رواية ظلموني

ظلموني15
ياسر وواو الروب يجنن ممكن نقيسه
أنتو زيني فتحتو فامكم من الصدمة
أنا لو خفت الدم ماجت من ربي مافيش داعي ليها
ياسر ليش شن قلت حاجة فيها خفت دم
أنا الله لاتسامح من كان السبب أطلع من الدار لوسمحت
ياسر باهي خيرك متعصبة أنتى متوحشة
ع فكرة وطربقت ع وجهه الباب بس رغم هكي ميأست فتحت اليوتيوب وجبتلكم طريقة تانية
ف الصبح فطرنا وطلع هوا لحوش بوه
وبديت ف تنفيد الخطة رقم 2 قبل الظهر تصلت بيه باش نتأكد أنه متغدي ف الحوش
ياسر شوي وبنوصل للحوش
انا تمام طلعت ولبست عبايتي وقعدت نراجي فيه وماهيا الا لحظات ونسمع ف باب الحوش نفتح
أنا وقفت بعيدة عليه
ياسر خيرك لابسة عبايتك وين كنتي ولاوين ماشية
انا بدون مانرد عليه خشيت لدار النوم وقعد يلحق فيا
ياسر نكلم فيك
أنا حولت عبايتي وماكنت لابسة تحتها شي
ياسر يع بطنك مترهلة وعندك جناب
أنا خديت المزهرية وحدفته عليه لكن يحمد ربه جت ع الحيط ندل وحقير معقولة بعد الأغراء هدا كله ماشاف غير لبطني واطي
ياسر خش لداره ومعاش طلع
أنا حلفت أنى معاش بنجرب ولاطريقة معاه مايستاهل أصلآ
فاتو 6 شهور ونحنا متجوزين قدام الناس وبروحنا كل واحد شاد مكانه
عماد وإياد تزوجو مع بعض بس ماحضرت الفرح لأن بابا قال لأمي حوشي ماتخشله لين يحطوني ف القبر
فى ليل حطيت العشاء وتعشينا
ياسر بيجني ولد صاحبي ردبالك تطلعي من الدار
انا ياصلاة النبي وأخيرآ بدا يغار عليا اوكي تمام
مع الساعة11 رن الجرس وأستقبل ياسر صاحبه ودخله للمبروعة
انا خشيت للدار وقعدت ع النت وتعلمت هلبة حاجات من اليوتيوب وبعد نص ساعة حسيت بالعطش ونضت للمطبخ وانا ف طريقي للمطبخ قعدت نسمع ف صوت تنهيد وعياط وقعدت نتبع ف الصوت وكان ف غرفة ياسر فتحت الباب ولقيتهم ف وضع أستغفر الله العظيم ماتتخيلوش موقفي ف هديكا اللحظة معقولة كنت عايشة مع واحد مش راجل 6شهور وانا مخدوعة
ياسر انتي فاهمة غلط وطلعت نجري
صاحبه أجري توا تفضجنا
طلعت من الحوش وانا مش لابسة ف رجلي ولابسة توتا وشعري عريان ونجري ونبكي مش عارفة وين بنمشي لاعند مني بنمشي وحوشنا كان بعيد وكيف بنقطع الطريق تضربني سيارة وأغمى عليا طول
ياسر وصاحبه لما شافو السيارة ضربتني هربو وأسعفوني للمستشفى
خشيت للعمليات وقعدت مايقارب ال4ساعات كان عندي كسر ف ضلوعي وكسر ف الرجل من غير الضربة ع الراس والكدامات ومكتبولي نخش للعناية مرة تانية وخشيت ف غيبوبة
بعد يتبع