رواية ظلموني
ظلموني24
لبست روب أسود شفاف وكانو الملابس الداخلية باينة وكان قصير هلبة والفخاد باينات وفتحت القوقل طريقة نوم لأغواء زوجي بالصور مالا نلعب وطلعن صور أشكال وألوان قعدت ع الصالون وقعدت ندرب ع الرقدة حطيت على mbc بوليود واول ماسمعت الباب خديت الوضعية الى هيا أسمعن يابنات وتعلمن رقدت ع ظهري ورفعت رجلي شويه مش هلبة الركبة تقعد مفرودة شوية وإيديا مديتهم على طلولهم خلف راسي وجبت خصلتين ع وجهي
رفيق خش وهوا يتكلم ف التلفون ويسمع ف صوت التلفزيون وجاء للصالة وكنت راقدة على أساس أسمعي حبي شوية ونكلمك وبديت نسمع ف خطواته وهوا يقرب مني
أنا ف خاطري تى هيا دير لقطة تعبت ٱيديا تشكلو
رفيق ووواك تى شن هدا حى على أمها الزح قداش نتعب مع الفخاد
أنا وربي قريب نضحك ف وجهه
رفيق ياربي الصبر كيف بنشد روحي والشيطان واخد فيا حصة يقنع فيا وحولي الخصلة من على وجهي الزح وحاطة عطر يقتل قريب نقز عليها ورن تلفونه وكانت رهف هدي الفرخة المفروض يسموها هادمة اللذات ومفرقة الجماعات
رفيق داره صامت وحط يده ع وجهي بيسان بيسان نوضي
أنا قعدت يادوب فاتحة عيوني خليني نرقد شويا
رفيق نوضي أرقدي ف سريرك
أنا باهي بعدين توا نوض
رفيق مسكني من يدي تي نوضي ولانصب عليك مية مصقعة وقعد يجبد فيا
أنا أرفعني ونتكلم بصوت ناعس ع اساس ليا هلبة راقدة قتلكم مكاني ف هوليود
رفيق نرفع عينك تى نوضي وارحمي أمي نحس ف حرارتي40
انا خيرك مريض
رفيق ستعبطي مش منك لكن
انا نضت ارفعني لدار نعسانة
رفيق ووواك منك وخلاص وشدني من يدي ورفعني لدار رقدت ع سريري وغطاني أنى قعد نحول ف الورغان برجلي وزاد الروب رتفع وبانت الفرعة
رفيق مسح ع وجه أستغفر الله العظيم وطلع
انا فتحت عيوني وشديتها ضحك لين جنابي وجعوني
رفيق خش لداره وهوا يحاول ينسى الى شافه تصل برهف بس ماردت عليه وقعد يتقلب وحق ربي خاطري نرجع عندها تي عيب ياراجل مع تفكر هكي لازم نحل قصتها بسرعة قبل مايجي يوم ونغلط ونظلمها معايا لكن مازال خاطري نمشيلها والحنة واخدة منها حتا والله البنت هدي بتمرضني
الصبح نضنا وقعدنا نفطرو
رفيق نهارك أحرف تعاوديها ترقدي ف الصالة
أنا ليش نهاري أحرف قعدت نتفرج ورقدت بدون مانشعر
وصلني مسج ع المسنجر من الشخص الى تعرفت عليه وقعدت نضحك
رفيق ضحكيني معاك
أنا هدا صديقي تعرفت عليه اليومين الى فاتو جوه مش عادي اطلع طول
رفيق هاتي جاي التلفون واتصل بيه ع يتبع