رواية ظلموني

ظلموني44
أنا ههههه هدا بطلك تستاهل
رفيق تضحكي والله معصب بجديات ليش نايض يابابا بوك كان بيجيبلك خو يونسك
أنا والله غير أحلم
رفيق اسكتي توا باش يرقد وجاء رقد بينا
أنا نعسانة بنموت ورفيق مش مخليني نرقد بعد جهد جهيد من رفيق قدر يرقده
رفعه لسريره ورجعلي
انا راقدة
رفيق نوضي ياقردة والله ماك راقدتيها تبي تفسدي عليا ليلتي
أنا تي باهي شوية بس
رفيق جاب طاسة مية وقعد يصبلي فيها ع وجهي
أنا نضت وناعسة
رفيق قرب مني وقعد يبوس فيا مش نعيط من بكري ونقولك مستاحشك
أنا عضيته من خده وأنى أكثر منك وصار الى صار
فى الصبح وانا راقدة ف حضن رفيق
رفيق يبوس فيا حبيبي نوضي خلاص
أنا خليني نرقد شوية امس سهرتني
رفيق يحليلي منك وخلاص
لؤي جاء وقعد يحول فيا من عن رفيق ويضرب فيا ويشدلي ف شعري
رفيق عيب ماما هدى
لؤي مش هامه الفرخ هدا طالع لبوي وشوي لحقت ميساء وهيا تضحك
رفيق حطهم فوقي وقعد يعيط ف ودني وهما يقلدو فيه
أنا نضت يارب الصبر منك ومن ولادك
رفيق نحبك ياكلي
أنا عطيته بوسة نموت فيك
تعرفي امتى تحسي ان الزواج او الخطبة او الحب انجاز لما تكوني مع انسان يفهمك وقريب منك يبعد عنك كل شي يزعلك ويجرحك ويعطيك السعادة انسان تكوني انتي من اولويات حياته ولما تحتاجيه تلقيه جنبك انسان تكبري وتتطوري معاه يدعمك باش تكوني ف المقدمة يقدرك وتكوني ذات شأن بقربه انسان تهمه مصلحتك وع قدر من المسؤولية ان أخطأ أعتدر وان قصر اعترف متمسك بيك وواثق فيك يحافظ عليك وع كرامتك انسان يحتويك ويرفع راسه فيك يحترمك قدام الناس والاهم امام نفسه
اختيار الشخص الصح إنجاز والمشكلة عمرها ماكانت ف الزواج ولا الخطبة ولا الحب ولا المسؤوليات ولا الأولاد المشكلة ف إختياراتكم فقط حبو لكن حبو الشخص الى شاريكم الى يفعل قبل مايتكلم ونصيحة لكل بنت لو يحبك ويبيك يجيك من الباب هدا الحب الحقيقي ماتنخدعو بالكلام المعسول لأن نهايته عذاب ومش كل بنت غلطت ف حق نفسها وحق عيلتها نسموها صايعة او بنت مش كويسة مرات البيئة الى هيا عايشة فيها خلتها تغلط وانا أكبر مثال وأحدرو رفاق السوء لأنهم أول الطريق للهلاك
فات شهر وانا توا ف بداية حملي رفيق كل يوم يزيد حبه ليا وانا أكثر منه يارب تكون قصتي عجبتكم وحبيتوها وتكون وصلت رسالتي وشكرآ للناس الى كانت تعلق ومتفاعلة بجد أسعدتوني
رفيق حتى أنا نبي نشكركم ويارب يسعدكم
النهاية