رواية ظلموني

ظلموني36
خولةان شاء خير يارب اشفيها
رفيق متوتر كله مني ياريت مشيتلها
الدكتور أهل المريضة وين
رفيق انا زوجها
الدكتور المريضة بخير والضربة جتها بسيطة
خولة الحمد لله
مرام نقدرو نشوفوها
الدكتور تقدرو حتى تخرجوها
رفيق خش يجري سلامتك ياحبي بطلي مقالب جبتيلي السكر
خولة ومرام سلامتك
رفيق كيف صار معاك هكي
انا كنت خاشة للمطبخ كأي انسانة عادية وهوا هجم عليا قعدت نعيط نبيه يخاف لكنه قعد يشوفلي ويضحك وبعدها قعد يجري ورايا أنا قتله حول عنى لكنه هو مصتقصدني وخشيت للمخزن ونشت السلوم وطاح
كلهم من هوا
انا الصرصور
خولة هههه يعطيك السلامة نحسابوه خناب
انا ياريته خناب
رفيق خزي خوافة وتتبردي مزال
انا عنده شناب ويطير
مرام ههههه والله عندها حق
رفيق خلي نكمل الأجراءات
روحنا وركبني رفيق وهوا شاد ف إيدي غبية هوا ف النهاية صرصور
أنا اسكت توا يسمعونا جماعته ويهجمو عليا
رفيق متخلفة مختلة مريضة
انا اختر الأجابة الصحيحة
رفيق فتح الباب وانا خاشة شفت وجهي ع مراية المدخل ونصكها عيطة
رفيق خير أمك يابنت الكلب
أنا جبهتي
رفيق خيرها
انا حامل شوف شن طلعلي فيها زي توم وجيري
رفيق هههههه والله طالعة تهبلي بيها
أنا جمالي تشوه كيف بنمشي لقرايتي مستقبلي ضاع
رفيق والله مش باينة
أنا توا دوره وخودلي حقي منه مافيش نوم
رفيق بري تمرقدي اكيدا هرب من عياطك بكري
أنا والله نقعد نبكي لغدوة
رفيق يارب صبرني على بلوتي
انا ان الله اذا احب عبدآ ابتلاه
رفيق قعد يدور فيه لكن مالقاه
أنا هيا أستعمل حواسك الخمسة
رفيق استغفر الله وخلاص وبعد مرور ساعة
رفيق اهو اهو حولي توا يجيك
انا هربت لدار شني قتلته
رفيق قضيت عليه وف خاطره ياريتني من بكري خترعت هالكدبة
انا جيبه خلي نشوفه ونشمت فيه
رفيق بري تمرقدي نخدم عندك وخش لدار ورقد
أنا خشيت للمطبخ وجبت ثلج وحطيته ع جبهتي ومارقدتش وانا نتخايل ف عيلته بيجو ينتقمو مني رنيت ع رفيق
رفيق نعم راقد
أنا كيف تتجرأ ترقد وانا مريضة وخايفة
رفيق شن المطلوب
أنا تعالا أقعد معايا
رفيق ماعنديش جهد وصكر
أنا المفروض جاء يجري هالغبي توا نوريه ولبست روب تركوازي طبعآ بنات خروج عن النص الراجل يحب الألون الاحمر الاسود الوردي التركوازي والابيض لكن ف نساوين يلبسو ف النمري ياأختي هوا بيرقد معاك مش مع النمر المقنع ومشيتله ف الدار ولعت الضي
انا رفيق رفيق
رفيق شافلي بنص عين هااا
انا نخش عادي
رفيق يتبع