رواية ظلموني

ظلموني17
أنا ياربي ليش خلقتني محبوبة ودمي حلو
كلهم قعدو يضحكو
أنا ف خاطري يحليلي وخلاص ع الضحكة الى تجنن الصبر يارب
مرام خلاص هانت توا تطلعي وتتحسني
أنا إن شاء الله
مرام وين ناسك اليوم ماجوش قلنا نجو الصبح ونلحقو عليهم
أنا إيه كلمت ماما بكري وقاتلي بابا مريض شوي العشية توا تجي
مرام ربي يشفيه
رفيق ف خاطره معقولة ماحد جاء بات معاها ولادورها كان امها عندها عدر خوتها وخواتها وين البنت هدي وراها قصة وشن السبب الى كان مخليها تطلع من حوشهم ف نص الليل
مرام رفيق هيا روحنا
رفيق هيا وشافلي وقالي إن شاء الله لاباس صوته ياناس يهبل خشن مش يتسحبن زي هداك الدراه ع سيرته خطر عليا وناديت الممرضة وكلمته
ياسر ألو مع مد الألف
أنا ياحقير ياتافه أنت شن مقايل لبابا عليا ياكذاب وحق ربي لما نطلع من المستشفى إلما نقتلك خزي عليك يابنية وطلقنى ورقتي توصلني اليوم قبل غدوة وصكرت عليه بس مازال مانطفت النار الى والعة الداخل لين نتش ف النار
مرام أنت مش نازل
رفيق لا عندي عمل ورجع للمستشفى معليش يادكتور نخش
الدكتور تفضل
رفيق نبي نسألك ف حد سئل ع المريضة بيسان من أقاربها أو أي حد
الدكتور لحد الأن ماحد متابع حالتها الا انت
رفيق شكرآ دكتور
وقعد يراقب ف الغرفة الى أنا فيها لين بعد المغرب وتأكد من شكوكه تجاهي
أنا كله مشيتها نوم
فاتو تلاتة أيام وكتبولي خروج اليوم الى كنت خايفة منه
مرام وخولة الحمد لله ع سلامتك
انا الله يسلمكم وماكانش عندي حتى دبش نلمه ولانلبسه
كنت منحرجة كدبتي بدت تبان وهما بدو يشكو فيا
خولة من بيجي يروح بيك
أنا بديت نبكي وخلاص حسيت روحي وحيدة لاسند ولاعيلة وين بنمشي وكيف بنعيش
خولة قربت منى وحضنتني حسيت بحنان الأم الى مالقيته عند أمي خيرك أحكي يابنتي فضفضي بالك نساعدوك
أنا حكيت القصة كلها لخولة ومرام
مرام تأثرت وبدت تبكي معايا
خولة لاحول ولاقوة الا بالله توا نكلم رفيق ونرفوعك لحوشكم ونفهموه القصة
أنا لا مستحيل يخليني نخش ومش حايصدقني
خولة روحي معانا توا ونمشيله أنا ورفيق
أنا مانبيش تنهانو عشان خاطري حطوني ف دار العجزة ولا أي مكان
خولة ماتخافي انتى غير بري معانا وبعدها ربي يدير طريق
انا تمام وخولة كلمت رفيق وحكتله القصة ووافق يمشي معاها عند بابا
وصلنا لحوش رفيق وكان حوشهم متواضع لكن تفصيلته حلوة واول ماخشينا لقينا بوه قاعد البرا كان مقعد مسكين والكرسي المتحرك جنبه وأنا كنت يتبع