رواية ظلموني

ظلموني4
أنا بخوف وتوتر ألو
المتصل أهلين بيسان
أنا مني معايا
المتصل معاك سند
أنا عاشت الأسامي وكان صوته حلو تصيرلكم لما تنعجبو بحد من صوته
سند السمحة قداش عمرها
أنا قلبي يدق أول مرة حد يتغزل فيا ياحليلي وخلاص قصدكم هدا هو الحب بنموت ياناس
سند وين مشيتي ياعسولة
أنا لا مستحيل خلاص حبيته بجديات كنت عايشة ف جفاف معاك أنى غير مانعرفش شن بنحكي أول مرة نكلم ولد
سند ياحليلي وخلاص انى أصلآ لما كلمت صابرين قتلها شوفيلي وحدة محترمة
أنا فتحت شعري وبديت نلعب بيه ومنسجمة مع صوته اااخ ياقلبي
قعدنا ساعة نهدرزو وتمت الرومانسية وكان زي الحلم وحان الوقت بش نرجع لحياتي الكئيبة
انا ماما هيا نمشو لميساء ستاحشتها
ماما بوك محلفني مانطلع من الحوش لين يرجع
أنا بكل أنتى ماما مدايرة جو الزوجة المطيعة تمردي شوي وعيشي شويه أكشن العمر ينعاش مرة وحدة
ماما قسم بالله كان ماضمي فمك نحرفلك عيشتك ونكلم بوك
أنا يعطيني بكشة إن شاء الله ويوصلني مسج من سند
سند ستاحشت صوتك شن درتي فيا بس
أنا بديت نحضن ف التلاجة والحيوط والكراسي
ورديت عليه تسلم كلك ذوق بس الليلة مش حانقدر نكلمك لأنى نسيت نقولك إن هدا رقم ماما وف الليل التلفون بيقعد عندها
سند وانا شن بيصبرني لأن صوتك قتلني ودوبني
أنا مش بأيدي والله
سند لازم نديرلك تلفون
علاقتي مع سند طورت وبابا وخوتي رجعو وكنت متحسمة للجامعة لأنى بنشوف سند
صابرين هدا شنو وجهك هكي ديري شوية لمسات
أنا قعدت نلمس ف وجهي شني هكي
صابرين لا ياغبية ديري ميك أب
أنا لا وخيتي نخاف يشوفني حد
صابرين من بيشوفك غير تعالي معايا للحمام ودارتلي روج ومسكرة وأحمر خدود
انا نحس ف روحي صايعة
صابرين كلنا نحسو هكي أول مرة وبعدين عادي
سند ألو ياروحي وينك أنتي
أنا توا نطلعلك
صابرين هيا عطلنا عليهم
أنا من هما
صابرين حبي وحبك ياغبية شن تبي تشوفيه هنا باش يشوفنا حد نركبو معاهم ف السيارة
انا لا والله خوتي يقتلوني
صابرين نحنا مش معطلين شوية بس وطلعنا
صابرين هاي قايز شن أخباركم
أنا نرعش وقلبي بيطلع السلام عليكم
سند مني هدي
صابرين فنصت فيه هههه سند مش وقت بصارة
سند فهم عليها اي انى نعرفها من بين الف بنت هدى حبي بيسان بس خاطري نشوف وجها
صابرين انا بنركب من قدام بحد حبي وانت اركب جنب بيسان
سند حبي نبي نشوفك حولي الخمار
أنا ساكتة ومكبشة إيديا ف بعضهم
سند حوله ليا وكانت نفس لقطت رفع الطرحة يتبع