رواية ظلموني

ظلموني21
ركبوني للحوش الفوقي وقعدوني ع السرير مرام خاطري نقعد معاكم
أنا هههه خزي ياقردة وطلعو وخلوني
وخش عليا رفيق كان لابس بدلة سودة وراد شعره ع الخلف ولحيته المرسومة قريب نقزت عليه
انا نضت وقفت وهوا قرب مني وقام الطرحة وأخيرآ عشته الشعور هدا وقعد يشوفلي عيونه يقتلووو قريب حضنته المفروض حضنته لأنه راجلي بس مانبيش نطلع فيها خفيفة من أولها
رفيق مش عارف شن يقولو ف اللحظة هدى
انا كأنك تلقح عليا
رفيق ههههه لا مش قصدي شي خيرك
أنا غدوة نكلم عمتي خولة تأخد حقي
رفيق من اولها بتوكلي محامي
أنا لا بنوكلها ليك لأنى شريرة
رفيق حتى أنا شرير
أنا شريرة ونعض
رفيق سرح فيا وتنهد ضحتك حلوة والغمازات يحلو فيها
أنا عارفة روحي
رفيق غير بشويا علينا هيا غيري بسرعة جيعان بنموت
انا العريس هو الى يغير للعروس
رفيق كذابة مش لأنك متزوجة قبل بتمشيها عليا
انا هههه تعالا نحكيلك كيف قعد يمشي لما خش عليا
رفيق هههه نحي الفيلو قبل وبعدها أحكيلي
دوشت ولبست توتا بودرية وضفرت شعري
رفيق بسم الله انتي من
انا الغوووولة
رفيق تنحى المكياج وطلع التمساح
أنا ههههه انا توا مدايرة مكياج بكري جمالي رباني
رفيق تعرفي توا أكتشفت أن دمك خفيف
أنا عارفة روحي
رفيق وووواك منك ياكلمتي وليلي ورن تلفونه وناض وخلانى
انا غرت الحق ونفكر بصوت عالي توا ليش خليتيه كيف بنسترزقو الزح تعشيت وخليت السفرة بالك ينوض ويأكل وخشيت رقدت
فى الصبح نضت دوشت ولبست جامسوت امريكاني من طول عمري كان خاطري نلبسه ولما شفته عجبني وخديته درت شعري ديل حصان ودرت شوية روج ومسكرة وكحلت نحبه الكحل انى خاصة لما نديره ف الليل والصبح نوض نغسله
رفيق كان ف الصالة وماسك تلفونه
انا صباحو
رفيق صباح الجمال
أنا كيف حالك
رفيق الحمد لله وانتى
انا مش تمام بكل
رفيق خيرك شن بيك
أنا جيعانة
رفيق هههه مش باين عليك من النوع الى تحبي الأكول
انا ناكلك حتى أنت كان جعت ممكن سؤال
رفيق تفضلي
أنا رهف شن وضعها إن شاء الله مش زعلانة
رفيق لاطمني متفهمة الوضع لأبعد الحدود
أنا باهي الحمد لله ورن الجرس
مرام خاطري نقولكم صباحية مباركة ياعرسان
رفيق قوليها ماتقعد ف خاطرك
مرام وحق ربي طالعين ع بعضكم تهبلو ياريتكم تحبو بعض
أنا هاتى الفطور جعانة بنموت
مرام تحشمي انتي عروس يامفجوعة
انا تحسابيني ياسر مدايرة دايت
رفيق وهوا معصب معاش تدكري اسمه انا بغير
أنا يحليلي من يتبع