رواية ظلموني

ظلموني3
أنا نأشر لماما باش بابا مايشوفني
ماما تعالي خيرك تأشري
أنا نعض ع شواربي نبيها تسكت
بابا تعالي يابنت
أنا عضيت على إيدي من الغيظ ومشيتله
بابا شن فيه خيرك تأشري لأمك
أنا نبيها ف موضوع
بابا موضوع شنى شن مدايرة من عملة
انا لايابابا موضوع بنات هدا
ماما قول شن فيه خيرك
أنا نبي فلوس
إياد ليش الفلوس
أنا نبي ناخد حاجات بنات
عماد أكيد بتأخد مكياج وعطور
أنا لاياودي بنأخد قطن نسائي
وكلهم سكتو هوا صح مفروض مانقولش الحاجة هدي بس مرة مرة يبو صحة الوجه
ماما فنصت فيا ومشيت للمطبخ ولحقتني
أنا ضروري تناديني يعني عرافة بوي أنتي
ماما انتي قليلة أدب كيف تقولي بحدا بوك حاجة زي هدي نحنا زمان مانقدروش نرفعو حتى عيونا فيهم
أنا هداك انتو مش حنى
ماما قعدت تقرص فيا صكري فمك
أنا هدا فيش فالحين أنتو كلمة الحق ماتبوها وخشيت لدار نبكي
ميساء كان غير تمسكي لسانك شوي توا تسلمي منهم
أنا خلوني فى حالي وقعدت نفكر ف كلام صابرين
فات شهر وعرس ميساء بادي كان عرس عائلي لاطبل ولاغناء ودعت أختي بالدموع كانت الوحيدة الى تفهم عليا وتواسي فيا وكانت اول ليلة نرقد من غيرها بس ماجاني النوم
فات أسبوع والحوش كئيب أكثر من قبل لين نسمع الأخبار المفرحة
بابا وعماد وإياد مسافرين وأخيرآ
بابا مافيش كلية لين نرجعو من السفر
أنا مربوحة غير برو
ودعناهم وحدفت ف طريقهم سبع رشادات باش معاش يولو خشيت جري لتلفزيون وطلعت الأمبيسيات واللبنانيات والهنديات لأن تلفزيونا مافيش الا قنوات والأخبار وقنوات الشيعة الى يخبطو كل يوم
ماما هدا شني
أنا بالله عليك ياماما خليني نعيش حياتي شوية
ماما إن شاء يجي معاد يقتلك
أنا معاد أشبح وين دايخ ف الشوارع
صابرين ألو بيسو
انا مرحبتين
صابرين فى واحد صاحب صاحبي يدور على بنت شن رايك أنتي
أنا لانخاف ياوخيتي تصيرلي مشكلة
صابرين خايفة من الضرب ومن الاهانة إنتي هكي هكي تأخدي فيهم غير جربي مرة ولو ماعجبك فوتيه
أنا تمام نرد عليك بعدين
صابرين نراجي فيك
ماما ف من كنتي تكلمي
أنا صاحبتي وخدت مني التلفون وعاودت تصلت بيها
أنا وووواك خيرك أحرف من بابا أنتي
ماما ضمي فمك وف الليل تجيبيه التلفون عندي
أنا خشيت لدار وبديت نبكي وكلمت صابرين
انا تمام موافقة عطيه رقمي لكن خليه يتصل توا لأن أمي بتأخد نقالي ف الليل
صابرين مابعدك وربي يصبرك توا غير طيحيه ويجيبلك الى تبيه
وماهيا الا لحظات ورن هاتفي يتبع