رواية ظلموني

ظلموني 16
بعد أسبوعين بالتمام فقت من الغيبوبة قعدت نفتح ف عيوني بشويا والرؤيا مش واضحة حاولت نعرف أنا وين وشن الى صار وبدت الرؤيا تواضح
أنا وين أنا وين
الدكتور حمد لله ع سلامتك
أنا نشوفله قداش ليا هنا
الدكتور أسبوعين
حاولت نتحرك من مكاني بس حسيت بوجع ف ضلوعي ورجلي
الدكتور قعد يسأل فيا ع اسمي وعمري كان يبي يتأكد لو أنى فقدت الداكرة
أنا ممكن تجيبلي التلفون نكلم عيلتي
ماما السلام عليكم
انا نبكي ماما وينكم مش معايا تعالولي
ماما تفو ياحقيرة مازال عندك عين تتصلي نحنا زواجنك باش تعقلي قعدتي دخلي ف الرجالة لحوشك ف نص الليل ولما كشفك راجلك هربتي أنا متحشمة لأنى جبتك نزلتي روسنا الوطأ انا عندي بنت وحدة وماتت اسمها ميساء وصكرت
أنا قعدت نبكي معقولة وصلت بيه ياسر لدرجة يطعن بشرف زوجته حسبي الله ونعم الوكيل وقعدت نبكي لين رقدت
نضت وقعدت نشوف للصقف ونفكر حياتي شن بيصير فيها وين بنمشي وكيف بنعيش
السلام عليكم
أنا وعليكم السلام وكانت بنت من نفس مواليدي ومعاها شاب طويل وعنده عضلات كانو عيونه سماح ولحيته طويلة ونازلة وشعره كان كثيف وهلبة ومعاهم مراءة كبيرة ف العمر
ام الشاب الحمد لله على سلامتك
أنا الله يسلمك
البنت أنا مرام وهدى أمى خولة وهدا خويا رفيق
انا بالجودة بيكم
خولة ولدي رفيق هوا الى ضربك بالسيارة وكان تبي تشكي عادي هدا حقك
أنا لاياخالتي مسامحين دنيا وأخرة
رفيق والله مانتبهتلك وانتى الى كنتي تجري وجيتي قدامي
انا خلاص ياخوي حصل خير
خولة بارك الله فيك وربي يشفيك
أنا يبارك ف الجميع
مرام لو ستحقيتي أي شي كلمي الممرضة لأن رقمي عندها
أنا شكرآ وخيتي
خولة مالا ماليك وين من يوم الحادت ماقدرنا نوصلو فيهم أكيدا قلبهم محروق عليك
أنا جوني ف الصبح وطمنت عليهم وطمنو عليا واصريت عليهم أنهم يروحو
خالتي خولة باهي يابنتي نستأدنوك ونرجعولك غدوة
مرام باي
رفيق طلع أخر واحد يحليلي وخلاص غير شفت عيونه بريت كان شخصية وجنتل ولابس سروال أسود وتيشيرت أسود يوووهبل
الصبح طلعت من العناية وحطوني ف دار عادية وكانت صحتي كويسة
أنا امتى بنطلع دكتور
الدكتور مازال شوي خلي نطمنو عليك قبل
أنا قول حبيتوني ماتبوش تسيبوني
الدكتور هههه دمك خفيف
أنا قول حاجة جديدة
مرام ورفيق السلام عليكم
أنا وعليكم السلام
رفيق كيف حالها اليوم يادكتور
الدكتور الحمد لله ولو قعدت هكي مش حانطلوعها لان مانقدروش على فراقها
يتبع