رواية ظلموني

ظلموني33
رفيق مسكني مش خشمي شكلك غرتي
أنا حتى كانك توم كروز لكن انا قلت حكمة وانت مانتبهت عليها
رفيق قصدك متع زي ما الولاد يخونو حتى البنات يخونو
أنا شوفتني كيف طلعتها من فمي ومع تعابير الوجه ولانزار قباني
رفيق شن دخل نزار قباني
أنا مش هوا الى يألف ف الحكم
رفيق إنتى غرام غباء يمشي ع وجه الارض
أنا عينك خود تلفوني وصورني فيديو وانا نقول فيها وحق الله كل ماتتفرج عليه تقعد تبكي
رفيق هاتي ياقردة والله لما نزله ع اليوتيوب ونتفرجو عليك ف برنامج أطرف حيوان ف العالم وخدا تلفوني وقعد يصور فيا فيديو ويضحك ع حركاتي
أنا هيا هات نتفرج
رفيق اصبري وخش ع الأستديو بيفتحه وقعد يشوفلي ويشوف لتلفون
أنا ف خاطري حي على أمي نسيت شن مدايرة أنا ف التلفون
رفيق لصق فيا وحط التلفون قدامي وقعد يقلب ويشوفلي صوري شن يديرو عندك وليش مصورتني وأنا مش منتبه
أنا هدا عمل إنساني المزينة عندها ولدها يدير ف الشطانة ولما نوريه صورتك يخاف ويقعد وقررت كل يوم نصورك باش نساعد الأمهات لتربية جيل جديد واعي متحضر
رفيق ياسلام كدت أدرف الدموع من كلامك
أنا ياجاهل أسمها أنزف الدموع
رفيق انتي كدابة قولي ليش صوري عندك
أنا واحد لما يدير عمل إنسانى تكدبوه
رفيق قرب مني لين حسيت بالنفس متاعه أنتى تحبيني صح
انا ها
رفيق نطرشتي ولاشني
أنا مركزة ف عيونه ها
رفيق أنتى ياغبية
أنا ها
رفيق ميت بالضحك مجنونة وبتجنيني
أنا ليس ع المريض حرج
رفيق مشاء الله ع الشيخة
أنا الحمد لله فضل من ربي
رفيق هيا ننزلو نتغدو لوطة
أنا هدا بدال مانمشو لمطعم ولامكان بروحنا
رفيق كأنك تلحقي تبي نقعدو مع بعضنا
أنا أستغفر الله العظيم ونضت
رفيق زيدي أهربي والله لما نخليك تقوليها
نزلنا وتغدينا لوطة وكان الجو حلو
ف العشية طلعنا مع رفيق وقعدنا نتمشو
أنا وقفت ف مكاني وعيوني نصلووو
رفيق خيرك
أنا شي
مرام وجهك تغير خيرك
أنا شي والله نبي نروح
رفيق قولي شن فيه
أنا نبي نروح توا
مرام خليها براحتها هيا نروحو
وصلنا للحوش وخشيت لداري وصكرتها بالمفتاح وقعدت نبكي
رفيق بيسان أفتحي الباب خيرك شن جاك
أنا خليني ف حالي بالله عليك
رفيق أفتحي فهميني خيرك يابنت
أنا نعيط قتلك خليني ف حالي
رفيق خيرها زعما شن الى غيرها أحسن حاجة نخليها ع راحتها لين تهدأ وبعدها نفهم منها
قعدت ف الدار لين الساعة2 فى الليل وطلعت بنشرب مية وبنغسل وجهي
رفيق جاني يجري خوفتيني يتبع