رواية ظلموني

ظلموني5
سند تبارك الرحمن تهبلي الزح شنى هدا عسل
أنا خاشة ف بعضي ونقطع عليا النفس بس ف مشكلة صغيرة سند ماكانش زي فارس أحلامي طويل وعريض وعيونه ملونات زي معتصم النهار كان اطول مني شوية كان نلبس كعب نفوته وعنده كرشة ماتقول حامل بتؤام أكره حاجة عندي راجل عنده كرشة وكان أصلع من قدام وفيه شعرات من خلف بس مش يقولو الحب أعمى حبيته
سند مسكلي أيديا تكلمي حبي بنسمع صوتك
أنا احم وحق الله صوتي راح وكنت حاسة أنى بنخش ف غيبوبة وكيف بنتكلم يرن تلفوني بأسم إياد
أنا وووووك عليا أياد خوي والله بيقتلني كيف بندير ونخبط ونريش
صابرين هاتي التلفون جاي
إياد هيا أطلعي وينك
صابرين كيف حالك خوي إياد أنا صابرين صاحبتها
إياد وين بيسان
صابرين بيسان طاحت علينا ورفعناه للمستشفى أنى وخوي
إياد تمام جايكم توا
أنا حي عليا والله اليوم بيقطعو رقبتي
صابرين توا نحلها أنى أسكتي خلاص ومشينا للمستشفى ودرت روحي دايخة والممرضة ركبتلي التغدية
إياد السلام عليكم
صابرين وعليكم السلام انت إياد صح
إياد إيه أنى وينها وخيتي ياعيني هدا عجباته صابرين وبيطلع روحه الأخ الحنون
صابرين عندها هبوط وتوا مركبة التغدية والله أسفة ماخطرش عليا نكلم حد فيكم كنت خايفة عليها هلبة
إياد واضح عليك حنينة وطيبة ربي يحفظك ريتوه هالنسونجي ياريتها عقمت وماجباتك
كملت التغدية وروحت مع إياد والحمد لله ماصارش أي مشاكل وصابرين قدرت طيحه خبرة يابابا مش زي حالتي قعدت نتخبط يمين ويسار
ماما خيرك يابنت شن بيك
انا دايخة شوية لكن الخلعة هدي خلتني نتكشف انه عندي موهبة الثمتيل جايتكم ياهوليود
رقدت ونضت لقيت عشرة مكالمات من سند بس ماقدرتش نرد عليه نخاف يتصلو خوتي ولابابا ويلقوني انتظار لأنهم يديرو فيها اللقطة أهيا
صابرين ديري خدمة ستة صفار وعطتني الطريقة ولما يتصلو بيا تجيهم تم إنهاء المكالمة ع أساس مافيش تغطية درتها وتصلت بسند
سند أنى زعلان منك هلبة
أنا ليش شن درتلك
سند معقولة هكي ماترديش ع مكالماتي
أنى أسفة كنت راقدة والتلفون صامت
سند خاطري نشوفك وأنتي راقدة
أنا أكيد زي الناس
سند أنتى مش زي الناس انتى كل الناس لتوا ملامحك بين عيوني نحبك يابنت
أنا نسمع ف كلامه وطايرة من الفرحة
سند حبيبي كنت جايبلك تلفون بس انتى بديتي تعيطي وماصارت فرصة نعطيهولك
تلقيه عند صابرين
أنا مانقدرش ناخده خوتي يقتلوني
سند الى يسترجي يمد يده عليك ندبحه ونمص من دمه
يتبع