رواية ظلموني

ظلموني6
ف الصبح مشيت للجامعة
صابرين صباحو
أنا صباح الورد
صابرين والله وقدرتي طيحيه ومدتلي التلفون ومعاهم 300 دينار
أنا أول مرة ف حياتي حد يعبرني ويديرلي قيمة ويهديني حتى عيد ميلادي ماعمري حتفلت بيه باش تجيني الهدايا
فتحت التلفون الى كان مغلف وكنت نفتح فيه كل همجية محرومه ياناس مش مني وكان j8 وركبتلي فيه الشفرة الجديدة قعدت نلمس فيه ومش مصدقة وبدا يرن
أنا صباحك عسل حبيبي
سند يالله عاوديها
أنا درت جو بنات ابو حاتم لما يجيهم عريس ويسألوهم ينوضو يجارن غير أنا راسي ووصل للأرض من الحشمة وخديت نفس وقتله نحبك حبيبي وكانت هدى أول خطواتي نحو الرومانسية
سند يحليلي وخلاص معاش قادر نصبر ع فراقك بنجي نشوفك توا توا توا
أنا لا مانقدرش نخاف خوتي يشوفوني
سند حبي ياروحي قداش مرة قتلك معاش تخافي وأنا معاك ياقلبي
أنا حسيت بالأمان معاه بس مانقدرش توا
سند تغير صوته أوكي براحتك وصكر
صابرين ياغبية زعلتيه بالخوف متاعك وحاضيعيه من إيديك
أنا كلامها خوفني باهي والحل
صابرين توا ندبرلك معاه موعد اليوم متخافيش
أنا وبوي وخوتي
صابرين خليهم عليا
أنا تمام
ورحت لقيت ميساء عندنا وضميتها وفرحت بيها هلبة
أنا سمنتي ياقردة وحلويتي شكله الزواج حلو
ميساء عيب ياحيوانة
أنا قولي لراجلك يشوفلي حد من خوته
ميساء كلهم متزوجين
أنا طول سكرتيها ف وجهي
ميساء أقري سورة البقرة لمدة40يوم
أنا إن شاء الله
وتغدينا وهدرزنا والعصر روحت
صابرين ألو حبي وتي روحك بتجي عندي توا وصكرت
أنا مافهمت شي وقعدت نغير ف دبشي لين ينفتح عليا الباب وكان إياد انا كنت بالملابس الداخيلية ونصكها عيطة وهوا نخلع وهدي مش أول مرة تصير معايا وحتى ميساء لأن من قوانين حوشنا ممنوع تيصكر الباب بالمفتاح ومافيش حد يستأذن قبل مايدخل
شوية وجاني بابا هدى أول مرة وأخر مرة تطلعي فيها من الحوش تسمعي
أنا مش فاهمة شي
إياد جاني وهو لاحشمة لاقدمة هيا أطلعي قدامي وطبعآ ماتنسو الجولة التفتيشية الى لازم منها قبل الطلوع
أنا إياد وين ماشين
إياد الحق كلمتني صاحبتك وقالت ان أمها مريضة وتبيك تجي عندها تقفي معاها وقعدت تبكي وانا قلت بما أنها وقفت معاك لما دختي
انا مسكينة نقول بكري خيرها كلمتني تبكي
ووصلت عند صابرين
صابرين ستقبلتني وهيا تضحك خوك مضحكة
انا خاطري نولي زيك تعرفي وخشينا دخلتني طول لدارها وكانت هيا واختهاالصغيرة بس ف الحوش لابستنى قفطان قصير يتبع