رواية ظلموني

ظلموني28
رهف الو حبي
رفيق اهلين
رهف خيره صوتك متغير
رفيق مضايق شوي
رهف حبي عرس خويا قريب ناقصني فلوس
رفيق غدوة نبعتلك حبي
ف الصبح
نضت وانا فرحانة وتيت الفطور
رفيق ناشطة ومبسوطة
انا هيا افطر وأمشي للحوش طول
رفيق خيرك مستعجلة أنتى مليتي منى
انا هلبة تعرف ياوجه النحس
طلع رفيق وهوا رافع التسجيل خيرني انا زعلان ومضايق مش هدا الى نبيه وخلاص بنتزوج الى نحبها ليش تفكيري كله عند بيسان ووصل لحوشنا
بابا انت شن جابك
رفيق ممكن نحكي معاك دقيقة بس
بابا خش وانقز معليش
رفيق فتح التسجيل لبابا وبابا قعد يسمع ونصدم واول مرة تنزل دمعته
رفيق بنتك صانت حوشها وراجلها بس هو الى طلع مش راجل وبنتك نظلمت هلبة منهم
بابا خش وطلع الكلاشن وركب ف سيارته
رفيق لحقه
بابا وصل لحوش ياسر وقعد يفرغ ف الهواء وينادي ع ياسر وبوه انا الى تضحكو عليا كنا معاكم رجلة وفتحنالكم بابنا لكن انتو طلعتو فيها عويل وطلع ولدكم مخنت وربي لما نفضحكم ياكلاب
رفيق قعد يهدي ف بابا وقدر يركبه ف السيارة ويروح بيه
ماما خيرك شن فيه يامحمد
بابا قعد ع ركبيه وبدا يبكي ظلمتهم ياسهيلة بناتي ظلمتهم وخسرتهم
رفيق رجع للحوش وحكلي كل شي
أنا بعد شنى طلع ياخد ف حقي
رفيق بوك دمعته نزلت وشكله ندم
انا صح بنرجع لحوشنا بس مش حانسامحهم طول عمري
رفيق توا شن مفكرة أديري
أنا حانظم دبشي خلاص ونمشي لحوشنا ع اساس زيارة وبعدها أبعتلي ورقتي
رفيق الكلمة هدي نزلت عليه زي السيف وحس روحه بيخسرني جديات
نزلت لوطة وخبرتهم وفرحولي هلبة
مرام بتسيبينا خلاص
انا هكي الدنيا
مرام كلمتها البنت ووافقت تشغلك
انا حضنتها مشكورة حبي
ف الليل رفيق سرحان وحاط إيده ع خده
أنا جيت من وراه وعيطت ف ودنه
رفيق بكشة ان شاء الله
انا هدى أخر ليلة لينا مع بعض ليش متنكد الزح شكلك بتساتحشني
رفيق بندير عرس غدوة لأنى بنفتك منك
أنا بنجي نرقص وبنأكل حلويات
رفيق سم
انا رفيق بجد شكرآ ليك ع كل شي وقفتك معايا ماننساها كنت صديقي وخويا وسندي ربي يحفظك ويسعدك مع رهف ياحيوان
رفيق كيف جانى شعور أنك وليتي بنى أدمية لكن الحيوان يقعد حيوان
أنا من بعدك طبعآ
رفيق تصبحي ع خير نعست
انا مبردك وين ماشي
رفيق قتلك نعسان افهمي
أنا مرقد جدي
رفيق خش لداره وهو معصب وماردش ع اتصال رهف وتمدد ع السرير
أنا ووواك نبيه يقعد معايا لصبح بنشبع من شوفته وخطرت ع بالي فكرة جبت طنجرة وعبيتها مية مصقعة يتبع