حمامة السلام

الجزء السادس

اليوم واخيرآ سعيد رجع على البيت
اغلب أهالي الحي متجمعين عنده عم يتطمنو عليه
بس يلي كله استغربه انو ام جابر وأبو جابر مش موجودين
سميرة : خالتي ام جابر وين
ام نغم: بتكون بالبيت
سعاد : مستحيل تعرف انو سعيد طلع من المشفى وما تيجي
ام نغم : غريب أمرها
سميرة : راح انزل اشوفها
راحت سميرة و رنت الجرس اكثر من مره بس ما حدا رد
رجعت و خبرتهم
ام نغم : يمكن طالعة شي مشوار
سعاد : يمكن
نعمة : لك انتو كيف هيك عملتو بالزلمة
سميرة : بلا لا اتذكرينا انا اساسا طول ما سعاد بحياتي راح يصير فينا اكثر من هيك
سعاد : شو ست سميرة بلشنا
ام نغم : روقو مالكم لسى سعيد ما طاب
نعمة (بضحك): الله يستر شو ممكن يعمل بس يشد عوده
سميرة : ليه شو ممكن يعمل
سعاد: ما بعمل شي ما اظن ولا يمكن يعمل مثل ما حكت خالتي ام جابر يتزوج
نعمة : طول ما انتو هيك اكيد
سميرة و سعاد سوا : مستحيل

خلصت هالزيارة ونزلت ام نغم ونعمة على البيت

نغم : شو كيف صحته
ام نغم : الحمد لله احسن بس الله يعين قلبه على هيك نسوان
نعمة : بس غريب امر خالتي ام جابر
ام نغم : الله اعلم وين بتكون
نغم : شو في
ام نغم : ام جابر ما اجت تشوف سعيد و نزلت سميرة بس ما ردت عليها
نعم : اكيد زعلانه من كلام زوجك اخ منك يا بابا
نعمة : معقول
ام نغم : مو عارفة
نغم : اكيد هالشي …. عمتي شو
نعمة : شو شو مالك
نغم : عمتتتتتي
نعمة : اي اي خلص افهمت
ام نغم : شو مالكم
نعمة: راح نطلع انا و نغم انجيب شوية اغراض
ام نغم : لأ دخيلك والله اخوكي بموتكم
نغم: امي ماعاد تفرق الموت ارحم مو بكفي يلي صار بخالتي ام جابر
ام نغم: يا بنتي الله يرضى عليكي بكفي مشاكل
نعمة :مرت اخي لا اتكبري الموضوع راح نطلع ربع ساعة ونرجع واخي مانو هون
ام نغم: متل مابدكم بس لا تتأخرو ويجيبو معاكم سكر لانو يمكن ينسى ابوكي يجيب معه

راحو تمشو شوي قبل ما يشترو ومرو ع السوبر ماركت جابو سكر واشترو اشياء زاكية
ورجعو ع البيت ولسى ما كان جاي أبو نغم واخيرا حسو انو زبط معاهم شي مشوار من دون نكد
بس يلي عايش مع هيك رجال لازم يلغي الفرح من حياته شوفو شو صار

ابو نغم يعطيك العافية ابو احمد
ابو احمد: اهلا وسهلا جاري
ابو نغم : اغلبك بدي سكر
ابو احمد: بس هلأ كانت المحروسة بنتك واختك هون واخدو سكر

طلع ابو نغم من عند ابو احمد ومو شايف قدامو ابدا
دخل ع البيت وفك الحزام من خصرو ونادى على نعمة و نغم
نعمة : اي اخي شو في
ابو نغم : تعالو معي ع الغرفة
دخلهم ع الغرفة وقفل الباب وبلش قتل فيهم واكثر شي نغم
نغم : كرمال الله اتركني بس احكيلي شو عملنا
نعمة: اخي ابوس ايدك تركها راح تموتها
ابو نغم : اي تكرمي راح اتركها بس راح تكوني بدالها
وصار يضربها ضرب مبرح
ابو نغم: عم تطلعو من البيت من دون اذني شو شايفيني رجل كرسي بالبيت
ام نغم عمدق ع الباب وتصرخ يتركهم
نغم : رحنا جبنا سكر و ارجعنا
ابو نغم :الله لا يخليني اذا راح اهنيكم بحياتكم والله لفرجيكم نجوم الضهر
نغم(بقوة):اي شو بدي يصير يعني اكثر من الهم يلي عايشينه احكيلك تعال ضربني
ابو نغم : نغمة جديدة هاي اشوف اديه راح تتحملي ضرب لعاد ورجع يضربها ونغم ساكتة ماطلع صوتها وهوي يضربها كمان وهيي ما عمتعمل اي ردة فعل ولا صوت ولاهمسة ولا حركة
نعمة: بترجاك اخي تركها شوف شو صرلها

ابو نغم وقف ضرب وعمطلع بنغم يلي قاعدة ومتكتفة بعد ما اتحملت كل هالضرب عمتتلقا بكل قوة
ابو نغم : شو يعني ما انوجعتي
نغم : لا وانا ما عاد يهمني الضرب فش خلقك عادي انت كل حلمك بدك ولد يحمل اسمك ويكون قوي وانا من هلق بدي كون قوية عن مية رجال صح ماني ولد بس بوعدك اكون احسن من الولد يلي بتحلم فيه كرمال ما اتحس حالك عاجز وانك ضعيف بالحياة و كرمال تعرف انو البنت مثلها مثل الولد وبعمرك ما راح تندم انو كل خلفتك بنات راح تندم بس على شغلة وحدة انك بيوم ضربتنا و قهرتنا لك حتى الست يلي بتعتبرك ابنها راح اتصير اتناديها ماما

مو يعني انك اب و انتي ام يعني لازم اتربي وبس
الولد هو سند أهله الحياة الأسرية حياة مشتركة

كلام نغم صحى ابوها من غيبوبة كانت بحياتة من اول بنت …. هيك ربي و هيك عاش الولد سند الأهل و البنت هي عار و هم ….
فكر ببناته و حياتهم بعمره ما وحده غلطت حتى لبسهم هما من قرار نفسهم اتحجبو ….
فكر كثير و كثير وبالاخير قرر يعطي حاله و عيلته فرصة

كيف ممكن تصير حياة أبو نغم ممكن تصير احسن ولا يلي فيه طبع ما بغيره
يتبع