياد
صكر وطول وصلتنى رسالة لو ماطلعتي غدوة معايا ووعد حانبعت صورك لخوك وكان سند
أنا ظلمت الدنيا قدامي وكأنها حد صب عليا مية سخونة وبدت دقات قلبي تتزايد ودموعي بدو ينزلو وضاقت بيا الدنيا شن درت ف روحي لمن بنحكي ولمن بنشكي وتصلت بصابرين وكانت تعطي فيا مشغول
اليوم التاني طريت نمشي للجامعة باش نتفاهم مع صابرين ديرلي حل بس نصدمت من ردة فعلها
صابرين لاياحبيبتي الى درتيه بيديك حليه بسنونك انتى لغلطتي مش انا وطلعتي خفيفة وسلمتي روحك سامحيني انا من اليوم برا الموضوع
أنا نصدمت وقعدت نبكي وتصلت بأياد وجاء روح بيا يتبع