رواية ظلموني

ظلموني38
سند كان ورايا لكن مش راكب ف السيارة شن يحبي نسيتيني صح لكن خليني ندكرك صورك كلهم مازال عندي شن رأيك نديرلك فضيحة تانية
أنا قعدت نسرع ف خطواتي ومانبيش نسمع صوته لأنى نتقزز منه وهوا قعد ورايا انا مشيت لحوشنا لأنى مانبيش يعرف حوش رفيق وين
بابا أهلين حتى اليوم ع رجليك ليش ماأتصلتي
أنا مانبيش نتعبكم تقدر توصلني توا للحوش
ماما خشي تغدي
انا لا مستعجلة الحق
بابا لبس ووصلني
قعدت مع مرام نكتبو ونخططو وف العشية طلعنا للسوق
ونحنا نتعشو طبعآ شتاء والجو صقع
انا طالع الليلة
رفيق أكيد
انا كان تقدر عطل البرا
رفيق بدال ماتقولي لا أقعد معايا ارجع بسرعة مانقدرش ع فراقك
أنا حليلي وخلاص بتجيني صاحبتي ومانبيها تشوفك لانها حامل وخايفتها ترمي
رفيق ضربني بالكشيك خزي ع وجهك توا كل هالجمال والستايل واللوك وتقولي الحامل ترمي نتصلك بصاحباتي القدم ويحكولك ع جمالي شوية
أنا عضيت ع سنوني وتحولت لمتوحشة أنت كيف تتجرأ وتدكر الشى هدا قدامي ومسكت الموس وقعدت نقشر ف البرتقالة سديتلي النية
رفيق قلب ميت لاأحساس لاضمير
انا زي ماقتلك عطل اليوم
رفيق باه عطيني بوسة
أنا لا
رفيق مش معطل
أنا سرحت فيه دقيقة ونضت قربت منه وين تبيها البوسة
رفيق فرح خير الأمور الوسط
انا نحب نبدا باليمين
رفيق براحتك بس نبيها حلوة
قربت منه وعضيتله ودنه بقوووة
رفيق اي اي يامتوحشة اطلقي
انا بش مرة تانية تسمع الكلام
رفيق لا فقدت حاسة السمع
انا نزيدك رفيق ناض يدعي ويتحسب
مرام وأخيرآ طلع
أنا خوك اكبر لصقة وجهزنا كل شي
مرام ياعيني ورد وشموع ورمنسيات غدوة بتنوضي حامل
أنا ههههه بتؤام
الزينة كلها كانت فى دار النوم احلا وأستر لبست قفطان أحمر يلمع وفيه قلب من الخلف لفيت شعري ودرت مكياج وقعدت نراجي
الساعة 11.55 دقيقة سمعت صوت الباب نفتح وقلبي قعد يدق وأخيرآ جاء اليوم هدا ونسمع فيه يقول تفضلو تفضلو
أنا ياعن تي مني جايب
رفيق يدور فيا خش لداري وولع الضي وشاف الزينة والورد والكيكة
أنا مفجأة
رفيق تي هدا شني مش وقته ديري العشاء معايا ضيوف
أنا طارتلي وحطيت ٱيدي ف الكيكة وحدفتله ع وجه مصح وجهك وخلاص
رفيق بزع عليا العصير تي شن درتي ياقردة معايا رجالة
أنا قربت من جنبه وشديته من شعره دم عمري حطيته ف الليلة هدي
رفيق مسكلي شعري انتى كيف تتجرئي تمدي يدك حولي عني
أنا اطلق نطلق
وحق الله مش حانعشيهم وتوا مروحة لحوش بوي غبي يتبع