رواية ظلموني
ظلموني30
رفيق أهلين عيوني ستاحشتك
رهف حتى أنى هلبة
رفيق حبي بيسان روحت وكلها يومين ونطلقها
رهف وأخيرآ حبي نطلب منك طلب
رفيق عيوني ليك
رهف حجزت زوز قفطاين سهرة نبيك تخلصهم عليا
رفيق ماسدوك الفلوس الى عطيتهم ليك
رهف هما 600شن يجيبو بالله عليك
رفيق تمام حبي حاضر ابعتي أسم المحل ف رسالة
رهف نحبك ياعيوني وصكرت
رفيق بيسان بصوت عالي وبعدها دكر أن بيسان طلعت من حياته خلاص نزل لوطة
مرام واضح عليك زعلان ع فراقها
رفيق ضمي فمك
مرام نبصر عليك بكري كلمتها تسلم عليك
رفيق شن حالها وشن مدايرة
مرام تمام من غدوة بتبدا ف الخدمة عند المزينة
رفيق أمتى صار
مرام لما كانت هنا
رفيق اها
فات أسبوع ورفيق مازال مابعتلي ورقتي وبابا وافق ع خدمتي وطلعلي ورق جديد ورجعت لقرايتي وعطانى الأذن نحول حتى الخمار
كان يوم الخميس وكنا نزينو ف عروسة أسمها رهف
أنا نفس أسم حبيبة رفيق قداش ستاحشته القرد
رهف بعتت مسج لرفيق حبي تعالا جنب حوشنا نبي نشوفك وتشوفني لانه عرس خويا وزحمة نبي نستغل الفرصة
رفيق اوكي حبي
أنا معليش لو كملتي من التلفون ارفعى راسك الفوق شويا باش نكملك
رهف أوكي
طلعت تهبل العروسة وجو ماليها ورفعوها بعد المغرب
رفيق وينها ماتردش وصل جنب حوش رهف وقعد يراجي فيها ووصل الموكب ونزلت رهف وكانت ماسكة ف إيد العريس
رفيق ستغرب هدا عرس خوها ولاأختها
بعد دقايق معدودة وصلت لمروان رسالة شن شعورك لما شفتني لابسة الأبيض وزافيني مع غيرك
رفيق نصدم ودارت بيه الدنيا ليش يارهف ليش
رهف نادت لصاحبتها عواطف بعتي المسج
عواطف وصله وقراه
رهف مشكورة ياقلبي
رفيق الو وحيد تعالا ياصاحبي أرفعني من هنا قبل مانرتكب جريمة
وحيد وينك أنت
رفيق جنب حوش رهف
وحيد بعد نص ساعة وصل عند رفيق ورفعه للحوشه
رفيق ليش الدنيا دارت فيا هكي حبيتها والله ولما تزوجت بيسان كانت متفهمة وماحسستني بشي وف الفترة الأخيرة كانت تطلب مني ف فلوس تاريتها كانت توتي لعرسها ووواك ياصاحبي نبي نموت
أنا غسلت الماعين وخطر عليا رفيق خلي نتصل بيه ونقوله اليوم مكيجت عروسة اسمها زي اسم حبيبتك ودكرتك
التلفون يرن
رفيق نكرهك انتى السبب كله منك أنتى الى خشيتي بينا وفرقتينا تزوجت وخلتني كله منك
أنا رفيق أهدا خيرك
رفيق تزوجت وخلتني كله منك مش مسامحك طول عمري وصكر عليا حاولت نتصل بيه بس كان الرقم مقفل
انا قعدت نربط ف الأحدات حي معناها هيا رهف الى ووواك كيف يتبع