رواية ظلموني

ظلموني39
رفيق تطلعي من الحوش نخنقك
أنا مازال ماتعرفني انت توا نوريك
خشيت للحمام وقعدت نغسل ف وجهي وبعدها شفت للمراية ولقيت المسكرا والكحل نازلين بديت نغنى أنت إيه مش كفاية عليك تجرحني حرام عليك دراما وهكي غيرت القفطان وحدفته ف الكناسة
رفيق كيف بندير مع الناس
انا ضميت دبشي وكلمت مرام
مرام ايوا
انا أفتحي الباب نازلة توا
مرام خيرك
أنا أفتحي الباب بس
وانا طالعة تلاقيت مع رفيق
رفيق وين ماشية
انا بعد عن طريقي احسن مانحشمك جنب صحابك
رفيق خشي الداخل
انا بديت نعلي ف صوتي مادخلك بيا
رفيق صكرلي فمي ودخلني لدار وصكر عليا بالمفتاح
انا قعدت نخبط ع الباب بقوة
رفيق تصل بخيري
خيري اهلين برو
رفيق بالله عليك طالبك ف خدمة نبيك تسترني مع الجماعة
خيري تم ولايهمك
رفيق ياشباب توا كلمت خيري ولما سمع بيكم حلف مانتعشو الا عنده توا شني بتمشو
الشباب تم احسن شي لكن مازال غدوة دورك ضروري ندوقو ماكلة المدام
رفيق تم
أنا توا تندم يارفيق الزفت وقعدت ناكل ف الكيكة والشكلاطة احسن من خلقته
الساعة 3ف الليل
خيري رفيق عطلت ع المدام اليوم
رفيق دكر انه صكر عليا الباب وناض يجري
أنا قعدت نفكر ف سند وكيف بنتخلص منه ووواك الواحد مايعيش متهني وسمعت صوت الباب
رفيق فتح باب الدار ودرت روحي راقدة قرب مني حبيبي بيسو
انا مانبيش نرد عليه
رفيق جبد الورغان بقووة
أنا تعصبت أطلع من قدام وجهي خير مانقتلك
رفيق تقتليني فى يوم عيد ميلادي ترضيها
أنا غطيت وجهي بالوسادة أطلع مانبيش نسمع حتى صوتك
رفيق وربي مانى طالعها
انا نضت وكنت بنطلع وقفلي قدام الباب وصكره بالمفتاح ودسه ف جيبه
أنا هات المفتاح
رفيق خوديه لو قدرتي
أنا هاته يارفيق
رفيق تهبلي وانتي معصبة
انا شديتله يده وعضيته
رفيق مسكني من شعري بقوة لين طلقته
رفيق عض ع سنونه يامتوحشة توا نوريك رفعني على كتفه ومسكني بقوة وحدفني ع السرير وجاء فوقي ومسك إيديا الزوز
انا قعدت نحاول نفك روحي منه بس هوا كان أقوا مني وانى دهشت وتعبت
رفيق خلاص هديتي
أنا أرخيني وحول عني
رفيق نحبك
انا حول عني نكرهك انت اليوم وجعتني
رفيق حبي مش بقصدي والله لكن هما ماعندهم وين يقعدو وجاين من السفر
انا مادخليش ع الأقل درت روحك فرحت وقتلي خليها لبعدين مش تقولي مش وقته
رفيق حول من فوقي ورقد جنبي وحطني ف حضنه ياروحي أسف أسف أسف خلاص غدوة ديري عيد ميلاد أخر
أنا مانبيش ومعاش بنحتفل بشي معاك يتبع