رواية انتي روحي

الفصل الثالث من رواية انتي روحي

..في منزل عبدالرحمن
عبدالرحمن ها ايه رايك يا احمد
..والله يا بابا شكله كويس و محترم بس حكاية الجواز السريع دي قلقاني
..و انتي يا ديما انا مش سامع صوتك يعني
..اللي حضرتك تشوفو يا بابا
يعني موافقه
.. نظرت ديما في الارض و ابتسمت
..خلاص علي بركة الله
*********************************
..في غرفة ديما
..ديما الو
مني ايوه يا ديما عملتي ايه
..ديما جه النهارده و شوفتو
..ها حلو
..اممم يعني
..بباكي وافق
..اه
..دي هتبقي ضربه قضيه لحسام
..حسام مين و بتاع مين ده عيل اهبل سيبك منه
..اممم ماشي هى الخطوبه امتى
..لسه بابا مقلش
..ماشي ربنا يتمملك علي خير
..شكرا يا حبيبتي عقبالك
..طب هقفل دلوقتي عشان ماما بتنادي
..ماشي سلام
..*****************************************
بعد مرور يومين
عبدالرحمن الو ايوه يا انس
..ازيك يا عمي
..الحمدلله انت اخبارك ايه
..الحمدلله ها قرار حضرتك ايه
..ممكن نتقابل عشان نعرف نتكلم
..اه طبعا تحب اقابل حضرتك فين
..في كافتريا جمب المستشفي تعال علي هناك
..حاضر مسافة السكه

بعد مرور فتره قصيره في الكفتريا
انس ها يعمي قولت ايه علي طلبي
..موافق بس ليه شرط
..اتفضل
..طبعا انت عارف ان ديما لسه صغيره و مخلصتش دراستها شرطي ان ديما تكمل جمعتها
..طبعا انا عمري ما كنت هامنعها من الدراسه ابدا
..و في حاجه كمان
..اتفضل
..ديما طبعها صعب شويه و بتغلط كتير و مبتعترفش بالغلط انا عايزك تطول بالك عليها و تتعامل معاها بعقل
..انا عايز حضرتك تكون مطمن عليها ها الخطوبه امتى بقا
..الجمعه الجايه يناسبك
..اه طبعا
..ماشي يابني انا همشي بقا عايز حاجه
بصراحه كنت عايز استاذن اني اكلم ديما
..ماشي يابني الرقم معاك
..الحقيقه لا
..طب خد اهو الرقم ……….
************************************
..بعد فتره عند ديما في الاوضه اعلن التلفون عن اتصال
..ديما مين اللي بيرن دلوقتي ديما بنوم الو
..انتي لسه نايمه لحد دلوقتي
..اعتدلت في الفراش و نظرت الي شاشة الموبيل مين ده
..انت مين
مردتيش علي سوالي ايه اللي منيمك لحد دلوقتي الساعه واحده الظهر
..لومقلتش مين هقفل في وشك السكه
..لوشاطره اعمليها
..يادي النيله عليا انت مين و عايز ايه
..انتي بتبقي مضايقه كده وانتي لسه صحيه من النوم
..انت مال اهلك
..بت اتلمي انتي عارفه اني هندمك علي الكلام ده
..ليه انشاء الله تطلع مين عشان تندمني
انا انس خطيبك يا هانم
.انس مين انس انس
..ايوه هو ده
ينهار منيل سوري بجد مكنش قصدي
بعد ايه بعد معرفتك علي حقيقتك
..والله و ايه بقا حقيقتي
..ان لسانك طويل و عايز قطعه وانا هقطعهولك انشاء الله
..والله طب انجز عايز ايه
..انجر معلش يا عم صبحي اسف يخربيت اللي يزعلك
..صبحي مين
..انت يا عسل يا سكر
بدا ضربات قلبها في التصاعد و تحدثت بلعثمه
..اان انت عايز ايه دلوقتي
..اممم ماشي انا كنت عايز اقولك البسي عشان هعدي عليكي بعد ساعه عشان نشتري الذهب و الفستان للخطوبه
خطوبة مين انشاء الله و انا معزومه
..لا والله انتي كمان بتهزري ماشي يا صبحي البسي يلا عشان منتاخرش
..ماشي يا
..ها يا مين متنسيش ان هبقى جوزك المستقبلي يلا سموعليكو
قفلت معاه و فضلت تضحك و تتنطط علي السرير بفرح
..ودمه خفيف و بيهزر الله شكلي داخله علي ايام عسل
.
.يا ست ديما يا هانم داخلين عالعصر و انتي نايمه
..صحيت يا احمد جايه اهو

دخل احمد الي غرفتها و وجدها فوق السرير

..انتي لسه فيكي العاده دي انا مش منبه عليكي الف مره بلاش التنطيط علي السرير انتي ناسيه اخر مره لما وقعتي و اتكسرت رجلك و قعدتي شهر تعيطي من وجعها
..معلش والله يا احمد نسيت
نسيتي ماشي ياختي يلا عشان خطيبك كلمني و زمانه جاي
..انت جاي معانا
..اه طبعا امال هتروحي لوحدك انا جاي من الشغل بدري عشان اروح معاكي يلا كفايه كلام
ماشي فوريره
*************************************
بعد مرور ساعه و نص في محل الذهب
انس ها شوفي الخاتم ده
لا واسع
..طب ده
..لا شكله بيئه
..صبرني يا رب يا بنتي ده تالت محل ندخله و ميعجبكيش حاجه
..اعمل ايه يعني كلهم مش حلوين
..اول مره اعرف ان في دهب مش حلو خلصي انا زهقت
..خلاص ده حلو
..ماشي و الدبله بقا بصي انا هنقيلك دبله علي زوقي ايه رايك
..ماشي
..ها بصي دي جميله قوي و رقيقه
..ماشي
. احمد.طب تمام و وجه كلامه الي صاحب المحل ممكن تجبلي سلسله قلب
حاضر يا فندم اتفضل
..ها ايه رايك في دي
..دي ليه .
..اممم دي هديتي ليكي
..الله دي جميله قوي
..طب تمام
..انس ممكن تكتبلي علي الدبل اسمي و اسمها و علي الدبله بتاعتها كلمة بحبك
..نظرت له بخجل شديد و بدء قلبها يدق من جديد

..خرجوا من المحل متوجهين الي معرض الفساتين

ها ايه رايك في ده
ده ايه ده لونة اسود
اه ما الاسود شيك جدا
لا طبعا خدي ده لونه احمر جميل عليكي
..لا احمر يع
يع يا ليله مش معديه بصي من الاخر مش هتاخدي الفستان الاسود ده لو اتنتطي هنا تمام فا خلصي عشان نمشي
..يوووه انا مش هاخد غير الاسود ده عجبني ايه رايك بقا
..اللي عندي قولته و خلصي في يومك ثم هداء قليلا بصي يا دمدوم يا حبيببتي الاسود ده فال مش حلو خدي عندهم بينك و احمر و دهبي كلهم حلوين
..اللي انت عايزه خلاص
..انتي زعلانه
..لا
..لا زعلانه ثم وجه حديثه الي صاحبة المحل ناخد الاسود ده و البينك اللي هناك ده بس الانسه هتقسهم الاول
..البنت طبعا يا فندم اتفضلي حضرتك
..نظرت له باعجاب ثم ابتسمت و دخلت الي البروفه
..خرجت بعد قليل بالفستان البينك و كانت غايه في الرقه و الجمال
..انس خلاص ده عجبني هاخد ده
..البنت اتفضل حضرتك علي الكشير

خرجو من المحل نظر لها انس و قال
..خدي يا ديما المبلغ ده و اشتري اللي ناقص عشان انا خلاص هنجت انتي كملي بكرا ماشي
ماشي
..انس تعالو نتعشي في اي حته
..احمد لا يا عم ماما عامله اكل انت اللي هتيجي تتعشا عندنا
..مش هقدر انا يدوب اروح انام اختك اتوصت بينا النهارده
..مينفعش حماتك تزعل
..معلش يا احمد والله تعبان و عايز انام اعتذرلها بالنيابه عني
..احمد ماشي يا عم بس انت ليك عزومه عندنا
..في الخطوبه انشاء الله ناكل برحتنا يلا تعالو اوصلكو في سكتي
..
بعد فتره وصلو قصاد المنزل و ودعهم انس و غادر

صعدو الي المنزل و دلفت ديما الي غرفتها و ارتدت الفستان الاسود و بداءت تدور حول نفسها بسعاده غامره ثم اعلن تلفونها عن قدوم رساله فتحتها و ابتسمت
.. نامي بدري عشان متصحيش متاخر زي النهارده تصبحي علي خير يا عمري
..ابتسمت بسعاده و ارتدت البيجامه و خلدت الي النوم