رواية ظلموني

ظلموني32
انا توا نوريك تجكتر ع راحتك ياعسولي
درت الغداء وتغديت ورفيق ماطلعش وانا مادورته
لبست عبايتي وكلمت عمتى خولة ورفعتني للعمل
رفيق ناض ومالقاني وين مشت بدون ماتخبرني وانا شن دخلي بيها
روحت بعد العشاء وماركبتله الفوق
مرام تصلت بيه باش ينزل يتعشاء
رفيق مانبيش
وقعد يراجي فيا تي وينها هدى
رقدت مع مرام والصبح نضت ركبت وفتحت الباب بالشويا درت الفطور ولبست ومشيت للجامعة ونفس الشي رفيق ماشافني يومين
ف الصبح ركبت باش ندير لفطور وانا قاعدة ف المطبخ خايفة إنه يسمعي كنت نصفي ف الشاهي الأحمر وحسيت بحد نخصني نطيت للسقف ورديت قوية الكدبة صح نطيت مانعرفش كيف وتبزع الشاهى ع إيدي انا عيطت من النخصة والحرقة
رفيق أسف أسف مانحسابها عندك انى ومسكلي يدي وقعد ينفخ فيها
انا تي حول رياقتك ع الحرق توا يتلهب ويبترو إيدي
رفيق خزي ياحيوانة حق فيا أنى الى نبرد عليك
انا ومن الى حرقني مش أنت
رفيق ماهو كأنك بنت أمك زي ماتخشي كل يوم زي الخنابة وتطلعي راك منتبهة من جاي وراك
أنا وين نعلم بيك ماهو كل يوم تترقد زي المراة الحامل وماتبيش تشوف وجهي ولاتحكي معاي بعدين بعدين أنا توا بيغ سيستر
رفيق وشن تكون هادي
انا ياجاهل معناه سيدة أعمال
رفيق مات بالضحك وأخيرآ ضحكت فرحتوله زي صح
انا اااااه يدي تصطر
رفيق هيا نمشو للمستشفى
أنا لا جيب عسل توا يخفف الحرق
رفيق كيف تبيني نجيب روحي
أنا لاياراجل بالحق تحكي
رفيق سر ردبالك تخبري حد يحسدوك بعدين
أنا هوا أنى الى حادسة روحي بجديات
رفيق بدت ف كلام الهنود متاعينها
انا عطيتك النظري تبي العملي
رفيق انتى تخوفي هيا نوضي ودارلي العسل
أنا اااح وجعتني
رفيق كدابة شوفي إيدي وين
أنا هدا لأنى إنسانة معبية مشاعر
رفيق تحسابي روحك ف سوق سعي إسمها جياشة المشاعر
أنا مشاعري مازال مامشو للجيش
رفيق ووواك ع الغباء
أنا حق كيف تواضعت وتكرمت سموك وجيت حكيت معايا
رفيق ف اليومين الى فاتوو قعدت نفكر بيني وبين نفسي وحسيت بالذنب لأنى حكيت معاك بطريقة مش حلوة والشي هدا مش دنبنا نحنا التلاثة دنب القدر
أنا جيب تلفوني بنوريك حاجة
رفيق جابه وفتحته ليه أسمع رفيق يسمع ومصدوم لامش معقولة كيف هكي
أنا زي مافى ولاد يضحكو ويستغلو ف مشاعر البنات فيه بنات يضحكو ويستغلو ف مشاعر الولاد حشى بنات الأصول
رفيق معقولة هكي والله حبيتها من قلبي
انا حبك برص وعركشت وجهي
رفيق مسكني من يتبع