رواية ظلموني

ظلموني31
كيف فاتت عليا أكيد مجروح توا وواجعه قلبه كله مني
أنا بوي نبي نمشي لحوشي
ماما حوش مني خشي أرقدي
بابا ألبسي توا نرفعك
ماما أنت خيرك هبلت
بابا أكيدا ف حاجة مهمة خليني نرفعها
أنا أول مرة نحس بحنية الأب
ضميت دبشي ومشيت
مرام حي رجعتي
أنا تعالي معايا الفوق وحكيتلها شن صار
مرام ريتيها طلعت مسمومة
حلو إنتقامها عجبتني طريقتها وياريت كل بنت يغدر بيها حبيبها ديرها لكن رفيق حالة خاصة كان مضطر
نزلت مرام وانا حولت عبايتي
رفيق فتح الباب ولقاني قدامه إنتى شن ديري هنا أطلعي البرا كله منك كرهتك أطلعي خير مانرتكب ف أمك جريمة
انا خشيت للمطبخ جبت موس وحدفته قدامه أقتلني نستاهل أنا كارها روحي أكثر منك اقتلني تعرف ليش رجعت أنا نبيك تضربني وتفش غلك فيا نبيك تنفجر فيا وأنا والله مش حانتكلم بالعكس كله حايكون ع قلبي زي العسل
رفيق خش لداره وصكرها بالمفتاح وبديت نسمع ف فيه يكسر ويقربع خليته ع راحته
ف الصبح حطيتله الفطور ونزلت عند عمتى خولة ومرام وصبحت عليهم وقعدت نهدرز معاهم
مرام غمزتلي ولحقتها للمطبخ
انا خيرك
مرام شن صار معاك
أنا بنمشيلها بنسألها لين دارت هكي
مرام لا هكي تعقدي المشكلة توا نكلم اختها صاحبتي وتعرف عليها لما كان يرفع فيا لحوشهم خلي نعبي رصيد ونتصل بيها
انا خودي تلفوني وتصلي هيا
مرام أهلين تسنيم شن حالك
تسنيم مني ماعرفتك
مرام معقولة شكلك نسيتيني مرومة انا
تسنيم أهلين شن جوك والله بنعزمك للفرح ورقمك راح مني
مرام حتى أنا قلت وينها وماعزمتني مبروك عليها وعقبالك
تسنيم تسلمي يارب
مرام زواج ولاقصة حب
تسنيم تعرفي ليهم سنة مخطوبين وهوا قريب يموت عليها وتعرفيها رهف شيطانة قعدت ثقل ف روحها عليه وتكلم ف صحابها قالت خلي نودع ايام العزوبية ههههه
مرام معقولة وخطيبها ماعمره كبسها
تسنيم دايرة هاتف تاني
مرام اسمعي ماما تنادي فيا باي
تسنيم سلام
أنا خوك قداش ليه يحبها
مرام 4شهور
انا الحقيرة
مرام المشكلة لو خبرنا رفيق مش حايصدق
أنا اصبري تقريبآ مسجل الصوت شغال عندي وفعلا المكالمة تسجلت
مرام لازم يسمعها
أنا خليها لوقتها لأنه توا مش حايسمع مني شي
ركبت للحوش ولقيت رفيق يتفرج
انا فوفو فيفي
رفيق صكري فمك معاش تكلميني
انا قلت فيفي انت فيفي
رفيق تلقحي واضحة
أنا نتكلم ع فيفي عبده
رفيق ساكت
أنا قعدت جنبه رفيق بجديات تكرهني
رفيق ايه وهلبة
أنا نموت فيك
رفيق ناض وخلاني
انا توا يتبع