رواية ظلموني
ظلموني 2
بابا كيف كيف من امتى عندنا بنات ترفع صوتها ع خوتها هدا خوك وتاج راسك تحترميه غصبن عنك
انا غير أفهم القصة قبل ويجيني كف
عماد تستاهلي وطلعو
ميساء انتى ليش تناقشي فيهم عارفة مش حايرحموك
انا لين أمتى بنسكتو عيلة الفقر قالك تبدير مولي زي سمعو ودلال
بابا هيا جيبو الفطور
انا محماط ان شاء الله
ميساء ههههه ضمي فمك مش وقته
تسمسمنا لأنه فعلآ ينزل ف بطونا زي السم مافيش من يضحك ولاينكت ولايناشب فالحين غير يفنصو فيك من فوق للوطة
بابا الحمد لله اللهم أدمها من نعمة ردبالك تلوحي فتفوتت خبزة والى قعد حطيه ف الثلاجة
انا هو ش وقطعت عليا ميساء تمام يابابا
عماد تحركي البسي باش نوصلك للجامعة وكنت نلبس فى اللباس الشرعي كامل هوا أنا مش قصة مانحبه بس لابسته من غير قناعة
بابا تعالي وبدا يشوفلي ف وجهي كان فيه مكياج وبعدها بدا يشم فيا زي كلاب الشرطة باش يتأكد انى مش دايرة عطر وخدا التلفون وفتشه وقعد يتصل ع أخر الأرقام المتصلات بيا وكل مايسمع صوت بنت يشد لحيته ويسرح
عماد شن يابوي كل شي تمام
بابا تمام تحضري محاضرتك وتتصلي بخوك يروح بيك طول
انا تمام وصلت للجامعة وكانو البنات يلبسن عادي طويل ومحترم ونشوف فيهم كلهم سعيدات ويضحكو كنت ديما نحسد فيهم
صابرين صباحو
أنا اهلين صابرين
صابرين خيرك مكشرة
انا نشوف ف البنات كيف يضحكو ويهدرزو وعايشات الحياة
صابرين وأنتي شن ناقصك
انا ناقصني الأحترام
صابرين عيشي قصة حب توا تلقي كل شي
أنا من بيحبني بالله عليك وأصلا مستحيل نحب وهدي عيلتي
صابرين رن تلفونها وطلعاته من شنطتها الماركة مش أنى شنطة من لما كنت اولى تانوي ومشركة ومخيطة بسلك أحمر وكان أيفون اكس
انا فتحت فمي وواو تلفون جديد
صابرين هدية من الحب
أنا سعودك ياكبدي
صابرين أي شي خاطري فيه يجيبهولي
أنا وناسك كيف تتصرفي معاهم
صابرين بسيطة صاحباتي هدوني خشيت ف مسابقة ع الفيس وربحت
أنا ياريتني زيك الزح
صابرين تقدري تكوني زي غير حولي الخوف
أنا كلامها دار صدأ ف دماغي والشيطان بدا يلعب ألعب يلا حظرت محاضراتى وتصلت بعماد وروحت
أنا السلام عليكم
بابا وعليكم السلام تعالي وبدا يشوف ف وجهي ويشم فيا وخدا التلفون هوا ياريته تلفون زي الناس بيلة من عام جدي ملصق بلصقة ضي
تغدينا ونحنا نغسلو ف الماعين
أنا حسيت بمغص
ميساء حي جاتك المرضة
أنا ووواك مش وقتها ومشيت للصالة كان بابا وعماد واياد وماما ع الأخبار
يتبع