رواية ظلموني

ظلموني14
أنا خيرك تعيط ماريت شي ياودي
ياسر توا يبال أمك
أنا جري لدار وسكرتها بالمفتاح وقعدت نفكر بيني وبين نفسي ياريته حتى كان جسمه حلو مسلون رايح زي السلوقي اع حسبي الله ونعمة الوكيل فيه رعشني وماصار من النت وقعدت نتمحمس لين رقدت
ف الصبح نضت نمشي ع روس أصابعي ونشوف يمين ويسار خايفة يشدني وخشيت دوشت ولبست توتا حمرا ودرت شعري ديل حصان وخشيت درت الفطور لين نسمع فيه ناض
أنا يستر الله كان مايبطحنى بطريحة ويصيرلي زي الى يقولو عليه هرب من الغولة طاح ف سلال القلوب
ياسر بدون ولاأي كلمة خش للمطبخ وقعمزنا فطرنا كان ياكل زي البنات عرفتوهم النوعية الأوفر متع البروستيج ودير ف روحها تاكل بشويا وتنقب زي الدجاجة كان نفسهم
أنا أسفة ع أمس مش بقصدي
ياسر أخر مرة تعاوديها ولانخبر فيك نسيبة
أنا نشرقت بالشاهي وشفتله شن دخل نسيبة ف النص هدي حاجة تخصنا وبعدين توا ولابعدين بنشوفك من غير دبش
ياسر هدا كله ف أحلامك تسمعي وناض من عن السفرة هوا ومشيته زي اللفعة الى تتلوا يمين ويسار
كملت فطوري وغسلت الماعين ومشيت لقيته فاتح ع نفس القناة ويشوف للمديع ويدحنس هدا خير عمه مديتله التلفون وقتله افتحلي النت
ياسر خدا التلفون مني ووصلني بالشبكة قعدت بحداه وكنت مركزة فيه هلبة كان مش طبيعي
أنا خيرك عرقت وطيبت شاربك بالعض مريض ولاشن بيك
ياسر عدل قعدته وشافلي شي ماخيرني
انا فته ان شاء الله بكل وفتحت التوتيوب ولاشن أسمه وقعدت نتفرج ع المكياج والتسريحات يكمل فيديو ينفتح فيديو ومافقت بروحي الا والظهر يأذن خشيت للمطبخ درت روحي بندير غداء قطعت السلاطة ودرت توست بالتن وعصير وتغدينا
ياسر يأكل ف السلاطة بس
أنا كول توست خيرك
ياسر سوري مداير دايت
أنا قريب رجعت الى ناكل فيه كملنا غداء
وخشيت لدار وانا منسجمة مع الفديوات وقابلني ف الأقتراحات كيف تغوينا زوجك ونفتحلك الفيديو وبعدها كيف تجعلين زوجك يعشقك ويحبك وغيرهم كان نسميلك معاش نخلص وطلعت ورقة وقلم وبديت نسجل الله أكبر حاطيح اليوم ياياسر
بعد العشاء خشيت لداري وطلعت هداك الروب الأحمر كان عبارة ع فرعة وكت وفتحت شعري وقعدت ساعة نرسم ف عينى مىة نطلع فروعون ومرة نطلع أبو الهول لين شدت معايا ودرت روج أحمر وبخيت هداك العطر ونقصت الأضاءة وقعدت نادي فيه ياسوري سوسو طيحتله سعده اسمه
ياسر جاء وقعد يشوفلي من فوق للوطة
أنا ف خاطري شكله طاح
ياسر وواو الروب يجنن يتبع