رواية ظلموني

ظلموني37
رفيق ها وناض قعمز خشي
أنا جيت قعدت جنبه وهوا يشوفلي ومركز معايا هلبة يرضيك يافوفو نرقد وانى خايفة وموجوعة
رفيق يشوفلي وساكت
أنا قعدت نلعبلها بلحيته اول مرة نلمس لحية نكلم فيك خيرك
رفيق قعد يقرب مني طالعة تهبلي
أنا ووواك منك انت فى شن وانا ف شن
رفيق أنا معاك وفيك ومش قادر نتحمل الجمال هدا
أنا بديت نضعف لكن لا دكري يابيسان المفجأة الى بديريها ولازم يتعدب شوي دفيته ونضت
رفيق نجي نقعد معاك ف الدار
انا لا بكري قتلك تعالا صكرت ف وجهي
رفيق ووواك ياريتني مشيت وقعد يتقلب ويفكر فيا المفروض الحوش هدا درته دار وحدة بس كان هدا ماعندها وين تهرب
رقدنا وف الصبح مشيت للجامعة واول ماخشيت للجامعة شفت شي ماعمري توقعت نشوفه كان مكتوب اسم صابرين عرفتوها على الحيوط ومعاه كلام كبير كانت الجامعة كلها متزينة بأسم صابرين والسبان ع الحيوط أستغفر الله وخلاص صح ظلمتني لكن والله الى صار خلانى نسخف عليها كنت نشوف فيها صح لكن عمري ماجيت فطريقها
خشت صابرين للكلية ولقت أسمها مكتوب ف كل مكان وكانت كل العيون عليها هيا وقفت ف مكانها وقعدت تبكي والناس تحب الشماتة والولد الى يفوت عليها يحدفلها كلمة كبيرة
انا مشيتلها صح غلطت معايا بس ربي خدا حقي منها لما صار معاها الشي هدا مش شماتة لكن ياداير يالاقي تعالي معايا
صابرين تشوفلي وخلاص
أنا تعالي متخافيش دخلتها للقاعة اصبري هنا توا نجيك ومشيت للعميد
العميد تفضلي ياطالبة
انا معليش ياأستاد طارق الى صاير البرا هدا أسمه استهتار وتضيع لسمعة الجامعة
استاد طارق شن فيه
أنا لما ينكتب أسم طالبة وينكتب جنبه كلام يسئ لسمعتها شن تسميه وين الأمن وين الغفير وبعدين نحنا جامعة للدراسات الأسلامية وين الجانب الديني ف الموضوع الى صار من مازال بيحط الثقة في الجامعة بعد الى صار
استاد طارق كلام صح مية ف المية لكن شن بأيدينا نديرو
انا شددو الحراسة وكنت تقدر تنصح الطلبة انهم يجيبو بخاخ ويمسحو الى نكتب ويسترو عليها لأنهم كلهم عندهم خوات
استاد طارق بارك الله فيك وطلع هوا ومجموعة دكاترة وقعدو يمسحو ف المكتوب باش يكونو قدوة للطلبة رجعت لصابرين وعطيتها مية
انا امسحي دموعك توا تنسى
صابرين مش عارفة شن نقولك لكن خودي راحتك كان بتشمتي
أنا مافيها بنة الصراحة خاصة لما تكون ف أعراض الناس ومشيت وخليتها
روحت ع رجليا لأن رفيق هاتفه مقفل وكنت مستعجلة لأنى نبي نجهز لعيد ميلاده
سند يتبع